2 Koranti 4:5 - Nyaa Shɔɔ Ɓɔɔ Laa a Ɓɛɛ

⁵ Ka ruu ɓɔɔ, ruu kɔɔ nɔɔ ruu ka yuu ɓuru kpang ɓɛɛ. Ruu kɔɔ nɔɔ ka yuu Yeesɔ Kirisi, nɛɛ wukɔ Kpanti, a ruu ɓuru kaa zang shonang manɛ ka ruu Yeesɔ.

2 Koranti 4:5 ပူးပေါင်းရင်းမြစ်များ

Matiyu 23:8

“Zang wu ɓàa nɔɔ manɛ nɛɛ ‘Maalang kpang.’ Ka ruu ɓɔɔ, Maalang manɛ ɓi gbete kɔ nwani ɓɛɛ. Nɔɔ manɛ kaa naa jaa nàá zɔɔ kɔ nandon.

Matiyu 3:11

“N pàlɛ́ nɔɔ batizima m nɛɛ mii, ka ruu yeti ɓɔɔ nɔɔ kɔ̃sɔ ɓɛɛ. Zang ɓɔɔ a ka knti mɛɛ, ɓá m bannang katɔ, n daa naa ɓɔɔ n tu koodoo ɓiɓɛ kpang. Wukɔ naa palɛ nɔɔ batizima nɛɛ Suru Laa nɛɛ waa.

Yɔhana 7:18

Zang ɓɔɔ rang yee ɓɔɔ yuu ɓiɓɛ, kã̀á ɓi yuu ɓiɓɛ bannang. Zang ɓɔɔ kã̀á zang ɓɔɔ shong wu bannang, ɓi zang ɓɔɔ palɛ vuu ɓɔɔ niizang ɓɛɛ. Nwáarɛ̀ zang ɓi kpang.

Zang Shonang Yeesɔ 10:36

Laa shòng zang Isirela nyaa nɛɛ ruu ɓiɓɛ. Zang kɔɔ ri Ruu Tɔ̃ɔ Laa ɓɔɔ shing ri, ri nwang ka nyaa zɔɔ ɓɛɛ nɛɛ bii Yeesɔ Kirisi ɓɔɔ wukɔ kpanti zang piti ɓɛɛ.

Zang Shonang Yeesɔ 2:36

“Ka ruu nɔngkɔ, zang Isirela, nɔɔ zi ta tɔ̃ɔ tɔ̃ɔ nɛɛ Yeesɔ ɓɔɔ nɔɔ ɓaa wu naa ka laa keɓe, Laa shing kaa wukɔ nwàng Kpanti, wukɔ ti Kirisi zang ɓɔɔ Laa tɔɔ, wu naa a ɓɛɛ.”

Zang Shonang Yeesɔ 5:31

Laa a wu bannang, a shing wu ka nakn ɓiɓɛ, nɛɛ wu nwang zang bang, á wu ti nwáng zang ɓɔɔ ta yuu zang ɓɛɛ. Tɔ̀ɔ, Isirela ri walɛ gbalang ɓɔɔ ri kɔ̃sɔ yeti ɓarɛ, zang wu yaa ri gbalang vuu shi kpang ɓarɛ kati.

1 Koranti 1:23

A ruu kɔ̀ɔrɔ́ zang ɓuru ruu Yeesɔ Kirisi, ɓɔɔ zang ɓaa wu naa ka laa ɓɛɛ. Ruu keɓe làsɛ́ rɛɛ zang Yahudi yeti katɔ, zang ɓɔɔ ri kɔɔ ɓarɛ nɛɛ ɓi ruu shoko.

1 Koranti 10:33

Naa ɓɔɔ n kãa m gbalang n shing zang ri tãa tĩnang ka vuu piti ɓɔɔ n palɛ ɓɛɛ. N shing jĩng m ka vuu ɓɔɔ yi nkɔ naa ka bii shɛ̃ɛning kpang. N shing jĩng m ka vuu ɓɔɔ, yi zang dɔɔli naa ka bii ɓɛɛ. Tɔ̀ɔ, n atɛ ri, Laa wu ta yuu ɓarɛ kati.

1 Koranti 12:3

Ka ruu nɔngkɔ, n kasɛ nɔɔ zi tɔ̃ɔ tɔ̃ɔ. Naa zang ɓɔɔ rang yee, nɛɛ naa vuu palɛnang ɓɔɔ Suru Laa a wu, zang kaɓa ràng yee shi kpang ka yuu Yeesɔ kpang. Zang ɓɔɔ ti zunung kɔɔnang katɔ nɛɛ, “Yeesɔ kɔ Kpanti ɓuru.” Kpang, naa Suru Laa kɔ a wu naa kɔɔnang kpang ɓɛɛ.

1 Koranti 15:47

Laa mãa Adamu ɓɔɔ tĩng shɔɔnang ɓi nɛɛ tapuru ɓɔɔ ka tipi ɓɛɛ. Adamu ɓɔɔ ɓang wu, a ɓi nɛɛ lapa.

1 Koranti 2:2

N kɔɔ ka yeti mɛɛ, n tɔɔ, wee n doo nɛɛ nɔɔ ɓee, n rɛ̃rɛ ruu Yeesɔ Kirisi kɔ shɛ̃ɛning. Naa ɓɔɔ zang ɓaa wu ka laa a vɔ ɓɛɛ.

1 Koranti 4:15

Naa zang ɓɔɔ ri tùsù nɔɔ vuu, ka yuu Yeesɔ Kirisi doo labang kopi, dáa manɛ ɓɔɔ yi nɔɔ ɓi gbete kɔ nwani. Ɓi nkɔ nwàng naa daa manɛ ka gbalang Yeesɔ Kirisi keɓe, ka ruu ɓɔɔ, nkɔ kɔɔ nɔɔ Ruu Tɔ̃ɔ Laa shɔɔnang ɓɛɛ.

1 Koranti 8:6

Ruu zi ɓuru tɔ, Laa ɓi gbete. Wukɔ Daa, wukɔ mãa vuu piti, wukɔ ti mãa ruu nɛɛ, tɔ̀ɔ, ruu a wu bannang. Kpanti ti gbete kɔ nwani, wukɔ Yeesɔ Kirisi. Laa mãa vuu piti nɛɛ bìí ɓiɓɛ kɔ. Rùu ti nwang ningkãari ka ruu ɓiɓɛ kɔ.

2 Koranti 1:19

Ka ruu ɓɔɔ, Yeesɔ Kirisi Jaa Laa, ɓɔɔ Siila nɛɛ Timoti, a ɓɔɔ nkɔ, ruu kɔɔ ruu ɓiɓɛ ka teteng manɛ ɓɛɛ, ɓi zang ɓɔɔ kasɛ nyaa nɛɛ “Nn” a ɓɔɔ nɛɛ “Kpang, kpang.” Yeesɔ kɔɔ ɓi ruu ɓɔɔ niizang kɔ diki diki, ta nyaa ziti ɓi jong kpang.

2 Koranti 1:24

Wu ka ruu ɓɔɔ ruu nɛɛ, rukɔ rúu tusu nɔɔ vuu ɓɔɔ nɔɔ shing danggn kagn ɓɛɛ kpang. Ruu zi tɔ, nɔɔ shii tɔ gbãng gbãng, ka danggn ɓɔɔ nɔɔ shing ɓɛɛ. Ruu palɛ shonang ɓuru nɛɛ nɔɔ, tɔ̀ɔ, nɔ́ɔ tãa tĩnang kati kɔ jong.

Galati 5:13

Ɓɔɔ manɛ ɓɛɛ, rɛɛ manzung, zang ɓaa nɔɔ nyaa nɛɛ nɔ́ɔ nwang zang ɓɔɔ ri jaafoo kpang ɓɛɛ. A nɔɔ yaayi nwannang manɛ keɓe, wu yàa nɔɔ gbalang vuu ɓɔɔ bii shɔnzang manɛ kasɛ ɓɛɛ palɛnang kpang. Zɔɔ kasɛnang wu shing nɔɔ katɔ kɔ jong, nɔ́ɔ pàlɛ́ zɔɔ shonang.

Filipi 1:15

Niizang, zang ɓɔɔ ri kagn, ri kɔɔ zang ruu ka yuu Yeesɔ Kirisi ka ruu ɓɔɔ ri kaa sũnyaa, a ri ti kasɛ nɛɛ ri shing zang, zang ri palɛ nyaa ɓɛɛ. A zang ɓɔɔ ri kɔɔ zang Ruu Laa ɓi ka ruu ɓɔɔ ri kasɛ nɛɛ ri pàlɛ́ zang tɔ̃ɔ ɓɛɛ.

Filipi 2:11

Zang ɓu ti kɔɔyi nɛɛ nyaa ɓiɓɛ, ka shoo zang piti, nɛɛ Yeesɔ Kirisi kɔ Kpanti ɓiɓɛ. Wu ti naa a Laa ɓɔɔ wukɔ Daa ɓuru bannang.

2 Timoti 2:10

Ka ruu nɔngkɔ, n mã danggn vuu piti ka ruu zang ɓɔɔ Laa shɛ̃ɛrɛ ri katɔ ɓɛɛ. Tɔ̀ɔ, Laa wu ta yuu ɓarɛ kaa jong. Yuu tanang ɓɔɔ a nɛɛ bii Yeesɔ Kirisi ɓɛɛ, ɓɔɔ ti atɛ suru bii ɓɔɔ waa nyaa kpang ɓɛɛ.

Titu 1:11

Zãa ri ruu shi kpang ɓɔɔ ri tusu zang ɓɛɛ katɔ. Ri kpantɛ danggn ɓɔɔ zang gaa gaa ri shing ɓɛɛ, nɛɛ vuu ɓɔɔ daa naa tusunang kpang ɓɛɛ. Ri palɛ vuu keɓe, ka ruu ɓɔɔ, ri shing jĩng ɓarɛ ka saka kãanang ɓɛɛ.

2 Bituru 2:3

Rɛɛ maalang ɓɔɔ tùsú zang vuu sèé kaɓa, ri shing jĩng ɓarɛ ka vuu zang, ka ruu nɔngkɔ, ri naa nwãarɛ nɔɔ nɛɛ sèé, tɔ̀ɔ, ri walɛ vuu kaa naa manɛ. Laa dɔng ri ruu ɓi tɔ dòo tɛ̃ɛ tɛ̃ɛ, kpalɛ bii tɔ nɛɛ wu dang ri jĩng. Diki ɓɔɔ wu naa ningsi ri dɔ̃ɔ gbete, a naabm tɔ.