2 Koranti 4:3 - Nyaa Shɔɔ Ɓɔɔ Laa a Ɓɛɛ

³ Naa zang ɓɔɔ kagn, rúu kɔ ruu kɔɔrɔ ɓee, kpãa ri nyaa zinang katɔ. Zang keɓe, ɓi zang ɓɔɔ ri shaarɛ katɔ ɓɛɛ kɔ shɛ̃ɛning.

2 Koranti 4:3 ပူးပေါင်းရင်းမြစ်များ

Matiyu 11:25

Ka laa kaɓa, Yeesɔ naa risi nyaa gàa Laa tɔɔ, “N zãa mɔɔ tɔ Dada, Kpanti Laa ɓɔɔ mãa lapa nɛɛ tipi ɓɛɛ. Ka ruu ɓɔɔ, mɔɔ wàasɛ̀ zang ɓɔɔ zũng katɔ nɛɛ zang ɓɔɔ ri zi labeenang dɔɔli vuu keɓe, a mɔɔ naa tusu zang ɓɔɔ ri zi vuu kpang kɔ jong ɓɛɛ.

Rooma 2:16

Ka diki keɓe, Laa naa jɛ̃ɛ zang ɓu ruu ka yuu vuu ɓɔɔ zang ɓu waasɛ katɔ ɓɛɛ. Jɛ̃ɛ ruu keɓe, nɛɛ bii Yeesɔ Kirisi naa ɓɔɔ n kɔɔ ka Ruu Laa kɔ n kɔ̀ɔrɔ̀ nɔɔ ɓee.

1 Koranti 1:18

Zang ɓɔɔ ri shàarɛ́ kana, ri kɔɔ ɓarɛ nɛɛ, vɔrɔ ɓɔɔ Kirisi vɔ ka yuu laa ɓi vuu shoko waati. Ɓɔɔ ɓuru, ɓɔɔ Laa ta yuu ɓuru kana, ruu zi ɓuru tɔ nɛɛ, naa vuu palɛnang Laa kagn ka vɔrɔ ɓɔɔ Yeesɔ vɔ ɓɛɛ.

1 Koranti 2:6

Ruu zi tɔ nɔngkɔ, a ruu kɔɔrɔ zang ɓɔɔ ri zũng danggn tɔ, ruu zũnang Laa doo nɛɛ mani. A zɔ̃̌ng zũnang kaɓa ɓi kaa tɔ̀ɔ́ ɓɔɔ koo jaa knti keɓe kpang. À ɓi ti nɛɛ bìí zang ɓɔɔ ri roo kpanti ka koo keɓe, ɓɔɔ ri shàarɛ́ ɓarɛ katɔ ɓɛɛ kpang.

2 Koranti 2:12

Ɓɔɔ n a ka Torowasa, n tɔɔ, n naa kɔɔrɔ zang Ruu Tɔ̃ɔ ka yuu Yeesɔ Kirisi. N zirɛ, Kpanti Laa puu m gbalang shonang tɔ ka nɔng.

2 Koranti 3:14

Niizang, yeti ɓarɛ kpãa nyaa vuu zinang katɔ. Vuu ɓɔɔ yirɛ, a nɛɛ mani lɛɛkɔ, zang zùu yeti ɓarɛ doo nɛɛ sɛ̃ɛ fɔ̃ɔrɔ ɓɔɔ Musa zúu yuu ɓiɓɛ nɛɛ mani ɓɛɛ. Ri nɛɛ gã labeenang ɓɔɔ nyaa dannang ɓɔɔ gbaala kagn, ri zi vuu ɓɔɔ kagn ɓɛɛ kpang. Zang nɛɛ raa zang ɓɔɔ dũng kaa Laa tɔ, tɔ̀ɔ, Kirisi wu puu zang sɛ̃ɛ fɔ̃ɔrɔ ɓɔɔ zuu zang jĩng kaɓa kati.

2 Koranti 4:4

Ri shing danggn kpang ka ruu ɓɔɔ Sheetang ɓɔɔ wukɔ kpanti koo keɓe, zãa yeti ɓarɛ vuu zinang katɔ ɓɛɛ. Zãa ri zinang nɔng ɓɔɔ yakɛ ka bii ɓarɛ katɔ. Nɔng yakɛnang ɓɔɔ a nɛɛ Ruu Tɔ̃ɔ ɓɔɔ ka yuu bannang Yeesɔ Kirisi, ɓɔɔ wu doo Laa kɔ gbãng gbãng ɓɛɛ.

1 Tesalonika 1:5

Ruu Tɔ̃ɔ ɓɔɔ ka yuu Yeesɔ Kirisi ɓɔɔ ruu kɔɔ nɔɔ ɓɛɛ, ruu kɔɔ wu nɛɛ nyaa waati kpang. Laa a ruu naa vuu palɛnang ɓiɓɛ tɔ nɛɛ Suru ɓiɓɛ, a ruu ti shing danggn tɔ gbãng gbãng ka yuu Ruu Tɔ̃ɔ ɓɔɔ ka yuu Yeesɔ Kirisi ɓɔɔ ruu kɔ̀ɔ nɔɔ ɓɛɛ. Nɔɔ zi zɔ̃ng nwannang ɓɔɔ ruu nwangnɛ, ɓɔɔ bɛ̀ɛ́ ruu doo nɛɛ nɔɔ ɓɛ̀ɛ́ tɔ. Ruu palɛ vuu keɓe nandon ruu tɔɔ ruu yi nɔɔ naa ka bii.

1 Timoti 1:11

Vuu ɓɔɔ niizang keɓe, ɓi ka Ruu Tɔ̃ɔ Laa, ɓɔɔ Laa ɓɔɔ daa naa ɓɔɔ zang piti dɔɔ wu katɔ, a m nɛɛ n kɔɔ zang ɓɛɛ.