2 Koranti 4:16 - Nyaa Shɔɔ Ɓɔɔ Laa a Ɓɛɛ

¹⁶ Ka ruu nɔngkɔ, ruu yaa gn naa kpang. Naa wee bii biling ɓuru pũng katɔ ɓee, bii suru ɓuru ri ɓi shɔɔ diki diki.

2 Koranti 4:16 ပူးပေါင်းရင်းမြစ်များ

Luka 11:3

A ruu vuu shaanang ɓɔɔ ruu shaa ɓɛɛ jɔng diki diki.

Rooma 12:2

Nɔ́ɔ yi tĩng nɛɛ vuu ɓɔɔ zang koo keɓe kasɛ palɛnang ɓɛɛ kpang. Nɔɔ yaa Laa wu kɔ̃sɔ nɔɔ yeti manɛ, wu a nɔɔ rɛ̃rɛnang ɓɔɔ shɔɔ. Tɔ̀ɔ, nɔ́ɔ zi vuu ɓɔɔ Laa kasɛ ɓɛɛ kati. Vuu ɓɔɔ tɔ̃ɔ, a ti shing wu tãa tĩnang, nɛɛ vuu ɓɔɔ daa naa katɔ ɓɛɛ.

Rooma 7:22

Ka yeti mɛɛ, n tãa tĩnang nyaa ɓɔɔ Laa dang ɓɛɛ katɔ.

1 Koranti 15:58

Ka ruu nɔngkɔ, manzung, ɓɔɔ n kasɛ nɔɔ katɔ ɓɛɛ, n kɔɔ nɔɔ, nɔɔ shii nɛɛ kaka, vuu ɓɔɔ wu shing nɔɔ nɔ́ɔ kɔ̃sɔ yeti manɛ kpang. Nɔɔ palɛ shonang Kpanti ɓuru Yeesɔ Kirisi nɛɛ yeti manɛ nandon, ka ruu ɓɔɔ, nɔɔ zi tɔ nɛɛ shonang ɓɔɔ nɔɔ pàlɛ́ Kpanti Kirisi naa nwǎng nɔɔ vuu tɔ̃ɔ katɔ ɓɛɛ.

2 Koranti 12:15

N tãa tĩnang katɔ, n ningsi vuu ɓɔɔ ka naa mɛɛ, nɛɛ yuu mɛɛ piti, ka ruu manɛ, tɔ̀ɔ, n yi nɔɔ naa ka bii. Nɔɔ kàsɛ́ m tɔkɔlɔng, ka ruu ɓɔɔ, n kasɛ nɔɔ dɔɔli ɓɛɛ ya?

2 Koranti 4:1

Gn ɓuru kɔng Laa, a á ruu shonang keɓe nɛɛ ruu palɛ. Ka ruu nɔngkɔ, ruu yaa gn naa kpang.

Afisa 3:16

N gàá Laa ka ruu tɔ̃ɔ ɓiɓɛ ɓɔɔ bang dɔɔli ɓɛɛ, wu a nɔɔ naa vuu palɛnang nɛɛ bii Suru ɓiɓɛ, tɔ̀ɔ, nɔɔ walɛ kaka kaa yeti bii manɛ.

Afisa 4:23

Suru Laa wu risi yeti manɛ nɛɛ rɛ̃rɛnang manɛ wu nwang shɔɔ dɔ̃ɔ gbete.

Kolosi 3:10

Nɔ̀ɔ hãa bii shɔɔ tɔ, ɓɔɔ Laa risi shɔɔ diki diki ka doo nwannang ɓiɓɛ ɓɛɛ. Tɔ̀ɔ, wu shíng nɔɔ, nɔ́ɔ zi wu kaa dɔ̃ɔ gbete.

Titu 3:5

Ta yuu ɓuru kati. Wu ka ruu vuu tɔ̃ɔ ɓɔɔ kagn ɓɔɔ ruu nɛɛ yuu ɓuru ruu palɛ ɓɛɛ kpang. Tà yuu ɓuru, ɓi ka ruu gn ɓuru ɓɔɔ kɔ̀ng wu ɓɛɛ. Tà yuu ɓuru ka bii ɓɔɔ Suru Laa sɔɔ ruu ɓɛɛ. Bii sɔɔnang ɓɔɔ risi ruu naa zang yi ruu kaa shɔɔ, a á ruu suru bii shɔɔ ɓɛɛ.

1 Bituru 3:4

Shinang manɛ wu tusu bii ka nwannang tɔ̃ɔ manɛ kɔ jong. Nwang kikiri mɔɔ tuu yuu ɓaaɓɛ kpang, zɔ̃ng shinang keɓe kɔ lasɛ ɓi kpang, ti nwǎng mɔɔ vuu tɔ̃ɔ katɔ ka tĩng Laa.

1 Bituru 4:14

Naa zang ri dãa nɔɔ, ka ruu ɓɔɔ nɔɔ dũng Kirisi, nɔ́ɔ tãa manɛ tĩnang. Nɔɔ nɛɛ dǎng jĩng nɔngkɔ, Suru Laa ɓɔɔ ɓa zang piti bannang katɔ, naa nwang nɛɛ nɔɔ ning.