2 Koranti 4:12 - Nyaa Shɔɔ Ɓɔɔ Laa a Ɓɛɛ

¹² Nwàng ɓi kaa naa ɓɔɔ ruu màlɛ̀ yuu ɓuru tɔ ka naa vɔrɔ, ka ruu nɔngkɔ, nɔɔ wàlɛ̀ suru bii tɔ ɓɛɛ.

2 Koranti 4:12 ပူးပေါင်းရင်းမြစ်များ

Zang Shonang Yeesɔ 20:24

N ti tɔɔ m kpang nɛɛ suru bii mɛɛ daa naa vuu ɓɔɔ tɔ kpang. Ǹ kasɛ n palɛ vuu ɓɔɔ zang shong m ɓɛɛ, n ti hangsɛ shonang ɓɔɔ Kpanti Yeesɔ a m nɛɛ n palɛ ɓɛɛ. Shonang ɓɔɔ nɛɛ n kɔɔrɔ zang rúu, ka yuu tɔ̃ɔ ɓɔɔ Laa pàlɛ́ zang ɓɛɛ.

1 Koranti 4:10

Ruu nwang kaa naa zang shoko, ka ruu Yeesɔ Kirisi. Nɔɔ tuu yuu manɛ naa zang ɓɔɔ ri zũng katɔ ɓɔɔ ri ɓakɛ yuu kaa nɛɛ Yeesɔ Kirisi ɓɛɛ. Rùu lakɛ naa ɓuru bii kpang. Kaka ɓi kagn bii manɛ. Zang seng nɔɔ manɛ katɔ, ruu ɓuru zang ɓɔɔ zang palɛ ri vuu yusɛ̃ɛ ɓɛɛ.

2 Koranti 12:15

N tãa tĩnang katɔ, n ningsi vuu ɓɔɔ ka naa mɛɛ, nɛɛ yuu mɛɛ piti, ka ruu manɛ, tɔ̀ɔ, n yi nɔɔ naa ka bii. Nɔɔ kàsɛ́ m tɔkɔlɔng, ka ruu ɓɔɔ, n kasɛ nɔɔ dɔɔli ɓɛɛ ya?

2 Koranti 13:9

Ruu tãa ɓuru tĩnang, ruu nɛɛ lakɛ naa ka bii kpang, a kaka manɛ ɓi kagn ɓɛɛ. Ruu gaa ɓuru Laa, nɔ́ɔ nwang nyaa kiiri, ka vuu piti.

2 Koranti 4:11

Ka nwannang ɓuru nandon, ruu mãlɛ́ yuu ɓuru ka naa vɔrɔ ka ruu Yeesɔ, tɔ̀ɔ, zang zi kati ka bii ɓuru ɓɔɔ vɔ katɔ keɓe, nɛɛ Yeesɔ ɓi doo ningkãari.

2 Koranti 4:13

Wee Suru ɓɔɔ shing zang, zang shing danggn a zang bee vuu keɓe nɛɛ, “N shing danggn tɔ, ka ruu nɔngkɔ, n rang yee.” Wukɔ ti kagn yeti ɓuru. Ka ruu nɔngkɔ, ruu rang yee jong.

Filipi 2:17

Danggn ɓɔɔ nɔɔ shing ka bii Yeesɔ Kirisi nwang naa vuu ɓɔɔ nɔɔ dɔɔ Laa ɓɛɛ. Naa zang tɛ̃ɛ zĩi mɛɛ doo ka yuu vuu kɔ nɔɔ dɔɔ Laa ɓee, n tãa m tĩnang nɛɛ nɔɔ.

Filipi 2:30

Ka ruu ɓɔɔ, yaa tɔkɔlɔng nɛɛ vɔrɛ ka nɔng ɓɔɔ wu palɛ Yeesɔ Kirisi shonang ɓɛɛ. Mãlɛ́ yuu ɓiɓɛ nɛɛ tɔ̀ɔ, wu hangsɛ shonang ɓɔɔ nɔɔ nɛɛ pàlɛ̀ m ɓɛɛ.

1 Yɔhana 3:16

Yeesɔ Kirisi tusu ruu, rúu zang kasɛnang ka ɓɔɔ wu mãlɛ́ bii ɓiɓɛ ka ruu ɓuru ɓɛɛ. Ka ruu nɔngkɔ, ruu mãlɛ́ bii ɓuru ta jong ka ruu manzung ɓuru.