2 Koranti 3:7 - Nyaa Shɔɔ Ɓɔɔ Laa a Ɓɛɛ

⁷ Zang bee nyaa dannang kaɓa ɓi ka tari, a bannang Laa tusu bii katɔ ka diki ɓɔɔ wu a zang nyaa dannang kaɓa ɓɛɛ. Waa nyaating Musa yakɛ ka ruu bannang keɓe. Naa dòo wee yakɛnang waa nyaating Musa shaarɛ katɔ ɓee, yakɛnang bìí kɔlɔ dɔɔli, daa ɓɔɔ zang Isirela ri shing jĩng ka waa nyaating Musa kpang.

2 Koranti 3:7 ပူးပေါင်းရင်းမြစ်များ

Zang Shonang Yeesɔ 6:15

Zang ɓɔɔ ri nwalɛ ri jɛ̃ɛ zang ruu ɓɛɛ, ri shu jĩng ka waa nyaating Istifanu, ri zirɛ waa nyaating ɓiɓɛ nwáng naa waa nyaating zang nyaa shonang Laa ɓɔɔ ka lapa ɓɛɛ.

Rooma 10:4

Ka ruu ɓɔɔ, Kirisi shing tɔ naa vuu palɛnang nyaa dannang Laa di nyaa tɔ ɓɛɛ. Zang ɓɔɔ nɛɛ shing danggn ka bii Laa, Laa risi wu kaa tɔ wu nwang zang tɔ̃ɔ ka tĩng ɓiɓɛ.

Rooma 4:15

Ka ruu ɓɔɔ, naa zang ɓɔɔ ta nyaa Laa, Laa dang zang jĩng katɔ ɓɛɛ. A nɔng ɓɔɔ nyaa dannang kagn kpang, zang tɔɔ kpang nɛɛ zang ta nyaa ɓɔɔ zang dangnɛ tɔ kpang.

Rooma 5:20

Laa átɛ̀ nyaa dannang ɓiɓɛ nɛɛ tɔɔ, vuu shi kpang palɛnang wu shangnɛ. A ka nɔng ɓɔɔ vuu shi kpang shang dɔɔli, Laa palɛ tɔ̃ɔ ka nɔngkɔ gbãng gbãng.

Rooma 7:10

N nwang kaa naa zang ɓɔɔ vɔ katɔ ɓɛɛ. Nyaa dannang ɓɔɔ zang nɛɛ wu a zang suru, nyɔ m kaa vɔrɔ kɔ jong.

Rooma 7:22

Ka yeti mɛɛ, n tãa tĩnang nyaa ɓɔɔ Laa dang ɓɛɛ katɔ.

Rooma 7:5

Ka ɓɔɔ bɛ̀ɛ́ ruu nwàng doo nwannang naa shɔnzang waati ɓɛɛ, bii ɓuru ɓɔɔ kasɛ vuu shi kpang palɛnang, sèé paa kaa gbãng gbãng, ka ruu ɓɔɔ, nyaa dannang Laa shing wu ɓɛɛ. Vuu piti ɓɔɔ ruu palɛ nwang ruu ɓuru vɔrɔ kɔ shɛ̃ɛning.

1 Koranti 13:10

Ka diki ɓɔɔ Laa naa shing vuu piti, wu nwang nyaa kiiri, ka diki kaɓa kɔ, vuu ɓɔɔ wu nyaa kiiri kpang keɓe, ri waa nyaa kati.

2 Koranti 3:3

Nɔɔ tusu tɔ nɛɛ, nɔkɔ labeenang keɓe ɓɔɔ Yeesɔ Kirisi nɛɛ yuu ɓiɓɛ beeyi ɓɛɛ, a shong nyaa kaa nɛɛ mani nɛɛ bii ɓuru. Bee labeenang keɓe nɛɛ mii vuu ɓɔɔ zang bee laa nɛɛ mani ɓɛɛ kpang. Bee ɓi nɛɛ Suru Laa ɓɔɔ ningkãari ɓɛɛ. Bee wu ka rɛɛ tari pɛkɛtɛ ɓɔɔ zang bee vuu kagn ɓɛɛ kpang. Beere ɓi ka yeti shɔnzang.

2 Koranti 3:6

Wukɔ a ruu kaka, ruu palɛ wu shonang naa ɓɔɔ nyaa dannang shɔɔ kɔɔ ɓɛɛ. Wu nyaa dannang shɔɔ ɓɔɔ zang bee katɔ ɓɛɛ kpang, ɓi ɓɔɔ Suru Laa. Nyaa dannang ɓɔɔ zang bee katɔ, nyɔ zang ɓi vɔrɔ, a Suru Laa a zang ɓi suru bii.

2 Koranti 3:8

Bannang Laa nɛɛ tusu bii, ka ɓɔɔ Laa a zang nyaa dannang ɓɔɔ nyɔ zang vɔrɔ katɔ ɓɛɛ naa weɓe. A bannang ɓɔɔ tusu bii ka ɓɔɔ zang nwangsɛ nyaa dannang shɔɔ keɓe, ɓa ɓɔɔ tĩng shɔɔnang kaɓa bannang katɔ kpang ya?

Galati 3:10

Zang ɓɔɔ ri shing gn ɓarɛ nɛɛ naa ri dũng nyaa dannang, ri nwang zang tɔ̃ɔ katɔ ka tĩng Laa, Laa naa dɔng ri ruu ditɔ. Ka ruu ɓɔɔ, zang bee ka labeenang Laa nɛɛ, “Zang piti ɓɔɔ nɛɛ dũng vuu piti ɓɔɔ zang bee ka yeti labeenang nyaa dannang Laa diki diki kpang, Laa dɔng wu ruu tɔ.”

Galati 3:21

Wee nwang ɓu kaa naa nyaa ɓɔɔ Laa dangnɛ daa gbete nɛɛ, nyaa ɓɔɔ wu a ɓɛɛ kpang ya? Wu nɔngkɔ kpang tingkiring. Naa nyaa ɓɔɔ zang nɛɛ dang kagn ɓɔɔ a zang suru bii ɓɔɔ waa nyaa kpang, shɔnzang nɛɛ raa zang tɔ̃ɔ katɔ ka tĩng Laa nɛɛ bii nyaa dannang keɓe.

Yahudi 12:18

Nɔɔ à, wu ka kɔpɔ ɓɔɔ zang lee nɛɛ naa kpang ɓɛɛ kpang, naa ɓɔɔ zang Isirela á ɓɛɛ kpang. Nɔɔ ti a, wu ka nyɛlɛ waa ɓɔɔ shaa nabm ɓɛɛ kpang, wu ka nɔng ɓɔɔ tɔ̀ɔ katɔ kɔngkɔng ɓɛɛ kpang, a wu ti ka nɔng jasung mii ɓɔɔ rãa ɓɛɛ kpang.

Yahudi 3:3

A zang zirɛ, Yeesɔ dàa ɓɔɔ zang a wu bannang ɓa ɓɔɔ Musa katɔ, tɔ. Naa ɓɔɔ, bannang ɓɔɔ zang a zang ɓɔɔ mãa gãa ɓa ɓɔɔ gãa ɓɔɔ wu mãayi katɔ ɓɛɛ.

Yahudi 9:4

Ka nihn, zang shing vuu ɓɔɔ zang palɛ nɛɛ zinariya, zang dɔ̀ɔ́ Laa vuu ɓɔɔ á sɛ̃ɛ tɔ̃ɔ ka yuu ɓiɓɛ, nɛɛ akpaati ɓɔɔ zang shing nyaa ɓɔɔ Laa mã ɓɛɛ. Zang zuu bii akpaati keɓe dɔ̃ɔ gbete nɛɛ zinariya. Ka yeti ɓiɓɛ, zang shing ɓari ɓɔɔ zang palɛ nɛɛ zinariya, a zang tɛ̃ɛ vuu shaanang ɓɔɔ zang ɓaa nɛɛ Maanaa ka yeti ɓiɓɛ. A zang shing ɓɔɔ laa naa yitinang Haruna ɓɔɔ lusu katɔ ɓɛɛ, a rɛɛ tari pɛkɛtɛ ɓɔɔ Laa béeré nyaa ɓɔɔ wu dang ɓɛɛ kagn.