2 Koranti 3:5 - Nyaa Shɔɔ Ɓɔɔ Laa a Ɓɛɛ

⁵ Vuu ɓɔɔ kagn ka bii ɓuru, ɓɔɔ shingnɛ ruu kɔɔyi nɛɛ, ruu zunung shonang keɓe palɛnang katɔ kpang. Kaka ɓuru a ɓi nɛɛ bii Laa.

2 Koranti 3:5 ပူးပေါင်းရင်းမြစ်များ

Luka 21:15

ka ruu ɓɔɔ, n a nɔɔ yee nɛɛ zũnang naa ɓɔɔ zang ɓɔɔ ri kasɛ ruu manɛ kpang, ri zunung naa ɓɔɔ ri laa nyaa nɛɛ nɔɔ kpang ɓɛɛ.

Luka 24:49

N shong nɔɔ nyaa, vuu ɓɔɔ Daa mɛɛ kɔɔyi nɛɛ wu a nɔɔ ɓɛɛ. Nɔ́ɔ nwang ka gari Urushalima ka gbongkarɛ, Suru Laa wu a ka yuu manɛ.”

Yɔhana 15:5

“Nkɔ laa inabi, nɔɔ manɛ kaa nasãng. Zang ɓɔɔ nɛɛ nwáng nɛɛ n, n nɛɛ ti nwang nɛɛ wu, wukɔ ra jaa dɔɔli. Ka ruu ɓɔɔ, n nɛɛ kpang, nɔɔ zunung vuu ɓɔɔ palɛnang kpang ɓɛɛ.

Rooma 15:18

N rang yee, n waasɛ vuu ɓɔɔ kpang ka yuu vuu ɓɔɔ Kirisi shing m n palɛ ɓɛɛ. Ka ɓɔɔ n shing zang ɓɔɔ ri zang Yahudi kpang, ri ɓaa shoo kaa tɔ ka nyaa Laa ɓɛɛ. N shing ri nɛɛ rúu ɓɔɔ n kɔɔ ri, nɛɛ vuu ɓɔɔ n palɛ ɓɛɛ.

1 Koranti 15:10

A gn mɛɛ naa kɔng Laa. Ka ruu tɔ̃ɔ ɓɔɔ wu palɛ zang, palɛ m tɔ̃ɔ, a shing m n raa zang ɓɔɔ nɔɔ zi m kãntang keɓe. Tɔ̃ɔ ɓɔɔ wu palɛ m, wu waati kpang. Nwáng vuu tɔ̃ɔ tɔ, ka ruu ɓɔɔ, n palɛ shonang nɛɛ kaka mɛɛ, n ɓa zang shonang ɓɔɔ nimbang nandon ɓɛɛ. N palɛ vuu keɓe wu nɛɛ yuu mɛɛ kpang, ɓi tɔ̃ɔ ɓiɓɛ ɓɔɔ ka bii mɛɛ palɛ.

1 Koranti 3:10

Laa pàlɛ̀ m tɔ̃ɔ ka tĩng, yáa m nɛɛ nkɔ n gaayu shonang kaɓa. N loo doo gãa kaɓa waasɛ̃, naa zang ɓɔɔ zunung gãa mãanang katɔ ɓɛɛ. N loo doo gãa tɔ a zang ɓɔɔ mãa ɓi ka gãa. Zang ɓu wu palɛ waasɛ̃ naa ɓɔɔ wu mãa gãa bìí ɓɛɛ.

1 Koranti 3:6

Rùu ɓuru naa zang ɓɔɔ ri lang jaa ɓɛɛ. Nkɔ ɓaa jĩng vuu, a Apolo ɓaarɛ mii kagn. Ɓi Laa kɔ ka bm gbete shingnɛ jĩng vuu tarɛ, a bangnɛ.

2 Koranti 12:9

A kasɛ m nyaa tɔɔ, “Tɔ̃ɔ ɓɔɔ n pàlɛ́ mɔɔ wukɔ yi mɔɔ naa ka bii, ka ruu ɓɔɔ, naa vuu palɛnang mɛɛ palɛ shonang gbãng gbãng ka ɓɔɔ mɔɔ lakɛ naa ka bii ka vuu Suru Laa kpang ɓɛɛ.” N tãa kaa tĩnang gbãng gbãng, n tuu yuu mɛɛ ka yuu naa ɓɔɔ n lakɛ náa ka bii ka vuu Suru Laa kpang ɓɛɛ, tɔ̀ɔ, n tãa naa vuu palɛnang Yeesɔ Kirisi ɓɔɔ yiti m ɓɛɛ kati.

2 Koranti 2:16

Ka nɔng zang ɓɔɔ ri shàarɛ́ katɔ, ɓi vuu ɓɔɔ a sɛ̃ɛ ɓɔɔ nyɔ zang vɔrɔ ɓɛɛ. Ka nɔng zang ɓɔɔ Laa ta yuu ɓarɛ kana, ɓi vuu ɓɔɔ a zang suru bii ɓɛɛ. Ɓu wi zunung shonang keɓe palɛnang wiya?

2 Koranti 4:7

Ka ruu ɓɔɔ, a ruu vuu ɓɔɔ bang keɓe, rùu ɓɔɔ ruu nwang ɓuru naa ɓari tapɔng. Tɔ̀ɔ, zang zi kati nɛɛ naa vuu palɛnang bang keɓe, ɓi ɓɔɔ Laa, wu ɓɔɔ ɓuru kpang.

Filipi 2:13

Ka ruu ɓɔɔ, Laa kɔ shing mɔɔ, nɛɛ mɔɔ kasɛ vuu ɓɔɔ wu kasɛ palɛnang ɓɛɛ. Wukɔ ti shingnɛ, mɔɔ zunung ɓarɛ palɛnang.

Filipi 4:13

N zunung ɓɔɔ n palɛ rɛɛ vuu keɓe katɔ piti, nɛɛ naa vuu palɛnang ɓɔɔ Yeesɔ a m ɓɛɛ.

2 Timoti 2:2

Túsú vuu ɓɔɔ mɔɔ tãayi, n túsú ka jĩng zang dɔɔli ɓɛɛ, mɔɔ tusu zang ɓɔɔ mɔɔ shing ri gn katɔ ka bii ɓɛɛ. Zang ɓɔɔ ri zunung ɓɔɔ ri tusu zang ɓɔɔ kaa jong ɓɛɛ.

Yakubu 1:17

Vuu ɓɔɔ tɔ̃ɔ ɓɔɔ ti gbarɛ katɔ, ɓɔɔ zang a zang piti, a ɓi nɛɛ bii Laa. Vuu keɓe ri a ɓarɛ nɛɛ bii Laa ɓɔɔ wukɔ mãa vuu ɓɔɔ ri yakɛ nɔng ɓɔɔ ri ka lapa ɓɛɛ. Laa ɓɔɔ kɔ̃sɔ bii ɓi jong kpang, ràa ruu yuu knti, wu yaa ruu ka nɔng tɔɔnang kpang.