2 Koranti 3:18 - Nyaa Shɔɔ Ɓɔɔ Laa a Ɓɛɛ

¹⁸ Ɓɔɔ ruu dũng Laa nɔngkɔ, sɛ̃ɛ fɔ̃ɔrɔ keɓe zùu jĩng ɓuru kpang, ruu zi bannang Kpanti Laa katɔ. Bannang keɓe, ɓɔɔ a nɛɛ bii Kpanti Laa ɓɔɔ ɓi suru ɓɛɛ, rìsí ruu kana, tɔ̀ɔ, ruu nwang naa wukɔ. Ti gìsí ruu bannang ɓɔɔ naa ɓɔɔ ɓiɓɛ gbãng gbãng ɓɛɛ kana, ka yuu zɔɔ, yuu zɔɔ.

2 Koranti 3:18 ပူးပေါင်းရင်းမြစ်များ

Yɔhana 1:14

A Ruu keɓe naa túu bii shɔnzang, a nwang kaa nɛɛ ruu nɔng gbete. Atɛ ruu tĩnang tãanang dɔɔli nɛɛ ruu ɓɔɔ niizang ɓɛɛ. A ruu ti zi bannang ɓɔɔ Laa a wu, nɛɛ jĩng ɓuru, ɓi bannang ɓɔɔ Daa a jaa gbete ɓiɓɛ ɓɛɛ.

Yɔhana 12:41

Ishaya kɔɔ vuu keɓe, ka ruu ɓɔɔ, zi bannang Yeesɔ ɓɛɛ, a rang ruu ka yuu ɓiɓɛ.

Yɔhana 17:22

N a ri dòo bannang ɓɔɔ mɔɔ a m ɓɛɛ kɔ, tɔ̀ɔ, ri nwáng kaa gbete naa ɓɔɔ rùu ɓuru nɛɛ mɔɔ gbete ɓɛɛ.

Yɔhana 17:24

“Daa mɛɛ, n kasɛ nɛɛ zang kɔ mɔɔ a m ri ɓee, ri nwang nɛɛ n ka nɔng ɓɔɔ n naa nwáng ɓɛɛ. Tɔ̀ɔ, ri zi bannang ɓɔɔ mɔɔ a m doo tɛ̃ɛ tɛ̃ɛ bɛ̀ɛ́ zang mãa koo gn kpang ɓɛɛ. Mɔɔ a m bannang keɓe, ka ruu ɓɔɔ, mɔɔ kasɛ m katɔ ɓɛɛ.

Rooma 12:2

Nɔ́ɔ yi tĩng nɛɛ vuu ɓɔɔ zang koo keɓe kasɛ palɛnang ɓɛɛ kpang. Nɔɔ yaa Laa wu kɔ̃sɔ nɔɔ yeti manɛ, wu a nɔɔ rɛ̃rɛnang ɓɔɔ shɔɔ. Tɔ̀ɔ, nɔ́ɔ zi vuu ɓɔɔ Laa kasɛ ɓɛɛ kati. Vuu ɓɔɔ tɔ̃ɔ, a ti shing wu tãa tĩnang, nɛɛ vuu ɓɔɔ daa naa katɔ ɓɛɛ.

Rooma 13:14

Nɔɔ yaa Kpanti Yeesɔ Kirisi wu ta rɛ̃rɛnang manɛ. Nɔ́ɔ ràa shoo tɔ̀ɔ́ vuu ɓɔɔ bii manɛ ɓɔɔ palɛ vuu shi kpang kasɛ ɓɛɛ kpang.

Rooma 8:29

Zang ɓɔɔ Laa shɛ̃ɛrɛ ri ɓarɛ tɔ, kusu ri ɓarɛ dang gbete nɛɛ ri nwang naa Jaa ɓiɓɛ. Tɔ̀ɔ, Jaa ɓiɓɛ kɔ wu nwang kaa jamari rɛɛ ɓeezung ɓɔɔ ri dɔɔli ɓɛɛ.

Rooma 8:4

Laa pálɛ́ vuu keɓe nɛɛ tɔɔ, ruu nwang naa ɓɔɔ Suru Laa kasɛ ɓɛɛ, wu naa ɓɔɔ bii shɔnzang kasɛ kpang. Ruu palɛ vuu tɔ̃ɔ ɓɔɔ nyaa dannang Laa kasɛ nɛɛ zang wu palɛ, ruu palɛ kaa nyaa kiiri.

Rooma 8:7

Ka ruu ɓɔɔ, naa zang shing rɛ̃rɛnang zang, ka yuu vuu ɓɔɔ bii zang kasɛ ɓɛɛ kɔ shɛ̃ɛning, zang risi yuu zang kaa naa zang ɓɔɔ shing jĩng nɛɛ Laa kpang ɓɛɛ. Ka ruu ɓɔɔ, dũ̀ng nyaa ɓɔɔ Laa dangnɛ ɓi kpang ɓɛɛ. Niizang, zunung dũnnang ɓi kpang tingkiring.

1 Koranti 13:12

Vuu ɓɔɔ ruu zili kãntang keɓe, ruu zirɛ mɔɔ kɔɔ nɛɛ ruu pɛ̃ɛrɛ ka vĩilaa ɓɔɔ wu kalang kalang kpang ɓɛɛ. Diki a ditɔ ɓɔɔ ruu zi ri tɔ̃ɔ tɔ̃ɔ nɛɛ jĩng ɓɛɛ. Vuu ɓɔɔ n zi kãntang keɓe, wu gň nyaa kiiri kpang. Ka diki kaɓa, n naa zi kaa nyaa kiiri naa ɓɔɔ Laa zì m tɔ nandon ɓɛɛ.

1 Koranti 15:49

Ɓɔɔ kãntang keɓe, ruu nwàng naa zang ɓɔɔ Laa mãa wu nɛɛ tapuru ɓɛɛ. Lee ɓɔɔ ruu naa nwáng ditɔ naa zang ɓɔɔ a nɛɛ lapa ɓɛɛ.

2 Koranti 3:17

Kpanti Laa keɓe, ɓi wukɔ Suru. Zang ɓɔɔ Suru Kpanti Laa nɛɛ kagn bii ɓiɓɛ, zang keɓe wɔ ɓi tɔ.

2 Koranti 4:4

Ri shing danggn kpang ka ruu ɓɔɔ Sheetang ɓɔɔ wukɔ kpanti koo keɓe, zãa yeti ɓarɛ vuu zinang katɔ ɓɛɛ. Zãa ri zinang nɔng ɓɔɔ yakɛ ka bii ɓarɛ katɔ. Nɔng yakɛnang ɓɔɔ a nɛɛ Ruu Tɔ̃ɔ ɓɔɔ ka yuu bannang Yeesɔ Kirisi, ɓɔɔ wu doo Laa kɔ gbãng gbãng ɓɛɛ.

2 Koranti 4:6

Laa ɓɔɔ kɔɔyi nɛɛ, “Nɔng yakɛ ta ka nɔng ɓɔɔ tɔ̀ɔ katɔ ɓɛɛ,” ɓi doo wukɔ shing nɔng yakɛnang ɓiɓɛ, yakɛ yeti ɓuru. A shingnɛ ruu zi bannang Laa ka waa nyaating Yeesɔ Kirisi.

2 Koranti 5:17

Ka ruu nɔngkɔ, zang ɓɔɔ nɛɛ ɓakɛ yuu ɓiɓɛ tɔ nɛɛ Yeesɔ Kirisi, ɓi kaa zang shɔɔ. Gbalang nwannang gbaala ɓiɓɛ ɓa ɓi tɔ. Nwannang ka gbalang shɔɔ gaayu tɔ.

Galati 6:15

Naa zang yee shaa katɔ, naa zang yee shaa doo kpang, ɓi vuu keɓe kɔ kpãa m kpang. Vuu ɓɔɔ ɓa weɓe, ɓi naa ɓɔɔ Laa kɔ̃sɔ ruu tɔ, ruu nwang zang shɔɔ tɔ ɓɛɛ.

Kolosi 3:10

Nɔ̀ɔ hãa bii shɔɔ tɔ, ɓɔɔ Laa risi shɔɔ diki diki ka doo nwannang ɓiɓɛ ɓɛɛ. Tɔ̀ɔ, wu shíng nɔɔ, nɔ́ɔ zi wu kaa dɔ̃ɔ gbete.

1 Timoti 1:11

Vuu ɓɔɔ niizang keɓe, ɓi ka Ruu Tɔ̃ɔ Laa, ɓɔɔ Laa ɓɔɔ daa naa ɓɔɔ zang piti dɔɔ wu katɔ, a m nɛɛ n kɔɔ zang ɓɛɛ.

Titu 3:5

Ta yuu ɓuru kati. Wu ka ruu vuu tɔ̃ɔ ɓɔɔ kagn ɓɔɔ ruu nɛɛ yuu ɓuru ruu palɛ ɓɛɛ kpang. Tà yuu ɓuru, ɓi ka ruu gn ɓuru ɓɔɔ kɔ̀ng wu ɓɛɛ. Tà yuu ɓuru ka bii ɓɔɔ Suru Laa sɔɔ ruu ɓɛɛ. Bii sɔɔnang ɓɔɔ risi ruu naa zang yi ruu kaa shɔɔ, a á ruu suru bii shɔɔ ɓɛɛ.

Yakubu 1:23

Zang ɓɔɔ nɛɛ tãa ruu keɓe, nɛɛ palɛ vuu ɓɔɔ zang kɔɔ kpang, nwang naa zang ɓɔɔ zi jĩng ɓiɓɛ ka vĩilaa ɓɛɛ.

1 Yɔhana 3:2

Rɛɛ masang ɓɔɔ n kasɛ nɔɔ dɔɔli ɓɛɛ, ruu kaa wujɛ Laa. Naa ɓɔɔ ruu naa nwangnɛ, ruu zi gn kpang. Ruu zi tɔ nɛɛ, naa Yeesɔ nwang nyaa, ruu naa nwang kaa naa wukɔ doori. Ka ruu ɓɔɔ, ruu naa zi wu ka naa ɓɔɔ wu nwang ɓɛɛ.