2 Koranti 2:4 - Nyaa Shɔɔ Ɓɔɔ Laa a Ɓɛɛ

⁴ Ɓɔɔ n bèe nɔɔ labeenang kaɓa, vuu kpãa m ka yeti dɔɔli, a yeti mɛɛ ti lasɛ katɔ gbãng gbãng. N kaa nɛɛ miiri. N kasɛ kpang, n lasɛ nɔɔ yeti kpang. N kasɛ katɔ kɔ jong, nɔɔ zi naa ɓɔɔ n kasɛ nɔɔ gbãng gbãng nandon ɓɛɛ.

2 Koranti 2:4 ပူးပေါင်းရင်းမြစ်များ

2 Koranti 11:2

N kaa sũnyaa ka yuu manɛ naa ɓɔɔ Laa kaayi ɓɛɛ. N a nyaa tɔ nɛɛ, n a nɔɔ Kirisi wu gee nɔɔ. A n kasɛ nɛɛ nɔ́ɔ pálɛ̀ vuu shi kpang, kpang, tɔ̀ɔ, ka diki ɓɔɔ zang gee nɔɔ kagn, n tuu nɔɔ naa jaa soro ɓɔɔ roo varɛ gn kpang, ɓɔɔ shi kpang ka bii kpang ɓɛɛ. N a nɔɔ varɛ manɛ ɓɔɔ wukɔ gbete ɓɛɛ kati.

2 Koranti 12:15

N tãa tĩnang katɔ, n ningsi vuu ɓɔɔ ka naa mɛɛ, nɛɛ yuu mɛɛ piti, ka ruu manɛ, tɔ̀ɔ, n yi nɔɔ naa ka bii. Nɔɔ kàsɛ́ m tɔkɔlɔng, ka ruu ɓɔɔ, n kasɛ nɔɔ dɔɔli ɓɛɛ ya?

2 Koranti 2:9

N bèe nɔɔ labeenang kaɓa, ka ruu ɓɔɔ, n kasɛ n gãsɛ nɔɔ ɓɛɛ, n zirɛ naa nɔɔ dũng vuu ɓɔɔ n kɔɔ nɔɔ katɔ, ka vuu piti ɓɛɛ.

2 Koranti 7:12

Ka ɓɔɔ n bée labeenang kaɓa, ruu mɛɛ hãa kagn nɛɛ zang ɓɔɔ palɛ vuu shi kpang, kpang. Ruu mɛɛ ti hãa kagn nɛɛ zang ɓɔɔ zang pàlɛ̀ wu vuu shi kpang ɓɛɛ kpang. N bèe m nɛɛ, tɔ̀ɔ, n tusu nɔɔ kaa gbàrɛ́ gbàrɛ́ ka tĩng Laa nɛɛ nɔɔ á yuu manɛ tɔ niizang, nɛɛ nɔɔ pàlɛ́ ruu shonang.

Filipi 3:18

N kɔ̀ɔrɔ̀ nɔɔ rɛɛ vuu keɓe tɔ, wu doo gbete kpang. Vuu kɔ n kɔɔrɔ tɔkn nɛɛ miiri ka jĩng ɓee. N kɔɔ nɔɔ nɛɛ zang ɓɔɔ ri kagn teteng manɛ, ri nwang naa zang ɓɔɔ ri shing jĩng nɛɛ vɔrɔ ɓɔɔ Kirisi vɔ ka yuu laa ɓɛɛ kpang.