2 Koranti 2:13 - Nyaa Shɔɔ Ɓɔɔ Laa a Ɓɛɛ

¹³ A ka ruu ɓɔɔ n ĩi manzung Titu ka nɔng kpang, vuu bìí kpãa m ka yeti dɔɔli. Ka ruu nɔngkɔ, n yaa rɛɛ zang gari kaɓa, a n daa ka gari Makidoniya.

2 Koranti 2:13 ပူးပေါင်းရင်းမြစ်များ

Maraku 6:46

Jée zang nyaa tɔ, a naa seepaa daa ka kɔpɔ, nɛɛ wu daa gaa Laa.

Zang Shonang Yeesɔ 21:6

Ruu vang laana, a ri gbãayu, ri daa gãa ɓarɛ kati.

Rooma 15:26

Ka ruu ɓɔɔ, zang ɓɔɔ ri dũng Laa ɓɔɔ ri ka Makidoniya nɛɛ Akaya ri zɔ̃ng nɛɛ yeti ɓarɛ nɛɛ ri yi zang ɓɔɔ vuu ka naa ɓarɛ kpang, ɓɔɔ ri ka teteng zang ɓɔɔ ri dũng Laa ka Urushalima ɓɛɛ naa ka bii.

2 Koranti 12:18

N gàa Titu nɛɛ wu daayi, a n shong manzung ɓuru ɓɔɔ dũng doo Laa kɔ ɓɛɛ nɛɛ, wu daa nɛɛ wu. Titu shaa nɔɔ katɔ ya? Ruu nɛɛ Titu ruu palɛ vuu ɓuru yeti gbete, a gbalang ɓuru ti gbete kpang ya?

2 Koranti 7:13

Ka ruu nɔngkɔ, ruu mã danggn kati. Ruu mã danggn katɔ kɔ shɛ̃ɛning kpang, ruu tãa tĩnang tɔkn gbãng gbãng ka ruu tĩnang ɓɔɔ Titu tãa ɓɛɛ. Ka ruu ɓɔɔ, kɔɔ ruu naa ɓɔɔ nɔɔ nandon nɔɔ shing wu, wu yaa rɛ̃rɛnang ɓɔɔ bɛ̀ɛ́ wu rɛ̃rɛ ɓɛɛ.

2 Koranti 7:14

N kɔ̀ɔrɔ̀ wu, ruu bang bang katɔ ka yuu manɛ, a nɔɔ ti shingnɛ yusɛ̃ɛ tuu m kpang. Ruu kɔɔrɔ nɔɔ ruu niizang diki diki, ka ruu nɔngkɔ, ruu bang bang ɓɔɔ ruu kɔɔrɔ Titu ka yuu manɛ, nɔɔ shing tɔ nwang tɔ niizang.

2 Koranti 8:16

Ruu zãa Laa tɔ, ka ruu ɓɔɔ shingnɛ, Titu wu kasɛ ruu manɛ gbãng gbãng naa ɓɔɔ shing m n kasɛ ruu manɛ ɓɛɛ.

2 Koranti 8:23

Titu ɓi zang ɓɔɔ rakɛ nɛɛ n ɓɛɛ, palɛ shonang ɓi nɛɛ n, tɔ̀ɔ, ruu yi nɔɔ naa ka bii. Zang ziti ɓɔɔ ri daa nɛɛ wu keɓe, ri daa ɓarɛ ka nung zang ɓarɛ, shonang ɓarɛ shingnɛ, zang a Kirisi bannang.

2 Koranti 8:6

Bɛɛ Titu gaayu tɔ, kpálɛ́ vuu ɓɔɔ nɔɔ alɛ waati nɛɛ yeti gbete, a ruu kɔɔ wu nɛɛ wu yaa kpang, wu hangsɛ shonang bìí katɔ.

Galati 2:1

Sáa naa ɓa tɔ kopi tu dɛ̃ɛti, n daa Urushalima tɔkn nɛɛ Baranaba. Ruu daa nɛɛ Titu ning.

Galati 2:3

Titu ɓɔɔ n daa nɛɛ wu, naa wee wu zang Heleni ɓee, zang yi wu nɛɛ kaka nɛɛ wu yée shaa kpang.

2 Timoti 4:10

ka ruu ɓɔɔ, Dema kasɛ ruu vuu koo keɓe, yaa m tɔ, daa tɔ ka gari Tesalonika. Karasika daa ka Galati, a Titu daa ɓi kaa Dalamatiya.

Titu 1:4

N bèé mɔkɔ Titu, ɓɔɔ ka gbalang danggn kɔ ruu shing nandon ɓee, mɔɔ ɓaa kaa jaa mɛɛ niizang ɓɛɛ. N gaa Laa ɓɔɔ wukɔ Daa ɓuru nɛɛ Yeesɔ Kirisi ɓɔɔ wukɔ ta yuu ɓuru, ri pàlɛ̀ mɔɔ tɔ̃ɔ, ri shingnɛ, mɔɔ nwang waasɛ̃.