2 Koranti 13:7 - Nyaa Shɔɔ Ɓɔɔ Laa a Ɓɛɛ

⁷ Ruu gaa Laa nɛɛ nɔɔ pálɛ̀ vuu shi kpang, kpang. Wu ka ruu ɓɔɔ tɔɔ zang zi kati nɛɛ ruu ɓa vuu gãsɛnang yuu tɔ kpang, ɓi ka ruu ɓɔɔ, tɔ̀ɔ, nɔ́ɔ palɛ vuu ɓɔɔ tɔ̃ɔ kati ɓɛɛ. Naa dòo ka wee zang zí ruu naa vuu gãsɛnang ɓa ruu yuu tɔ ɓee.

2 Koranti 13:7 ပူးပေါင်းရင်းမြစ်များ

Matiyu 6:13

Mɔɔ yaa Sheetang wu gãsɛ ruu nɛɛ vuu ɓɔɔ ɓa kaka ɓuru katɔ ɓɛɛ kpang. Ta ruu katɔ kɔ jong nɛɛ naa ɓiɓɛ.

Yɔhana 17:15

N gaa mɔɔ nɛɛ mɔɔ see ri katɔ, ri yaa koo kpang. N gaa mɔɔ nɛɛ mɔɔ yiti ri waasɛ̃. Mɔ́ɔ yaa sheetang, zang shi kpang, wu lee ri naa ka bii kpang.

Rooma 1:28

Ka ruu ɓɔɔ, shɔnzang ri kasɛ nɛɛ ri yítì vuu ɓɔɔ niizang ɓɔɔ zang zi ka yuu Laa ka yeti ɓarɛ kpang. Laa yaa ri tɔ ri rɛ̃rɛ vuu ɓɔɔ shi kpang, tɔɔ ri palɛ vuu ɓɔɔ daa naa palɛnang kpang ɓɛɛ.

Rooma 12:17

Zang ɓɔɔ nɛɛ pàlɛ̀ nɔɔ shi kpang, nɔɔ wàa pãng doo nɛɛ vuu shi kpang kɔ kpang. Nɔɔ gãng jĩng kagn nɔ́ɔ pálɛ́ vuu ɓɔɔ zang piti ri zirɛ nɛɛ vuu tɔ̃ɔ ɓɛɛ.

Rooma 13:13

Rúu gaayu nwannang waasɛ̃, naa zang ɓɔɔ ri nwang ka nɔng ɓɔɔ yakɛ katɔ ɓɛɛ. Wu ka ɓɔɔ nɔɔ gaarɛ zɔɔ, nɔɔ ɓooro saa ɓɛɛ kpang, nɔɔ palɛ dũndũng kpang, nɔɔ ti pálɛ̀ shi kpang, kpang, nɔɔ hàa nyaa kpang, nɔɔ ti kaa sũnyaa kpang.

Rooma 16:10

Nɔɔ jèe m Abali ɓɔɔ zang ri zi tɔ nɛɛ palɛ Kirisi shonang nɛɛ yeti gbete ɓɛɛ nyaa. Nɔ́ɔ ti jèe m zang ɓɔɔ ri ka gãa Aristobulu ɓɛɛ nyaa.

1 Koranti 11:19

Nɔɔ basɛ zɔɔ katɔ, ka ruu ɓɔɔ, naa nɔngkɔ kpang, zang zi zang ɓɔɔ ri dũng Yeesɔ Kirisi nɛɛ yeti gbete kpang ɓɛɛ.

2 Koranti 10:10

Zang ɓɔɔ ri kɔɔ katɔ nɛɛ, “Rɛɛ labeenang Bulu kpiti katɔ, a vuu ɓɔɔ wu kasɛ nɛɛ zang ri palɛ bang dɔɔli. A nɛɛ a tɔ ka bii ɓuru, wu zang ɓɔɔ mɔɔ kaa vɔrɔ ɓiɓɛ kpang. Ruu ɓiɓɛ ti kpãa zang takpang.”

2 Koranti 10:18

Ka ruu ɓɔɔ, Laa ta ɓi zang ɓɔɔ dɔ̀ɔ́ yuu ɓiɓɛ ɓɛɛ kpang. Zang ɓɔɔ Kpanti dɔ̀ɔ́ wu, Laa ta ɓi wukɔ.

2 Koranti 13:6

N shing gn nɛɛ nɔɔ naa zi ditɔ nɛɛ zang gãsɛ ruu tɔ ruu daa naa zang shonang ɓɔɔ niizang ɓɔɔ Yeesɔ ɓɛɛ tɔ.

2 Koranti 13:8

Ka ruu ɓɔɔ, ruu palɛ ɓuru vuu ɓɔɔ yi Ruu Tɔ̃ɔ Laa naa kaa bii, wu daa nɛɛ tĩng ɓɛɛ kɔ shɛ̃ɛning. Ruu pálɛ̀ vuu ɓɔɔ lasɛ gbalang Ruu Tɔ̃ɔ Laa ɓuru kpang.

2 Koranti 13:9

Ruu tãa ɓuru tĩnang, ruu nɛɛ lakɛ naa ka bii kpang, a kaka manɛ ɓi kagn ɓɛɛ. Ruu gaa ɓuru Laa, nɔ́ɔ nwang nyaa kiiri, ka vuu piti.

2 Koranti 6:4

Ka vuu ɓɔɔ ruu pálɛ́ ɓɛɛ nandon, ruu tusu yuu ɓuru katɔ kɔ jong, nɛɛ ruu ɓuru zang shonang Laa ka danggn ɓɔɔ ruu mã́ ka jĩng dannang, nɛɛ naa ɓɔɔ zang kpãa ruu, a ɓɔɔ vuu ɓɔɔ kpãa ruu ɓɛɛ.

2 Koranti 8:21

Ruu mang ɓuru ka yeti ɓuru nɛɛ ruu palɛ vuu ɓɔɔ tɔ̃ɔ ɓɛɛ. Wu ka jĩng Kpanti Yeesɔ kɔ shɛ̃ɛning kpang, ka jĩng shɔnzang jong.

Filipi 4:8

Rɛɛ manzung, ruu ɓɔɔ n gɔɔ nyaa nɛɛ mani keɓe. Nɔɔ rɛ̃rɛ ka yuu rɛɛ vuu ɓɔɔ niizang ɓɛɛ, ɓɔɔ daa naa ɓɔɔ zang seng katɔ ɓɛɛ. Rɛɛ vuu ɓɔɔ teetee ɓɛɛ, vuu ɓɔɔ shi kpang kagn kpang ɓɛɛ, vuu ɓɔɔ shi dɔɔli ɓɛɛ, vuu ɓɔɔ zang kasɛ, a zang ti a wu bannang katɔ ɓɛɛ, vuu nandon ɓɔɔ daa naa dɔɔnang katɔ ɓɛɛ.

1 Tesalonika 5:23

Laa ɓɔɔ shing zang, zang ri nwang ka nyaa zɔɔ, wu palɛ nɔɔ, nɔɔ nwang zang tɔ̃ɔ dɔ̃ɔ gbete. Wu shingnɛ zang ɓɔɔ wu tɔɔ kpang nɛɛ nɔɔ palɛ vuu shi kpang tɔ kpang, ka diki ɓɔɔ Kpanti Yeesɔ Kirisi a kagn ɓɛɛ.

1 Timoti 2:2

Mɔɔ ti gàa Laa ka ruu rɛɛ kpanti, nɛɛ zang ɓɔɔ ri zang bang ɓɛɛ nandon. Tɔ̀ɔ, rùu ɓɔɔ ruu dũng Laa rúu nwang kaa nyaa zɔɔ kikiri nɛɛ zang piti. Tɔ̀ɔ, ruu a Laa bannang kati ruu ti seng zang jong.

2 Timoti 2:15

Pálɛ́ vuu ɓɔɔ mɔɔ zunung katɔ nandon, tɔ̀ɔ, mɔɔ nwang zang ɓɔɔ Laa kɔɔ ruu tɔ̃ɔ tɔ ka yuu ɓiɓɛ kati. Zang shonang ɓɔɔ yusɛ̃ɛ shonang ɓiɓɛ tuu wu kpang ɓɛɛ. Zang ɓɔɔ nwàngsɛ́ zang dĩiri Ruu Laa tɔ̃ɔ tɔ̃ɔ ɓɛɛ.

2 Timoti 4:18

Kpanti Yeesɔ Kirisi ta m ditɔ, ka vuu shi kpang ɓɔɔ zang nɛɛ ri palɛ m nandon. Wu daa nɛɛ n ka nɔng ɓɔɔ wu roo kpanti ka lapa ɓɛɛ. Zang ri a wu bannang ta dòndòng. Nɔngkɔ.

Yakubu 1:12

Zang ɓɔɔ zang nɛɛ gãsɛ wu, nɛɛ watɛ kpang wukɔ tãa tĩnang. Ka ruu ɓɔɔ, nɛɛ shìi kakata, nɛɛ watɛ kpang, naa ta vuu ɓɔɔ Kpanti Laa tɔɔ wu a zang ɓɔɔ kasɛ wu katɔ ɓɛɛ. Vuu keɓe wukɔ suru bii ɓɔɔ waa nyaa kpang ɓɛɛ.

1 Bituru 2:12

Nɔɔ nwáng nwannang tɔ̃ɔ, tɔ̀ɔ, zang ɓɔɔ ri zi Laa kpang ri zirɛ. Ka ruu ɓɔɔ, naa ri rang yee shi kpang doo ka yuu manɛ, ri zili vuu tɔ̃ɔ ɓɔɔ nɔɔ palɛ ɓɛɛ, ri naa dɔ̀ɔ Laa ditɔ, ka diki ɓɔɔ wu naa a ka bii ɓarɛ ɓɛɛ.