2 Koranti 13:6 - Nyaa Shɔɔ Ɓɔɔ Laa a Ɓɛɛ

⁶ N shing gn nɛɛ nɔɔ naa zi ditɔ nɛɛ zang gãsɛ ruu tɔ ruu daa naa zang shonang ɓɔɔ niizang ɓɔɔ Yeesɔ ɓɛɛ tɔ.

2 Koranti 13:6 ပူးပေါင်းရင်းမြစ်များ

Rooma 1:28

Ka ruu ɓɔɔ, shɔnzang ri kasɛ nɛɛ ri yítì vuu ɓɔɔ niizang ɓɔɔ zang zi ka yuu Laa ka yeti ɓarɛ kpang. Laa yaa ri tɔ ri rɛ̃rɛ vuu ɓɔɔ shi kpang, tɔɔ ri palɛ vuu ɓɔɔ daa naa palɛnang kpang ɓɛɛ.

2 Koranti 12:20

N kaa vɔrɔ naa n daa shɛ̃ɛ nɔng manɛ, n daa ĩi nɔɔ náabm̀, wu naa ɓɔɔ n kasɛ n ĩi nɔɔ ɓɛɛ kpang, a nɔɔ ti naa zirɛ n náabm̀, wu naa ɓɔɔ nɔɔ kasɛ ɓɛɛ kpang. N kaa vɔrɔ n daa ĩi nɔɔ, nɔɔ haarɛ nyaa, nɔɔ kaa sũnyaa, gnvɔ ka yeti manɛ dɔɔli. Nɔɔ ti kasɛ yuu manɛ kɔ shɛ̃ɛning, nɔɔ dãlɛ zɔɔ, nɔɔ rangkɛ zang, nɔɔ tuu yuu manɛ dɔɔli. A nɔɔ ti vɔ̃ɔtɔ nɔng.

2 Koranti 13:10

Ka ruu nɔngkɔ, n bèé nɔɔ laa keɓe ka wee n gn nɛɛ nɔɔ nɔng gbete kpang ɓee. Tɔ̀ɔ, n nɛɛ a tɔ ka nɔng manɛ, n palɛ nɔɔ vuu kaa tɔ̀ɔ́ nɛɛ gnvɔ, nɛɛ naa vuu palɛnang ɓɔɔ Laa a m ɓɛɛ kpang. Laa a m naa nɛɛ n yi nɔɔ naa ka bii nɔɔ bangkɛ, nɛɛ n ningsi nɔɔ katɔ kpang.

2 Koranti 13:5

Nɔɔ gãsɛ yuu manɛ karɛ nɔɔ zirɛ, naa nɔɔ nwang doo nwannang danggn ɓɔɔ nɔɔ shing ka bii Yeesɔ Kirisi ɓɛɛ ya? Nɔɔ gãsɛ yuu manɛ ta. Nɔɔ zi tɔ niizang Kirisi nwang ka yeti manɛ. Nɔɔ nɛɛ zi kpang, bɛ̀ɛ́ vuu ɓɔɔ nɔɔ gãsɛ yuu manɛ nɛɛ mani ɓa kaka manɛ tɔ.

2 Koranti 13:7

Ruu gaa Laa nɛɛ nɔɔ pálɛ̀ vuu shi kpang, kpang. Wu ka ruu ɓɔɔ tɔɔ zang zi kati nɛɛ ruu ɓa vuu gãsɛnang yuu tɔ kpang, ɓi ka ruu ɓɔɔ, tɔ̀ɔ, nɔ́ɔ palɛ vuu ɓɔɔ tɔ̃ɔ kati ɓɛɛ. Naa dòo ka wee zang zí ruu naa vuu gãsɛnang ɓa ruu yuu tɔ ɓee.