2 Koranti 12:7 - Nyaa Shɔɔ Ɓɔɔ Laa a Ɓɛɛ

⁷ Tɔ̀ɔ, zang zãa m yuu tuunang ka lapa dɔɔli, ka ruu vuu ɓɔɔ zang zirɛ zang mã naa ka danggn ɓɔɔ n zili ɓɛɛ. Laa nɛɛ yuu ɓiɓɛ shing nɔng ɓɔɔ ka bii mɛɛ, kɔng m naa zang ɓaa m nɛɛ kɔkɔ. Kɔnang keɓe, nwang naa zang nyaa shonang Sheetang ɓɔɔ zang dɔ̃ wu nɛɛ, wu naa dang m jĩng, wu zãa m yuu tuunang ɓɛɛ.

2 Koranti 12:7 ပူးပေါင်းရင်းမြစ်များ

Galati 4:13

Danggn wu ning nɔɔ vuu ɓɔɔ shingnɛ, n rang nɔɔ Ruu Tɔ̃ɔ ka tĩng shɔɔnang ɓɛɛ kpang. Ɓi ka ruu ɓɔɔ, vuu palɛ m katɔ ɓɛɛ.

1 Koranti 5:5

Nɔɔ yàa Sheetang zang keɓe, wu lasɛ yɔpɔ bii ɓiɓɛ, tɔ̀ɔ, suru bii ɓiɓɛ wu wɔ kati, ka diki ɓɔɔ Kpanti ɓuru Yeesɔ naa gbãayu ka koo keɓe ɓɛɛ.

1 Timoti 3:6

Wu ti zang ɓɔɔ shing danggn ka bii Laa diki bee gn kpang, kpang. Ka ruu ɓɔɔ, nɛ̀ɛ́ tuu yuu ɓiɓɛ dɔɔli, zang nɛ̀ɛ́ dɔng wu ruu naa ɓɔɔ zang dɔng Sheetang ɓɛɛ.

2 Koranti 11:20

Nɔɔ mã danggn katɔ nɛɛ zang piti ɓɔɔ risi nɔɔ naa jaafoo ɓɛɛ, zang ɓɔɔ shaa nɔɔ katɔ, zang ɓɔɔ ri risi nɔɔ naa shoko ɓɛɛ, nɛɛ zang ɓɔɔ ri risi nɔɔ naa vĩi, a ɓɔɔ zang ɓɔɔ ri dãlɛ nɔɔ ɓɛɛ.

1 Koranti 4:11

Wee ruu rang yee ka nyaa ɓee, nyɔkɔ nyɔ ruu katɔ, sutu mã ruu, ruu hã̀lɛ̀ ɓuru sɛ̃ɛ fɔ̃ɔrɔ ka bii, zang dang ruu jĩng, a gãa ɓɔɔ ruu nwáng kagn ti kpang.

2 Koranti 10:5

Ruu ningsi nyaa laanang nɛɛ yuu tuunang, ɓɔɔ zãa zang nɛɛ zang ri zi Laa kpang ɓɛɛ. Ruu kɔsɔ nɛɛ kaaɓa. Ruu shing ri, ri rɛ̃rɛ rɛ̃rɛnang ka doo vuu ɓɔɔ Yeesɔ Kirisi kasɛ ɓɛɛ.

Luka 13:16

A ka ruu vi, jaa zɔ̃ng Ibirayi zang soro kɔ sheetang mã wu, saa kopi tu mantaati, zang yaa wu naa ka Diki Ɔ̃sɔnang kpang viya?

Matiyu 26:67

A ri tùlù wu sisãa ka jĩng, ri ti ma wu nɛɛ naa tung, a zang ɓɔɔ ri ti nyɔ wu nɛɛ naa.

Matiyu 4:10

A Yeesɔ kasɛ wu nyaa tɔɔ, “Daa nɛɛ kaaɓa, mɔ́ɔ yàa m bii Sheetang. Ruu Kpanti Laa kɔɔyi tɔɔ, ‘Shɔnzang wu dɔɔ Kpanti Laa ɓiɓɛ kɔ shɛ̃ɛning, nɛɛ wu ti bang wukɔ gbete.’ ”

2 Koranti 10:10

Zang ɓɔɔ ri kɔɔ katɔ nɛɛ, “Rɛɛ labeenang Bulu kpiti katɔ, a vuu ɓɔɔ wu kasɛ nɛɛ zang ri palɛ bang dɔɔli. A nɛɛ a tɔ ka bii ɓuru, wu zang ɓɔɔ mɔɔ kaa vɔrɔ ɓiɓɛ kpang. Ruu ɓiɓɛ ti kpãa zang takpang.”

2 Koranti 12:1

Yee rangkɛnang bang bang nwang zang vuu tɔ̃ɔ ɓi kpang, n ti rangkɛ katɔ nɔngkɔ. Kãntang keɓe, n rang ruu kaa yuu naa ɓɔɔ Kpanti Yeesɔ nwang nyaa ka n, a nwàngsɛ̀ m vuu ɓɔɔ wu kasɛ nɛɛ zang palɛ ɓɛɛ.