2 Koranti 12:1 - Nyaa Shɔɔ Ɓɔɔ Laa a Ɓɛɛ

¹ Yee rangkɛnang bang bang nwang zang vuu tɔ̃ɔ ɓi kpang, n ti rangkɛ katɔ nɔngkɔ. Kãntang keɓe, n rang ruu kaa yuu naa ɓɔɔ Kpanti Yeesɔ nwang nyaa ka n, a nwàngsɛ̀ m vuu ɓɔɔ wu kasɛ nɛɛ zang palɛ ɓɛɛ.

2 Koranti 12:1 ပူးပေါင်းရင်းမြစ်များ

Yɔhana 16:7

N kɔ̀ɔ́ nɔɔ ruu ɓɔɔ niizang kɔ nwani, daanang mɛɛ kɔ tɔ̃ɔ, ka ruu ɓɔɔ, naa n daa kpang, zang ɓɔɔ naa yi nɔɔ naa ka bii ɓɔɔ wukɔ Suru Laa, a nɔng manɛ kpang. N nɛɛ daa tɔ, n shong wu kati wu a kaa nɔng manɛ.

Yɔhana 18:14

Kayifa kɔ kɔɔ rɛɛ zang bang bang zang Yahudi nɛɛ, zang gbete kɔ wu vɔ jong ka nung ɓɔɔ zang dɔɔli nɛɛ vɔ ɓɛɛ.

Zang Shonang Yeesɔ 18:9

Diki ɓɔ̀ɔ́gn nɛɛ zĩi, Bulu rɔ̃kɔ, Kpanti Laa kɔɔ wu nɛɛ, “Mɔɔ kaa vɔrɔ kpang. Kɔɔrɔ zang ɓaa ruu, mɔɔ yaa kpang.

Zang Shonang Yeesɔ 23:11

Nɛɛ zĩi kpanti Yeesɔ naa shii ka kagn Bulu kɔɔ wu tɔɔ, “Mã danggn kagn. Mɔ̀ɔ kɔɔ zang ruu tɔ̃ɔ, ka yuu mɛɛ ka Urushalima keɓe, mɔɔ daa kɔɔ zang ditɔ nɔngkɔ tɔkn ka Rooma.”

1 Koranti 10:23

Nɔɔ kɔɔrɔ nɛɛ, zang zãa nɔɔ vuu ɓɔɔ kagn gbete kpang. Niizang, zang zãa nɔɔ vuu ɓɔɔ kagn gbete kpang, a wu kaa tɔ̀ɔ́ vuu piti yǐ zang naa ka bii kpang. Niizang, zang zãa nɔɔ vuu ɓɔɔ kpang, a vuu kaa gn ɓɔɔ ri shíng zang, zang ri shíi nɛɛ kaka ka vuu Kpanti Yeesɔ Kirisi kpang ɓɛɛ.

1 Koranti 14:6

Manzung, ka diki ɓɔɔ n naa a ka nɔng manɛ, naa n ràng nɔɔ yee nɛɛ nyaa ɓɔɔ n kpɛ̃ɛrɛ katɔ kpang, yee mɛɛ yi nɔɔ naa biya ka bii viya? Naa n arɛ, n tusu vuu ɓɔɔ shɔɔ ɓɔɔ Laa tusu m kpang, n ti shing nɔɔ, nɔɔ zi vuu tɔkn gaagaa kpang, naa n kɔɔ nɔɔ ruu ɓɔɔ a nɛɛ bii Laa kpang, a n ti tusu Ruu Laa kpang, ruu mɛɛ yì nɔɔ naa ka bii kpang.

1 Koranti 6:12

A zang ɓɔɔ ka teteng manɛ kɔɔ ɓi nɛɛ, “Zang zãa m vuu ɓɔɔ kagn kpang.” Niizang zang zãa mɔɔ vuu ɓɔɔ kagn kpang. Wu vuu piti tɔ̃ɔ kpang. Ɓɔɔ mɛɛ, n kasɛ tɔ nɛɛ, zang zãa m vuu ɓɔɔ kagn kpang, a n kasɛ kaa takpang, vuu ɓɔɔ wu yi m gbãng gbãng n raa kaa naa jaafoo vuu bìí kpang.

2 Koranti 12:11

N palɛ vuu tɔ naa shoko. Nɔkɔ shing m n palɛ nɔngkɔ. Nɔkɔ nɛ̀ɛ́ kɔɔ ruu tɔ̃ɔ ka yuu mɛɛ. Naa n doo vuu ɓɔɔ kpang piti, zang shonang Yeesɔ manɛ ɓɔɔ bang bang kaɓa, ri ɓa m kpang.

2 Koranti 12:5

Ka ruu nɔngkɔ, n rang yee bang bang ka yuu yɔɔ keɓe kɔ. N rang yee bang bang ka yuu mɛɛ kpang, n rangkɛ ka yuu vuu ɓɔɔ ri tusu zang nɛɛ n lakɛ naa ka bii ka vuu Suru Laa kpang ɓɛɛ kɔ shɛ̃ɛning.

2 Koranti 12:7

Tɔ̀ɔ, zang zãa m yuu tuunang ka lapa dɔɔli, ka ruu vuu ɓɔɔ zang zirɛ zang mã naa ka danggn ɓɔɔ n zili ɓɛɛ. Laa nɛɛ yuu ɓiɓɛ shing nɔng ɓɔɔ ka bii mɛɛ, kɔng m naa zang ɓaa m nɛɛ kɔkɔ. Kɔnang keɓe, nwang naa zang nyaa shonang Sheetang ɓɔɔ zang dɔ̃ wu nɛɛ, wu naa dang m jĩng, wu zãa m yuu tuunang ɓɛɛ.

2 Koranti 12:9

A kasɛ m nyaa tɔɔ, “Tɔ̃ɔ ɓɔɔ n pàlɛ́ mɔɔ wukɔ yi mɔɔ naa ka bii, ka ruu ɓɔɔ, naa vuu palɛnang mɛɛ palɛ shonang gbãng gbãng ka ɓɔɔ mɔɔ lakɛ naa ka bii ka vuu Suru Laa kpang ɓɛɛ.” N tãa kaa tĩnang gbãng gbãng, n tuu yuu mɛɛ ka yuu naa ɓɔɔ n lakɛ náa ka bii ka vuu Suru Laa kpang ɓɛɛ, tɔ̀ɔ, n tãa naa vuu palɛnang Yeesɔ Kirisi ɓɔɔ yiti m ɓɛɛ kati.

2 Koranti 8:10

Vuu ɓɔɔ n zi ka yeti mɛɛ keɓe, nɔɔ hangsɛ vuu ɓɔɔ nɔɔ gaayu sáa ɓɔɔ ta. Wu nɔkɔ gaayu vuu keɓe palɛnang shɛ̃ɛning kpang, nɔkɔ gaayu kasɛnang nɛɛ nɔɔ palɛ katɔ.

Galati 1:12

N ti ta nɛɛ bii shɔnzang ɓɔɔ kpang. Wu ti shɔnzang tusu m kpang. Ɓi Yeesɔ Kirisi nɛɛ yuu ɓiɓɛ nwàngsɛ̀ m.

Galati 2:2

N daayi, ka ruu ɓɔɔ, Laa kɔɔ m nɛɛ n daayi ɓɛɛ. Ka ɓɔɔ n shɛ̃ɛ nɔng, n ɓaa rɛɛ zang bang nyaa dang gbete. Ruu nwáng nɛɛ ri, a n kɔɔ ri rúu Ruu Tɔ̃ɔ ɓɔɔ n kɔɔrɔ zang ɓɔɔ ri zang Isirela kpang ɓɛɛ. N kasɛ nɛɛ shonang ɓɔɔ n pálɛ́ ka tĩng, nɛɛ ɓɔɔ n palɛ kãntang, wu shaarɛ waati kpang.

Afisa 3:3

Laa nwàngsɛ̀ m vuu ɓɔɔ wu mangnɛ, a waasɛ kaa tɔ ɓɛ̀ɛ́ tɔ ka rɔ̃kɔnang. (N bee vuu tɔ ka yuu vuu keɓe, a kaa tɔ̀ɔ́ dɔɔli kpang,

1 Tesalonika 4:15

Vuu kɔ ruu tusu nɔɔ ɓee, ɓi vuu ɓɔɔ Laa tusu ɓɛɛ nɛɛ, ka diki ɓɔɔ Kpanti Yeesɔ naa gbãayu, ɓɔɔ ruu doo ningkãari ka diki kaɓa, rukɔ daa ka bii ɓiɓɛ shɔɔnang, ruu yaa zang ɓɔɔ ri vɔlɔ tɔ ɓɛɛ kpang.

1 Yɔhana 5:20

Ruu zi tɔ nɛɛ, Jaa Laa arɛ tùsù ruu gbalang ɓɔɔ ruu zi Laa ɓɔɔ wukɔ niizang ɓɛɛ. Ruu ɓuru ɓɔɔ Laa keɓe kɔ, ka ruu ɓɔɔ, ruu ɓuru ɓɔɔ Jaa ɓiɓɛ Yeesɔ Kirisi ɓɛɛ. Yeesɔ Kirisi keɓe wukɔ Laa niizang, wukɔ ti suru bii ɓɔɔ waa nyaa kpang ɓɛɛ.