2 Koranti 11:7 - Nyaa Shɔɔ Ɓɔɔ Laa a Ɓɛɛ

⁷ Wee n tɔɔ kpang nɛɛ, nɔ́ɔ shu m vuu ɓɔɔ kpang, ka ɓɔɔ n rang nɔɔ Ruu Tɔ̃ɔ Laa ɓee. Wee n tuu yuu kpang, tɔ̀ɔ, n risi nɔɔ, nɔɔ nwang zang bang kati ɓee. N palɛ vuu shi kpang ya?

2 Koranti 11:7 ပူးပေါင်းရင်းမြစ်များ

Zang Shonang Yeesɔ 20:33

N tɔɔ kpang nɛɛ saka, kɔ fɔ̃ɔrɔ zang ɓɔɔ, wu nɛ̀ɛ́ raa ɓɔɔ mɛɛ kpang.

Zang Shonang Yeesɔ 20:34

Nɔɔ zi tɔ, n palɛ shonang nɛɛ naa mɛɛ keɓe, ń wàlɛ̀ vuu ɓɔɔ n kasɛ, nɛɛ vuu ɓɔɔ zang ɓɔɔ ri nɛɛ n ri kasɛ ɓɛɛ.

Rooma 1:1

Labeenang keɓe, a nɛɛ bii mɛɛ nkɔ Bulu ɓɔɔ n jaafoo Yeesɔ Kirisi ɓɛɛ. A n ti zang shonang ɓɔɔ Yeesɔ zɔ̃ng m, a shing m nɛɛ, n kɔ̀ɔrɔ̀ zang Ruu Tɔ̃ɔ Laa ɓɛɛ.

1 Koranti 9:12

Naa zang ɓɔɔ ri shing danggn nɛɛ, nɔɔ a ri vuu naa manɛ katɔ, daa naa ɓɔɔ nɔɔ alɛ ruu vuu, ɓa ɓɔɔ ɓarɛ katɔ kpang ya? Ruu zi tɔ nɔngkɔ, a ruu tɔɔ gngn nɛɛ, ruu gaa nɔɔ nɛɛ nɔɔ a ruu vuu naa manɛ kpang. Ruu kasɛ tɔ ruu dang jĩng kɔ jong, ka ɓɔɔ ruu, nɛ̀ɛ́ nɔ̀ɔ́ gbalang Ruu Tɔ̃ɔ ɓɔɔ ka yuu Yeesɔ Kirisi kɔɔnang ɓɛɛ.

1 Koranti 9:6

Nɔɔ kɔɔ manɛ nɛɛ ɓi nkɔ nɛɛ Baranaba ruu palɛ shonang nɛɛ naa ɓuru tɔ̀ɔ ruu walɛ vuu shaanang ɓɔɔ ruu shaa ɓɛɛ ya?

2 Koranti 10:1

Nkɔ Bulu nɛɛ yuu mɛɛ, n gaa nɔɔ, n ɓɔɔ n palɛ vuu hakaka kpang, n ti tuu yuu mɛɛ kpang, naa Kirisi ɓɛɛ. Zang kɔɔrɔ nɛɛ naa n dòo nɛɛ nɔɔ nɔng gbete, n kaa doo vɔrɔ, a n nɛɛ tɔ̀ɔ́ nɛɛ nɔɔ kpang, n kaa vɔrɔ takpang.

2 Koranti 10:16

Nɛɛ nwang tɔ nɔngkɔ, ruu zunung katɔ ruu daa nɛɛ tipi ɓɔɔgn ɓɔɔ zang ɓa Koranti ka knti ɓɛɛ, ruu daa kɔ̀ɔrɔ̀ zang Ruu Tɔ̃ɔ Laa ka nɔngkɔ. Zang dɔ̀ɔ ruu ka ruu shonang ɓɔɔ ɓi zang ɓɔɔgn palɛ ɓɛɛ kpang, ka nɔng ɓɔɔ Laa a ɓi zang kaɓa ɓɛɛ.

2 Koranti 12:13

N pàlɛ̀ zang ɓɔɔ ri dũng Laa ɓu vi, a n pàlɛ̀ nɔɔ manɛ kpang viya? Ɓi ka ɓɔɔ n kpãa nɔɔ nɛɛ nɔɔ a m vuu kpang kɔ shɛ̃ɛning. N gaa nɔɔ nɔ́ɔ kɔsɔ m vuu shi kpang kɔ n palɛ ɓee katɔ.

2 Koranti 2:12

Ɓɔɔ n a ka Torowasa, n tɔɔ, n naa kɔɔrɔ zang Ruu Tɔ̃ɔ ka yuu Yeesɔ Kirisi. N zirɛ, Kpanti Laa puu m gbalang shonang tɔ ka nɔng.

1 Tesalonika 2:9

Rɛɛ manzung, n tɔɔ n kpàá nɔɔ danggn. Nɔɔ zi naa ɓɔɔ ruu palɛ shonang dɔɔli tɔ. Ruu pálɛ́ shonang nɛɛ zĩi nɛɛ laagɛ̃, ruu walɛ vuu shaanang ɓuru, tɔ̀ɔ ruu kpãa nɔɔ kaa takpang, ka ɓɔɔ ruu kɔɔ nɔɔ Ruu Tɔ̃ɔ ɓɔɔ ka yuu Laa ɓɛɛ.

2 Tesalonika 3:8

Diki diki naa zang yi ruu naa ka bii, ruu shu ri katɔ. Ruu palɛ shonang gbãng gbãng, ka ruu ɓɔɔ, ruu kasɛ kpang, zang ɓɔɔ wu shu ruu vuu ɓɔɔ kpang ɓɛɛ.