2 Koranti 11:3 - Nyaa Shɔɔ Ɓɔɔ Laa a Ɓɛɛ

³ N kaa vɔrɔ, zang naa shingnɛ, nɔɔ rɛ̃rɛ shi kpang, nɔɔ yaa naa ɓɔɔ nɔɔ a Kirisi yeti manɛ ɓɔɔ kankalang dɔ̃ɔ gbete, nɔɔ pàlɛ́ wu shonang ɓɛɛ. Naa ɓɔɔ sɔkɔ nwãarɛ Hawawu nɛɛ zũnang sèé ɓɛɛ.

2 Koranti 11:3 ပူးပေါင်းရင်းမြစ်များ

Matiyu 24:24

Ka ruu ɓɔɔ, zang ɓɔɔ ri ɓaa yuu ɓarɛ nɛɛ Kirisi, nɛɛ zang ɓɔɔ ri suu sèé nɛɛ ri zang nyaa shonang Laa naa alɛ ditɔ, ri tusu vuu bang bang ɓɔɔ zang zirɛ, zang mã naa ka danggn, nɛɛ tɔɔ ri nwãarɛ zang kati. Naa ri zunung zang ɓɔɔ Laa shɛ̃ɛrɛ ri nwãarɛnang katɔ, ri nɛɛ nwáarɛ̀ ri katɔ.

Yɔhana 8:44

Nɔɔ manɛ wujɛ daa manɛ sheetang, a nɔɔ ti kasɛ manɛ nɛɛ nɔ́ɔ palɛ vuu ɓɔɔ daa manɛ kasɛ ɓɛɛ. Daa manɛ nyɔ̀kɔ̀ zang vɔrɔ ɓi doo ka tĩng. Ruu ɓiɓɛ hãa ɓi kagn nɛɛ ruu ɓɔɔ niizang kpang. Ka ruu ɓɔɔ, niizang ɓi kagn yeti ɓiɓɛ kpang ɓɛɛ. Náa suu sèé, palɛ ɓi vuu ɓɔɔ ka yeti ɓiɓɛ kɔ nwani, ka ruu ɓɔɔ ɓi zang sèé, a sèé ti nwàng ɓi nɛɛ bìí ɓiɓɛ kɔ nwani ɓɛɛ.

Rooma 12:8

Zang ɓɔɔ nɛɛ mã zang danggn, ka danggn ɓɔɔ wu mã zang ɓɛɛ. Zang ɓɔɔ nɛɛ tɔɔ wu basɛ vuu ɓiɓɛ nɛɛ zang ɓɔɔ, wu bàsɛ̀ nɛɛ yeti gbete. Zang ɓɔɔ wukɔ nɛɛ zang bang, wu palɛ shonang nɛɛ kaka ɓiɓɛ ning. Zang ɓɔɔ nɛɛ palɛ zang tɔ̃ɔ, wu mã nyaa tĩng katɔ kpang.

2 Koranti 1:12

Vuu ɓɔɔ shingnɛ ruu tuu yuu ɓuru kagn gbete, rɛ̃rɛnang ɓuru kɔɔ ruu nɛɛ, nwannang ɓuru ka koo keɓe, nɛɛ vuu ɓɔɔ rùu palɛ nɛɛ nɔɔ, rùu palɛ niizang nɛɛ yeti gbete, naa ɓɔɔ Laa kasɛ ɓɛɛ. Ruu palɛ wu ka doo zũnang yuu ɓuru kpang, ruu palɛ nɛɛ naa vuu palɛnang tɔ̃ɔ ɓɔɔ Laa pàlɛ́ ruu ɓɛɛ.

2 Koranti 11:20

Nɔɔ mã danggn katɔ nɛɛ zang piti ɓɔɔ risi nɔɔ naa jaafoo ɓɛɛ, zang ɓɔɔ shaa nɔɔ katɔ, zang ɓɔɔ ri risi nɔɔ naa shoko ɓɛɛ, nɛɛ zang ɓɔɔ ri risi nɔɔ naa vĩi, a ɓɔɔ zang ɓɔɔ ri dãlɛ nɔɔ ɓɛɛ.

2 Koranti 11:29

Ɓu wi shing gn gbãng gbãng ka vuu Suru Laa kpang, a bii mɛɛ vɔ kpang wiya? Ɓu wi shing zang ɓɔɔ, nɛɛ zang palɛ vuu shi kpang, a yeti lasɛ m dɔɔli kpang wiya?

2 Koranti 2:17

Ruu ɓuru naa zang dɔɔli ɓɔɔ, Ruu Laa nwàng ri ɓarɛ kaa gbalang ɓɔɔ ri kãa vuu shaanang nɛɛ mani ɓɛɛ kpang. Ruu palɛ shonang ɓuru nɛɛ yeti gbete. Ruu kɔɔ Ruu Laa ɓuru naa ɓɔɔ Laa tusu ruu gbalang ɓɛɛ. Naa zang nyaa shonang ɓiɓɛ, a ɓɔɔ kaa naa zang shonang Yeesɔ Kirisi.

2 Koranti 4:2

Rùu dɔ̃ vuu ɓɔɔ zang waasɛ katɔ, nɛɛ vuu yusɛ̃ɛ tɔ piti nɛɛ kaa. Ruu palɛ vuu tɔ̀ɔ́ nɛɛ sèé kpang. Ruu ti risi Ruu Laa tɔ̀ɔ́ wu raa sèé kpang. Ruu kɔɔ rúu ɓɔɔ niizang ka dalɛ, ka tĩng Laa. Ruu kasɛ nɛɛ zang ɓu wu zi ka yeti ɓiɓɛ nɛɛ ruu ɓuru zang tɔ̃ɔ.

Galati 1:6

N mã naa tɔ ka danggn ka ruu manɛ. Knti bee gn vi, nɔɔ yaa zang ɓɔɔ ɓaa nɔɔ nyaa nɛɛ ruu tɔ̃ɔ ɓɔɔ Yeesɔ Kirisi palɛ nɔɔ, nɔɔ dũng kaa ruu ɓɔɔgn viya?

Galati 2:4

Ruu keɓe gaayu ka ɓɔɔ zang varɛ ɓɔɔ ri nwãarɛ zang nɛɛ ri dũng dòo Kirisi kɔ, ri kasɛ ɓarɛ katɔ nɛɛ, zang yèe wu shaa. Zang keɓe ɓɔɔ ri shɛ̃ɛ ka teteng ɓuru nɛɛ ri zili naa ɓuru, ri ti kãa gbalang naa ɓɔɔ zang ta yuu ɓuru ka ɓɔɔ ruu ɓakɛ yuu nɛɛ Yeesɔ Kirisi ɓɛɛ, ɓee. Ri kasɛ nɛɛ ri risi ruu naa jaafoo.

Galati 3:1

Ɓɔɔ nɔɔ zang tipi Galati nɔɔ shoko niizang. Ɓu wi zuu nɔɔ jĩng nɔngkɔ wiya? Zang kɔɔ ka shoo manɛ naa ɓɔɔ zang ɓaa Yeesɔ Kirisi naa ka laa a vɔrɛ ɓɛɛ.

Galati 4:11

Vuu kɔ nɔɔ palɛ ɓee, shing tɔ n káa kaa vɔrɔ. Mɔɔ kɔɔ nɛɛ shonang ɓɔɔ n pálɛ̀ ka ruu manɛ shàarɛ̀ tɔ waati.

Afisa 4:14

Tɔ̀ɔ ruu nwàng kaa tɔ̀ɔ́ naa wujɛ ɓɔɔ zang ráarɛ̀ ri yuu, nɛɛ vuu ɓɔɔ zang ɓɔɔ ri nwãarɛ zang, ri tusu ɓɛɛ kpang. Zang sèé keɓe, ri shing zang, zang ri palɛ vuu shi kpang nɛɛ zũnang ɓɔɔ ri nwangsɛ nɛɛ yeti ɓarɛ ɓɛɛ.

Afisa 4:22

Ka ruu nɔngkɔ, nɔɔ yaa vuu ɓeleng ɓɔɔ bii manɛ kasɛ ɓɛɛ ta, ɓɔɔ shing nɔɔ, nɔɔ nwang naa ɓɔɔ nɔɔ nwang ɓɛɛ. Vuu ɓɔɔ nwãarɛ nɔɔ katɔ, ɓɔɔ nɔɔ kasɛ ɓɛɛ, bɛ̀ɛ́ lasɛ bii manɛ kana.

Afisa 6:24

N gaa Laa nɛɛ wu pàlɛ̀ zang ɓɔɔ ri kasɛ Kpanti ɓuru Yeesɔ Kirisi gbãng gbãng tɔ̃ɔ.

Kolosi 2:18

Nɔɔ yaa zang ɓɔɔ tuu yuu ɓiɓɛ nɛɛ wu ɓa nɔɔ katɔ, wu dɔng nɔɔ ruu kpang. Zang ɓɔɔ kɔɔyi nɛɛ wu zìlí vuu ka si hingro, a yi tĩng, suu sèé nɛɛ wu tuu yuu ɓiɓɛ kpang, a bang ɓi kaa rɛɛ zang nyaa shonang Laa ɓɔɔ ri ka lapa ɓɛɛ. Zɔ̃ng zang keɓe tuu yuu ɓiɓɛ, ka dalɛ waati, ka rɛ̃rɛnang ɓɔɔ wu rɛ̃rɛ naa shɔnzang ɓɛɛ,

Kolosi 2:4

N kɔɔ nɔɔ ruu keɓe tɔ, zang ɓɔɔ wu nwáarɛ̀ nɔɔ nɛɛ nyaa laanang sèé kpang, naa nyaa keɓe shi doo naa viya?

Kolosi 2:8

Nɔɔ gãng jĩng kagn, zang ɓɔɔ nɛ̀ɛ́ nwãarɛ nɔɔ nɛɛ zũnang ɓɔɔ a nɛɛ bìí shɔnzang, ɓɔɔ nwàng zang vuu tɔ̃ɔ kpang ɓɛɛ. Zũnang ɓɔɔ nwáng ɓi nɛɛ vuu ɓɔɔ dabang ri tusu ka tĩng a ɓɔɔ nɛɛ nyaa dannang sèé ɓɔɔ shɔnzang ri túsù ɓɛɛ, wu nɛɛ bii Yeesɔ Kirisi kpang ɓɛɛ.

1 Tesalonika 3:5

Vuu ɓɔɔ shingnɛ ruu shong Timoti ɓɛɛ kɔ. Daa naa ɓɔɔ n tí ɓɛɛ takpang, ka ruu nɔngkɔ, ruu shong wu, nɛɛ wu daa zi ruu naa ɓɔɔ danggn shinnang manɛ nwang ɓɛɛ. Ruu zi kpang naa Sheetang gãsɛ nɔɔ tɔ, nɔɔ yaa danggn ɓɔɔ nɔɔ shing ɓɛɛ tɔ. Nɔɔ shing tɔ shonang ɓuru nandon shaarɛ tɔ waati ya?

1 Timoti 1:3

Ka ɓɔɔ n yupaa Makidoniya daanang, n kɔ̀ɔ mɔɔ n tɔ̀ɔ, mɔɔ nwang ka Afisa ka nɔngkɔ. Zang ɓɔɔ ri kagn ka nɔngkɔ, ɓɔɔ ri tusu vuu ɓɔɔ niizang kpang, shaarɛ ri nyaa nɛɛ ri yaa ta.

1 Timoti 2:14

A zang ti nwãarɛ wu Adamu kpang. Zang nwãarɛ ɓi Hawawu, a ɓa nyaa ɓɔɔ Laa dang ɓɛɛ.

2 Timoti 3:13

A zang ɓɔɔ ri palɛ vuu shi kpang nɛɛ zang ɓɔɔ, ri tuu waa nyaating zang ɓɔɔ ri palɛ vuu nɛɛ mani ɓɛɛ, ri shaarɛ katɔ, shaarɛnang ɓarɛ daa nɛɛ tĩng kɔ jong. Ri nwãarɛ zang, zang ti nwãarɛ ri.

Titu 1:10

Ka ruu ɓɔɔ, zang dɔɔli nɛɛ zang ɓɔɔ ri yaa gbalang zang Yahudi dũnnang ri dũng kaa Laa, ri ta ruu niizang ɓɔɔ zang ɓɔɔ ri dũng Laa ri tusu ɓɛɛ kpang. Ri nwãarɛ zang ɓarɛ nɛɛ yee shoko ɓɔɔ ri rangkɛ ɓɛɛ.

Yahudi 13:9

Nɔɔ yáa vuu ɓɔɔ zang tusu, ɓɔɔ ka zɔ̃ng zɔ̃ng, nɛɛ ɓɔɔ nɔɔ tãa gngn kpang, wu shing nɔɔ, nɔɔ ning gbalang kpang. Ɓi tɔ̃ɔ ɓɔɔ Laa palɛ ruu kɔ, mã ruu danggn, wu vuu shaanang ɓɔɔ ruu shaa ka zɔ̃ng zɔ̃ng ɓɛɛ kpang. Vuu shaanang keɓe, ti nwàng zang ɓɔɔ ri shaayi vuu tɔ̃ɔ kpang.

2 Bituru 3:17

Masang ɓɔɔ n kasɛ ruu manɛ dɔɔli ɓɛɛ, ɓɔɔ manɛ nɔɔ zi vuu keɓe manɛ tɔ, ka ruu nɔngkɔ, n kɔɔ nɔɔ, nɔɔ gãng jĩng waasɛ̃. Zang ɓɔɔ ri dũng nyaa Laa kpang, ri nɛ̀ɛ́ shing nɔɔ, nɔ́ɔ palɛ vuu shi kpang ɓɔɔ ri palɛ ɓee. Rí nɛɛ ti wàlɛ́ gbalang ri shing nɔɔ, nɔ́ɔ yaa nɔng tɔ̃ɔ kɔ nɔɔ shii kagn ɓɛɛ.

2 Bituru 3:3

Vuu ɓɔɔ n kasɛ nɛɛ nɔɔ zi shɔɔnang keɓe. N kasɛ nɛɛ nɔɔ zirɛ nɛɛ ka diki ɓɔɔ koo keɓe waa nyaa kaa tɔ, zang ɓɔɔgn ri nwangkɛ nyaa, ri palɛ vuu ɓɔɔ yeti ɓarɛ kasɛ ɓɛɛ. Zang keɓe, ri naa kpaa nɔɔ katɔ.

1 Yɔhana 2:18

Wujɛ mɛɛ, diki ɓɔɔ koo keɓe waa nyaa a naabm tɔ. Nɔɔ tãayi nɛɛ, zang ɓɔɔ shing jĩng nɛɛ Yeesɔ kpang a ditɔ, kãntang keɓe, zang ɓɔɔ shing jĩng nɛɛ Yeesɔ kpang, ri nwangsɛ yuu tɔ dɔɔli. Ka ruu nɔngkɔ, ruu zi tɔ nɛɛ, diki ɓɔɔ koo keɓe waa nyaa gn keɓe kɔ.

1 Yɔhana 4:1

Rɛɛ masang ɓɔɔ n kasɛ nɔɔ katɔ dɔɔli ɓɛɛ, nɔɔ shing gn ka zang ɓɔɔ kɔɔyi nɛɛ, Suru Laa kagn bii ɓarɛ kpang. Nɔɔ gãsɛ ri katɔ, nɔɔ zi suru ɓɔɔ ka bii ɓarɛ, nɛɛ ɓɔɔ Laa ɓɛɛ. Ka ruu ɓɔɔ, zang ɓɔɔ ri suu sèé nɛɛ ri zang nyaa shonang Laa, ri nwangsɛ bii tɔ ka koolaa dɔɔli ɓɛɛ.

Yahuza 1:4

Zang ɓɔɔ ri dũ̀ng Laa kpang, ɓɔɔ kagn ri hãa tɔ ka teteng manɛ nɛɛ nwĩiri, ruu zi kpang. Zang ɓɔɔ ri kɔ̃sɔ ruu tɔ̃ɔ ɓɔɔ Laa ɓuru pàlɛ́ zang, nwang ri ɓarɛ kaa naa zang yaa ri gbalang dũndũng palɛnang, a ri bɛ̃ɛ Yeesɔ Kirisi ɓɔɔ wukɔ gbete, Kpanti nɛɛ dabang ɓuru ɓɛɛ. Labeenang Laa kɔɔ ruu ɓi tɔ ka yuu ruu kɔ zang dɔ̀ng ri ɓee.

Vuu ɓɔɔ zang nwangsɛ Yɔhana 12:15

A sɔkɔ bang kaɓa, jeng mii nɛɛ nyaa ɓiɓɛ naa rang, ka knti jaa soro bìí nɛɛ mii wu tuu jaa soro kati.

Vuu ɓɔɔ zang nwangsɛ Yɔhana 12:9

A ri nwangsɛ sɔkɔ bang nɛɛ lapa, ri tasɛ wu ka koo nɛɛ rɛɛ zang ɓɔɔ ri dũng wu nandon. Sɔkɔ bang kaɓa zang ɓaa nung ɓiɓɛ nɛɛ Sheetang, wukɔ kpanti rɛɛ suru shi kpang. Wukɔ ti nwãarɛ zang ka koo dɔɔ tɛ̃ɛ tɛ̃ɛ.

Vuu ɓɔɔ zang nwangsɛ Yɔhana 20:2

Yi sɔkɔ bang kaɓa, ɓɔɔ nwang doo ka tĩng tɛ̃ɛ tɛ̃ɛ ɓɛɛ, ɓɔɔ zang ɓaa wu nɛɛ Sheetang, kpanti suru shi kpang ɓɛɛ. A mã wu nɛɛ sáa yɔ̀ng bang nɛɛ wu nwang ka nɔngkɔ saa labang gbete.