2 Koranti 10:8 - Nyaa Shɔɔ Ɓɔɔ Laa a Ɓɛɛ

⁸ Ka ruu ɓɔɔ, naa n rangkɛ dòo yee bang bang ka yuu naa vuu palɛnang ɓɔɔ Kpanti Yeesɔ Kirisi a ruu ka yuu manɛ, yusɛ̃ɛ tuu m kpang. Ka ruu ɓɔɔ, Laa a ruu naa nɛɛ ruu ningsi nɔɔ katɔ kpang, nɛɛ ruu yi nɔɔ naa ka bii kɔ jong, nɔ́ɔ bangnɛ ɓɛɛ.

2 Koranti 10:8 ပူးပေါင်းရင်းမြစ်များ

2 Koranti 1:24

Wu ka ruu ɓɔɔ ruu nɛɛ, rukɔ rúu tusu nɔɔ vuu ɓɔɔ nɔɔ shing danggn kagn ɓɛɛ kpang. Ruu zi tɔ, nɔɔ shii tɔ gbãng gbãng, ka danggn ɓɔɔ nɔɔ shing ɓɛɛ. Ruu palɛ shonang ɓuru nɛɛ nɔɔ, tɔ̀ɔ, nɔ́ɔ tãa tĩnang kati kɔ jong.

2 Koranti 10:4

Ka ruu ɓɔɔ, vuu waa ɓɔɔ ruu tá sĩiri nɛɛ mani, ɓi zɔ̃ng vuu waa ɓɔɔ zang koo keɓe ri ta sĩiri nɛɛ mani kpang ɓɛɛ. Ɓi vuu waa ɓɔɔ Laa a ruu ɓɛɛ, ɓɔɔ ruu ningsi zang ɓɔɔ ri ta sĩiri nɛɛ ruu nɛɛ mani ɓɛɛ.

2 Koranti 10:9

N kasɛ kpang, wu nwang naa ɓɔɔ n shing nɔɔ, nɔ́ɔ kaa vɔrɔ nɛɛ labeenang kɔ n bee nɔɔ ɓee kpang.

2 Koranti 12:19

Nɔɔ rɛ̃rɛ manɛ ɓu nɛɛ, ruu tɔɔ ruu ta yuu ɓuru ka tĩng manɛ ya? Manzung ɓuru, ɓɔɔ ruu kasɛ nɔɔ dɔɔli ɓɛɛ, ruu ráng nɔɔ yee ka tĩng Laa, wee ruu ɓakɛ yuu tɔ nɛɛ Kirisi ɓee. A vuu piti ɓɔɔ ruu palɛ ɓɛɛ, ruu palɛ nɛɛ tɔɔ ruu yi nɔɔ naa ka bii.

2 Koranti 12:6

Naa n kasɛ nɛɛ n rangkɛ yee bang bang ka yuu mɛɛ, n palɛ vuu shoko kpang, ka ruu ɓɔɔ, n kɔɔrɔ m ruu ɓɔɔ niizang ɓɛɛ. A n kɔɔrɔ ruu bang bang kaa tɔ̀ɔ́ yuu mɛɛ kpang, ka ruu ɓɔɔ, n kasɛ zang ɓɔɔ wu rɛ̃rɛ nɛɛ n ɓa naa wee n ɓee katɔ kpang. N kasɛ zang rɛ̃rɛ ka yuu vuu ɓɔɔ zang zirɛ n palɛ nɛɛ vuu ɓɔɔ zang tãayi n kɔɔ ɓɛɛ.

2 Koranti 13:10

Ka ruu nɔngkɔ, n bèé nɔɔ laa keɓe ka wee n gn nɛɛ nɔɔ nɔng gbete kpang ɓee. Tɔ̀ɔ, n nɛɛ a tɔ ka nɔng manɛ, n palɛ nɔɔ vuu kaa tɔ̀ɔ́ nɛɛ gnvɔ, nɛɛ naa vuu palɛnang ɓɔɔ Laa a m ɓɛɛ kpang. Laa a m naa nɛɛ n yi nɔɔ naa ka bii nɔɔ bangkɛ, nɛɛ n ningsi nɔɔ katɔ kpang.

2 Koranti 13:8

Ka ruu ɓɔɔ, ruu palɛ ɓuru vuu ɓɔɔ yi Ruu Tɔ̃ɔ Laa naa kaa bii, wu daa nɛɛ tĩng ɓɛɛ kɔ shɛ̃ɛning. Ruu pálɛ̀ vuu ɓɔɔ lasɛ gbalang Ruu Tɔ̃ɔ Laa ɓuru kpang.

2 Koranti 7:14

N kɔ̀ɔrɔ̀ wu, ruu bang bang katɔ ka yuu manɛ, a nɔɔ ti shingnɛ yusɛ̃ɛ tuu m kpang. Ruu kɔɔrɔ nɔɔ ruu niizang diki diki, ka ruu nɔngkɔ, ruu bang bang ɓɔɔ ruu kɔɔrɔ Titu ka yuu manɛ, nɔɔ shing tɔ nwang tɔ niizang.

2 Koranti 7:4

N yaa gn naa ka yuu manɛ kpang. N tuu yuu mɛɛ ka ruu manɛ dɔɔli. Ka jĩng ɓɔɔ ruu dang ɓɛɛ nandon, n yaa gn naa gn kpang. Yeti mɛɛ ɓi tĩnang kɔ shɛ̃ɛning.

Galati 1:1

Labeenang keɓe nɛɛ bii mɛɛ nkɔ Bulu ɓɔɔ zang ɓàa m nyaa nɛɛ n nwang zang shonang Yeesɔ ɓɛɛ. Nyaa keɓe wu shɔnzang ɓaayi kpang, wu ti shɔnzang shingnɛ kpang, ɓi Yeesɔ Kirisi shingnɛ nɛɛ Laa ɓɔɔ wukɔ Daa ɓɔɔ wisi wu paa nɛɛ sàa ɓɛɛ.

2 Timoti 1:12

N dang jĩng ka ruu rɛɛ vuu keɓe kɔ. A n yaa gn naa m gn kpang tingkiring, ka ruu ɓɔɔ, n zi zang ɓɔɔ n shing danggn ka bii ɓiɓɛ tɔ ɓɛɛ. A n ti zi m tɔ nɛɛ, zunung ɓɔɔ wu yìtí m vuu ɓɔɔ wu a m ka naa tɔ, diki ɓɔɔ koo waa nyaa wu a nɛɛ mani.