2 Koranti 10:7 - Nyaa Shɔɔ Ɓɔɔ Laa a Ɓɛɛ

⁷ Nɔɔ pɛ̃ɛrɛ manɛ bii biling vuu kɔ shɛ̃ɛning. Zang ɓɔɔ kagn nɔngkɔ, ɓɔɔ tuu yuu nɛɛ wu ɓi ɓɔɔ Yeesɔ Kirisi ya? Wukɔ tɔ̃ɔ. Zang kaɓa wu rɛ̃rɛ ka yuu ɓiɓɛ tɔkn, ka ruu ɓɔɔ, ruu ɓuru dòo zang Yeesɔ Kirisi kɔ naa wukɔ ɓɛɛ.

2 Koranti 10:7 ပူးပေါင်းရင်းမြစ်များ

Matiyu 23:5

Vuu piti ɓɔɔ ri palɛ, ri palɛ ɓarɛ ka ruu ɓɔɔ, tɔ̀ɔ, zang zi ri kati ɓɛɛ. Ri pu jaa baajaa ɓɔɔ ri tɛ̃ɛ Ruu Laa ɓarɛ kagn nɛɛ koo zaa nwɛ̃ɛri pokoto pokoto, ri mã kaa waa nyaating ɓarɛ. Ri ti hãlɛ ɓarɛ fɔ̃ɔrɔ ɓɔɔ nyaa ɓiɓɛ beebang beebang ɓɛɛ.

Luka 16:15

Yeesɔ kɔɔ ri tɔɔ, “Nɔɔ túsù yuu manɛ waati ka nɔng zang nɛɛ nɔɔ zang tɔ̃ɔ, Laa zi yeti manɛ ɓi tɔ. Vuu ɓɔɔ shɔnzang zirɛ, nɛɛ ɓi vuu tɔ̃ɔ, ɓɔɔ ka jĩng Laa ɓi vuu baabii.

Yɔhana 7:24

Nɔ́ɔ jɛ̃ɛ zang ruu nɛɛ vuu ɓɔɔ nɔɔ zì nɛɛ jĩng waati kpang, nɔɔ jɛ̃ɛ zang ruu ka vuu ɓɔɔ niizang ɓɛɛ.”

1 Koranti 1:12

Vuu ɓɔɔ n kɔɔ nɔɔ keɓe, nɔɔ kúsù yuu manɛ ka vaa vaa. Zang ɓu ka teteng manɛ kɔɔyi nɛɛ, “N dũng m Bulu,” zang ɓɔɔ nɛɛ, “N dũng m Apolo,” zang ɓɔɔ nɛɛ, “N dũng m Bituru”. A zang ɓɔɔ kɔɔyi nɛɛ, “N dũng m Kirisi.”

1 Koranti 14:37

Zang ɓɔɔ nɛɛ tuu yuu ɓiɓɛ nɛɛ wu zang ɓɔɔ kɔɔ ruu ɓɔɔ Laa tusu wu ɓɛɛ. Nɛɛ ti rɛ̃rɛ ka yeti ɓiɓɛ nɛɛ suru Laa ti a wu naa tɔ. Wu zi katɔ nɛɛ ruu kɔ n bèé nɔɔ ɓee, ɓi Kpanti Yeesɔ Kirisi nɛɛ yuu ɓiɓɛ dang nyaa nɛɛ ruu palɛ vuu keɓe.

1 Koranti 15:23

Vuu keɓe piti ri palɛ ka laa ɓarɛ. Kirisi kɔ yupaa shɔɔnang nɛɛ sàa. Ka diki ɓɔɔ wu naa gbã́ayu ka koo keɓe, Laa naa wisi zang ɓɔɔ ri ɓarɛ ɓɔ̀ɔ́ Kirisi paa ditɔ nandon.

1 Koranti 3:23

Nɔɔ manɛ kaa ɓɔɔ Kirisi, a Kirisi ɓi kaa ɓɔɔ Laa.

1 Koranti 9:1

N zi m tɔ nɛɛ vuu ɓɔɔ zang zãa m katɔ kagn kpang. N m zang shonang Yeesɔ Kirisi. N ti zi Yeesɔ Kirisi ɓɔɔ wukɔ Kpanti ɓuru tɔ nɛɛ jĩng mɛɛ. Nɔɔ manɛ zang ɓɔɔ n atɛ ri nɛɛ ri naa dũng Kpanti Yeesɔ Kirisi ɓɛɛ, ka ruu shonang ɓɔɔ n pàlɛ̀ wu ɓɛɛ.

2 Koranti 10:1

Nkɔ Bulu nɛɛ yuu mɛɛ, n gaa nɔɔ, n ɓɔɔ n palɛ vuu hakaka kpang, n ti tuu yuu mɛɛ kpang, naa Kirisi ɓɛɛ. Zang kɔɔrɔ nɛɛ naa n dòo nɛɛ nɔɔ nɔng gbete, n kaa doo vɔrɔ, a n nɛɛ tɔ̀ɔ́ nɛɛ nɔɔ kpang, n kaa vɔrɔ takpang.

2 Koranti 11:18

Wee zang dɔɔli ri rangkɛ yee bang bang ka yuu vuu koo ɓee, palɛ ditɔ jong nɔngkɔ.

2 Koranti 11:23

Ri zang ɓɔɔ palɛ Yeesɔ Kirisi shonang ya? N palɛ Yeesɔ shonang, n ɓa ri katɔ. N rang yee naa zang shoko. N palɛ shonang tɔ gbãng gbãng, n ɓa ri katɔ. Zang mã m ka sãa doo dɔɔli ɓa ri katɔ, zang nyɔ m tɔ nɛɛ gbãa dɔɔli, ɓa ɓɔɔ ɓarɛ katɔ. A zang yàarɛ́ m nung vɔrɔ gbete diki diki.

2 Koranti 11:4

N kàá nɔɔ vɔrɔ, ka ruu ɓɔɔ, n zirɛ zang ɓɔɔ nɛɛ a tɔ ka bii manɛ, nɔɔ tantɛ wu tanang ɓɛɛ. Nɔɔ tantɛ danggn shinnang ka vuu ɓɔɔ ri kɔ̀ɔ́ nɔɔ ka yuu Yeesɔ ɓɔɔ ɓɛɛ, naa dòo náabm̀ nɛɛ Yeesɔ ɓɔɔ ruu kɔɔ nɔɔ ɓɛɛ. Nɔɔ ti tá suru ɓɔɔgn naa doo Suru Laa ɓɔɔ nɔɔ ta nɛɛ bii ɓuru kpang ɓɛɛ. A nɔɔ ti ta Ruu Tɔ̃ɔ ɓɔɔgn ka yuu Laa, naa doo náabm̀ nɛɛ ɓɔɔ ruu kɔɔ nɔɔ ɓɛɛ.

2 Koranti 12:11

N palɛ vuu tɔ naa shoko. Nɔkɔ shing m n palɛ nɔngkɔ. Nɔkɔ nɛ̀ɛ́ kɔɔ ruu tɔ̃ɔ ka yuu mɛɛ. Naa n doo vuu ɓɔɔ kpang piti, zang shonang Yeesɔ manɛ ɓɔɔ bang bang kaɓa, ri ɓa m kpang.

2 Koranti 13:3

Naa nɔɔ kasɛ nɛɛ zang tusu nɔɔ nɛɛ Yeesɔ Kirisi kɔ rang yee nɛɛ bii mɛɛ. Nɔɔ zi tɔ nɛɛ Yeesɔ palɛ nɔɔ vuu ɓi naa zang ɓɔɔ lakɛ naa ka bii kpang, kpang, tusu naa vuu palɛnang ɓiɓɛ ɓi katɔ kɔ jong ka teteng manɛ.

2 Koranti 5:12

Ruu tɔɔ kpang nɛɛ, ruu bée nɔɔ labeenang ɓɔɔ kɔɔ nɔɔ ruu ka yuu ɓuru tɔkn kpang. Ruu tɔɔ ruu a nɔɔ manɛ vuu tɔ̃ɔ ɓɔɔ shingnɛ nɔɔ tuu yuu manɛ ka ruu ɓuru ɓɛɛ. Tɔ̀ɔ, nɔ́ɔ walɛ vuu ɓɔɔ nɔɔ kɔɔ zang ɓɔɔ ri kɔɔrɔ ruu bang bang ka yuu vuu ɓɔɔ ri zi ka bii zang, wu ka yuu vuu ɓɔɔ ka yeti ɓarɛ ɓɛɛ kpang kati.

Galati 3:29

Naa nɔɔ zang Yeesɔ Kirisi, nɔɔ manɛ kaa zɔ̃ng Ibirayi, a nɔɔ naa ta vuu ɓɔɔ Laa a nyaa ka yuu ɓiɓɛ katɔ.

1 Yɔhana 4:6

Ruu ɓuru zang Laa. Zang ɓɔɔ zi Laa katɔ, ri ɓaa shoo ɓi katɔ nyaa ɓuru. Zang ɓɔɔ zang Laa kpang, ti ɓaa shoo ɓi ka nyaa ɓuru kpang. Ruu zi suru ɓɔɔ niizang, nɛɛ suru ɓɔɔ sèé nung naa weɓe kɔ.