2 Koranti 10:4 - Nyaa Shɔɔ Ɓɔɔ Laa a Ɓɛɛ

⁴ Ka ruu ɓɔɔ, vuu waa ɓɔɔ ruu tá sĩiri nɛɛ mani, ɓi zɔ̃ng vuu waa ɓɔɔ zang koo keɓe ri ta sĩiri nɛɛ mani kpang ɓɛɛ. Ɓi vuu waa ɓɔɔ Laa a ruu ɓɛɛ, ɓɔɔ ruu ningsi zang ɓɔɔ ri ta sĩiri nɛɛ ruu nɛɛ mani ɓɛɛ.

2 Koranti 10:4 ပူးပေါင်းရင်းမြစ်များ

Zang Shonang Yeesɔ 7:22

Zang tusu Musa labeenang, a zang tusu wu vuu ɓɔɔ zang mantɛ ka tipi Masara nandon, a zunung yee rannang nɛɛ vuu palɛnang dɔɔli.

Rooma 13:12

Nwàng kaa naa ɓɔɔ nɔng gãntɛ kana, nɔng laagɛ̃ a kaa tɔ ɓɛɛ. Ruu yaa vuu shi kpang ɓɔɔ zang ri palɛ ka nɔng ɓɔɔ tɔ̀ɔ katɔ ɓɛɛ ta. Ruu palɛ vuu ɓɔɔ zang ɓɔɔ ri nwàng ka nɔng ɓɔɔ yakɛ katɔ ri palɛ ɓɛɛ.

Rooma 6:13

Nɔ́ɔ ti yaa bii manɛ dang gbete wu ràa vuu ɓɔɔ nɔ̀ɔ palɛ vuu shi kpang nɛɛ mani ɓɛɛ kpang. Nɔɔ a Laa, bii manɛ naa zang ɓɔɔ zang wisi ri paa nɛɛ sàa ri nwàng kaa ningkãari ɓɛɛ. Nɔɔ risi bii manɛ dang gbete katɔ kɔ jong wu nwang vuu ɓɔɔ Laa palɛ shonang tɔ̃ɔ nɛɛ mani ɓɛɛ.

1 Koranti 2:5

Ka ruu nɔngkɔ, dĩiri danggn shinnang manɛ ka bii Yeesɔ Kirisi, ɓi vuu zũnang shɔnzang kpang, ɓi naa vuu palɛnang Laa shingnɛ.

1 Koranti 9:7

Sɔɔja ɓɔɔ kagn ta sĩiri, wu ti kãa vuu shaanang nɛɛ yuu ɓiɓɛ ya? Zang ɓɔɔ kagn lang jaa shaa vuu ɓɔɔ wu lang ɓɛɛ kpang ya? Jagãng napo ri ɓoo mii napo kpang ya?

2 Koranti 10:8

Ka ruu ɓɔɔ, naa n rangkɛ dòo yee bang bang ka yuu naa vuu palɛnang ɓɔɔ Kpanti Yeesɔ Kirisi a ruu ka yuu manɛ, yusɛ̃ɛ tuu m kpang. Ka ruu ɓɔɔ, Laa a ruu naa nɛɛ ruu ningsi nɔɔ katɔ kpang, nɛɛ ruu yi nɔɔ naa ka bii kɔ jong, nɔ́ɔ bangnɛ ɓɛɛ.

2 Koranti 13:10

Ka ruu nɔngkɔ, n bèé nɔɔ laa keɓe ka wee n gn nɛɛ nɔɔ nɔng gbete kpang ɓee. Tɔ̀ɔ, n nɛɛ a tɔ ka nɔng manɛ, n palɛ nɔɔ vuu kaa tɔ̀ɔ́ nɛɛ gnvɔ, nɛɛ naa vuu palɛnang ɓɔɔ Laa a m ɓɛɛ kpang. Laa a m naa nɛɛ n yi nɔɔ naa ka bii nɔɔ bangkɛ, nɛɛ n ningsi nɔɔ katɔ kpang.

2 Koranti 3:5

Vuu ɓɔɔ kagn ka bii ɓuru, ɓɔɔ shingnɛ ruu kɔɔyi nɛɛ, ruu zunung shonang keɓe palɛnang katɔ kpang. Kaka ɓuru a ɓi nɛɛ bii Laa.

2 Koranti 4:7

Ka ruu ɓɔɔ, a ruu vuu ɓɔɔ bang keɓe, rùu ɓɔɔ ruu nwang ɓuru naa ɓari tapɔng. Tɔ̀ɔ, zang zi kati nɛɛ naa vuu palɛnang bang keɓe, ɓi ɓɔɔ Laa, wu ɓɔɔ ɓuru kpang.

2 Koranti 6:7

Ɓɔɔ nɛɛ yee niizang ɓɔɔ ruu rang ɓɛɛ, a ɓɔɔ kaa nɛɛ naa vuu palɛnang Laa. Nwannang zang tɔ̃ɔ ka tĩng Laa kɔ nwang kaa naa vuu waa ɓuru, ɓɔɔ ruu ta sĩiri nɛɛ mani, a ruu ti gãng bii nɛɛ mani ɓɛɛ.

1 Tesalonika 5:8

A ruu ɓuru zang nɔng laagɛ̃, rúu yiti yuu ɓuru waasɛ̃. Danggn ɓɔɔ ruu shing ka bii Laa nɛɛ kasɛnang ɓɔɔ ruu kasɛ zɔɔ, wu nwàng ruu naa kãati. Gn ɓɔɔ ruu shingnɛ nɛɛ Laa naa ta yuu ɓuru ditɔ dɔ̃ɔ gbete, wu nwang ruu naa wàálaa ka yuu ɓuru.

1 Timoti 1:18

Jaa mɛɛ Timoti, ruu kɔ n kɔɔ mɔɔ ɓee, ɓi kaa doo ruu ɓɔɔ rɛɛ zang nyaa shonang Laa ri kɔɔ tɔ kagn ka yuu ɓaaɓɛ ɓɛɛ. Naa mɔɔ dũng nyaa keɓe, mɔɔ ta sĩiri bii ditɔ tɔ̃ɔ tɔ̃ɔ.

2 Timoti 2:3

Naa ɓɔɔ sɔɔja tɔ̃ɔ mã danggn jĩng dannang ɓɛɛ, mã danggn dòo nɔngkɔ, naa mɔɔ dang jĩng ka ruu Yeesɔ Kirisi ɓɛɛ.

Yahudi 11:30

Danggn shinnang zang Isirela shingnɛ, vuu ɓɔɔ zang mãayi zang kiiri gari Jeriko nyaa nɛɛ mani ka teteng, jirɛ, ka knti ɓɔɔ ri jĩng doo ɓiɓɛ diki manziti ɓɛɛ.