2 Koranti 10:3 - Nyaa Shɔɔ Ɓɔɔ Laa a Ɓɛɛ

³ Ruu nwang ka koo kɔ niizang, a ruu gàa nyaa ɓuru kaa tɔ̀ɔ́ ka doo vuu ɓɔɔ zang koo ri kasɛ ɓɛɛ kpang.

2 Koranti 10:3 ပူးပေါင်းရင်းမြစ်များ

Rooma 7:5

Ka ɓɔɔ bɛ̀ɛ́ ruu nwàng doo nwannang naa shɔnzang waati ɓɛɛ, bii ɓuru ɓɔɔ kasɛ vuu shi kpang palɛnang, sèé paa kaa gbãng gbãng, ka ruu ɓɔɔ, nyaa dannang Laa shing wu ɓɛɛ. Vuu piti ɓɔɔ ruu palɛ nwang ruu ɓuru vɔrɔ kɔ shɛ̃ɛning.

Rooma 8:13

Naa ruu nwang naa ɓɔɔ bii ɓuru kasɛ, ruu vɔ katɔ. A naa Suru Laa yi ruu naa kagn, ruu yaa vuu shi kpang ɓɔɔ ruu palɛ dɔ̃ɔ gbete, ruu nwáng ditɔ ningkãari.

Rooma 8:4

Laa pálɛ́ vuu keɓe nɛɛ tɔɔ, ruu nwang naa ɓɔɔ Suru Laa kasɛ ɓɛɛ, wu naa ɓɔɔ bii shɔnzang kasɛ kpang. Ruu palɛ vuu tɔ̃ɔ ɓɔɔ nyaa dannang Laa kasɛ nɛɛ zang wu palɛ, ruu palɛ kaa nyaa kiiri.

2 Koranti 1:17

Ɓɔɔ n mangnɛ, n tɔɔ, n a ka bii manɛ ɓɛɛ, nɔɔ kɔ̀ɔ́ nɛɛ rɛ̃rɛnang mɛɛ daa gn gbete kpang ya? Nɔɔ zi manɛ ɓu nɛɛ n mang vuu ka yeti mɛɛ naa ɓɔɔ zang koo ri palɛ ɓɛɛ ya? Tɔ̀ɔ, n kasɛ nyaa kaa nɛɛ “Nn” a ɓɔɔ kaa nɛɛ, “Kpang” ka làa gbete ya?

2 Koranti 10:4

Ka ruu ɓɔɔ, vuu waa ɓɔɔ ruu tá sĩiri nɛɛ mani, ɓi zɔ̃ng vuu waa ɓɔɔ zang koo keɓe ri ta sĩiri nɛɛ mani kpang ɓɛɛ. Ɓi vuu waa ɓɔɔ Laa a ruu ɓɛɛ, ɓɔɔ ruu ningsi zang ɓɔɔ ri ta sĩiri nɛɛ ruu nɛɛ mani ɓɛɛ.

Galati 2:20

Zang ɓaa m naa m tɔ laa nɛɛ Kirisi, ɓi tɔ̀ɔ́ nkɔ nwang ningkãari kpang. Ɓi kaa Kirisi ɓɔɔ ka bii mɛɛ kɔ nwang ningkãari. Nwannang kɔ n nwang kãntang ɓee, n nwang m kaa nɛɛ danggn ɓɔɔ n shing ka bii Jaa Laa ɓɔɔ kasɛ m, a á zang yuu ɓiɓɛ, nɛɛ zang nyɔ wu vɔrɔ ka ruu mɛɛ ɓɛɛ.

1 Timoti 1:18

Jaa mɛɛ Timoti, ruu kɔ n kɔɔ mɔɔ ɓee, ɓi kaa doo ruu ɓɔɔ rɛɛ zang nyaa shonang Laa ri kɔɔ tɔ kagn ka yuu ɓaaɓɛ ɓɛɛ. Naa mɔɔ dũng nyaa keɓe, mɔɔ ta sĩiri bii ditɔ tɔ̃ɔ tɔ̃ɔ.

2 Timoti 4:7

N yuu m tɔ waasɛ̃ n yurɛ n daa hangsɛ nyaa. N yaa danggn ɓɔɔ n shing ka bii Laa ɓɛɛ kpang.

Yahudi 12:1

Ka ruu nɔngkɔ, wee zang ɓɔɔ ri kɔ̀ɔ ruu rúu, ri shang nɔngkɔ, ri kiiri ruu nyaa ka teteng ɓee. Ruu vang nɔɔ vuu piti ɓɔɔ zãa ruu gbalang, nɛɛ vuu shi kpang ɓɔɔ kpãa ruu, ɓɔɔ ruu wii kagn ɓɛɛ. Ruu mã danggn, ruu yuu nɔɔ yunang kɔ zang shing ka tĩng ɓuru ɓee.