2 Koranti 10:1 - Nyaa Shɔɔ Ɓɔɔ Laa a Ɓɛɛ

¹ Nkɔ Bulu nɛɛ yuu mɛɛ, n gaa nɔɔ, n ɓɔɔ n palɛ vuu hakaka kpang, n ti tuu yuu mɛɛ kpang, naa Kirisi ɓɛɛ. Zang kɔɔrɔ nɛɛ naa n dòo nɛɛ nɔɔ nɔng gbete, n kaa doo vɔrɔ, a n nɛɛ tɔ̀ɔ́ nɛɛ nɔɔ kpang, n kaa vɔrɔ takpang.

2 Koranti 10:1 ပူးပေါင်းရင်းမြစ်များ

Matiyu 11:29

Nɔɔ yaa m ta n tusu nɔɔ vuu ɓɔɔ nɔɔ palɛ ɓɛɛ, nɔɔ mantɛ vuu ka bii mɛɛ, ka ruu ɓɔɔ n tuu yuu kpang N ti lakɛ jĩng kpang ɓɛɛ. Nɔɔ wàlɛ́ ɔ̃sɔnang katɔ.

Matiyu 21:5

Laa kɔɔyi tɔɔ, “Nɔɔ kɔɔ zang gari Siyona nɛɛ, ‘Kpanti manɛ a kana bii manɛ. Tuu yuu ɓiɓɛ kpang, vang seesaa, ka jaa seesaa.’ ”

Zang Shonang Yeesɔ 8:32

Nɔng ɓɔɔ yɔɔ kaɓa gãrɛ keɓe, Nwáng naa mɛ̀ɛrɛ́ ɓɔɔ zang daa nɛɛ mani ka nɔng yeenang ɓɛɛ, a puu nyaa ɓiɓɛ kpang. Nwang naa jamɛ̀ɛrɛ́ ɓɔɔ zang kpang shãngti ɓiɓɛ, kaa nyaa kpang ɓɛɛ.

Rooma 10:20

Ishaya kaa vɔrɔ kpang, kɔɔyi tɔɔ, “Zang ɓɔɔ ri kãa m kpang rikɔ ĩi m kaa jong. N ti nwáng nyaa ka zang ɓɔɔ bɛ̀ɛ́ ri hɛ̃ɛ nɔng mɛɛ kpang ɓɛɛ”.

Rooma 12:1

Rɛɛ manzung, ka ruu tɔ̃ɔ palɛnang Laa, ɓɔɔ Laa tusu ruu dɔɔli ɓɛɛ, n gaa nɔɔ katɔ gbãng gbãng. Nɔɔ a Laa yuu manɛ, naa vuu ɓɔɔ zang dɔɔ wu ɓɛɛ. Nɔɔ nɛɛ a wu yuu manɛ tɔ naa vuu vaa ɓɔɔ zang dɔɔ wu ɓɛɛ, a nɔɔ kaa doo ningkãari ɓɛɛ. Nɔɔ shing yuu manɛ kaa gbãng gbãng nɔɔ pàlɛ́ wu shonang ɓɔɔ shing wu, wu tãa tĩnang manɛ ɓɛɛ. Wee gbalang ɓɔɔ Laa kàsɛ̀ nɛɛ nɔɔ báng wu ɓɛɛ kɔ.

Rooma 15:15

Ka labeenang kɔ n bèé nɔɔ ɓee, n waasɛ nɔɔ vuu ɓɔɔ kpang ka yuu vuu ɓɔɔ, n kpaa nɔɔ danggn ɓarɛ ɓɛɛ. N waasɛ nɔɔ vuu ɓɔɔ kpang, ka ruu bannang ɓɔɔ Laa a m ɓɛɛ.

1 Koranti 2:3

N a naa zang ɓɔɔ lakɛ naa ka bii kpang ɓɛɛ. N kaa vɔrɔ, bii zàa m kagn.

1 Koranti 4:10

Ruu nwang kaa naa zang shoko, ka ruu Yeesɔ Kirisi. Nɔɔ tuu yuu manɛ naa zang ɓɔɔ ri zũng katɔ ɓɔɔ ri ɓakɛ yuu kaa nɛɛ Yeesɔ Kirisi ɓɛɛ. Rùu lakɛ naa ɓuru bii kpang. Kaka ɓi kagn bii manɛ. Zang seng nɔɔ manɛ katɔ, ruu ɓuru zang ɓɔɔ zang palɛ ri vuu yusɛ̃ɛ ɓɛɛ.

1 Koranti 4:21

Nɔɔ kasɛ wiya? Ɓɔɔ n a nɛɛ gbãa, nɛɛ ɓɔɔ n a nɛɛ yeti ɓɔɔ valɛ katɔ nɛɛ zang kasɛnang, ka bii manɛ ya?

2 Koranti 10:10

Zang ɓɔɔ ri kɔɔ katɔ nɛɛ, “Rɛɛ labeenang Bulu kpiti katɔ, a vuu ɓɔɔ wu kasɛ nɛɛ zang ri palɛ bang dɔɔli. A nɛɛ a tɔ ka bii ɓuru, wu zang ɓɔɔ mɔɔ kaa vɔrɔ ɓiɓɛ kpang. Ruu ɓiɓɛ ti kpãa zang takpang.”

2 Koranti 10:2

Ka ruu nɔngkɔ, n gaa nɔɔ katɔ, nɔ́ɔ shing m nɛɛ gbãng gbãng ning, n nɛɛ a tɔ, n pàlɛ̀ nɔɔ vuu nɛɛ gnvɔ kpang. N zi tɔ, n zunung ɓɔɔ naa n pàlɛ́ zang ɓɔɔ ri kɔɔrɔ nɛɛ, ruu palɛ vuu ɓuru naa zang koo ɓɛɛ, vuu katɔ nɛɛ gnvɔ.

2 Koranti 10:7

Nɔɔ pɛ̃ɛrɛ manɛ bii biling vuu kɔ shɛ̃ɛning. Zang ɓɔɔ kagn nɔngkɔ, ɓɔɔ tuu yuu nɛɛ wu ɓi ɓɔɔ Yeesɔ Kirisi ya? Wukɔ tɔ̃ɔ. Zang kaɓa wu rɛ̃rɛ ka yuu ɓiɓɛ tɔkn, ka ruu ɓɔɔ, ruu ɓuru dòo zang Yeesɔ Kirisi kɔ naa wukɔ ɓɛɛ.

2 Koranti 11:21

Yusɛ̃ɛ tuu m katɔ, ka ruu ɓɔɔ, ruu kaa vɔrɔ dɔɔli, a ruu palɛ nɔɔ rɛɛ vuu keɓe kpang. N rang yee kaa naa zang shoko. Zang ɓɔɔ nɛɛ tɔɔ wu rangkɛ yee bang bang katɔ ka yuu vuu ɓɔɔ, n ràngkɛ̀ m dòo nɔngkɔ.

2 Koranti 11:30

Naa n tɔɔ, n rangkɛ yee bang bang, n rangkɛ ka yuu vuu ɓɔɔ tusu zang nɛɛ n lakɛ naa ka bii kpang ka vuu Suru Laa ɓɛɛ.

2 Koranti 12:5

Ka ruu nɔngkɔ, n rang yee bang bang ka yuu yɔɔ keɓe kɔ. N rang yee bang bang ka yuu mɛɛ kpang, n rangkɛ ka yuu vuu ɓɔɔ ri tusu zang nɛɛ n lakɛ naa ka bii ka vuu Suru Laa kpang ɓɛɛ kɔ shɛ̃ɛning.

2 Koranti 3:12

Ka ruu ɓɔɔ, ruu shing gn naa weɓe, ruu rang yee, nyaa zàa ruu kpang.

2 Koranti 5:20

Ruu nwàng ɓuru kaa naa zang nyaa shonang Yeesɔ Kirisi, mɔɔ kɔɔ nɛɛ Laa nɛɛ yuu ɓiɓɛ bàkɛ́ zang nɛɛ bii ɓuru. Ruu gaa nɔɔ ka nung ɓɔɔ Yeesɔ nɛ̀ɛ́ gaa nɔɔ ɓɛɛ. Nɔɔ yáa Laa wu risi nɔɔ nɔ́ɔ nwang wusang ɓiɓɛ.

2 Koranti 6:1

Ka shonang kɔ ruu pálɛ̀ ka nyaa zɔɔ nɛɛ Laa ɓee, ruu gàa nɔɔ ɓɔɔ Laa pàlɛ̀ nɔɔ tɔ̃ɔ tɔ ɓɛɛ, wu nwàng naa pàlɛ̀ nɔɔ ka dalɛ waati kpang.

2 Koranti 7:4

N yaa gn naa ka yuu manɛ kpang. N tuu yuu mɛɛ ka ruu manɛ dɔɔli. Ka jĩng ɓɔɔ ruu dang ɓɛɛ nandon, n yaa gn naa gn kpang. Yeti mɛɛ ɓi tĩnang kɔ shɛ̃ɛning.

Galati 4:13

Danggn wu ning nɔɔ vuu ɓɔɔ shingnɛ, n rang nɔɔ Ruu Tɔ̃ɔ ka tĩng shɔɔnang ɓɛɛ kpang. Ɓi ka ruu ɓɔɔ, vuu palɛ m katɔ ɓɛɛ.

Galati 5:2

Nɔɔ ɓaa shoo ka vuu kɔ nkɔ Bulu n kɔɔ nɔɔ ɓee. Naa nɔɔ kasɛ katɔ nɛɛ zang yee nɔɔ shaa naa ɓɔɔ zang Yahudi ri yee ɓɛɛ. Nɔ̀ɔ shing tɔ Kirisi ɓi tɔ̀ɔ́ vuu ɓɔɔ ka bii manɛ kpang tingkiring.

Afisa 3:1

Ka ruu vuu keɓe kɔ, n gàá Laa, nkɔ Bulu ɓɔɔ zang mã m ka sãa ka ruu Yeesɔ Kirisi, ka ruu manɛ, zang ɓɔɔ ri zang Isirela kpang ɓɛɛ.

Afisa 4:1

Ka ruu nɔngkɔ, ǹ ɓɔɔ, zang mã m ka sãa ka ruu ɓɔɔ ǹ palɛ Kpanti Yeesɔ shonang ɓɛɛ, n kɔ̀ɔ́ nɔɔ, nɔɔ nwang nwannang ɓɔɔ daa naa nyaa ɓaanang ɓɔɔ Laa ɓàa nɔɔ ɓɛɛ.

Filipi 4:5

Nɔɔ yaa nwannang manɛ ɓɔɔ nɔɔ yi tĩng ka vuu ɓɔɔ ɓi ɓɔɔ manɛ ɓɛɛ kpang, wu nwang vuu ɓɔɔ zang piti ri zi ɓɛɛ kati. Kpanti Kirisi yaa kaa tɔkɔlɔng a kaa tɔ.

Kolosi 1:23

Nɔɔ yi tĩng manɛ ka danggn ɓɔɔ nɔɔ shing ɓɛɛ. Vuu ɓɔɔ wu kɔsɔ nɔɔ ka vuu gn shinnang ɓɔɔ nɔɔ walɛ ka ɓɔɔ nɔɔ tãa Ruu Tɔ̃ɔ Laa ɓɛɛ kpang. Ka ruu Ruu Tɔ̃ɔ keɓe kɔ, n Bulu n raa zang shonang. Ruu Tɔ̃ɔ ɓɔɔ zang kɔɔ zang tɔ nandon ka koo ɓɛɛ.

2 Tesalonika 3:17

N bee vuu keɓe nɛɛ naa mɛɛ. Nkɔ Bulu, n jee nɔɔ nyaa. Wee naa ɓɔɔ n bee nung mɛɛ, n nɛɛ hangsɛ labeenang tɔ ɓɛɛ.

Filimon 1:19

Vuu keɓe n bèe nɛɛ naa mɛɛ. Nkɔ Bulu n shurɛ. Danggn wu ning mɔɔ kpang, n dũng mɔɔ suru bii ɓaaɓɛ.

Filimon 1:9

Ka ruu ɓɔɔ, ruu kasɛ zɔɔ katɔ ɓɛɛ, n gaa mɔɔ katɔ kɔ jong. N gaa mɔɔ ka ruu ɓɔɔ n m zang nyaa shonang Yeesɔ Kirisi ɓɛɛ, a zang ti mã m ka sãa ka ruu ɓiɓɛ ɓɛɛ.

1 Bituru 2:11

Masang ɓɔɔ n kasɛ ruu manɛ dɔɔli ɓɛɛ, nɔɔ manɛ zang zanti. Nɔɔ nwàng manɛ zanti waati ka koo keɓe. Ka ruu nɔngkɔ, n gaa nɔɔ, nɔ́ɔ yaa rɛɛ vuu shi kpang ɓɔɔ nɔɔ kasɛ ka yeti manɛ nɛɛ nɔɔ palɛ ɓɛɛ. Ka ruu ɓɔɔ, rɛɛ vuu keɓe ri kasɛ nɛɛ ri nyɔ nɔɔ vɔrɔ ɓɛɛ.

Vuu ɓɔɔ zang nwangsɛ Yɔhana 1:9

Nkɔ Yɔhana manzung manɛ, ɓɔɔ ruu ɓakɛ zɔɔ tɔ nɛɛ Yeesɔ ɓɛɛ. Ruu mã danggn nɛɛ zɔɔ ka jĩng ɓɔɔ ruu dangnɛ, ka ruu ɓɔɔ, Yeesɔ kpanti ɓuru ɓɛɛ. Zang shing m ka tipi ɓɔɔ mii kiiri wu nyaa ka teteng, ɓɔɔ zang ɓaa nɛɛ Patimu ɓɛɛ, ka ruu ɓɔɔ, n kɔɔ zang Ruu Laa ɓɔɔ Yeesɔ kasɛ tɔ, nɛɛ ɓi niizang ɓɛɛ.