2 Koranti 1:7 - Nyaa Shɔɔ Ɓɔɔ Laa a Ɓɛɛ

⁷ Ka ruu nɔngkɔ, ruu yaa gn ɓɔɔ ruu shing ka bii manɛ kpang. Ka ruu ɓɔɔ, ruu zi tɔ nɛɛ naa wee nɔɔ dang jĩng tɔ naa ɓɔɔ ruu dang ɓee, Laa mã nɔɔ danggn kana naa ɓɔɔ wu mã ruu ɓɛɛ.

2 Koranti 1:7 ပူးပေါင်းရင်းမြစ်များ

Matiyu 23:30

A nɔɔ ti kɔɔyi nɛɛ, ‘Naa ruu nɛɛ nwang jong ka diki daa ɓuru ɓɔɔ ka tĩng, ruu nɛɛ yí naa ɓuru ka zang nyaa shonang Laa nyɔnang nɛɛ ri kpang.’

1 Koranti 10:13

Vuu gãsɛnang ɓɔɔ kagn ɓɔɔ zang gãsɛ nɔɔ nɛɛ mani, ɓɔɔ ɓi náabm̀ nɛɛ ɓɔɔ zang gãsɛ zang nandon nɛɛ mani ɓɛɛ kpang. Laa palɛ vuu ɓɔɔ wu a nyaa ɓɛɛ, ɓi katɔ. Yaa vuu gãsɛnang ɓɔɔ ɓa kaka manɛ katɔ, wu a ka bii manɛ kpang. Naa vuu gãsɛnang a ka bii manɛ, a nɔɔ kaka katɔ, ɓɔɔ nɔɔ taarɛ yuu, tɔ̀ɔ, nɔɔ walɛ gbalang ɓɔɔ nɔɔ wɔ ɓɛɛ kati.

2 Koranti 1:14

Vuu ɓɔɔ nɔɔ zi kãntang keɓe gn nandon kpang. Tɔ̀ɔ, ka diki ɓɔɔ Kpanti ɓuru Yeesɔ a kagn, nɔ́ɔ naa tuu yuu ka ruu ɓuru naa ɓɔɔ ruu naa tuu ka ruu manɛ ɓɛɛ.

2 Koranti 12:20

N kaa vɔrɔ naa n daa shɛ̃ɛ nɔng manɛ, n daa ĩi nɔɔ náabm̀, wu naa ɓɔɔ n kasɛ n ĩi nɔɔ ɓɛɛ kpang, a nɔɔ ti naa zirɛ n náabm̀, wu naa ɓɔɔ nɔɔ kasɛ ɓɛɛ kpang. N kaa vɔrɔ n daa ĩi nɔɔ, nɔɔ haarɛ nyaa, nɔɔ kaa sũnyaa, gnvɔ ka yeti manɛ dɔɔli. Nɔɔ ti kasɛ yuu manɛ kɔ shɛ̃ɛning, nɔɔ dãlɛ zɔɔ, nɔɔ rangkɛ zang, nɔɔ tuu yuu manɛ dɔɔli. A nɔɔ ti vɔ̃ɔtɔ nɔng.

2 Koranti 7:9

A kãntang keɓe, n tãa tĩnang tɔ kati, wu ka ruu ɓɔɔ n lasɛ nɔɔ yeti ɓɛɛ kpang. Ɓi kaa ruu ɓɔɔ yeti ɓɔɔ lasɛ nɔɔ, shing nɔɔ tɔ, nɔɔ kɔ̃sɔ yeti tɔ ɓɛɛ. Yeti ɓɔɔ lasɛ nɔɔ ɓi Laa shingnɛ, ka ruu nɔngkɔ, ruu pàlɛ̀ nɔɔ vuu shi kpang ɓɔɔ kagn nɛɛ vuu kɔ ruu pálɛ́ ɓɛɛ kpang.

2 Timoti 2:12

Ruu nɛɛ mã danggn sasak, ruu naa roo kpanti nɛɛ wu. Naa ruu bɛ̃ɛ wu, ti naa bɛ̃ɛ ruu jong.

2 Timoti 3:11

Mɔɔ ti zi naa ɓɔɔ zang dang m jĩng ɓɛɛ nɛɛ jĩng dannang ɓɔɔ n dang ɓɛɛ. Mɔɔ zi vuu ɓɔɔ palɛ m ka Antakiya, nɛɛ Ikoniya, nɛɛ Lisitira tɔ, jĩng ɓɔɔ zang dang m, a n mã danggn ɓɛɛ. Laa ta yuu mɛɛ ka vuu keɓe nandon.

Yakubu 1:12

Zang ɓɔɔ zang nɛɛ gãsɛ wu, nɛɛ watɛ kpang wukɔ tãa tĩnang. Ka ruu ɓɔɔ, nɛɛ shìi kakata, nɛɛ watɛ kpang, naa ta vuu ɓɔɔ Kpanti Laa tɔɔ wu a zang ɓɔɔ kasɛ wu katɔ ɓɛɛ. Vuu keɓe wukɔ suru bii ɓɔɔ waa nyaa kpang ɓɛɛ.

Vuu ɓɔɔ zang nwangsɛ Yɔhana 1:9

Nkɔ Yɔhana manzung manɛ, ɓɔɔ ruu ɓakɛ zɔɔ tɔ nɛɛ Yeesɔ ɓɛɛ. Ruu mã danggn nɛɛ zɔɔ ka jĩng ɓɔɔ ruu dangnɛ, ka ruu ɓɔɔ, Yeesɔ kpanti ɓuru ɓɛɛ. Zang shing m ka tipi ɓɔɔ mii kiiri wu nyaa ka teteng, ɓɔɔ zang ɓaa nɛɛ Patimu ɓɛɛ, ka ruu ɓɔɔ, n kɔɔ zang Ruu Laa ɓɔɔ Yeesɔ kasɛ tɔ, nɛɛ ɓi niizang ɓɛɛ.