2 Bituru 1:19 - Nyaa Shɔɔ Ɓɔɔ Laa a Ɓɛɛ

¹⁹ Ka ruu nɔngkɔ, ruu zi tɔ nɛɛ, rúu ɓɔɔ zang nyaa shonang Laa ri kɔ̀ɔrɔ̀, ɓi niizang kɔ nwani. Naa nɔɔ ɓaa shoo ka ruu keɓe waasɛ̃, wukɔ tɔ̃ɔ, ka ruu ɓɔɔ, ruu kaɓa nwàng naa waa zàáng sɔ̀ɔ ɓɔɔ yakɛ ka nɔng ɓɔɔ tɔ̀ɔ katɔ, nɔng gãntɛ nɛɛ mani ɓɛɛ. Ka diki keɓe, ɓɔɔ Kirisi ɓɔɔ wukɔ sang yuu gãndi naa arɛ, nɔɔ naa zi vuu piti kaa wukɔ gbayi gbayi.

2 Bituru 1:19 ပူးပေါင်းရင်းမြစ်များ

Matiyu 4:16

Zang keɓe piti ri nwang ka nɔng ɓɔɔ tɔ̀ɔ katɔ, a ri zi nɔng yakɛnang ɓɔɔ bang tɔ. A zang ɓɔɔ ri kaa vɔrɔ, vɔrɔ diki diki, nɔng yakɛnang nwang nyaa tɔ ka ri.”

Yɔhana 5:35

“Yɔhana nwáng naa waa zàáng sɔɔ ɓɔɔ shaayi, a yakɛ nɔng ɓɛɛ. Nɔɔ tãa tĩnang nwannang ka nɔng ɓɔɔ wu yakɛ ɓɛɛ, diki bee kaa tɔ̀ɔ́ dɔɔli kpang.

Yɔhana 5:39

Nɔɔ ĩi jĩng ka ɓɔɔ nɔɔ gã labeenang waasɛ̃, ka ruu ɓɔɔ, nɔɔ kɔɔ nɛɛ nɔɔ wàlɛ́ suru bii ɓɔɔ waa nyaa kpang katɔ kagn ɓɛɛ. Labeenang Laa keɓe, kɔɔ ruu ka yuu mɛɛ kɔ.

Yɔhana 8:12

A Yeesɔ rang zang Farisi yee tɔkn tɔɔ, “Nkɔ yakɛ koo, zang ɓɔɔ nɛɛ dũ̀ng m ra ka nɔng ɓɔɔ tɔɔ katɔ kpang. Walɛ ɓi nɔng yakɛnang ɓɔɔ a zang suru bii ɓɛɛ kɔ jong.”

Zang Shonang Yeesɔ 15:29

Nɔ́ɔ shaa vuu ɓɔɔ zang yee vaka kpang, nɔɔ shaa zĩi kpang. Nɔɔ ti shaa vuu ɓɔɔ zang bɔ̃ɔ vɔ̃ɔrɔ katɔ ɓɛɛ kpang, nɔɔ rooro nɛɛ soro ɓɔɔ wu soro manɛ kpang, kpang. Naa nɔɔ pálɛ̀ rɛɛ vuu keɓe kpang, nɔɔ tãa tĩnang katɔ.”

Zang Shonang Yeesɔ 17:11

Zang Yahudi ɓɔɔ ka nihn, ri ɓarɛ naa ɓɔɔ Tesalonika kpang. Ri ɓaa shoo gbãng gbãng ka ɓɔɔ ri tãa Ruu Laa ɓɛɛ. Ri gã Ruu Laa diki diki nɛɛ ri zirɛ vuu ɓɔɔ Bulu kɔɔyi nɛ́ɛ niizang ɓɛɛ.

Yahudi 2:2

Naa rúu ɓɔɔ zang nyaa shonang Laa ɓɔɔ ri ka lapa kɔɔyi, nwang tɔ nɔngkɔ niizang. Zang ɓɔɔ nɛɛ tà kpang, nɛɛ ti dũ̀ng kpang, zang dang wu jĩng katɔ ka naa ɓɔɔ daa naa katɔ ɓɛɛ.

Yakubu 2:8

Nɔɔ nɛɛ dũng nyaa dannang Laa ɓɔɔ ka yeti labeenang ɓiɓɛ. Wukɔ tɔ̃ɔ. Nyaa dannang Laa ɓɔɔ tɔɔ, “Nɔɔ kasɛ zang naa ɓɔɔ nɔɔ kasɛ yuu manɛ ɓɛɛ,”

1 Bituru 1:10

Zang nyaa shonang Laa kɔ̀ɔ zang ruu doo ka tĩng tɛ̃ɛ tɛ̃ɛ, ka yuu vuu tɔ̃ɔ ɓɔɔ Laa kɔɔyi, nɛɛ wu a nɔɔ ɓɛɛ. Zang nyaa shonang Laa keɓe ri kãa nɔng, ri hɛ̃ɛlɛ zang nɛɛ ri zǐ vuu ɓɔɔ kagn ka yuu naa ɓɔɔ Laa ta yuu zang ɓɛɛ.

1 Yɔhana 5:10

Ka ruu nɔngkɔ, zang ɓɔɔ shing danggn ka bii Jaa Laa, zi katɔ ka yeti ɓiɓɛ nɛɛ ruu keɓe ɓi niizang. Zang ɓɔɔ ta vuu ɓɔɔ Laa kɔɔ kpang, ɓaa Laa sèé tɔ. Ka ruu ɓɔɔ, kasɛ vuu ɓɔɔ Laa kɔɔ ka yuu Jaa ɓiɓɛ kpang ɓɛɛ.

3 Yɔhana 1:6

Zang ɓɔɔ kagn teteng zang ɓɔɔ mɔɔ yì ri naa ka bii kaɓa, ri arɛ, ri naa kɔɔ zang ɓɔɔ ri dũng Laa ka nihn, naa ɓɔɔ mɔɔ kasɛ ruu ɓarɛ ɓɛɛ. Pálɛ́ nɔngkɔ, a ri vuu ɓɔɔ ri yiti naa zanti ɓɔɔ ri daa ɓɛɛ nɔngkɔ, ka ruu ɓɔɔ, ri zang nyaa shonang Laa ɓɛɛ.

Vuu ɓɔɔ zang nwangsɛ Yɔhana 2:28

N ti naa a zang ɓɔɔ ɓa vuu gãsɛnang yuu, sang ɓɔɔ yakɛ nɔng nɛɛ yuu gãndi ɓɛɛ.

Vuu ɓɔɔ zang nwangsɛ Yɔhana 22:16

Yeesɔ ti kɔɔyi nɛɛ, “Nkɔ Yeesɔ, n shong zang nyaa shonang mɛɛ ɓɔɔ ka lapa ɓɛɛ tɔ, ka nɔng manɛ nɛɛ wu kɔɔ nɔɔ vuu keɓe, ka rɛɛ gãa Laa ɓɔɔ zang ɓɔɔ ri dũng Laa ri kpalɛ zɔɔ kagn ɓɛɛ. N m zɔ̃ng zang kpanti Dawuda. Nkɔ ti sang ɓɔɔ yakɛ nɔng nɛɛ yuu gãndi ɓɛɛ.”