1 Timoti 6:9 - Nyaa Shɔɔ Ɓɔɔ Laa a Ɓɛɛ

⁹ Zang ɓɔɔ nɛɛ tɔɔ ri kasɛ ɓarɛ vuu naa, sheetang gãsɛ ri katɔ. Wu shing ri, ri palɛ vuu shoko nɛɛ vuu ɓɔɔ lasɛ ri katɔ, ɓɔɔ ri kàsɛ̀ ka yeti ɓarɛ ɓɛɛ. Vuu keɓe kɔ ri shing zang, zang wu shaarɛ dɔ̃ɔ gbete.

1 Timoti 6:9 ပူးပေါင်းရင်းမြစ်များ

Matiyu 13:22

Jĩng vuu ɓɔɔ shili ka teteng kɔkɔ, ɓi kaa zang ɓɔɔ ri tãa Ruu Laa, a rɛ̃rɛnang ka yuu vuu ɓɔɔ ka koo keɓe nɛɛ vuu naa kasɛnang, naa mulu Ruu Laa ɓɔɔ ka yeti ɓarɛ kati, a ruu bìí naa nwàng ri vuu kaa takpang.

Matiyu 19:22

Ɓu doo ɓɔɔ yɔɔ jasang kaɓa tãa naa weɓe, yeti ɓiɓɛ lasɛ dɔɔli, a daayi, ka ruu ɓɔɔ, vuu naa ɓiɓɛ dɔɔli ɓɛɛ.

Matiyu 26:15

a hɛ̃ɛ ri tɔɔ, “Naa n a nɔɔ Yeesɔ, nɔɔ a m viya?” A ri gã saka ɓɔɔ zang palɛ nɛɛ azurufa bmati tu kopi, nɛɛ ri naa a wu.

Matiyu 6:19

“Nɔ́ɔ kpalɛ vuu naa manɛ ka koolaa keɓe kpang, ka ruu ɓɔɔ tùurú nɛɛ sisaa ri lasɛ katɔ ɓɛɛ. Shɔngɓɔ ri ti lasɛ nyaa gãa, ri daa ɓɔɔyi ɓɛɛ.

Maraku 4:19

a rɛ̃rɛnang ka yuu vuu ɓɔɔ ka koo keɓe nɛɛ vuu naa kasɛnang, nɛɛ vuu piti ɓɔɔ yeti zang kasɛ, naa mulu Ruu Laa ɓɔɔ ka yeti ɓarɛ kati, a ruu bii naa nwàng ri vuu kaa takpang.

Luka 12:21

A Yeesɔ hangsɛ yee ɓiɓɛ kaa tɔɔ, “Zang ɓɔɔ ri kpàlɛ̀ yuu ɓarɛ vuu naa, a ka tĩng Laa, vuu naa ɓarɛ kagn kpang, ri naa nwang ɓarɛ doo naa yɔɔ kɔ doori.”

Luka 21:35

Diki kaɓa naa a ka yuu zang ɓɔɔ ri nwang ka koo keɓe nandon.

Zang Shonang Yeesɔ 8:20

Bituru kasɛ wu nyaa tɔɔ, “Mɔ́ɔ shaarɛ nɛɛ saka ɓaaɓɛ ning, ka ruu ɓɔɔ, mɔɔ kɔɔ nɛɛ mɔɔ hoo vuu ɓɔɔ Laa a zang waati katɔ ɓɛɛ.

Afisa 4:22

Ka ruu nɔngkɔ, nɔɔ yaa vuu ɓeleng ɓɔɔ bii manɛ kasɛ ɓɛɛ ta, ɓɔɔ shing nɔɔ, nɔɔ nwang naa ɓɔɔ nɔɔ nwang ɓɛɛ. Vuu ɓɔɔ nwãarɛ nɔɔ katɔ, ɓɔɔ nɔɔ kasɛ ɓɛɛ, bɛ̀ɛ́ lasɛ bii manɛ kana.

1 Timoti 1:9

Zang dang nyaa wu ka ruu zang tɔ̃ɔ kpang. Ɓi ka ruu zang ɓɔɔ ri takɛ nyaa ɓɔɔ zang dang ɓɛɛ, nɛɛ zang ɓɔɔ ri ɓaa shoo ka nyaa zang kpang ɓɛɛ. A bɔɔ ka ruu zang ɓɔɔ ri shing gn ka bii Laa kpang, nɛɛ zang ɓɔɔ ri palɛ vuu shi kpang ɓɛɛ. Ka ruu zang ɓɔɔ ri seng Laa kpang, ri ti seng vuu tɔ̃ɔ kpang ɓɛɛ. Nɛɛ ɓɔɔ ka ruu zang ɓɔɔ ri nyɔ daa ɓarɛ nɛɛ nàá ɓarɛ vɔrɔ ɓɛɛ, nɛɛ zang ɓɔɔ ri nyɔkɔ zang vɔrɔ ɓɛɛ.

1 Timoti 3:7

Wu ti nwang zang ɓɔɔ, zang ɓɔɔ ri dũ̀ng Laa kpang, ri seng wu katɔ ɓɛɛ. Ka ruu ɓɔɔ nɛ̀ɛ́ nwáng vuu dãanang ka nɔng zang, nɛ̀ɛ́ ti watɛ ka yeti jàng ɓɔɔ shɛ̃ɛtang làng ɓɛɛ.

1 Timoti 6:10

Kasɛnang saka wukɔ dĩiri vuu shi kpang nandon. Zang ɓɔɔ ri làabìi walɛnang, ri yaa gbalang danggn ɓɔɔ ri shing ka bii Laa tɔ. A ri atɛ yuu ɓarɛ yeti lasɛnang ɓɔɔ kɔ̀ng dɔɔli tɔ.

1 Timoti 6:17

Kɔɔ zang ɓɔɔ ri zang ying ka koo keɓe ri tuu yuu ɓarɛ kpang. Ri shing gn ka vuu naa ɓɔɔ nwang dòndòng kpang, ɓɔɔ naa weɓe kpang. Ri shing gn ka bii Laa ɓɔɔ a ruu vuu piti, ka diki kpang, nɛɛ tɔ̀ɔ, ruu tãa tĩnang nɛɛ mani ɓɛɛ.

2 Timoti 2:26

Shoo naa lu ri ditɔ, ri wɔ nɛɛ naa suru shi kpang ɓɔɔ lang saka yi ri kagn, a shing ri, nɛɛ ri palɛ vuu ɓɔɔ wu kasɛ ɓɛɛ.

Titu 2:12

Tɔ̃ɔ ɓiɓɛ keɓe, kɔ tusu ruu, ruu yaa nwannang ta naa zang ɓɔɔ ri zi Laa kpang ɓɛɛ, nɛɛ naa zang ɓɔɔ ri kasɛ ruu vuu koo ɓɛɛ. Ruu nwangnɛ, ruu yiti yuu ɓuru katɔ, ruu nwang nwannang ɓɔɔ tɔ̃ɔ ɓɛɛ, ruu dũng Laa ka nwannang ɓuru ka koo keɓe.

2 Bituru 2:3

Rɛɛ maalang ɓɔɔ tùsú zang vuu sèé kaɓa, ri shing jĩng ɓarɛ ka vuu zang, ka ruu nɔngkɔ, ri naa nwãarɛ nɔɔ nɛɛ sèé, tɔ̀ɔ, ri walɛ vuu kaa naa manɛ. Laa dɔng ri ruu ɓi tɔ dòo tɛ̃ɛ tɛ̃ɛ, kpalɛ bii tɔ nɛɛ wu dang ri jĩng. Diki ɓɔɔ wu naa ningsi ri dɔ̃ɔ gbete, a naabm tɔ.

Yahuza 1:11

Jĩng dannang kagn yuu ɓarɛ. Ri sɔ̀ɔ gbalang Kayinu. Ka ruu saka ɓɔɔ ri kasɛ ɓɛɛ, ri pálɛ́ vuu shi kpang ɓɔɔ Balamu pálɛ́ ɓɛɛ tɔ. Ri taarɛ yuu naa Koora, a zang ti ningsi ri naa ɓɔɔ zang nyɔ wu vɔrɔ ɓɛɛ.