1 Timoti 6:4 - Nyaa Shɔɔ Ɓɔɔ Laa a Ɓɛɛ

⁴ Zang keɓe ɓi jĩng lakɛnang yee wu, zi vuu ɓɔɔ ɓi kpang. Kasɛ ɓi ruu nyaa laanang ka yuu ruu, nɛɛ nyaa ɓɔɔ zang haa dɔɔli ɓɛɛ. Shíng zang ri káa sũnyaa, ri bàsɛ́ zɔɔ, ri rang yee shi kpang ka yuu zɔɔ, ri dãa zɔɔ, ri rɛ̃rɛ vuu shi kpang ka yuu zɔɔ,

1 Timoti 6:4 ပူးပေါင်းရင်းမြစ်များ

Zang Shonang Yeesɔ 15:2

Bulu nɛɛ Baranaba ri làa zɔɔ nyaa nɛɛ rɛɛ zang keɓe gbãng gbãng ka ruu ruu keɓe. A zang naa kɔɔyi nɛɛ Bulu nɛɛ Baranaba a ɓɔɔ rɛɛ zang Antakiya ɓɔɔ, ri daa Urushalima. Ri daa hɛ̃ɛ rɛɛ zang shonang Yeesɔ nɛɛ rɛɛ zang bang bang ɓɔɔ ri ka nɔng, ka ruu ruu keɓe.

Zang Shonang Yeesɔ 18:15

Wee nɔɔ laa zɔɔ nyaa manɛ ka ruu rúu, nɛɛ rɛɛ nung, nɛɛ nyaa dannang manɛ ɓee, nɔɔ palɛ manɛ ka naa manɛ. N kasɛ kpang n jɛ̃ɛ ruu ka yuu rɛɛ vuu ɓɔɔ naa weɓe kpang.”

Zang Shonang Yeesɔ 8:9

Yɔɔ ɓɔɔ kagn ka gari kaɓa, zang ɓaa wu nɛɛ Siman. Bɛ̀ɛ́ hɛ̃ɛ paa. Palɛ vuu ɓɔɔ zang zirɛ zang mã naa ka danggn dɔɔli, a kɔɔrɔ zang nɛɛ wu ɓi zang bang.

Rooma 12:16

Nɔɔ gãng jĩng ka zang ɓɔɔ, naa ɓɔɔ nɔɔ gãng jĩng ka yuu manɛ ɓɛɛ. Nɔ́ɔ tuu yuu manɛ kpang. Nɔɔ ɓakɛ̀ yuu manɛ nɛɛ zang ɓɔɔ ri zang bang bang kpang. Nɔɔ rɛ̃̀rɛ̀ kpang nɛɛ nɔɔ zũng manɛ katɔ kpang.

Rooma 13:13

Rúu gaayu nwannang waasɛ̃, naa zang ɓɔɔ ri nwang ka nɔng ɓɔɔ yakɛ katɔ ɓɛɛ. Wu ka ɓɔɔ nɔɔ gaarɛ zɔɔ, nɔɔ ɓooro saa ɓɛɛ kpang, nɔɔ palɛ dũndũng kpang, nɔɔ ti pálɛ̀ shi kpang, kpang, nɔɔ hàa nyaa kpang, nɔɔ ti kaa sũnyaa kpang.

Rooma 14:1

Zang ɓɔɔ nɛɛ shing danggn doo rɛ̃rɛkɛ, nɔɔ ta wu katɔ ka teteng manɛ. Nɔ́ɔ laa nyaa kaa tɔ̀ɔ́ nɛɛ wu ka ruu vuu ɓɔɔ nɔɔ kasɛ nɛɛ wu palɛ, nɛɛ vuu ɓɔɔ wu kasɛ nɛɛ wu palɛ ɓɛɛ kpang.

Rooma 2:8

Zang ɓɔɔ ri kasɛ yuu ɓarɛ dɔɔli, ri kasɛ ruu ɓɔɔ niizang kpang. Ri dũng vuu ɓɔɔ shi kpang ɓɛɛ. Gnvɔ naa shàá Laa nɛɛ ri, wu dang ri jĩng.

1 Koranti 11:16

Naa zang ɓɔɔ kagn ɓɔɔ bɛ̃ɛ ruu keɓe, wu zirɛ nɛɛ ruu nandon nɛɛ zang Gãa Laa ɓɔɔ ka bm bm nandon, ruu palɛ ɓuru nɔngkɔ.

1 Koranti 11:18

Vuu ɓɔɔ tĩng shɔɔnang keɓe. Zang ri kɔɔ m nɛɛ, ɓɔɔ nɔɔ dũng Laa ɓɛɛ, nɔɔ nɛɛ kpalɛ zɔɔ tɔ nɔɔ basɛ zɔɔ ka vaa ka bm bm, nɔɔ shing jĩng nɛɛ zɔɔ kpang. N zirɛ mɔɔ kɔɔ nɛɛ ruu keɓe niizang.

1 Koranti 3:18

Nɔ́ɔ nwãarɛ yuu manɛ kpang. Naa zang ɓɔɔ ka teteng manɛ tuu yuu ɓiɓɛ nɛɛ wu zũng dɔɔli ka yeti vuu koo keɓe, wu risi yuu ɓiɓɛ naa shoko, tɔ̀ɔ, wu zũng kati.

1 Koranti 3:3

Nɔɔ nwang doo naa zang koo keɓe, ka ruu ɓɔɔ, nɔɔ kaa doo sũnyaa nɛɛ zɔɔ, nɔɔ haa doo nyaa nɛɛ zɔɔ ɓɛɛ. Nɔɔ zi kpang nɛɛ naa nɔɔ pálɛ̀ nɔngkɔ, nɔɔ doo naa zang koo keɓe kɔ kpang ya? Nɔɔ palɛ wu naa ɓɔɔ zang piti palɛ ɓɛɛ kpang ya?

2 Koranti 11:20

Nɔɔ mã danggn katɔ nɛɛ zang piti ɓɔɔ risi nɔɔ naa jaafoo ɓɛɛ, zang ɓɔɔ shaa nɔɔ katɔ, zang ɓɔɔ ri risi nɔɔ naa shoko ɓɛɛ, nɛɛ zang ɓɔɔ ri risi nɔɔ naa vĩi, a ɓɔɔ zang ɓɔɔ ri dãlɛ nɔɔ ɓɛɛ.

Galati 5:15

A naa nɔɔ palɛ vuu naa yɔpɔ kpaasi, nɔɔ lasɛ zɔɔ yeti, a nɔɔ ti shing zɔɔ nyaa vuu waa ka bii. Nɔɔ gãng jĩng waasɛ̃ nɔɔ nɛ̀ɛ́ ningsi zɔɔ dɔ̃ɔ gbete.

Galati 5:26

Ruu lakɛ jĩng kpang, ruu zarɛ zɔɔ kpang, ruu ti kaa sũnyaa nɛɛ zɔɔ kpang.

Galati 6:3

Naa zang ɓɔɔ tuu yuu ɓiɓɛ nɛɛ wu vuu ɓɔɔ, a ɓeekpang wu ɓi vuu ɓɔɔ kpang, zang keɓe nwãarɛ ɓi yuu ɓiɓɛ.

Filipi 1:15

Niizang, zang ɓɔɔ ri kagn, ri kɔɔ zang ruu ka yuu Yeesɔ Kirisi ka ruu ɓɔɔ ri kaa sũnyaa, a ri ti kasɛ nɛɛ ri shing zang, zang ri palɛ nyaa ɓɛɛ. A zang ɓɔɔ ri kɔɔ zang Ruu Laa ɓi ka ruu ɓɔɔ ri kasɛ nɛɛ ri pàlɛ́ zang tɔ̃ɔ ɓɛɛ.

Filipi 2:14

Nɔɔ palɛ vuu piti, nɔ́ɔ gɔ̃ɔrɔ yee kpang, nɔ́ɔ ti laa nyaa kpang.

Filipi 2:3

Nɔ́ɔ kàsɛ̀ wu yuu manɛ kɔ shɛ̃ɛning kpang, nɔ́ɔ ti tuu yuu manɛ kpang. Risi yuu ɓaaɓɛ naa vuu ɓɔɔ kpang, mɔɔ zì zang ɓɔɔ naa ri ɓa mɔɔ katɔ.

Kolosi 2:18

Nɔɔ yaa zang ɓɔɔ tuu yuu ɓiɓɛ nɛɛ wu ɓa nɔɔ katɔ, wu dɔng nɔɔ ruu kpang. Zang ɓɔɔ kɔɔyi nɛɛ wu zìlí vuu ka si hingro, a yi tĩng, suu sèé nɛɛ wu tuu yuu ɓiɓɛ kpang, a bang ɓi kaa rɛɛ zang nyaa shonang Laa ɓɔɔ ri ka lapa ɓɛɛ. Zɔ̃ng zang keɓe tuu yuu ɓiɓɛ, ka dalɛ waati, ka rɛ̃rɛnang ɓɔɔ wu rɛ̃rɛ naa shɔnzang ɓɛɛ,

2 Tesalonika 2:4

Naa risi vuu ɓɔɔ zang ɓaa nɛɛ vaka, kɔ vuu ɓɔɔ zang bang katɔ piti, naa vuu ɓɔɔ kpang. Wu shing yuu ɓiɓɛ nɛɛ wu ɓa ri katɔ nandon. Ti naa daa ka yeti Gãa Laa wu nwang ka nɔngkɔ wu kɔɔyi nɛɛ wukɔ kaa Laa.

1 Timoti 1:4

Mɔ́ɔ kɔ̀ɔ ri nɛɛ ri suukãng waati ka nɔng ruu gbãagbãa kɔɔrɔnang, nɛɛ nɔng ɓɔɔ ri gã zɔ̃ng rɛɛ dabang ɓarɛ ɓɛɛ kpang. Vuu keɓe shing ɓi nyaa laanang waati. Shingnɛ ruu zi vuu tɔ̃ɔ ɓɔɔ Laa mang ka yuu ɓuru nɛɛ ruu walɛ ɓɛɛ kpang. Danggn ɓɔɔ ri shing ka bii ɓiɓɛ kɔ tusu vuu keɓe shɛ̃ɛning.

1 Timoti 1:7

Ri kasɛ nɛɛ ri tusu zang nyaa ɓɔɔ Laa dang ɓɛɛ, a ri zi vuu ɓɔɔ ri rang yee ka yuu ɓiɓɛ kaa takpang. A ri rang yee kaa mɔɔ kɔɔ nɛɛ, ri zi vuu bii tɔ gbãng gbãng.

1 Timoti 3:6

Wu ti zang ɓɔɔ shing danggn ka bii Laa diki bee gn kpang, kpang. Ka ruu ɓɔɔ, nɛ̀ɛ́ tuu yuu ɓiɓɛ dɔɔli, zang nɛ̀ɛ́ dɔng wu ruu naa ɓɔɔ zang dɔng Sheetang ɓɛɛ.

2 Timoti 2:14

Kpaa rɛɛ zang ɓaaɓɛ danggn vuu keɓe, mɔɔ ti shaarɛ ri nyaa gbãng gbãng ka tĩng Laa, nɛɛ ri gaa nyaa ka yuu ruu kpang. Nwàng zang vuu ɓɔɔ tɔ̃ɔ ɓi kpang, lasɛ zang ɓɔɔ ri tãa ɓɛɛ ɓarɛ katɔ kɔ shɛ̃ɛning.

2 Timoti 2:23

Ruu ɓaaɓɛ wu hãa kagn nɛɛ ruu shoko kɔɔrɔnang nɛɛ nyaa laanang kpang. Mɔɔ zi tɔ ri shingnɛ zang ri haa nyaa.

2 Timoti 3:4

Ri ɓarɛ zang ɓɔɔ mɔɔ shing gn ka bii ɓarɛ kpang. Ri naa rɛ̃̀rɛ̀ ka gbongkarɛ tɔ̀ɔ, ri pálɛ́ vuu kpang, ri naa lakɛ jĩng dɔɔli. Ri naa kasɛ vuu ɓɔɔ ri tãa tĩnang kagn ɓa ɓɔɔ ri kasɛ Laa katɔ.

Titu 3:9

Mɔɔ ɓaa shoo ɓáà ka nyaa shoko ɓɔɔ zang làáyi, nɛɛ rɛɛ dabang ɓarɛ ɓɔɔ ri gã̀kɛ́ ɓɛɛ kpang. Mɔɔ haarɛ nyaa nɛɛ zang kpang, nɔɔ ti basɛ zɔɔ ka yuu nyaa ɓɔɔ Musa dangnɛ ɓɛɛ kpang. Naa nɔɔ palɛ nɔngkɔ yì nɔɔ naa ɓi ka bii kpang, ti nwang nɔɔ vuu ɓɔɔ ɓi kpang.

Yakubu 1:19

Rɛɛ manzung ɓɔɔ n kasɛ ruu manɛ dɔɔli ɓɛɛ, danggn wu ning nɔɔ vuu keɓe kpang. Nɔɔ ɓaa shoo waasɛ̃, nɔ́ɔ tãa ruu pati, nɔ́ɔ kɔlɔ nyaa kaa tɔ̀ɔ́ nɔng yee rannang kpang. Nɔ́ɔ ti see gnvɔ pati kpang.

2 Bituru 2:12

Zang keɓe ri rangkɛ yee shi kpang ka yuu vuu ɓɔɔ ri zi tɔ̃ɔ tɔ̃ɔ kpang ɓɛɛ. Ri palɛ vuu naa shoko. Ri palɛ vuu teetee naa yɔpɔ jĩngti ɓɔɔ zang yi ri nɛɛ, ri nɛɛ bang tɔ, zang yirɛ zang yee ɓɛɛ. Niizang, ri shàarɛ́ dòo nɔngkɔ, naa yɔpɔ jĩngti, zang tãa nung ɓarɛ takpang.

2 Bituru 2:18

Ri rangkɛ yee bang bang ɓɔɔ waati ka yuu ɓarɛ. Ri ti kasɛ ri nwãarɛ zang ɓɔɔ ri kasɛ nɛɛ ri yaa vàá zang ɓɔɔ ri zi gbalang Laa kpang ɓɛɛ. Maalang ɓɔɔ ri tusu zang vuu sèé keɓe, ri kasɛ nɛɛ ri shing zang, zang ri palɛ zɔ̃ng dũndũng piti nɛɛ vuu shi kpang, shi kpang ɓɔɔ ri tãa tĩnang palɛnang doo katɔ kɔ ɓɛɛ.

Yahuza 1:10

A zang keɓe ri dãlɛ vuu piti ɓɔɔ ri zi dĩiri ɓiɓɛ kpang ɓɛɛ. Vuu ɓɔɔ kagn ri zi katɔ, a ri zi kaa tɔ̀ɔ́ ka rɛ̃rɛnang ɓɔɔ ri rɛ̃rɛ ka yuu ɓiɓɛ kpang, ri tãa ɓarɛ nɛɛ bii naa ɓɔɔ yɔpɔ jĩngti ɓɔɔ rang yee ɓi kpang tãa ɓɛɛ. Ti vuu keɓe kɔ ningsi ri.

Yahuza 1:16

Zang keɓe ri gɔ̃ɔrɔ ɓarɛ yee diki diki, a ri kɔɔyi nɛɛ zang ɓɔɔ kɔ, wu palɛ vuu. Ri dũng ɓarɛ vuu shi kpang ɓɔɔ yeti ɓarɛ kasɛ ɓɛɛ. Ri rangkɛ yee bang bang ka yuu ɓarɛ, ri nyɔ zang nɛɛ nyaa nɛɛ tɔ̀ɔ, ri walɛ vuu.

Vuu ɓɔɔ zang nwangsɛ Yɔhana 3:17

Wee nɔɔ kɔɔ tɔ nɛɛ nɔɔ manɛ wujɛ ying, nɛɛ vuu naa manɛ kagn, rang vuu ɓɔɔ kpaa nɔɔ kpang ɓee. A nɔɔ zi kpang vuu ɓi ka naa manɛ kpang, zang vuu gn kɔnang. Nɔɔ nwang naa zang ɓɔɔ vuu ka naa ɓarɛ kpang ɓɔɔ ri bii bɔ̃bɔ̃rɔ ɓɛɛ. Nɔɔ nwang naa zang ɓɔɔ jĩng zuu ri katɔ ɓɛɛ.