1 Timoti 6:3 - Nyaa Shɔɔ Ɓɔɔ Laa a Ɓɛɛ

³ Zang ɓɔɔ nɛɛ tusu vuu ɓɔɔgn ɓɔɔ daa gbete nɛɛ ruu ɓɔɔ niizang ɓɔɔ Kpanti ɓuru Yeesɔ Kirisi nɛɛ vuu ɓɔɔ ruu tusu ka yuu gbalang Laa kɔ ruu dũng ɓɛɛ kpang.

1 Timoti 6:3 ပူးပေါင်းရင်းမြစ်များ

Matiyu 22:21

Ri kasɛ wu nyaa tɔɔ, “Ɓɔɔ Kayisa.” A Yeesɔ kɔɔ ri tɔɔ, “Nɔɔ a Kayisa vuu ɓiɓɛ ta, nɔɔ ti a Kpanti Laa ɓɔɔ ɓiɓɛ.”

Matiyu 28:20

Nɔɔ ti kpɛ̃ɛrɛ ri, nɛɛ ri dũng nyaa ɓɔɔ n dang nɔɔ ɓɛɛ nandon. N yaa nɔɔ kpang. N nwang nɛɛ nɔɔ sasak, diki ɓɔɔ koo keɓe naa waa nyaa, nɛɛ mani.”

Rooma 16:17

Manzung, ɓɔɔ ri dũng doo Laa kɔ ɓɛɛ, n gaa nɔɔ katɔ, nɔɔ gãng jĩng ka zang ɓɔɔ ri basɛ teteng zang, a ri ti shing zang ɓɔɔ ri shing danggn, ri yaa gbalang Laa ɓɛɛ. Ri tusu nɔɔ vuu náa ɓɔɔgn naa ɓɔɔ zang tusu nɔɔ tɔ ɓɛɛ kpang. Nɔɔ yaa gbalang ɓarɛ katɔ.

1 Tesalonika 4:8

Ka ruu nɔngkɔ, naa zang ɓɔɔ bɛ̃ɛ vuu kɔ ruu tusu ɓee, bɛ̃ɛ ɓi shɔnzang kpang, bɛ̃ɛ ɓi Laa ɓɔɔ a ruu Suru ɓiɓɛ ɓɛɛ.

1 Timoti 1:10

Ka ruu zang ɓɔɔ ri palɛ dũndũng ɓɛɛ, nɛɛ zang varɛ ɓɔɔ ri rooro nɛɛ zɔɔ ɓɛɛ, nɛɛ zang soro ɓɔɔ ri palɛ doo nɔngkɔ ɓɛɛ. Ka ruu zang ɓɔɔ ri ɓɔɔrɔ zang ri mãlɛ́ ɓɛɛ, nɛɛ zang ɓɔɔ ri suuru sèé ɓɛɛ, nɛɛ zang ɓɔɔ ri kɔ̀ɔrɔ̀ ruu niizang ka yuu ruu kpang ɓɛɛ. Ka ruu zang piti ɓɔɔ ri pálɛ̀ vuu ka doo vuu tusunang ɓɔɔ niizang kpang ɓɛɛ.

1 Timoti 1:3

Ka ɓɔɔ n yupaa Makidoniya daanang, n kɔ̀ɔ mɔɔ n tɔ̀ɔ, mɔɔ nwang ka Afisa ka nɔngkɔ. Zang ɓɔɔ ri kagn ka nɔngkɔ, ɓɔɔ ri tusu vuu ɓɔɔ niizang kpang, shaarɛ ri nyaa nɛɛ ri yaa ta.

1 Timoti 1:6

Zang ɓɔɔ ri ning gbalang keɓe tɔ, ri ràa jĩng ɓarɛ kaa nyaa laanang naa shoko.

2 Timoti 1:13

Yiti rúu ɓɔɔ niizang ɓɔɔ n tusu mɔɔ ɓɛɛ gbãng gbãng. Mɔɔ ti yaa danggn shinnang nɛɛ zang kasɛnang ɓɔɔ ɓi ɓɔɔ ɓuru, ɓɔɔ ruu ɓakɛ bii tɔ nɛɛ Yeesɔ Kirisi ɓɛɛ kpang.

2 Timoti 4:3

Diki naa a ditɔ, diki ɓɔɔ zang ɓaa shoo ka vuu tɔ̃ɔ ɓɔɔ zang tusu kpang. Ri dũng ɓarɛ vuu ɓɔɔ yeti ɓarɛ kasɛ ɓɛɛ. Ri kpalɛ zang ɓɔɔ ri tusu vuu, nɛɛ ri tùsù ri vuu ɓɔɔ bii sháa ri, rì kasɛ tãanang ɓɛɛ.

Titu 1:1

Labeenang keɓe nɛɛ bii mɛɛ nkɔ Bulu, zang ɓɔɔ pàlɛ́ Laa shonang, n ti zang shonang Yeesɔ Kirisi ɓɛɛ. Laa zɔ̃ng m nɛɛ n nwang zang shonang ɓiɓɛ, a shong m nɛɛ n yi zang ɓɔɔ Laa zɔ̃ng ri katɔ naa ka bii, ri shing danggn gbãng gbãng. N ti shing ri, ri zi vuu ɓɔɔ niizang ɓɔɔ shingnɛ ri nwang nwannang ɓɔɔ Laa kasɛ ɓɛɛ.

Titu 1:9

Wu ti yiti ruu niizang ɓɔɔ ka vuu ɓɔɔ zang ɓɔɔ ri dũng Laa ri tusu ɓɛɛ gbãng gbãng. Wu palɛ nɔngkɔ, wu mã̀ zang ɓɔɔ danggn nɛɛ vuu ɓɔɔ wu tusu ɓɛɛ. Wu ti tùsù zang ɓɔɔ ri bɛ̃ɛ rúu bìí katɔ, naa ɓɔɔ ri ning gbalang ɓɛɛ.

Titu 3:8

Ruu kɔ zang kɔɔ ɓɛɛ, niizang kɔ nwani. N kasɛ mɔɔ yi tĩng ɓaa ka vuu kɔ n kɔɔrɔ ɓee tɔ̃ɔ tɔ̃ɔ. Tɔ̀ɔ, zang ɓɔɔ ri dũng Laa, ri dũng vuu keɓe, ri pálɛ́ shonang ɓɔɔ tɔ̃ɔ ɓɛɛ. Shonang keɓe, wukɔ tɔ̃ɔ ti yi zang piti naa katɔ ka bii.