1 Timoti 6:20 - Nyaa Shɔɔ Ɓɔɔ Laa a Ɓɛɛ

²⁰ Timoti, gãng jĩng ka vuu ɓɔɔ Laa a mɔɔ ka naa ɓɛɛ waasɛ̃. Mɔɔ ɓaa shoo ka yee sãnsãnrãng ɓɔɔ zang rangkɛ kpang. Mɔɔ ti laa nyaa ka yuu vuu ɓɔɔ zang suu sèé nɛɛ wukɔ “zũnang” ɓɛɛ kpang.

1 Timoti 6:20 ပူးပေါင်းရင်းမြစ်များ

Zang Shonang Yeesɔ 16:1

Bulu daa ka Daabe, a naa daa ka Lisitira nɔng ɓɔɔ yɔɔ ɓɔɔ dũng Laa ɓɔɔ zang ɓaa wu nɛɛ Timoti kagn ɓɛɛ. Niiɓɛ ɓɔɔ dũng doo Laa kɔ doori, ɓi zang Yahudi a diiɓɛ ɓi kaa zang Heleni.

Zang Shonang Yeesɔ 17:18

A zang ɓɔɔ ri dũng vuu ɓɔɔ Epikuru nɛɛ Sitoki ri túsú ɓɛɛ, ri ti a ka bii ɓiɓɛ. A zang ɓɔɔ ka teteng ɓarɛ ri kɔ̀ɔrɔ́ nɛɛ “Yɔɔ kɔ yìkí nyaa katɔ ɓee, naa kɔ̀ɔ́ ɓu viya?” Zang ɓɔɔ ri kɔɔyi nɛɛ, “Mɔɔ kɔɔ nɛɛ kɔ̀ɔ́ rúu ka yuu vuu gãnti ɓɔɔ ruu zi gngn kpang ɓɛɛ.” Ri kɔɔ ruu keɓe waati kpang, ka ruu ɓɔɔ bɛ̀ɛ́ Bulu kɔɔ ruu ka yuu Yeesɔ nɛɛ naa ɓɔɔ wu yupaa nɛɛ saa ɓɛɛ.

Zang Shonang Yeesɔ 17:21

(Ri kɔɔ nɔngkɔ, ka ruu ɓɔɔ, zang gari Ataniya nɛɛ zang zanti ɓɔɔ ri ka nɔng laa yee ri nyaa ka nɔng ɓɔɔ ri tãa vuu shɔɔ, ri ti rangkɛ ruu ka yuu ɓiɓɛ ɓɛɛ.)

Rooma 1:22

Ri tɔɔ ri zũng katɔ, a ɓeekpang, ri ɓarɛ shoko.

Rooma 3:2

Nwǎng zang vuu katɔ dɔɔli. Laa a zang Yahudi kɔ Ruu ɓiɓɛ ka naa, nɛɛ ri yiti.

1 Koranti 2:6

Ruu zi tɔ nɔngkɔ, a ruu kɔɔrɔ zang ɓɔɔ ri zũng danggn tɔ, ruu zũnang Laa doo nɛɛ mani. A zɔ̃̌ng zũnang kaɓa ɓi kaa tɔ̀ɔ́ ɓɔɔ koo jaa knti keɓe kpang. À ɓi ti nɛɛ bìí zang ɓɔɔ ri roo kpanti ka koo keɓe, ɓɔɔ ri shàarɛ́ ɓarɛ katɔ ɓɛɛ kpang.

1 Koranti 3:19

N kɔɔ nɔngkɔ, ka ruu ɓɔɔ, vuu ɓɔɔ zang zili ka koo keɓe nɛɛ ɓi zũnang, ka jĩng Laa ɓi vuu shoko. Vuu ɓɔɔ zang bee ka yeti labeenang Laa niizang kɔ nwani. Zang beeyi nɛɛ, “Laa yi zang ɓɔɔ ri zũng dɔɔli ka nɔng ɓɔɔ ri palɛ zang zũnang ɓɛɛ.”

Kolosi 2:18

Nɔɔ yaa zang ɓɔɔ tuu yuu ɓiɓɛ nɛɛ wu ɓa nɔɔ katɔ, wu dɔng nɔɔ ruu kpang. Zang ɓɔɔ kɔɔyi nɛɛ wu zìlí vuu ka si hingro, a yi tĩng, suu sèé nɛɛ wu tuu yuu ɓiɓɛ kpang, a bang ɓi kaa rɛɛ zang nyaa shonang Laa ɓɔɔ ri ka lapa ɓɛɛ. Zɔ̃ng zang keɓe tuu yuu ɓiɓɛ, ka dalɛ waati, ka rɛ̃rɛnang ɓɔɔ wu rɛ̃rɛ naa shɔnzang ɓɛɛ,

Kolosi 2:8

Nɔɔ gãng jĩng kagn, zang ɓɔɔ nɛ̀ɛ́ nwãarɛ nɔɔ nɛɛ zũnang ɓɔɔ a nɛɛ bìí shɔnzang, ɓɔɔ nwàng zang vuu tɔ̃ɔ kpang ɓɛɛ. Zũnang ɓɔɔ nwáng ɓi nɛɛ vuu ɓɔɔ dabang ri tusu ka tĩng a ɓɔɔ nɛɛ nyaa dannang sèé ɓɔɔ shɔnzang ri túsù ɓɛɛ, wu nɛɛ bii Yeesɔ Kirisi kpang ɓɛɛ.

2 Tesalonika 1:4

Ka ruu nɔngkɔ, ruu rangkɛ ruu bang bang ka yuu manɛ, ka ɓɔɔ ruu lengke zang ɓɔɔ ri dũng Laa ka nɔng ɓɔɔ ɓɛɛ. Yusɛ̃ɛ tuu ruu kpang. Ruu rangkɛ ruu ka yuu naa ɓɔɔ nɔɔ mã danggn, a nɔɔ shing danggn sasak ka yeti jĩng kɔ nɔɔ dang nandon ɓee ɓɛɛ.

2 Tesalonika 2:15

Ka ruu nɔngkɔ, rɛɛ manzung, nɔɔ shii nɛɛ kaka, nɔɔ yiti rɛɛ ruu niizang ɓɔɔ ruu tusu, ka ɓɔɔ, ruu kɔɔrɔ nɔɔ, a ruu ti bee nɔɔ ka yeti labeenang tĩng shɔɔnang ɓɛɛ, waasɛ̃.

1 Timoti 1:11

Vuu ɓɔɔ niizang keɓe, ɓi ka Ruu Tɔ̃ɔ Laa, ɓɔɔ Laa ɓɔɔ daa naa ɓɔɔ zang piti dɔɔ wu katɔ, a m nɛɛ n kɔɔ zang ɓɛɛ.

1 Timoti 1:2

N bèé mɔkɔ Timoti ɓɔɔ ka gbalang Laa dũnnang, mɔɔ ɓaa kaa jaa mɛɛ ɓɔɔ n kasɛ ɓɛɛ. N gaa Laa ɓɔɔ wukɔ Daa ɓuru nɛɛ Yeesɔ Kirisi Kpanti ɓuru, gn ɓaaɓɛ wu kɔng ri jong, ri ti pàlɛ̀ mɔɔ tɔ̃ɔ, ri shingnɛ mɔɔ nwang waasɛ̃.

1 Timoti 1:4

Mɔ́ɔ kɔ̀ɔ ri nɛɛ ri suukãng waati ka nɔng ruu gbãagbãa kɔɔrɔnang, nɛɛ nɔng ɓɔɔ ri gã zɔ̃ng rɛɛ dabang ɓarɛ ɓɛɛ kpang. Vuu keɓe shing ɓi nyaa laanang waati. Shingnɛ ruu zi vuu tɔ̃ɔ ɓɔɔ Laa mang ka yuu ɓuru nɛɛ ruu walɛ ɓɛɛ kpang. Danggn ɓɔɔ ri shing ka bii ɓiɓɛ kɔ tusu vuu keɓe shɛ̃ɛning.

1 Timoti 1:6

Zang ɓɔɔ ri ning gbalang keɓe tɔ, ri ràa jĩng ɓarɛ kaa nyaa laanang naa shoko.

1 Timoti 1:9

Zang dang nyaa wu ka ruu zang tɔ̃ɔ kpang. Ɓi ka ruu zang ɓɔɔ ri takɛ nyaa ɓɔɔ zang dang ɓɛɛ, nɛɛ zang ɓɔɔ ri ɓaa shoo ka nyaa zang kpang ɓɛɛ. A bɔɔ ka ruu zang ɓɔɔ ri shing gn ka bii Laa kpang, nɛɛ zang ɓɔɔ ri palɛ vuu shi kpang ɓɛɛ. Ka ruu zang ɓɔɔ ri seng Laa kpang, ri ti seng vuu tɔ̃ɔ kpang ɓɛɛ. Nɛɛ ɓɔɔ ka ruu zang ɓɔɔ ri nyɔ daa ɓarɛ nɛɛ nàá ɓarɛ vɔrɔ ɓɛɛ, nɛɛ zang ɓɔɔ ri nyɔkɔ zang vɔrɔ ɓɛɛ.

1 Timoti 4:7

Yaa gbalang ruu gbãagbãa ɓɔɔ daa naa kɔɔrɔnang kpang kaɓa katɔ. Mɔɔ kãa ɓaa gbalang ɓɔɔ mɔɔ nwang zang ɓɔɔ dũng Laa niizang.

1 Timoti 6:11

A ɓɔɔ ɓaaɓɛ Timoti, ɓɔɔ mɔɔ ɓaa zang Laa ɓɛɛ, yaa vuu keɓe ɓaa nandon. Kãa ɓaa gbalang ɓɔɔ mɔɔ nwang zang tɔ̃ɔ ka tĩng Laa ɓɛɛ diki diki, zang ɓɔɔ dũng Laa niizang ɓɛɛ, zang ɓɔɔ shing danggn ka bii Laa ɓɛɛ, zang ɓɔɔ kasɛ zang katɔ ɓɛɛ, zang ɓɔɔ mã danggn dɔɔli ɓɛɛ, a ɓɔɔ zang ɓɔɔ pàlɛ́ zang tɔ̃ɔ ɓɛɛ.

1 Timoti 6:14

dũng nyaa ɓɔɔ zang dang mɔɔ ɓɛɛ nandon, tɔ̀ɔ, zang ɓɔɔ wu kɔɔ kaa tɔ̀ɔ́ nɛɛ mɔɔ pálɛ́ vuu shi kpang tɔ kpang, diki ɓɔɔ Yeesɔ Kirisi nwang nyaa kagn wu a nɛɛ mani.

2 Timoti 2:1

Ka ruu nɔngkɔ, Jaa mɛɛ, tɔ̃ɔ ɓɔɔ Laa pàlɛ̀ mɔɔ ɓɛɛ, wu shingnɛ mɔɔ shii nɛɛ kaka. Tɔ̃ɔ keɓe, ɓi ɓɔɔ ɓuru ɓɔɔ ruu ɓakɛ zɔɔ ɓuru tɔ nɛɛ Yeesɔ Kirisi ɓɛɛ.

2 Timoti 2:16

Mɔɔ ɓaa shoo ɓaa ka yee sãnsãnrãng ɓɔɔ zang rangkɛ ɓɛɛ kpang. Ruu ɓɔɔ naa weɓe, shing zang, zang yaa gbalang Laa kaa beebang.

Titu 1:14

Ri yaa ruu gbãagbãa zang Yahudi ta, nɛɛ vuu ɓɔɔ shɔnzang ri kasɛ nɛɛ zang palɛ, ɓɔɔ zang ɓɔɔ ri bɛ̃ɛ Ruu Tɔ̃ɔ Laa katɔ, ri tusu zang ɓɛɛ.

Titu 1:4

N bèé mɔkɔ Titu, ɓɔɔ ka gbalang danggn kɔ ruu shing nandon ɓee, mɔɔ ɓaa kaa jaa mɛɛ niizang ɓɛɛ. N gaa Laa ɓɔɔ wukɔ Daa ɓuru nɛɛ Yeesɔ Kirisi ɓɔɔ wukɔ ta yuu ɓuru, ri pàlɛ̀ mɔɔ tɔ̃ɔ, ri shingnɛ, mɔɔ nwang waasɛ̃.

Titu 1:9

Wu ti yiti ruu niizang ɓɔɔ ka vuu ɓɔɔ zang ɓɔɔ ri dũng Laa ri tusu ɓɛɛ gbãng gbãng. Wu palɛ nɔngkɔ, wu mã̀ zang ɓɔɔ danggn nɛɛ vuu ɓɔɔ wu tusu ɓɛɛ. Wu ti tùsù zang ɓɔɔ ri bɛ̃ɛ rúu bìí katɔ, naa ɓɔɔ ri ning gbalang ɓɛɛ.

Titu 3:9

Mɔɔ ɓaa shoo ɓáà ka nyaa shoko ɓɔɔ zang làáyi, nɛɛ rɛɛ dabang ɓarɛ ɓɔɔ ri gã̀kɛ́ ɓɛɛ kpang. Mɔɔ haarɛ nyaa nɛɛ zang kpang, nɔɔ ti basɛ zɔɔ ka yuu nyaa ɓɔɔ Musa dangnɛ ɓɛɛ kpang. Naa nɔɔ palɛ nɔngkɔ yì nɔɔ naa ɓi ka bii kpang, ti nwang nɔɔ vuu ɓɔɔ ɓi kpang.

Vuu ɓɔɔ zang nwangsɛ Yɔhana 3:3

Ka ruu nɔngkɔ, danggn wu ning nɔɔ vuu ɓɔɔ nɔɔ tãayi, a nɔɔ ti tarɛ ɓɛɛ kpang. Nɔɔ yiti katɔ, nɔɔ ti kɔ̃sɔ yeti manɛ. Naa nɔɔ yupaa kpang, n a ditɔ naa shɔngɓɔ, a nɔɔ zi laa ɓɔɔ n a kagn yuu manɛ kpang.