1 Timoti 6:18 - Nyaa Shɔɔ Ɓɔɔ Laa a Ɓɛɛ

¹⁸ Kɔɔ ri nɛɛ ri palɛ vuu ɓɔɔ tɔ̃ɔ ɓɛɛ. Ri nwang zang ying nɛɛ vuu tɔ̃ɔ ɓɔɔ ri palɛ ɓɛɛ. Ri mung naa kpang, ri a zang vuu, ri basɛ vuu ɓarɛ katɔ nɛɛ zang ɓɔɔ ɓɔ̀ɔ́ ɓarɛ kagn kpang.

1 Timoti 6:18 ပူးပေါင်းရင်းမြစ်များ

Matiyu 5:42

Zang ɓɔɔ nɛɛ gàa vuu ka naa ɓaaɓɛ, mɔɔ zãa wu kpang. Shɔnzang ɓɔɔ nɛɛ tɔɔ wu ti ta vuu nyaa kɔ́pɔ́ ka naa ɓaaɓɛ mɔɔ ti a wu.

Luka 12:21

A Yeesɔ hangsɛ yee ɓiɓɛ kaa tɔɔ, “Zang ɓɔɔ ri kpàlɛ̀ yuu ɓarɛ vuu naa, a ka tĩng Laa, vuu naa ɓarɛ kagn kpang, ri naa nwang ɓarɛ doo naa yɔɔ kɔ doori.”

Luka 3:11

A kasɛ ri nyaa tɔɔ, “Zang ɓɔɔ fɔ̃ɔrɔ ɓiɓɛ ziti, wu a zang ɓɔɔ fɔ̃ɔrɔ ɓiɓɛ kagn kpang, gbete. Zang ɓɔɔ vuu shaanang ɓiɓɛ kagn wu basɛ doo nɔngkɔ nɛɛ zang ɓɔɔ vuu shaanang ɓiɓɛ kagn kpang ɓɛɛ.”

Zang Shonang Yeesɔ 10:38

Ruu keɓe ɓi ruu Yeesɔ yɔɔ Nazara. Ɓɔɔ Laa a wu Suru ɓiɓɛ, nɛɛ naa vuu palɛnang ɓɛɛ. Yeesɔ keɓe daarɛ nɛɛ nɔng piti piti, pàlɛ́ zang tɔ̃ɔ, ti masɛ zang ɓɔɔ suru shi kpang ka bii ɓarɛ nandon, ka ruu ɓɔɔ, Laa nɛɛ wu ɓɛɛ.

Zang Shonang Yeesɔ 11:29

Rɛɛ zang ɓɔɔ ri dũng Laa ri mang ka yeti ɓarɛ nɛɛ rí kpalɛ vuu naa ɓɔɔ zang ɓu walɛ katɔ ɓɛɛ, ri yi rɛɛ manzung ɓuru ɓɔɔ ri dũng doo Laa kɔ doori ka tipi Yahudi ɓɛɛ naa ka bii.

Zang Shonang Yeesɔ 9:36

Jaa soro ɓɔɔ kagn dũng Laa, ka gari Joopa zang ɓaa nung ɓiɓɛ nɛɛ Tabita (Tabita nɛɛ nyaa Heleni ɓi Dorika, nung ɓɔɔ zang ɓaa mákà ɓɛɛ). Jaa soro keɓe pálɛ̀ ɓi tɔ̃ɔ diki diki, ti yi zang ɓɔɔ vuu ka naa kpang, naa ka bii.

Rooma 12:13

Basɛ vuu naa ɓaaɓɛ nɛɛ ɓaazung ɓɔɔ ri dũng doo Laa kɔ, ɓɔɔ vuu ka naa ɓarɛ kpang ɓɛɛ. Ta zang zanti katɔ ka yeti gãa ɓaaɓɛ.

Rooma 12:8

Zang ɓɔɔ nɛɛ mã zang danggn, ka danggn ɓɔɔ wu mã zang ɓɛɛ. Zang ɓɔɔ nɛɛ tɔɔ wu basɛ vuu ɓiɓɛ nɛɛ zang ɓɔɔ, wu bàsɛ̀ nɛɛ yeti gbete. Zang ɓɔɔ wukɔ nɛɛ zang bang, wu palɛ shonang nɛɛ kaka ɓiɓɛ ning. Zang ɓɔɔ nɛɛ palɛ zang tɔ̃ɔ, wu mã nyaa tĩng katɔ kpang.

1 Koranti 16:2

Ka diki Laadi, zang ɓu wu zɔ̃ng vuu ɓɔɔ ka yeti saka ɓiɓɛ ɓɔɔ Laa a wu ɓɛɛ. Wu shingnɛ ka ruu shonang Laa palɛnang. Nɔɔ palɛ nɔngkɔ sasak tɔ̀ɔ, ka laa ɓɔɔ n naa arɛ n leng nɔɔ, nɔɔ naa kpálɛ̀ saka ɓɔɔ kaa takpang.

2 Koranti 8:12

Mɔɔ nɛɛ kasɛ tɔ ka yeti ɓaaɓɛ nɛɛ, mɔɔ a zang vuu, Laa tãa tĩnang vuu ɓɔɔ mɔɔ a ɓɛɛ katɔ. Nɔɔ á dɔɔli naa ɓɔɔ nɔɔ zunung katɔ ɓɛɛ. Laa tɔɔ kpang nɛɛ mɔɔ a vuu ɓɔɔ ka naa ɓaaɓɛ kpang, kpang.

2 Koranti 8:9

Nɔɔ zi tɔ̃ɔ ɓɔɔ Kpanti ɓuru Yeesɔ Kirisi pàlɛ̀ ruu ɓɛɛ tɔ. Yeesɔ ɓi jaa ying ka vuu suru, a risi yuu ɓiɓɛ nwang zang ɓɔɔ vuu ka naa ɓiɓɛ kpang ka ruu manɛ, nɛɛ tɔ̀ɔ, nɔɔ nwang wujɛ ying kati.

Galati 6:10

Ka ruu nɔngkɔ, diki diki naa ɓɔɔ ruu zunung katɔ ɓɛɛ, ruu pàlɛ̀ zang piti tɔ̃ɔ. Ruu pàlɛ̀ manzung ɓuru ɓɔɔ ri shing danggn tɔ ka bii Laa kɔ tɔ̃ɔ gbãng gbãng.

Afisa 4:28

Zang ɓɔɔ bɛ̀ɛ́ shɔngɓɔ wu yaa vuu ɓɔɔnang ta, wu gaayu shonang ɓɔɔ tɔ̃ɔ palɛnang ta nɛɛ naa ɓiɓɛ. Tɔ̀ɔ, wu walɛ vuu ɓɔɔ wu yi zang ɓɔɔ vuu ka naa ɓarɛ kpang naa ka bii.

1 Timoti 5:10

Nɛɛ ti suvɔ ɓɔɔ zang zi wu tɔ nɛɛ shonang tɔ̃ɔ palɛnang ɓɛɛ. Nɛɛ ti gãng jĩng ka wujɛ ɓiɓɛ waasɛ̃ ɓɛɛ. Nɛɛ tá zang zanti katɔ ɓɛɛ, nɛɛ ti pálɛ̀ zang ɓɔɔ ri dũng doo Laa kɔ vuu, tuu yuu ɓiɓɛ kpang ɓɛɛ. Nɛɛ ti yi zang ɓɔɔ ri dang jĩng naa ka bii ɓɛɛ, nɛɛ ti shing yuu ɓiɓɛ nɛɛ wu palɛ tɔ̃ɔ ka zɔ̃ng zɔ̃ng ɓɛɛ. Mɔɔ bee nung ɓiɓɛ.

Titu 2:14

Yeesɔ a yuu ɓiɓɛ ka ruu ɓuru nɛɛ wu ta ruu nɛɛ naa vuu shi kpang nandon. Wu shing ruu, ruu nwang zang ɓiɓɛ kɔ bm gbete. Wu shing rùu rúu nwang zang ɓɔɔ ri kpalɛ bii tɔ, nɛɛ ri palɛ vuu ɓɔɔ tɔ̃ɔ ɓɛɛ.

Titu 3:8

Ruu kɔ zang kɔɔ ɓɛɛ, niizang kɔ nwani. N kasɛ mɔɔ yi tĩng ɓaa ka vuu kɔ n kɔɔrɔ ɓee tɔ̃ɔ tɔ̃ɔ. Tɔ̀ɔ, zang ɓɔɔ ri dũng Laa, ri dũng vuu keɓe, ri pálɛ́ shonang ɓɔɔ tɔ̃ɔ ɓɛɛ. Shonang keɓe, wukɔ tɔ̃ɔ ti yi zang piti naa katɔ ka bii.

Yahudi 13:16

Danggn wu ti ning nɔɔ tɔ̃ɔ palɛnang nɛɛ vuu basɛnang nɛɛ zɔɔ kpang, ka ruu ɓɔɔ, Laa tãa tĩnang zɔ̃ng vuu keɓe ɓa vuu ɓɔɔ ruu dɔ̀ɔ́ wu katɔ ɓɛɛ.

Yakubu 2:5

Manzung ɓɔɔ n kasɛ nɔɔ dɔɔli ɓɛɛ, nɔɔ ɓaa shoo. Laa zɔ̃ng zang ɓɔɔ ri zang ying kpang, ɓɔɔ ri ka koo keɓe, nɛɛ ri nwang zang ying ka danggn ɓɔɔ ri shing ka bii Laa ɓɛɛ. Shing ri tɔ, ri walɛ vuu ɓɔɔ Laa tɔɔ wu shing zang ɓɔɔ ri kasɛ ruu ɓiɓɛ katɔ ka ɓɔɔ wu roo kpanti ɓɛɛ.

1 Bituru 3:11

Wu yaa vuu shi kpang palɛnang, wu palɛ vuu ɓɔɔ daa bii katɔ ɓɛɛ. Wu kãa gbalang ɓɔɔ wu nwang nɛɛ zang ka nyaa zɔɔ ɓɛɛ, wu shing jĩng ka wukɔ shɛ̃ɛning.

1 Yɔhana 3:17

Naa zang ɓɔɔ vuu naa ɓiɓɛ dɔɔli, zi ɓeezung ɓɔɔ dang jĩng, a raa wu yuu knti, ruu zang kasɛnang ɓɔɔ Laa a shɔnzang, kagn yeti ɓiɓɛ ya?

3 Yɔhana 1:11

Masang ɓɔɔ n kasɛ mɔɔ dɔɔli ɓɛɛ, mɔ́ɔ màsɛ̀ zang ɓɔɔ ri palɛ vuu shi kpang, kpang. Màsɛ̀ zang ɓɔɔ ri pálɛ̀ vuu tɔ̃ɔ ɓɛɛ, zang ɓɔɔ palɛ vuu tɔ̃ɔ, wukɔ zang Laa. Zang ɓɔɔ pálɛ̀ vuu shi kpang, zi Laa nung ɓi gn kpang.