1 Timoti 6:14 - Nyaa Shɔɔ Ɓɔɔ Laa a Ɓɛɛ

¹⁴ dũng nyaa ɓɔɔ zang dang mɔɔ ɓɛɛ nandon, tɔ̀ɔ, zang ɓɔɔ wu kɔɔ kaa tɔ̀ɔ́ nɛɛ mɔɔ pálɛ́ vuu shi kpang tɔ kpang, diki ɓɔɔ Yeesɔ Kirisi nwang nyaa kagn wu a nɛɛ mani.

1 Timoti 6:14 ပူးပေါင်းရင်းမြစ်များ

1 Koranti 1:8

Ɓi Yeesɔ Kirisi kɔ nɛɛ yuu ɓiɓɛ, yiti nɔɔ diki ɓɔɔ koo waa nyaa wu a nɛɛ mani. Tɔ̀ɔ, ka diki ɓɔɔ Yeesɔ Kirisi gbãayu, Laa wu naa dɔng nɔɔ ruu kaa takpang, nɛɛ nɔɔ pálɛ́ vuu shi kpang tɔ kpang.

Afisa 5:27

Kirisi palɛ vuu keɓe nɛɛ tɔ̀ɔ, zang ɓɔɔ ri dũng wu, ri nwang kaa zang ɓɔɔ ri shi dɔɔli, kalang kalang, shi kpang kagn bii ɓarɛ kpang ɓɛɛ. Vuu ɓɔɔ ti luku ri ka bii kpang, bii ɓarɛ ti gɔ́ɔrɔ̀ kpang, a vuu shi kpang ti kagn bii ɓarɛ kpang.

Filipi 1:10

Tɔ̀ɔ, nɔ́ɔ zunung ɓɔɔ nɔɔ zɔ̃ng vuu ɓɔɔ wukɔ tɔ̃ɔ ɓa Vuu piti ɓɛɛ kati. Vuu keɓe kɔ ri shingnɛ ka diki ɓɔɔ Yeesɔ Kirisi naa jɛ̃ɛ zang ruu kagn, nɔɔ nwáng manɛ zang ɓɔɔ yeti ɓarɛ tɔ̃ɔ ɓɛɛ. Zang ɓɔɔ zang naa tɔɔ kpang nɛɛ ri palɛ vuu shi kpang tɔ kpang ɓɛɛ.

Filipi 1:6

N yaa gn naa kpang, Laa ɓɔɔ gaayu shonang tɔ̃ɔ kaɓa ka yeti manɛ, naa hangsɛ shonang keɓe ditɔ ka diki ɓɔɔ Yeesɔ Kirisi naa jɛ̃ɛ zang ruu ɓɛɛ.

Filipi 2:15

Tɔ̀ɔ, nɔ́ɔ nwang kaa zang ɓɔɔ zang tɔɔ kpang, nɛɛ ri palɛ vuu shi kpang tɔ kpang, a ri ti tɔ̃ɔ dɔ̃ɔ gbete ɓɛɛ. Tɔ̀ɔ, nɔ́ɔ nwang kaa wujɛ Laa, ɓɔɔ shi kpang ka bii ɓarɛ kpang ɓɛɛ. Ka wee nɔɔ nwang ka teteng zang koo keɓe, ɓɔɔ ri sɔɔ gbalang gbete jong kaara kpang, ri ti palɛ vuu shi kpang ɓee. Nɔ́ɔ nwang kaa teteng ɓarɛ ka koo keɓe naa sang ɓɔɔ yakɛ nɔng ɓɛɛ.

Kolosi 1:22

A kãntang keɓe, ka ruu vɔrɔ Jaa ɓiɓɛ, nɔɔ raa wusang Laa tɔ, nɛɛ tɔ̀ɔ, wu atɛ nɔɔ kaa tĩng ɓiɓɛ, nɔɔ kaa zang ɓiɓɛ ɓɔɔ shi kpang ka bii manɛ kpang ɓɛɛ.

Kolosi 4:17

Nɔ́ɔ ti kɔɔ Akipu nɛɛ, “Shing jĩng, mɔɔ hangsɛ shonang ɓɔɔ mɔɔ ta ka bii Kpanti Yeesɔ katɔ.”

1 Tesalonika 3:13

Laa wu shingnɛ nɔɔ shii gbãng gbãng, tɔ̀ɔ, zang ɓɔɔ wu tɔɔ kaa takpang nɛɛ nɔɔ palɛ vuu shi kpang tɔ kpang, ka tĩng Laa ɓɔɔ wukɔ Daa ɓuru ɓɛɛ, ka diki ɓɔɔ Kpanti ɓuru Yeesɔ naa a nɛɛ zang ɓiɓɛ ɓɛɛ.

1 Tesalonika 5:23

Laa ɓɔɔ shing zang, zang ri nwang ka nyaa zɔɔ, wu palɛ nɔɔ, nɔɔ nwang zang tɔ̃ɔ dɔ̃ɔ gbete. Wu shingnɛ zang ɓɔɔ wu tɔɔ kpang nɛɛ nɔɔ palɛ vuu shi kpang tɔ kpang, ka diki ɓɔɔ Kpanti Yeesɔ Kirisi a kagn ɓɛɛ.

2 Tesalonika 2:1

Rɛɛ manzung, ka ruu yuu gbãanang Kpanti ɓuru Yeesɔ Kirisi nɛɛ naa ɓɔɔ zang naa kpalɛ ruu, ruu ĩi wu ɓɛɛ. Ruu gaa nɔɔ,

2 Tesalonika 2:8

Tɔ̀ɔ, Laa wu nwangsɛ zang ɓɔɔ dũ̀ng nyaa dannang ɓi kpang kati. Kpanti Yeesɔ Kirisi nɛɛ a tɔ naa nyɔ wu vɔrɔ, wu ti ningsi wu nɛɛ ɔ̃kɔnang nyaa ɓiɓɛ.

1 Timoti 6:20

Timoti, gãng jĩng ka vuu ɓɔɔ Laa a mɔɔ ka naa ɓɛɛ waasɛ̃. Mɔɔ ɓaa shoo ka yee sãnsãnrãng ɓɔɔ zang rangkɛ kpang. Mɔɔ ti laa nyaa ka yuu vuu ɓɔɔ zang suu sèé nɛɛ wukɔ “zũnang” ɓɛɛ kpang.

2 Timoti 4:1

N gàa mɔɔ nɛɛ nung Laa nɛɛ ɓɔɔ Yeesɔ Kirisi ɓɔɔ naa jɛ̃ɛ zang ɓɔɔ ri vɔlɔ tɔ, nɛɛ zang ɓɔɔ ri doo ningkãari ruu ɓɛɛ. Ka ruu ɓɔɔ, Yeesɔ Kirisi naa nwang nyaa ditɔ, naa roo kpanti, ka ruu nɔngkɔ, n kɔɔ mɔɔ ruu keɓe.

Titu 2:13

Ka wee ruu nwangnɛ, ruu gã diki tĩnang tãanang ɓɔɔ ruu shing gn nɛɛ naa a ɓɛɛ. Diki ɓɔɔ bannang Laa ɓuru Yeesɔ Kirisi ɓɔɔ wukɔ ɓa zang piti, ɓɔɔ wukɔ ti ta yuu ɓuru naa nwangsɛ bii ɓɛɛ.

Yahudi 9:14

Zĩi Kirisi palɛ vuu ɓɔɔ ɓa weɓe kpang ya? Kirisi ɓɔɔ shi kpang ka bii kpang, a Laa yuu ɓiɓɛ nɛɛ naa vuu palɛnang Suru Laa ɓɔɔ nwang ɓi dòndòng ɓɛɛ. Zĩi ɓiɓɛ shing katɔ rɛ̃rɛnang ɓɔɔ nɔɔ rɛ̃rɛ ka yuu vuu shi kpang palɛnang, wu nwang tɔ̃ɔ, tɔ̀ɔ, ruu pàlɛ̀ Laa ɓɔɔ ɓi ningkãari shonang kati.

Yahudi 9:28

Kirisi dòo nɔngkɔ, á zang yuu ɓiɓɛ nɛɛ zang nyɔ wu vɔrɔ doo gbete kak, nɛɛ tɔ̀ɔ, wu kɔsɔ zang dɔɔli vuu shi kpang ɓarɛ kati. Nwang nyaa ditɔ tɔkn, daa kaa doo ziti. Wu ka ruu ɓɔɔ wu naa kɔsɔ zang vuu shi kpang ɓarɛ kpang, nɛɛ tɔɔ wu ta ɓi kaa yuu zang ɓɔɔ ri gã wu ɓɛɛ.

1 Bituru 1:19

Ta yuu manɛ ɓi nɛɛ zĩi bii ɓiɓɛ ɓɔɔ ɓa vuu piti katɔ ɓɛɛ. Yeesɔ Kirisi nwàng naa jaa mɛ̀ɛrɛ́ ɓɔɔ zang zɔ̃ngnɛ nɛɛ zang dɔ̀ɔ́ Laa ɓɛɛ. Ɓi zang tɔ̃ɔ, shi kpang ɓi kagn bii ɓiɓɛ kpang.

1 Bituru 1:7

Vuu gãsɛnang alɛ ka bii manɛ, tɔ̀ɔ, zang ri zi kati nɛɛ danggn ɓɔɔ nɔɔ shing ka bii Laa ɓi ɓɔɔ niizang kɔ nwani. Zinariya ɓɔɔ lasɛ katɔ ɓɛɛ, zang dɔɔ ka waa, tɔ̀ɔ, zang zirɛ nɛ́ɛ ɓɔɔ tɔ̃ɔ ɓɛɛ. Zang palɛ danggn shinnang manɛ ɓɔɔ ɓa zinariya shinang katɔ doo nɔngkɔ. Zang gãsɛ danggn ɓɔɔ nɔɔ shing ka bii Laa kãntang keɓe, ka ruu ɓɔɔ, ka diki ɓɔɔ Yeesɔ Kirisi naa nwang nyaa, zang wu dɔɔ nɔɔ, zang ti a nɔɔ bannang ka ruu danggn ɓɔɔ nɔɔ shing ɓɛɛ.

2 Bituru 2:21

Ri nɛ̀ɛ́ zi gbalang ɓɔɔ tɔ̃ɔ kpang gbã̀ágbãa, wukɔ nɛɛ tɔ̃ɔ. Ka ɓɔɔ ri zi tɔ, ri naa yaa nyaa dannang Laa tɔkn ri dũng takpang ɓɛɛ.

2 Bituru 3:14

Ka ruu nɔngkɔ, masang ɓɔɔ n kasɛ ruu manɛ dɔɔli ɓɛɛ, n kɔɔ nɔɔ ka wee nɔɔ gã diki ɓɔɔ Yeesɔ a tɔkn ɓee, nɔɔ shing yuu manɛ, nɔ́ɔ nwang nwannang tɔ̃ɔ, tɔ̀ɔ Laa wu kɔɔ kpang nɛɛ, nɔɔ palɛ vuu shi kpang, kpang. Nɔɔ nwang kaa nyaa zɔɔ nɛɛ wu.

2 Bituru 3:2

N kasɛ nɛɛ danggn ruu ɓɔɔ zang nyaa shonang Laa ri kɔɔ ka tĩng doo tɛ̃ɛ tɛ̃ɛ wu ning nɔɔ kpang. Danggn nyaa dannang ɓɔɔ dabang ɓuru Yeesɔ Kirisi, ɓɔɔ wukɔ ta yuu ɓuru kɔɔ zang shonang, ɓɔɔ wu shongko ri ka bii manɛ, nɛɛ ri kɔɔ nɔɔ ɓɛɛ, wu ti ning nɔɔ kpang.

1 Yɔhana 3:2

Rɛɛ masang ɓɔɔ n kasɛ nɔɔ dɔɔli ɓɛɛ, ruu kaa wujɛ Laa. Naa ɓɔɔ ruu naa nwangnɛ, ruu zi gn kpang. Ruu zi tɔ nɛɛ, naa Yeesɔ nwang nyaa, ruu naa nwang kaa naa wukɔ doori. Ka ruu ɓɔɔ, ruu naa zi wu ka naa ɓɔɔ wu nwang ɓɛɛ.

Yahuza 1:24

Zang wu a Laa bannang. Laa ɓɔɔ zunung ɓɔɔ wu yiti nɔɔ, nɔɔ yaa gbalang ɓiɓɛ kpang ɓɛɛ. Wu atɛ nɔɔ ka tĩng ɓiɓɛ, shi kpang kagn ka bii manɛ kpang, a nɔɔ ti tãa tĩnang ɓɛɛ.

Vuu ɓɔɔ zang nwangsɛ Yɔhana 1:7

Nɔɔ zirɛ, náa a ka yeti sãmbong, zang piti ri naa zi wu jĩng ka bii. Zang ɓɔɔ ri shu wu nɛɛ shalang, ri ti naa zi wu jong. Zang tipi koolaa keɓe nandon, ri naa káa ka ruu ɓiɓɛ. Vuu keɓe naa nwáng ditɔ nɔngkɔ niizang. Nɔngkɔ.