1 Timoti 6:10 - Nyaa Shɔɔ Ɓɔɔ Laa a Ɓɛɛ

¹⁰ Kasɛnang saka wukɔ dĩiri vuu shi kpang nandon. Zang ɓɔɔ ri làabìi walɛnang, ri yaa gbalang danggn ɓɔɔ ri shing ka bii Laa tɔ. A ri atɛ yuu ɓarɛ yeti lasɛnang ɓɔɔ kɔ̀ng dɔɔli tɔ.

1 Timoti 6:10 ပူးပေါင်းရင်းမြစ်များ

Matiyu 13:22

Jĩng vuu ɓɔɔ shili ka teteng kɔkɔ, ɓi kaa zang ɓɔɔ ri tãa Ruu Laa, a rɛ̃rɛnang ka yuu vuu ɓɔɔ ka koo keɓe nɛɛ vuu naa kasɛnang, naa mulu Ruu Laa ɓɔɔ ka yeti ɓarɛ kati, a ruu bìí naa nwàng ri vuu kaa takpang.

Matiyu 23:13

“Vuu gn kɔnang kagn yuu manɛ zang ɓɔɔ tusu zang vuu nɛɛ zang Farisi, nɔɔ ɓɔɔ nɔɔ nwãarɛ zang nɛɛ vuu palɛnang ɓɛɛ. Ka ruu ɓɔɔ nɔɔ nɔ̀ɔ́ zang gbalang ɓɔɔ zang zi kagn nɛɛ Laa wukɔ Kpanti ɓɛɛ. Nɔɔ ta wu kpang, a nɔɔ ti yàa zang ɓɔɔ ri kasɛ wu tanang katɔ gbalang kpang ɓɛɛ.

Matiyu 6:19

“Nɔ́ɔ kpalɛ vuu naa manɛ ka koolaa keɓe kpang, ka ruu ɓɔɔ tùurú nɛɛ sisaa ri lasɛ katɔ ɓɛɛ. Shɔngɓɔ ri ti lasɛ nyaa gãa, ri daa ɓɔɔyi ɓɛɛ.

Maraku 4:19

a rɛ̃rɛnang ka yuu vuu ɓɔɔ ka koo keɓe nɛɛ vuu naa kasɛnang, nɛɛ vuu piti ɓɔɔ yeti zang kasɛ, naa mulu Ruu Laa ɓɔɔ ka yeti ɓarɛ kati, a ruu bii naa nwàng ri vuu kaa takpang.

Kolosi 3:5

Nɔɔ vang vuu koo keɓe ɓɔɔ bii manɛ kasɛ ɓɛɛ ta nɛɛ kaaɓa. Vuu ɓɔɔ naa dũndũng, nɛɛ sãnsãnrãng palɛnang, nɛɛ vuu ɓɔɔ bii shɔnzang kasɛ, nɛɛ vuu shi kpang ɓɔɔ yeti shɔnzang kasɛ, a ɓɔɔ kaa nung sũnang (nung sũnang nwàng ɓi naa vaka bannang).

1 Timoti 3:3

Wu zang ɓɔɔ ɓoo sàa kpang, wu zang ɓɔɔ gnvɔ ka yeti ɓiɓɛ dɔɔli kpang, gàa nyaa kpang, ti haa nyaa kpang. Wu ti zang ɓɔɔ kasɛ ruu saka dɔɔli kpang.

1 Timoti 6:21

Zang ɓɔɔ ri yáa danggn kɔ ri shing ka bii Laa ɓee tɔ, ka ruu ɓɔɔ, ri ɓaa shoo ka yee ɓɔɔ naa weɓe ɓɛɛ. N gaa Laa, wu pálɛ̀ nɔɔ tɔ̃ɔ nandon.

1 Timoti 6:9

Zang ɓɔɔ nɛɛ tɔɔ ri kasɛ ɓarɛ vuu naa, sheetang gãsɛ ri katɔ. Wu shing ri, ri palɛ vuu shoko nɛɛ vuu ɓɔɔ lasɛ ri katɔ, ɓɔɔ ri kàsɛ̀ ka yeti ɓarɛ ɓɛɛ. Vuu keɓe kɔ ri shing zang, zang wu shaarɛ dɔ̃ɔ gbete.

2 Timoti 3:2

Ka diki keɓe, zang ri naa kàsɛ́ yuu ɓarɛ kɔ shɛ̃ɛning, ri naa kɔng jĩng nɛɛ vuu ɓarɛ, ri kɔ̀ɔrɔ́ ruu bang bang ka yuu ɓarɛ, ri naa tuu bii dɔɔli, ri naa dãlɛ zang, ri naa ɓaa shoo ka nyaa zang ɓɔɔ yiki ri kpang, ri naa zã̀a zang kpàng, ri ti naa dũng Laa kpang, ri pálɛ̀ vuu ɓɔɔ Laa kasɛ ɓɛɛ kpang.

2 Timoti 4:10

ka ruu ɓɔɔ, Dema kasɛ ruu vuu koo keɓe, yaa m tɔ, daa tɔ ka gari Tesalonika. Karasika daa ka Galati, a Titu daa ɓi kaa Dalamatiya.

Titu 1:11

Zãa ri ruu shi kpang ɓɔɔ ri tusu zang ɓɛɛ katɔ. Ri kpantɛ danggn ɓɔɔ zang gaa gaa ri shing ɓɛɛ, nɛɛ vuu ɓɔɔ daa naa tusunang kpang ɓɛɛ. Ri palɛ vuu keɓe, ka ruu ɓɔɔ, ri shing jĩng ɓarɛ ka saka kãanang ɓɛɛ.

Yakubu 5:19

Rɛɛ manzung, zang gbete ka teteng manɛ nɛɛ yaa gbalang ɓɔɔ niizang, a zang ɓɔɔ nɛɛ sɔɔrɔ wu tɔkn,

Yahuza 1:11

Jĩng dannang kagn yuu ɓarɛ. Ri sɔ̀ɔ gbalang Kayinu. Ka ruu saka ɓɔɔ ri kasɛ ɓɛɛ, ri pálɛ́ vuu shi kpang ɓɔɔ Balamu pálɛ́ ɓɛɛ tɔ. Ri taarɛ yuu naa Koora, a zang ti ningsi ri naa ɓɔɔ zang nyɔ wu vɔrɔ ɓɛɛ.

Vuu ɓɔɔ zang nwangsɛ Yɔhana 18:13

Rɛɛ vuu ɓɔɔ a sɛ̃ɛ tɔ̃ɔ ɓɛɛ, naa Kirifa, nɛɛ vuu yaaji. Nɛɛ vuu ɓɔɔ zang dɔɔ ka waa, a sɛ̃ɛ tɔ̃ɔ ɓɛɛ, nɛɛ vuu ɓɔɔ zang ɓaa nɛɛ muru, a ɓɔɔ luuban ɓɛɛ. Nɛɛ mii inabi, nɛɛ nung, nɛɛ zũng ɓɔɔ zang palɛ borodi nɛɛ mani ɓɛɛ, nɛɛ jĩng alakama ɓɔɔ zang nang zũng keɓe nɛɛ mani ɓɛɛ. Nɛɛ rɛɛ napo, nɛɛ mɛ̀ɛrɛ́ nɛɛ gbantang, nɛɛ kɛkɛ ɓɔɔ gbantang gɔ̃ ɓɛɛ, a ɓɔɔ shɔnzang ɓɔɔ zang mãlɛ́ ri, ri nwang kaa jaafoo ɓɛɛ.