1 Timoti 5:3 - Nyaa Shɔɔ Ɓɔɔ Laa a Ɓɛɛ

³ Seng rɛɛ suvɔ ɓɔɔ zang ɓɔɔ yǐ ri naa ka bii kpang tingkiring ɓɛɛ.

1 Timoti 5:3 ပူးပေါင်းရင်းမြစ်များ

Matiyu 15:6

Ka ruu nɔngkɔ, nɔɔ tusu zang nɛɛ ‘Zang wu shing jĩng ka diiɓɛ kpang.’ Nɔɔ yaa Ruu Laa, ka ruu nyaa ɓɔɔ daa manɛ dang ɓɛɛ.

Matiyu 23:13

“Vuu gn kɔnang kagn yuu manɛ zang ɓɔɔ tusu zang vuu nɛɛ zang Farisi, nɔɔ ɓɔɔ nɔɔ nwãarɛ zang nɛɛ vuu palɛnang ɓɛɛ. Ka ruu ɓɔɔ nɔɔ nɔ̀ɔ́ zang gbalang ɓɔɔ zang zi kagn nɛɛ Laa wukɔ Kpanti ɓɛɛ. Nɔɔ ta wu kpang, a nɔɔ ti yàa zang ɓɔɔ ri kasɛ wu tanang katɔ gbalang kpang ɓɛɛ.

Luka 7:12

Yeesɔ a tɔ ka nyaa gãa gari naabm, a ɓee zang yuu ri túu vɔrɔ jaa suvɔ ɓɔɔ kagn gari ka kaɓa. Suvɔ kaɓa ti dũuru ri kana knti, nɛɛ zang gari ɓɔɔ ri kpalɛ zɔɔ gaagaa ka bii ɓiɓɛ ɓɛɛ. Yɔɔ ɓɔɔ vɔ kaɓa wukɔ jaa suvɔ kaɓa gbete.

Yɔhana 1:47

Yeesɔ zi Natanalu a kana bii ɓiɓɛ, a kɔɔyi tɔɔ, “Nɔɔ zirɛ, zang ɓɔɔ wukɔ zang Isirela ɓɔɔ niizang kaɓa, vuu ɓɔɔ shing zang, zang pálɛ̀ vuu shi kpang kagn bii ɓiɓɛ kpang.”

Zang Shonang Yeesɔ 6:1

Ka diki kaɓa, zang ɓɔɔ ri shing danggn ka bii Laa ri shang kana dɔɔli, rɛɛ zang Yahudi ɓɔɔ ri ráng nyaa Heleni ri gɔ̃ɔrɔ yee ka yuu rɛɛ zang Yahudi ka ruu ɓɔɔ, zang nɛ́ɛ bàsɛ́ vuu shaanang diki diki, zang yee laa ka rɛɛ suvɔ ɓarɛ kpang ɓɛɛ.

Zang Shonang Yeesɔ 9:39

A Bituru kpalɛ bii a daa kaa nɛɛ rɛɛ zang ɓɔɔ zang shong ri ɓɛɛ. Daa shɛ̃ɛ nɔng tɔ, a zang vang nɛɛ wu ka gãa lapa. Rɛɛ suvɔ ri kpalɛ zɔɔ ka bii ɓiɓɛ nandon ri kaa nyavɔ. Ri ti tusu wu rɛɛ fɔ̃ɔrɔ ɓɔɔ Dorika haarɛ bɛ̀ɛ́ wu doo ningkãari ɓɛɛ.

Zang Shonang Yeesɔ 9:41

Bituru yì wu naa ka bii, a shii kaa nɛɛ doo. Bituru, ɓaa nyaa kaa rɛɛ zang ɓɔɔ ri dũng Laa, nɛɛ rɛɛ suvɔ a á ri Tabita kaa ningkãari.

1 Tesalonika 2:6

Ruu tɔɔ kpang nɛɛ ruu shing nɔɔ, nɔɔ dɔɔ ruu kpang, a ruu ti kãa gbalang ɓɔɔ zang ɓɔɔ ri dɔ̀ɔ ruu ɓɛɛ kpang.

1 Timoti 5:2

Palɛ zang soro ɓɔɔ ri bang tɔ naa ɓɔɔ mɔɔ palɛ nàá ɓaaɓɛ ɓɛɛ. Mɔɔ ti palɛ rɛɛ wujɛ soro naa ɓaa naa. Mɔɔ seng ri katɔ.

Yakubu 1:27

Laa dũnnang ɓɔɔ Daa ɓuru Laa zirɛ nɛɛ wukɔ kalang kalang, a ti tɔ̃ɔ ka jĩng ɓiɓɛ keɓe, nɛɛ zang lengke jĩng ka rɛɛ javɔ, nɛɛ rɛɛ suvɔ ɓɔɔ ri dang jĩng ɓɛɛ. Zang wu lee naa ka vuu shi kpang ɓɔɔ ka koo keɓe kpang.

1 Bituru 2:17

Nɔ́ɔ a zang piti bannang katɔ. Nɔ́ɔ ti kàsɛ̀ ruu zang ɓɔɔ ri dũng doo Laa kɔ katɔ. Nɔ́ɔ kaa vɔrɔ Laa katɔ. Nɔ́ɔ ti a kpanti bannang katɔ.

1 Bituru 3:7

Ɓɔɔ nɔɔ varɛ zang ɓɛɛ, nɔɔ nwang nwannang tɔ̃ɔ nɛɛ soro manɛ, nɔɔ zi tɔ, ri lakɛ naa ka bii naa nɔkɔ kpang. Ka ruu nɔngkɔ, nɔɔ a ri bannang jong ka ruu ɓɔɔ nɔɔ nandon nɔɔ wàlɛ́ suru bii ɓɔɔ Laa a zang waati kɔ ɓɛɛ. Naa nɔɔ palɛ nɔngkɔ, vuu ɓɔɔ zãyi, Laa tãa gaanang ɓɔɔ nɔɔ gaa wu kpang ɓɛɛ kagn kpang.