1 Timoti 5:22 - Nyaa Shɔɔ Ɓɔɔ Laa a Ɓɛɛ

²² Mɔɔ làabìi ka nɔng ɓɔɔ mɔɔ shing naa ɓaaɓɛ, ka yuu zang ɓɔɔ ri tɔɔ, ri palɛ shonang Laa ɓɛɛ kpang. Mɔɔ yi naa ɓaaɓɛ ka vuu shi kpang ɓɔɔ zang ɓɔɔgn ri palɛ kpang. Nwang ɓaa nwannang tɔ̃ɔ.

1 Timoti 5:22 ပူးပေါင်းရင်းမြစ်များ

Zang Shonang Yeesɔ 13:3

Ri seng nyaalaa tɔ, ri ti gaa Laa, a ri shĩili rɛɛ Shaawulu nɛɛ Baranaba naa kaa yuu, a zang lɔɔ ri nyaa kati nɛɛ ri dita.

Zang Shonang Yeesɔ 18:6

Ri bɛ̃ɛ ruu ɓiɓɛ, a ri kɔɔrɔ vuu shi kpang ka yuu ɓiɓɛ. Yeti ɓiɓɛ lasɛ nɛɛ ri, a waa zũng tapuru ɓɔɔ ka fɔ̃ɔrɔ ɓiɓɛ ɓɛɛ, a kɔɔ ri tɔɔ, “Nɔɔ nɛɛ shaarɛ, ɓi nɔkɔ kãa nɛɛ yuu manɛ. Ruu mɛɛ hãa ɓi kagn kpang. Vuu ɓɔɔ gaayu nɛɛ lɛ̀ɛ́kɔ, n daarɛ m kaa bii rɛɛ zang ɓɔɔ ri zang Isirela kpang ɓɛɛ.”

Zang Shonang Yeesɔ 20:26

Ka ruu nɔngkɔ, n kɔɔ nɔɔ ruu keɓe, kɔ́pɔ́ zĩi zang ɓɔɔ tɔ̀ɔ́ kagn yuu mɛɛ kpang lɛɛkɔ (zang ɓɔɔ nɛɛ yaa gbalang keɓe, ruu mɛɛ hãa ɓi tɔ̀ɔ́gn kpang).

Zang Shonang Yeesɔ 6:6

Zang atɛ ri ka bii rɛɛ zang shonang Yeesɔ. Rɛɛ zang shonang Yeesɔ ri shĩili ri naa ka yuu, a ri ti gaa ri Laa.

Afisa 5:11

Ruu manɛ wu hãa ɓi kagn nɛɛ vuu ɓɔɔ daa naa palɛnang kpang, ɓɔɔ zang palɛ ka nɔng ɓɔɔ tɔ̀ɔ katɔ ɓɛɛ kpang. Nɔɔ nwangsɛ vuu ɓɔɔ naa weɓe katɔ ka dalɛ kɔ jong.

1 Timoti 3:10

Zang gã̀sɛ̀ ri ka gbongkarɛ. Ri nɛɛ shaa vuu ɓɔɔ zang gãsɛ ri kagn keɓe tɔ, tɔ̀ɔ, zang a ri naa shonang palɛnang kati.

1 Timoti 3:2

Zang bang zang ɓɔɔ ri dũng Laa, wu nwang ɓi zang ɓɔɔ shi kpang kagn bii ɓiɓɛ kpang ɓɛɛ, wu gee soro gbete kɔ nwani. Wu zang ɓɔɔ yeti ɓiɓɛ lasɛ pati kpang, zang ɓɔɔ yiti yuu ɓiɓɛ waasɛ̃ ɓɛɛ. Zang ɓɔɔ zang seng wu katɔ ɓɛɛ. Zang ɓɔɔ ta zang zanti ka gãa ɓiɓɛ waasɛ̃ ɓɛɛ, ti zunung naa ɓɔɔ wu tusu zang vuu katɔ.

1 Timoti 3:6

Wu ti zang ɓɔɔ shing danggn ka bii Laa diki bee gn kpang, kpang. Ka ruu ɓɔɔ, nɛ̀ɛ́ tuu yuu ɓiɓɛ dɔɔli, zang nɛ̀ɛ́ dɔng wu ruu naa ɓɔɔ zang dɔng Sheetang ɓɛɛ.

1 Timoti 4:12

Mɔ́ɔ yaa zang ɓɔɔ wu risi mɔɔ naa vĩi, ka ruu ɓɔɔ, mɔɔ doo jasang ɓɛɛ kpang. Nwang ɓaa zang ɓɔɔ, zang ɓɔɔ ri dũng Laa ri kpɛ̃ɛrɛ́ vuu ka bii ɓaaɓɛ ɓɛɛ. Ri kpɛ̃ɛrɛ vuu ka yee ɓɔɔ mɔɔ rang ɓɛɛ, nɛɛ vuu ɓɔɔ mɔɔ palɛ, nɛɛ naa ɓɔɔ mɔɔ kasɛ zang ɓɛɛ, ka danggn ɓɔɔ mɔɔ shing ɓɛɛ, a ɓɔɔ kaa nwannang tɔ̃ɔ ɓaaɓɛ.

1 Timoti 4:14

Palɛ shonang nɛɛ vuu ɓɔɔ Suru Laa a mɔɔ ɓɛɛ, mɔɔ yaa kpang. Ɓɔɔ wu a mɔɔ ka ɓɔɔ zang nyaa shonang ri rang yee, a zang bang Gãa Laa ri shìng mɔɔ naa ka yuu ɓɛɛ.

2 Timoti 1:6

Ka ruu nɔngkɔ, n kpàá mɔɔ danggn, mɔɔ palɛ shonang nɛɛ vuu ɓɔɔ Laa a mɔɔ ka ɓɔɔ n shìng mɔɔ naa ka yuu ɓɛɛ.

2 Timoti 2:2

Túsú vuu ɓɔɔ mɔɔ tãayi, n túsú ka jĩng zang dɔɔli ɓɛɛ, mɔɔ tusu zang ɓɔɔ mɔɔ shing ri gn katɔ ka bii ɓɛɛ. Zang ɓɔɔ ri zunung ɓɔɔ ri tusu zang ɓɔɔ kaa jong ɓɛɛ.

Yahudi 6:2

Nɛɛ vuu tusunang, ka yuu batizima, nɛɛ naa shinnang ka yuu zang, nɛɛ naa ɓɔɔ zang wisi zang paa nɛɛ sàa ɓɛɛ, nɛɛ ɓɔɔ ruu ɓɔɔ Laa naa jɛ̃ɛ zang, ka ɓɔɔ koo naa waa nyaa ɓɛɛ.

2 Yɔhana 1:11

Ka ruu ɓɔɔ, zang ɓɔɔ nɛɛ jeere wu nyaa, kasɛ vuu shi kpang ɓɔɔ zang kaɓa palɛ ɓi doo katɔ kɔ ɓɛɛ.

Vuu ɓɔɔ zang nwangsɛ Yɔhana 18:4

A n tãa yee ɓɔɔgn nwangnɛ lapa, kɔɔyi nɛɛ, “Nɔɔ ɓɔɔ nɔɔ zang mɛɛ ɓɛɛ, nɔɔ nwang ta, nɔɔ yaa gari kaɓa, tɔ̀ɔ, nɔɔ kpalɛ yuu kaa tɔ̀ɔ́ nɛɛ wu, nɔɔ palɛ vuu shi kpang, kpang. Laa nɛ̀ɛ́ ti dang nɔɔ jĩng nɛɛ ri.