1 Timoti 5:21 - Nyaa Shɔɔ Ɓɔɔ Laa a Ɓɛɛ

²¹ N gaa mɔɔ nɛɛ nung Laa, nɛɛ ɓɔɔ Yeesɔ Kirisi nɛɛ rɛɛ zang nyaa shonang Laa ɓɔɔ ka lapa ɓɔɔ Laa shɛ̃ɛrɛ ri katɔ ɓɛɛ. N kɔɔ mɔɔ, mɔɔ dũ̀ng nyaa kɔ n dang mɔɔ ɓee. Ka vuu ɓɔɔ mɔɔ palɛ nandon, mɔɔ shɛ̃ɛrɛ zang katɔ kpang, mɔɔ pálɛ̀ vuu gn dang gbete kpang.

1 Timoti 5:21 ပူးပေါင်းရင်းမြစ်များ

Matiyu 16:27

Jaa Shɔnzang naa a ditɔ nɛɛ bannang diiɓɛ, nɛɛ zang nyaa shonang ɓiɓɛ ɓɔɔ ka lapa ɓɛɛ. Tɔ̀ɔ, wu naa alɛ zang vuu, ka naa vuu ɓɔɔ ri palɛ ɓɛɛ.

Matiyu 25:41

“A naa kɔ̀ɔ́ zang ɓɔɔ ka naa nagang ɓiɓɛ nɛɛ, ‘Zang ɓɔɔ Kpanti Laa ku nɔɔ nyaa tɔ ka bii, ka ruu vuu shi kpang manɛ ɓɛɛ, nɔɔ dita yeti waa ɓɔɔ Laa palɛ ka ruu Kpanti suru shi kpang nɛɛ zang nyaa shonang ɓiɓɛ ɓɛɛ.

Matiyu 28:20

Nɔɔ ti kpɛ̃ɛrɛ ri, nɛɛ ri dũng nyaa ɓɔɔ n dang nɔɔ ɓɛɛ nandon. N yaa nɔɔ kpang. N nwang nɛɛ nɔɔ sasak, diki ɓɔɔ koo keɓe naa waa nyaa, nɛɛ mani.”

Luka 20:21

A zang keɓe ri hɛ̃ɛ wu nɛɛ “Maalang, ruu zi tɔ vuu ɓɔɔ mɔɔ kɔɔyi, nɛɛ vuu ɓɔɔ mɔɔ tusu piti tɔ̃ɔ. Mɔɔ shɛ̃ɛrɛ zang ɓaa kpang. Mɔɔ túsù Ruu Laa ɓaa tɔ̃ɔ tɔ̃ɔ.

Luka 9:26

Zang ɓɔɔ tuuru yusɛ̃ɛ mɛɛ, nɛɛ ɓɔɔ yee mɛɛ, Jaa Shɔnzang naa tuuru yusɛ̃ɛ ɓiɓɛ ɓi doo nɔngkɔ, ka diki ɓɔɔ wu a ka naa bannang ɓiɓɛ, nɛɛ ɓɔ̀ɔ́ Daa ɓiɓɛ, nɛɛ ɓɔ̀ɔ́ zang nyaa shonang Laa ɓɔɔ ka lapa ɓɛɛ.

2 Koranti 5:16

Rúu dɔ̀ng zang ɓɔɔ ruu, tɔ̀ɔ́ ka doo nwannang shɔnzang kpang. Niizang, ɓeleng ruu dɔ̀ng Yeesɔ Kirisi ruu ka gbalang kaɓa kɔ, a kãntang keɓe, ruu palɛ tɔ̀ɔ́ nɔngkɔ kpang.

1 Tesalonika 5:27

N ɓakɛ nɔɔ nɛɛ Laa, nɔɔ gã labeenang keɓe ka nɔng zang ɓɔɔ ri dũng Laa nandon.

1 Timoti 6:13

Ka tĩng Laa ɓɔɔ a vuu piti suru bii ɓɛɛ, a ɓɔɔ ka tĩng Yeesɔ Kirisi ɓɔɔ kɔ̀ɔ ruu ka yuu danggn ɓɔɔ wu shingnɛ ka tĩng kpanti Pontu Bilatu ɓɛɛ, n kɔɔ mɔɔ,

2 Timoti 2:14

Kpaa rɛɛ zang ɓaaɓɛ danggn vuu keɓe, mɔɔ ti shaarɛ ri nyaa gbãng gbãng ka tĩng Laa, nɛɛ ri gaa nyaa ka yuu ruu kpang. Nwàng zang vuu ɓɔɔ tɔ̃ɔ ɓi kpang, lasɛ zang ɓɔɔ ri tãa ɓɛɛ ɓarɛ katɔ kɔ shɛ̃ɛning.

2 Timoti 4:1

N gàa mɔɔ nɛɛ nung Laa nɛɛ ɓɔɔ Yeesɔ Kirisi ɓɔɔ naa jɛ̃ɛ zang ɓɔɔ ri vɔlɔ tɔ, nɛɛ zang ɓɔɔ ri doo ningkãari ruu ɓɛɛ. Ka ruu ɓɔɔ, Yeesɔ Kirisi naa nwang nyaa ditɔ, naa roo kpanti, ka ruu nɔngkɔ, n kɔɔ mɔɔ ruu keɓe.

Yakubu 3:17

Zũnang ɓɔɔ a nɛɛ bii Laa ɓi náabm̀. Zang ɓɔɔ zũnang keɓe kagn yeti ɓiɓɛ, shi kpang nwang ɓi ka bii ɓiɓɛ kpang. Zũnang keɓe, shing zang, zang kasɛ nwannang ka bii zɔɔ, palɛ vuu ɓi hakaka kpang, yi wusang ɓi dɔɔli, gn zang kɔng wu dɔɔli, a ti palɛ vuu tɔ̃ɔ dɔɔli. Pálɛ̀ vuu ɓi jong gn dang gbete kpang, ti nwãarɛ zang ɓi nɛɛ vuu palɛnang kpang.

2 Bituru 2:4

Ka tĩng tɛ̃ɛ tɛ̃ɛ, rɛɛ zang nyaa shonang Laa ɓɔɔ ri ka lapa ɓɛɛ, ri palɛ vuu shi kpang, gn ɓarɛ kɔng Laa kpang. Laa yiki ri, vang ri ka nɔng waa. Zang mã̀lɛ̀ ri doo nɛɛ soo saka, ka nɔng waa kaɓa ɓɔɔ tɔ̀ɔ kɔngkɔng ɓɛɛ, tɔ̀ɔ, diki ɓɔɔ zang naa jɛ̃ɛ ri ruu wu a nɛɛ mani.

Yahuza 1:6

Danggn wu ning nɔɔ kpang. Zang nyaa shonang Laa ɓɔɔ ri ka lapa, ɓɔɔ ri nwáng ka nɔng ɓɔɔ Laa a ri naa kagn ɓɛɛ kpang, ri yáa nɔng nwannang ɓarɛ ɓɛɛ. Zang mã ri doo nɛɛ soo saka ka nɔng ɓɔɔ tɔ̀ɔ kɔngkɔng ka tipi dii, ka nɔng ɓɔɔ Laa shing ri, gã diki bang kaɓa ɓɔɔ wu naa dɔ̌ng ri ruu kagn ɓɛɛ.

Vuu ɓɔɔ zang nwangsɛ Yɔhana 14:10

Gnvɔ naa shaa Laa nɛɛ wu. Gnvɔ kaɓa, ɓi naa sàa ɓɔɔ la katɔ, zang tɛ̃ɛ mii kagn kpang ɓɛɛ. A zang naa dang wu jĩng nɛɛ waa ɓɔɔ nwãa dɔɔli, nɛɛ mii takong, ka tĩng rɛɛ zang nyaa shonang Laa ɓɔɔ ri ka lapa ɓɛɛ nɛɛ tĩng Jaa Mɛ̀ɛrɛ́.