1 Timoti 5:10 - Nyaa Shɔɔ Ɓɔɔ Laa a Ɓɛɛ

¹⁰ Nɛɛ ti suvɔ ɓɔɔ zang zi wu tɔ nɛɛ shonang tɔ̃ɔ palɛnang ɓɛɛ. Nɛɛ ti gãng jĩng ka wujɛ ɓiɓɛ waasɛ̃ ɓɛɛ. Nɛɛ tá zang zanti katɔ ɓɛɛ, nɛɛ ti pálɛ̀ zang ɓɔɔ ri dũng doo Laa kɔ vuu, tuu yuu ɓiɓɛ kpang ɓɛɛ. Nɛɛ ti yi zang ɓɔɔ ri dang jĩng naa ka bii ɓɛɛ, nɛɛ ti shing yuu ɓiɓɛ nɛɛ wu palɛ tɔ̃ɔ ka zɔ̃ng zɔ̃ng ɓɛɛ. Mɔɔ bee nung ɓiɓɛ.

1 Timoti 5:10 ပူးပေါင်းရင်းမြစ်များ

Matiyu 25:17

A zang gbete ɓɔɔ ta saka jaka ziti, ti daa walɛ ɓɔɔgn nɔ́ng ziti.

Matiyu 5:16

Ka ruu nɔngkɔ, nɔɔ palɛ vuu tɔ̃ɔ manɛ waasɛ̃ ka jĩng zang, tɔ̀ɔ ri zi shonang tɔ̃ɔ manɛ, ri dɔ̀ɔ Daa manɛ ɓɔɔ lapa kati.”

Luka 7:38

A naa shii ka knti Yeesɔ ka doo ɓiɓɛ naabm, kaa kana, miiri ɓiɓɛ ti shili kana doo Yeesɔ. A ti alɛ miiri ɓɔɔ shili ka doo Yeesɔ kaa nɛɛ suuyuu ɓiɓɛ. Tɔ̃kɔ doo Yeesɔ, a tungku nung ɓɔɔ wu a nɛɛ mani kagn.

Luka 7:44

A Yeesɔ raa jĩng pɛ̃ɛrɛ jaa soro, a kɔɔ Siman tɔɔ, “Mɔɔ zi jaa soro keɓe tɔ waa? N a ka gãa ɓaaɓɛ, mɔɔ a m mii ɓɔɔ n sɔɔ doo nɛɛ mani ɓɛɛ kpang. Jaa soro keɓe kɔ sɔɔ m doo nɛɛ miiri ɓiɓɛ, a ti alɛ nɛɛ suuyuu ɓiɓɛ.

Zang Shonang Yeesɔ 10:22

Ri kasɛ wu nyaa tɔɔ, “Zang bang sɔɔja ɓɔɔ zang ɓaa wu nɛɛ Koneliyu kɔ shong ruu. Koneliyu zang tɔ̃ɔ, bang Laa, a zang Yahudi nandon, ri a wu bannang dɔɔli. Zang nyaa shonang Laa ɓɔɔ ka lapa ɓɛɛ gbete, kɔɔ wu nɛɛ wu ɓaa mɔɔ nyaa ka gãa ɓiɓɛ. Nɛɛ tɔ̀ɔ wu tãa vuu ɓɔɔ mɔɔ kɔɔ ɓɛɛ.”

Zang Shonang Yeesɔ 22:12

“Yɔɔ ɓɔɔ kagn ka gari Damasiku zang ɓaa wu nɛɛ Hananiya. Dṹng nyaa ɓɔɔ Laa dang ɓɛɛ gbãng gbãng, zang Yahudi ɓɔɔ ka gari kaɓa, ri rang ruu ɓiɓɛ tɔ̃ɔ.

Zang Shonang Yeesɔ 6:3

Ka ruu nɔngkɔ, rɛɛ manzung, nɔɔ shɛ̃ɛrɛ zang manziti ka teteng manɛ ɓɔɔ nɔɔ zi tɔ Suru Laa kagn bii ɓarɛ, a ri ti zũng dɔɔli ɓɛɛ. Rúu shing rikɔ ri gãng jĩng ka vuu shaanang basɛnang.

Zang Shonang Yeesɔ 9:36

Jaa soro ɓɔɔ kagn dũng Laa, ka gari Joopa zang ɓaa nung ɓiɓɛ nɛɛ Tabita (Tabita nɛɛ nyaa Heleni ɓi Dorika, nung ɓɔɔ zang ɓaa mákà ɓɛɛ). Jaa soro keɓe pálɛ̀ ɓi tɔ̃ɔ diki diki, ti yi zang ɓɔɔ vuu ka naa kpang, naa ka bii.

Zang Shonang Yeesɔ 9:39

A Bituru kpalɛ bii a daa kaa nɛɛ rɛɛ zang ɓɔɔ zang shong ri ɓɛɛ. Daa shɛ̃ɛ nɔng tɔ, a zang vang nɛɛ wu ka gãa lapa. Rɛɛ suvɔ ri kpalɛ zɔɔ ka bii ɓiɓɛ nandon ri kaa nyavɔ. Ri ti tusu wu rɛɛ fɔ̃ɔrɔ ɓɔɔ Dorika haarɛ bɛ̀ɛ́ wu doo ningkãari ɓɛɛ.

Rooma 12:13

Basɛ vuu naa ɓaaɓɛ nɛɛ ɓaazung ɓɔɔ ri dũng doo Laa kɔ, ɓɔɔ vuu ka naa ɓarɛ kpang ɓɛɛ. Ta zang zanti katɔ ka yeti gãa ɓaaɓɛ.

Afisa 2:10

Laa kɔ mãa ruu, ka yuu ɓɔɔ ruu ɓakɛ nɛɛ Yeesɔ Kirisi, nɛɛ ruu nwang nwannang ɓɔɔ ruu palɛ shonang ɓɔɔ tɔ̃ɔ, ɓɔɔ Laa kpàlɛ̀ ruu bii, doo ka tĩng, nɛɛ ruu naa palɛ ɓɛɛ.

Kolosi 1:10

Tɔ̀ɔ, nɔ́ɔ naa zunung nwannang ɓɔɔ Kpanti ɓuru kasɛ ɓɛɛ kati, nɔɔ palɛ vuu ɓɔɔ shing wu tãa tĩnang ɓɛɛ kati diki diki. Nwannang manɛ naa shing nɔɔ, nɔ́ɔ palɛ vuu ɓɔɔ tɔ̃ɔ ɓɛɛ ka zɔ̃ng zɔ̃ng. Zinang ɓɔɔ nɔɔ zi vuu ka yuu Laa, naa daa kaa nɛɛ tĩng diki diki.

1 Timoti 2:10

Ri gbárɛ́ bii nɛɛ shonang tɔ̃ɔ ɓɔɔ ri palɛ ɓɛɛ, ɓɔɔ daa naa ɓɔɔ zang ɓɔɔ ri dũng Laa, ri palɛ tɔ ɓɛɛ.

1 Timoti 3:2

Zang bang zang ɓɔɔ ri dũng Laa, wu nwang ɓi zang ɓɔɔ shi kpang kagn bii ɓiɓɛ kpang ɓɛɛ, wu gee soro gbete kɔ nwani. Wu zang ɓɔɔ yeti ɓiɓɛ lasɛ pati kpang, zang ɓɔɔ yiti yuu ɓiɓɛ waasɛ̃ ɓɛɛ. Zang ɓɔɔ zang seng wu katɔ ɓɛɛ. Zang ɓɔɔ ta zang zanti ka gãa ɓiɓɛ waasɛ̃ ɓɛɛ, ti zunung naa ɓɔɔ wu tusu zang vuu katɔ.

1 Timoti 3:7

Wu ti nwang zang ɓɔɔ, zang ɓɔɔ ri dũ̀ng Laa kpang, ri seng wu katɔ ɓɛɛ. Ka ruu ɓɔɔ nɛ̀ɛ́ nwáng vuu dãanang ka nɔng zang, nɛ̀ɛ́ ti watɛ ka yeti jàng ɓɔɔ shɛ̃ɛtang làng ɓɛɛ.

1 Timoti 5:16

Naa jaa soro ɓɔɔ dũng Laa, a zang ɓiɓɛ kagn ri suvɔ, wu gãng jĩng ka ri. Wu tɔ̀ɔ́ kpang nɛɛ zang ɓɔɔ ri dũng Laa ri gãng jĩng ka ri kpang. Zang ɓɔɔ ri dũng Laa ri gãng jĩng ɓarɛ kaa suvɔ ɓɔɔ zang ɓɔɔ yi ri naa ka bii kpang ɓɛɛ.

1 Timoti 5:25

Vuu tɔ̃ɔ ɓɔɔ zang palɛ ɓɛɛ, ɓi doo nɔngkɔ, ɓɔɔ kpãa zinang kpang. Ɓɔɔ zang zi kãntang kpang, waasɛ bii dòndòng kpang.

1 Timoti 6:18

Kɔɔ ri nɛɛ ri palɛ vuu ɓɔɔ tɔ̃ɔ ɓɛɛ. Ri nwang zang ying nɛɛ vuu tɔ̃ɔ ɓɔɔ ri palɛ ɓɛɛ. Ri mung naa kpang, ri a zang vuu, ri basɛ vuu ɓarɛ katɔ nɛɛ zang ɓɔɔ ɓɔ̀ɔ́ ɓarɛ kagn kpang.

2 Timoti 1:5

Danggn ɓɔɔ mɔɔ shing gbãng gbãng, ning m kpang, naa ɓɔɔ nabang ɓaaɓɛ Looyi nɛɛ naaɓɛ Yunis, ri shing ɓɛɛ. N ti zi zɔ̃ng danggn shinnang keɓe kagn yeti ɓaaɓɛ.

2 Timoti 2:21

Zang ɓɔɔ nɛɛ palɛ rɛɛ vuu shi kpang keɓe kpang nandon, nwang ɓi naa juwa Zinariya ɓɔɔ zang shaa vuu shaanang kagn ka lee mung ɓɛɛ. Juwa keɓe, shi zang ɓiɓɛ ka jĩng dɔɔli. Zang ɓiɓɛ palɛ shonang tɔ̃ɔ piti nɛɛ mani katɔ.

2 Timoti 3:15

Mɔɔ ti zi tɔ, ɓɔɔ bɛ̀ɛ́ mɔɔ doo wujaa, mɔɔ zi labeenang Laa ɓɔɔ zunung ɓɔɔ wu shing mɔɔ, mɔɔ zũngnɛ tɔ. Tɔ̀ɔ Laa wu ta yuu ɓaaɓɛ ka ruu danggn ɓɔɔ mɔɔ shing ka bii Yeesɔ Kirisi ɓɛɛ.

2 Timoti 3:17

tɔ̀ɔ, zang ɓɔɔ pálɛ̀ Laa shonang, wu walɛ zũnang ɓɔɔ wu palɛ shonang tɔ̃ɔ ka zɔ̃ng zɔ̃ng piti nɛɛ mani.

Titu 2:14

Yeesɔ a yuu ɓiɓɛ ka ruu ɓuru nɛɛ wu ta ruu nɛɛ naa vuu shi kpang nandon. Wu shing ruu, ruu nwang zang ɓiɓɛ kɔ bm gbete. Wu shing rùu rúu nwang zang ɓɔɔ ri kpalɛ bii tɔ, nɛɛ ri palɛ vuu ɓɔɔ tɔ̃ɔ ɓɛɛ.

Titu 2:7

Ka vuu ɓɔɔ mɔɔ palɛ piti, tusu yuu ɓaaɓɛ, mɔɔ nwang zang ɓɔɔ zang kpɛ̃ɛrɛ vuu ka bii ɓiɓɛ ɓɛɛ. Tusu zang vuu nɛɛ yeti gbete, mɔɔ ti pĩiri nɛɛ vuu ɓɔɔ mɔɔ tusu zang ɓɛɛ kpang.

Titu 3:1

Kɔɔ ri nɛɛ ri ɓaa shoo ka nyaa rɛɛ kpanti, nɛɛ rɛɛ zang bang tipi. Ri ti kpalɛ bii diki diki, ri pálɛ́ shonang ɓɔɔ tɔ̃ɔ ɓɛɛ.

Titu 3:14

Zang ɓuru ɓɔɔ ri dũng Laa, ri kpɛ̃ɛrɛ shonang ɓɔɔ tɔ̃ɔ palɛnang, tɔ̀ɔ, ri yi zang ɓɔɔ vuu ka naa ɓarɛ kpang naa jong ka bii. Ri nwàng nwannang waati kpang.

Titu 3:8

Ruu kɔ zang kɔɔ ɓɛɛ, niizang kɔ nwani. N kasɛ mɔɔ yi tĩng ɓaa ka vuu kɔ n kɔɔrɔ ɓee tɔ̃ɔ tɔ̃ɔ. Tɔ̀ɔ, zang ɓɔɔ ri dũng Laa, ri dũng vuu keɓe, ri pálɛ́ shonang ɓɔɔ tɔ̃ɔ ɓɛɛ. Shonang keɓe, wukɔ tɔ̃ɔ ti yi zang piti naa katɔ ka bii.

Yahudi 10:24

Rúu kãa gbalang naa ɓɔɔ ruu zarɛ zɔɔ, tɔ̀ɔ, ruu kasɛ zɔɔ, a ruu ti palɛ shonang ɓɔɔ tɔ̃ɔ ɓɛɛ.

Yahudi 13:2

Nɔɔ yaa zang zanti tanang ka gãa manɛ kpang, Ka ruu ɓɔɔ, zang ɓɔɔ ri pálɛ́ nɔngkɔ, a ri ta zang nyaa shonang Laa ɓɔɔ ri ka lapa ɓɛɛ tɔ̃ɔ, ri zi kpang.

Yahudi 13:21

N gaa wu, wu a nɔɔ vuu tɔ̃ɔ piti ɓɔɔ nɔɔ kasɛ ɓɛɛ, tɔ̀ɔ, nɔɔ palɛ vuu ɓɔɔ wu kasɛ ɓɛɛ. Wu palɛ vuu ɓɔɔ shing wu, wu tãa tĩnang ka yeti ɓuru, nɛɛ bii Yeesɔ Kirisi. Zang a wu bannang ta gbinggbing. Nɔngkɔ.

1 Bituru 2:12

Nɔɔ nwáng nwannang tɔ̃ɔ, tɔ̀ɔ, zang ɓɔɔ ri zi Laa kpang ri zirɛ. Ka ruu ɓɔɔ, naa ri rang yee shi kpang doo ka yuu manɛ, ri zili vuu tɔ̃ɔ ɓɔɔ nɔɔ palɛ ɓɛɛ, ri naa dɔ̀ɔ Laa ditɔ, ka diki ɓɔɔ wu naa a ka bii ɓarɛ ɓɛɛ.

1 Bituru 4:9

Nɔɔ ta zang ɓɔɔ ri a ka gãa manɛ katɔ, nɔ́ɔ gɔ̃ɔrɔ yee kagn kpang.

3 Yɔhana 1:12

Zang piti ri kɔɔ ruu tɔ̃ɔ ka yuu Dimitiriyu. Vuu ɓɔɔ Dimitiriyu pálɛ̀, wukɔ tusu zang nɛɛ wu zang tɔ̃ɔ niizang. Ruu ti kɔɔ ruu tɔ̃ɔ ɓiɓɛ doo nɔngkɔ. Mɔɔ ti zi tɔ, nɛɛ n suu sèé kpang.