1 Timoti 4:7 - Nyaa Shɔɔ Ɓɔɔ Laa a Ɓɛɛ

⁷ Yaa gbalang ruu gbãagbãa ɓɔɔ daa naa kɔɔrɔnang kpang kaɓa katɔ. Mɔɔ kãa ɓaa gbalang ɓɔɔ mɔɔ nwang zang ɓɔɔ dũng Laa niizang.

1 Timoti 4:7 ပူးပေါင်းရင်းမြစ်များ

Zang Shonang Yeesɔ 24:16

Ka ruu nɔngkɔ, n kasɛ nɛɛ diki diki n palɛ vuu ɓɔɔ tɔ̃ɔ ka tĩng Laa nɛɛ tĩng shɔnzang piti.

1 Timoti 1:4

Mɔ́ɔ kɔ̀ɔ ri nɛɛ ri suukãng waati ka nɔng ruu gbãagbãa kɔɔrɔnang, nɛɛ nɔng ɓɔɔ ri gã zɔ̃ng rɛɛ dabang ɓarɛ ɓɛɛ kpang. Vuu keɓe shing ɓi nyaa laanang waati. Shingnɛ ruu zi vuu tɔ̃ɔ ɓɔɔ Laa mang ka yuu ɓuru nɛɛ ruu walɛ ɓɛɛ kpang. Danggn ɓɔɔ ri shing ka bii ɓiɓɛ kɔ tusu vuu keɓe shɛ̃ɛning.

1 Timoti 1:9

Zang dang nyaa wu ka ruu zang tɔ̃ɔ kpang. Ɓi ka ruu zang ɓɔɔ ri takɛ nyaa ɓɔɔ zang dang ɓɛɛ, nɛɛ zang ɓɔɔ ri ɓaa shoo ka nyaa zang kpang ɓɛɛ. A bɔɔ ka ruu zang ɓɔɔ ri shing gn ka bii Laa kpang, nɛɛ zang ɓɔɔ ri palɛ vuu shi kpang ɓɛɛ. Ka ruu zang ɓɔɔ ri seng Laa kpang, ri ti seng vuu tɔ̃ɔ kpang ɓɛɛ. Nɛɛ ɓɔɔ ka ruu zang ɓɔɔ ri nyɔ daa ɓarɛ nɛɛ nàá ɓarɛ vɔrɔ ɓɛɛ, nɛɛ zang ɓɔɔ ri nyɔkɔ zang vɔrɔ ɓɛɛ.

1 Timoti 2:10

Ri gbárɛ́ bii nɛɛ shonang tɔ̃ɔ ɓɔɔ ri palɛ ɓɛɛ, ɓɔɔ daa naa ɓɔɔ zang ɓɔɔ ri dũng Laa, ri palɛ tɔ ɓɛɛ.

1 Timoti 3:16

Ruu niizang ɓɔɔ Laa nwangsɛ ka yuu gbalang ɓiɓɛ kɔ ruu dũng ɓee, bang dɔɔli. Wu vuu ɓɔɔ zang laa nyaa ɓiɓɛ kpang. Yeesɔ tuu bii shɔnzang a nɔng ka koo. Suru Laa tusu nɛɛ wu ɓi zang ɓɔɔ shi kpang ka bii ɓiɓɛ kpang ɓɛɛ. Zang nyaa shonang Laa ɓɔɔ ri ka lapa, ri zi wu nɛɛ jĩng ɓarɛ. Zang ri kɔɔ ruu ɓiɓɛ ka koo piti. A zang dɔɔli ka koo ri shing danggn tɔ ka bii ɓiɓɛ. Zang tuu wu tɔ, zang daa nɛɛ wu ka lapa, ka tĩng Laa.

1 Timoti 4:8

Pĩirinang ɓi tɔ̃ɔ, ka ruu ɓɔɔ, shing bii ɓaaɓɛ lakɛ katɔ ɓɛɛ. Naa mɔɔ kpɛ̃ɛrɛ yuu ɓaaɓɛ vuu Suru Laa, nwang mɔɔ tɔ̃ɔ, ka gbalang naa bm bm. Nwǎng mɔɔ tɔ̃ɔ ka nwannang ɓuru kãntang keɓe, ti naa nwàng mɔɔ tɔ̃ɔ ka ɓɔɔ koo naa waa nyaa ɓɛɛ.

1 Timoti 6:11

A ɓɔɔ ɓaaɓɛ Timoti, ɓɔɔ mɔɔ ɓaa zang Laa ɓɛɛ, yaa vuu keɓe ɓaa nandon. Kãa ɓaa gbalang ɓɔɔ mɔɔ nwang zang tɔ̃ɔ ka tĩng Laa ɓɛɛ diki diki, zang ɓɔɔ dũng Laa niizang ɓɛɛ, zang ɓɔɔ shing danggn ka bii Laa ɓɛɛ, zang ɓɔɔ kasɛ zang katɔ ɓɛɛ, zang ɓɔɔ mã danggn dɔɔli ɓɛɛ, a ɓɔɔ zang ɓɔɔ pàlɛ́ zang tɔ̃ɔ ɓɛɛ.

1 Timoti 6:20

Timoti, gãng jĩng ka vuu ɓɔɔ Laa a mɔɔ ka naa ɓɛɛ waasɛ̃. Mɔɔ ɓaa shoo ka yee sãnsãnrãng ɓɔɔ zang rangkɛ kpang. Mɔɔ ti laa nyaa ka yuu vuu ɓɔɔ zang suu sèé nɛɛ wukɔ “zũnang” ɓɛɛ kpang.

1 Timoti 6:3

Zang ɓɔɔ nɛɛ tusu vuu ɓɔɔgn ɓɔɔ daa gbete nɛɛ ruu ɓɔɔ niizang ɓɔɔ Kpanti ɓuru Yeesɔ Kirisi nɛɛ vuu ɓɔɔ ruu tusu ka yuu gbalang Laa kɔ ruu dũng ɓɛɛ kpang.

1 Timoti 6:5

a ri hãa nyaa diki diki. Zang keɓe, yeti ɓarɛ zunung rɛ̃rɛnang tɔ̃ɔ kpang, ri ti zi ruu ɓɔɔ niizang ɓarɛ kpang. Zang keɓe, ri kɔɔ ɓarɛ nɛɛ gbalang Laa ɓi gbalang ɓɔɔ zang walɛ saka kagn ɓɛɛ.

2 Timoti 2:16

Mɔɔ ɓaa shoo ɓaa ka yee sãnsãnrãng ɓɔɔ zang rangkɛ ɓɛɛ kpang. Ruu ɓɔɔ naa weɓe, shing zang, zang yaa gbalang Laa kaa beebang.

2 Timoti 2:23

Ruu ɓaaɓɛ wu hãa kagn nɛɛ ruu shoko kɔɔrɔnang nɛɛ nyaa laanang kpang. Mɔɔ zi tɔ ri shingnɛ zang ri haa nyaa.

2 Timoti 3:12

Zang piti ɓɔɔ nɛɛ kasɛ wu nwang zang ɓɔɔ dũng Laa gbãng gbãng ka ɓɔɔ wu ɓakɛ yuu nɛɛ Yeesɔ Kirisi, zang dang wu jĩng katɔ.

2 Timoti 3:5

Ri naa palɛ bii mɔɔ kɔ̀ɔ́ nɛɛ ri dṹng Laa nɛɛ yeti gbete, a nwannang ɓarɛ tusu ɓi nɛɛ ri dũng Laa kpang tingkiring. Ruu ɓaaɓɛ wu hãa kagn nɛɛ rɛɛ zɔ̃ng zang keɓe kpang.

2 Timoti 4:4

Ri ɓaa shoo, ka ruu ɓɔɔ niizang, ɓɔɔ ka yuu gbalang Laa ɓɛɛ kpang. Ri ɓàarɛ́ shoo ɓarɛ ka ruu gbãagbãa.

Titu 1:14

Ri yaa ruu gbãagbãa zang Yahudi ta, nɛɛ vuu ɓɔɔ shɔnzang ri kasɛ nɛɛ zang palɛ, ɓɔɔ zang ɓɔɔ ri bɛ̃ɛ Ruu Tɔ̃ɔ Laa katɔ, ri tusu zang ɓɛɛ.

Titu 2:12

Tɔ̃ɔ ɓiɓɛ keɓe, kɔ tusu ruu, ruu yaa nwannang ta naa zang ɓɔɔ ri zi Laa kpang ɓɛɛ, nɛɛ naa zang ɓɔɔ ri kasɛ ruu vuu koo ɓɛɛ. Ruu nwangnɛ, ruu yiti yuu ɓuru katɔ, ruu nwang nwannang ɓɔɔ tɔ̃ɔ ɓɛɛ, ruu dũng Laa ka nwannang ɓuru ka koo keɓe.

Titu 3:9

Mɔɔ ɓaa shoo ɓáà ka nyaa shoko ɓɔɔ zang làáyi, nɛɛ rɛɛ dabang ɓarɛ ɓɔɔ ri gã̀kɛ́ ɓɛɛ kpang. Mɔɔ haarɛ nyaa nɛɛ zang kpang, nɔɔ ti basɛ zɔɔ ka yuu nyaa ɓɔɔ Musa dangnɛ ɓɛɛ kpang. Naa nɔɔ palɛ nɔngkɔ yì nɔɔ naa ɓi ka bii kpang, ti nwang nɔɔ vuu ɓɔɔ ɓi kpang.

Yahudi 5:14

Vuu shaanang ɓɔɔ lakɛ katɔ ɓi ɓɔ̀ɔ́ zang ɓɔɔ ri zũng bii tɔ ɓɛɛ, zang ɓɔɔ ri kpɛ̃ɛrɛ yuu ɓarɛ tɔ diki diki, naa ɓɔɔ ri bàsɛ́ teteng vuu tɔ̃ɔ, nɛɛ vuu shi kpang ɓɛɛ.