1 Timoti 4:3 - Nyaa Shɔɔ Ɓɔɔ Laa a Ɓɛɛ

³ Zang ɓɔɔ ri kpɛ̃ɛrɛ zang nɛɛ, soro geenang shi kpang. Nɛɛ vuu shaanang ɓɔɔ kagn, ri ti shaa kpang. Vuu shaanang ɓɔɔ Laa mãarɛ, nɛɛ tɔɔ zang ɓɔɔ ri dũng wu, ɓɔɔ ri ti zi ruu ɓɔɔ niizang tɔ, ri tarɛ ri ti zãa wu kati ɓɛɛ.

1 Timoti 4:3 ပူးပေါင်းရင်းမြစ်များ

Matiyu 14:19

A kɔɔ zang ɓɔɔ ri kpalɛ zɔɔ nɛɛ ri nwang ta ka yuu wisi. A see borodi maani nɛɛ jaazĩi ziti kaɓa, a tuu jĩng ka lapa. Zãa kpanti Laa, a shalɛ, basɛ zang ɓɔɔ ri mantɛ vuu ka bii ɓiɓɛ, a ri alɛ zang nimbang kati.

Matiyu 15:11

Ɓi vuu ɓɔɔ zang shaa ka yeti kɔ raa zang, zang nwang zang shi kpang ka tĩng Laa Kpang. Yee ɓɔɔ nwang nɛɛ yeti nyaa zang kɔ, shing zang, zang nwang zang shi kpang ka tĩng Laa.”

Matiyu 15:36

A tuu borodi manziti kaɓa nɛɛ jaazĩi, a zãa Kpanti Laa. Shalɛ, a basɛ zang ɓɔɔ ri mantɛ vuu ka bii ɓiɓɛ, nɛɛ ri alɛ zang nimbang ta.

Luka 24:30

Nwangnɛ nɛɛ wu shaa kaa vuu shaanang nɛɛ ri. Tuu borodi a gaa Laa, sharɛ a á ri.

Yɔhana 6:23

A tonsi ɓɔɔ ri alɛ nɛɛ Tiberiya ri naa shiiri ka nyaa rang, naabm nɛɛ nɔng ɓɔɔ zang dɔɔli ri shaa borodi ɓɔɔ Yeesɔ zãa Laa a ri ɓɛɛ.

Zang Shonang Yeesɔ 27:35

Kɔɔ tɔ nɔngkɔ, a tuu borodi, zãa Laa ka tĩng ɓarɛ nandon. A shalɛ borodi, a gaayu shaanang kati.

Rooma 14:17

Ka ruu ɓɔɔ, vuu ɓɔɔ Laa kasɛ, wukɔ vuu shaanang nɛɛ vuu ɓoonang kpang. Laa kasɛ nɛɛ zang nwang zang tɔ̃ɔ ka tĩng ɓiɓɛ, ti kasɛ nɛɛ zang nwang ka nyaa zɔɔ nɛɛ wu, a zang ti tãa tĩnang ɓɔɔ Suru Laa shingnɛ ɓɛɛ.

Rooma 14:3

Zang ɓɔɔ shaa vuu piti keɓe, wu tɔɔ kpang nɛɛ wu ɓa zang ɓɔɔ shaa ɓi sɔ̃ngkɔ keɓe katɔ kpang. Zang ɓɔɔ shaa ɓi sɔ̃ngkɔ, wu ti dɔng zang ɓɔɔ shaa vuu piti ruu kpang, nɛɛ wu palɛ vuu shi kpang tɔ, ka ruu ɓɔɔ, wu bɛ̃ɛ vuu ɓi gbete kpang ɓɛɛ kpang. Ka ruu ɓɔɔ, Laa tá wu ɓi tɔ ɓɛɛ.

Rooma 14:6

Zang ɓɔɔ nɛɛ tɔɔ, diki ɓɔɔ ɓa ɓɔɔ nimbang katɔ, kɔɔ nɔngkɔ, ka ruu ɓɔɔ, kasɛ nɛɛ wu a Laa bannang ɓɛɛ. Zang ɓɔɔ nɛɛ shaa vuu piti, shaa ka Ruu Laa, ka ruu ɓɔɔ zãa Laa katɔ ɓɛɛ. Zang ɓɔɔ nɛɛ bɛ̃ɛ vuu piti shaanang, bɛ̃ɛ ka Ruu Laa, a ti zã̀a wu katɔ.

1 Koranti 6:13

Zang ɓɔɔ kɔɔ ɓi nɛɛ, “Laa mãa vuu shaanang nɛɛ zang shaa ka buru. Ti mãa buru ka ruu vuu ɓɔɔ zang shaa ɓɛɛ.” Nɔngkɔ niizang. Lee ɓɔɔ Laa naa ningsi buru ditɔ, nɛɛ vuu shaanang ning. Laa mãa bii nɛɛ zang palɛ wu dũndũng nɛɛ mani kpang. Laa mãa bii nɛɛ zang wu dũng Kpanti Yeesɔ Kirisi nɛɛ mani. Ti kpanti Yeesɔ Kirisi kɔ a bii vuu ɓɔɔ bii kasɛ ɓɛɛ.

1 Koranti 7:28

Naa n kɔɔ doo nɔngkɔ piti, naa zang ɓɔɔ gee soro palɛ wu vuu shi kpang, kpang. Nɔɔ zi tɔ nɛɛ zang ɓɔɔ ri gee soro tɔ, ri naa dang jĩng dɔɔli, ka koo keɓe. N kasɛ nɛɛ jĩng dannang kaɓa wu à ka yuu manɛ kpang.

1 Koranti 8:8

Ruu zi tɔ, naa ruu shaa zɔ̃ng vuu shaanang ɓɔɔ naa weɓe, naa ruu shaa doo kpang, vuu shaanang kaɓa, shing ruu, ruu nwang zang tɔ̃ɔ ka tĩng Laa kpang. Naa ruu shaa kpang, palɛ vuu ɓɔɔ kpang. Naa ruu shaayi naa risi ruu, ruu nwang zang tɔ̃ɔ kpang.

Kolosi 2:16

Ka ruu nɔngkɔ, zang ɓɔɔ wu dãa nɔɔ ka yuu vuu ɓɔɔ nɔɔ shaayi nɛɛ ɓɔɔ nɔɔ ɓooyi ɓɛɛ kpang. Kɔ́ ka yuu diki Laa, kɔ́ ka yuu vuu shaanang shala shɔɔ, kɔ́ ka yuu Diki Ɔ̃sɔnang.

Kolosi 3:17

Vuu ɓɔɔ nɔɔ kɔɔyi nɛɛ vuu ɓɔɔ nɔɔ palɛ piti, nɔɔ pálɛ́ ka nung Yeesɔ Kirisi, ka ɓɔɔ nɔɔ zãa Laa ɓɔɔ wukɔ Daa nɛɛ bii ɓiɓɛ ɓɛɛ.

1 Timoti 2:4

Ka ruu ɓɔɔ, Laa kasɛ nɛɛ wu ta yuu zang piti, nɛɛ ri ti zi ruu ɓɔɔ niizang.

1 Timoti 4:4

Vuu ɓɔɔ Laa mãa piti ɓi tɔ̃ɔ, nɔ́ɔ bɛ̃ɛ vuu ɓɔɔ kpang. Nɔɔ ta vuu piti, nɔɔ zãa wu.

1 Timoti 5:14

N kasɛ suvɔ ɓɔɔ ri doo jasang, ri gee varɛ, ri yi jaa. Ri gãng jĩng ka gãa ɓarɛ, tɔ̀ɔ, ruu yàa zang ɓɔɔ ri shing jĩng nɛɛ ruu kpang gbalang kaa tɔ̀ɔ́, ri rang yee shi kpang ka yuu ɓuru kpang.

Yahudi 13:4

Zang piti ɓɔɔ ri gee zɔɔ tɔ, ri seng zɔɔ katɔ, a zang ɓɔɔ ri gee zɔɔ tɔ, ri yaasɛ zɔɔ gn naa kpang. Ka ruu ɓɔɔ, Laa naa dɔng zang ɓɔɔ ri palɛ dũndũng nɛɛ zang ɓɔɔ ri rooro nɛɛ soro zang, ruu katɔ ɓɛɛ.

Yahudi 13:9

Nɔɔ yáa vuu ɓɔɔ zang tusu, ɓɔɔ ka zɔ̃ng zɔ̃ng, nɛɛ ɓɔɔ nɔɔ tãa gngn kpang, wu shing nɔɔ, nɔɔ ning gbalang kpang. Ɓi tɔ̃ɔ ɓɔɔ Laa palɛ ruu kɔ, mã ruu danggn, wu vuu shaanang ɓɔɔ ruu shaa ka zɔ̃ng zɔ̃ng ɓɛɛ kpang. Vuu shaanang keɓe, ti nwàng zang ɓɔɔ ri shaayi vuu tɔ̃ɔ kpang.