1 Timoti 4:1 - Nyaa Shɔɔ Ɓɔɔ Laa a Ɓɛɛ

¹ Suru kɔɔ tɔ faarik nɛɛ, diki a ditɔ, zang ɓɔɔ ri naa yaa danggn ɓɔɔ ri shing ka bii Laa ɓɛɛ. Ri naa ɓaa shoo ka nyaa rɛɛ suru shi kpang ɓɔɔ nwãarɛ zang ɓɛɛ. Ri naa dũng vuu ɓɔɔ suru shi kpang ri tusu ɓɛɛ.

1 Timoti 4:1 ပူးပေါင်းရင်းမြစ်များ

Matiyu 18:7

Jĩng dannang kagn yuu koo keɓe, ka ruu vuu ɓɔɔ nwãarɛ zang ka yeti ɓiɓɛ ɓɛɛ. Vuu ɓɔɔ naa weɓe, a ɓi katɔ, a jĩng dannang kagn yuu shɔnzang ɓɔɔ vuu keɓe a nɛɛ bii ɓiɓɛ ɓɛɛ.

Luka 17:1

Yeesɔ kɔɔ zang ɓɔɔ ri mantɛ vuu ka bii ɓiɓɛ tɔɔ, “Vuu ɓɔɔ nwãarɛ zang, zang palɛ vuu shi kpang a ɓi ditɔ kɔ nwani. Jĩng dannang kagn yuu zang ɓɔɔ vuu keɓe a nɛɛ bii ɓiɓɛ ɓɛɛ.

Yɔhana 16:13

Suru keɓe ɓɔɔ wukɔ tusu zang ruu ɓɔɔ niizang ka yuu Laa nɛɛ a tɔ, naa shing nɔɔ, nɔɔ zi vuu ɓɔɔ niizang ɓɛɛ. Rang yee nɛɛ yuu ɓiɓɛ kpang, kɔ̀ɔ́ vuu ɓɔɔ wu tãa nɛɛ nyaa Laa ɓɛɛ, wu ti kɔɔ nɔɔ vuu ɓɔɔ naa a ka knti ɓɛɛ.

Zang Shonang Yeesɔ 13:2

Diki ɓɔɔgn ri bang Laa, a ri seng nyaalaa a Suru Laa kɔɔ ri tɔɔ, “Nɔɔ zɔ̃ng m Shaawulu nɛɛ Baranaba ka ruu shonang, ɓɔɔ n ɓàa ri nyaa ɓɛɛ.”

Zang Shonang Yeesɔ 17:18

A zang ɓɔɔ ri dũng vuu ɓɔɔ Epikuru nɛɛ Sitoki ri túsú ɓɛɛ, ri ti a ka bii ɓiɓɛ. A zang ɓɔɔ ka teteng ɓarɛ ri kɔ̀ɔrɔ́ nɛɛ “Yɔɔ kɔ yìkí nyaa katɔ ɓee, naa kɔ̀ɔ́ ɓu viya?” Zang ɓɔɔ ri kɔɔyi nɛɛ, “Mɔɔ kɔɔ nɛɛ kɔ̀ɔ́ rúu ka yuu vuu gãnti ɓɔɔ ruu zi gngn kpang ɓɛɛ.” Ri kɔɔ ruu keɓe waati kpang, ka ruu ɓɔɔ bɛ̀ɛ́ Bulu kɔɔ ruu ka yuu Yeesɔ nɛɛ naa ɓɔɔ wu yupaa nɛɛ saa ɓɛɛ.

Zang Shonang Yeesɔ 20:23

Suru Laa shaarɛ m nyaa ka gari ɓɔɔ n daa kagn piti, nɛɛ zang daa mã m ka sãa, zang ti dang m jĩng.

Zang Shonang Yeesɔ 21:11

Ɓɔɔ wu a ka bii ɓuru, tuu guruji ɓɔɔ Bulu mã sãng nɛɛ mani, mã doo nɛɛ naa ɓiɓɛ nɛɛ mani. A kɔɔyi tɔɔ, “Suru Laa kɔɔyi tɔɔ, Zang Yahudi ɓɔɔ ri ka Urushalima, ri daa mã zang guruji keɓe doo naa weɓe kɔ, ri a zang ɓɔɔ ri zang Isirela kpang ɓɛɛ.”

Zang Shonang Yeesɔ 28:25

Ka ruu nɔngkɔ, ri daayi, nyaa ɓarɛ daa gbete kpang. Bulu kɔɔ ri ruu keɓe ka gbongkarɛ, a ri tantɛ, tɔɔ, “Suru Laa kɔɔ rɛɛ dabang manɛ ruu ɓɔɔ niizang nɛɛ nyaa Ishaya tɔɔ,

1 Koranti 10:20

Kpang, n kɔ̀ɔ́ wu nɔngkɔ kpang. N kɔɔ m tɔɔ, vuu shaanang ɓɔɔ zang ɓɔɔ ri dũ̀ng Laa kpang, ri a vaka ri a ɓarɛ suru shi kpang. Ri dɔɔ ɓarɛ Laa kpang. N kasɛ kpang nɔɔ ɓakɛ zɔɔ nɛɛ suru shi kpang, kpang.

1 Koranti 11:19

Nɔɔ basɛ zɔɔ katɔ, ka ruu ɓɔɔ, naa nɔngkɔ kpang, zang zi zang ɓɔɔ ri dũng Yeesɔ Kirisi nɛɛ yeti gbete kpang ɓɛɛ.

1 Koranti 12:11

Ka vuu kɔɔ zang palɛ nandon ɓee, ɓi doo Suru gbete keɓe kɔ, a zang naa, zang ri palɛ nɔngkɔ. Wu a zang ɓu naa vuu palɛnang kaɓa náabm̀, naa ɓɔɔ wu kasɛ ka yeti ɓiɓɛ ɓɛɛ.

1 Koranti 2:10

Laa nwangsɛ rukɔ vuu keɓe nɛɛ naa Suru ɓiɓɛ. Suru Laa zi yeti vuu tɔ nandon dɔ̃ɔ gbete, ti zili rɛɛ vuu ɓɔɔ Laa mang ka yeti ɓiɓɛ tɔ.

2 Koranti 11:3

N kaa vɔrɔ, zang naa shingnɛ, nɔɔ rɛ̃rɛ shi kpang, nɔɔ yaa naa ɓɔɔ nɔɔ a Kirisi yeti manɛ ɓɔɔ kankalang dɔ̃ɔ gbete, nɔɔ pàlɛ́ wu shonang ɓɛɛ. Naa ɓɔɔ sɔkɔ nwãarɛ Hawawu nɛɛ zũnang sèé ɓɛɛ.

Kolosi 2:18

Nɔɔ yaa zang ɓɔɔ tuu yuu ɓiɓɛ nɛɛ wu ɓa nɔɔ katɔ, wu dɔng nɔɔ ruu kpang. Zang ɓɔɔ kɔɔyi nɛɛ wu zìlí vuu ka si hingro, a yi tĩng, suu sèé nɛɛ wu tuu yuu ɓiɓɛ kpang, a bang ɓi kaa rɛɛ zang nyaa shonang Laa ɓɔɔ ri ka lapa ɓɛɛ. Zɔ̃ng zang keɓe tuu yuu ɓiɓɛ, ka dalɛ waati, ka rɛ̃rɛnang ɓɔɔ wu rɛ̃rɛ naa shɔnzang ɓɛɛ,

2 Timoti 3:13

A zang ɓɔɔ ri palɛ vuu shi kpang nɛɛ zang ɓɔɔ, ri tuu waa nyaating zang ɓɔɔ ri palɛ vuu nɛɛ mani ɓɛɛ, ri shaarɛ katɔ, shaarɛnang ɓarɛ daa nɛɛ tĩng kɔ jong. Ri nwãarɛ zang, zang ti nwãarɛ ri.

2 Timoti 4:4

Ri ɓaa shoo, ka ruu ɓɔɔ niizang, ɓɔɔ ka yuu gbalang Laa ɓɛɛ kpang. Ri ɓàarɛ́ shoo ɓarɛ ka ruu gbãagbãa.

Yakubu 3:15

Wee ɓi zũnang ɓɔɔ a nɛɛ bii Laa kpang, ɓi ɓɔɔ koo keɓe. Ɓi ɓɔɔ Suru Laa kpang. Ɓi ɓɔ̀ɔ́ suru shi kpang.

1 Bituru 1:20

Ɓɔɔ bɛ̀ɛ́ Laa mãa koo gn kpang, Laa zɔ̃ng Yeesɔ Kirisi nɛɛ wu ta yuu zang nɔngkɔ. A kãntang keɓe, ka wee koo waa nyaa kaa tɔ ɓee, Laa nwangsɛ wu, ka ruu manɛ kɔ.

2 Bituru 2:1

Ka tĩng tɛ̃ɛ tɛ̃ɛ, zang nyaa shonang Laa ɓɔɔ sèé, ri nwáng nyaa ka teteng rɛɛ zang Laa. Kãntang keɓe dòo nɔngkɔ, maalang ɓɔɔ ri tusu zang vuu sèé, ri naa nwang nyaa ditɔ ka teteng manɛ. Ri naa arɛ, ri tusu zang vuu sèé ɓɔɔ shing zang, ri ning gbalang ɓɛɛ. Ri naa làá nyaa nɛɛ ri zi dabang ɓuru Yeesɔ Kirisi ɓɔɔ tá yuu ɓarɛ ka vuu shi kpang ɓarɛ kpang. Ka ruu vuu kɔ ri palɛ ɓee, diki bee kpang, jĩng dannang bang a ditɔ ka yuu ɓarɛ, wu nyɔkɔ ri vɔrɔ.

2 Bituru 3:3

Vuu ɓɔɔ n kasɛ nɛɛ nɔɔ zi shɔɔnang keɓe. N kasɛ nɛɛ nɔɔ zirɛ nɛɛ ka diki ɓɔɔ koo keɓe waa nyaa kaa tɔ, zang ɓɔɔgn ri nwangkɛ nyaa, ri palɛ vuu ɓɔɔ yeti ɓarɛ kasɛ ɓɛɛ. Zang keɓe, ri naa kpaa nɔɔ katɔ.

1 Yɔhana 2:18

Wujɛ mɛɛ, diki ɓɔɔ koo keɓe waa nyaa a naabm tɔ. Nɔɔ tãayi nɛɛ, zang ɓɔɔ shing jĩng nɛɛ Yeesɔ kpang a ditɔ, kãntang keɓe, zang ɓɔɔ shing jĩng nɛɛ Yeesɔ kpang, ri nwangsɛ yuu tɔ dɔɔli. Ka ruu nɔngkɔ, ruu zi tɔ nɛɛ, diki ɓɔɔ koo keɓe waa nyaa gn keɓe kɔ.

1 Yɔhana 4:6

Ruu ɓuru zang Laa. Zang ɓɔɔ zi Laa katɔ, ri ɓaa shoo ɓi katɔ nyaa ɓuru. Zang ɓɔɔ zang Laa kpang, ti ɓaa shoo ɓi ka nyaa ɓuru kpang. Ruu zi suru ɓɔɔ niizang, nɛɛ suru ɓɔɔ sèé nung naa weɓe kɔ.

Yahuza 1:18

Ri kɔɔ nɔɔ nɛɛ, “Diki ɓɔɔ koo waa nyaa kagn nɛɛ a tɔ, zang ri naa nwang nyaa, ri naa kpaa nɔɔ, ri naa dũng ɓarɛ vuu shi kpang ɓɔɔ yeti ɓarɛ ɓɔɔ zi Laa kpang kasɛ ɓɛɛ.”

Yahuza 1:4

Zang ɓɔɔ ri dũ̀ng Laa kpang, ɓɔɔ kagn ri hãa tɔ ka teteng manɛ nɛɛ nwĩiri, ruu zi kpang. Zang ɓɔɔ ri kɔ̃sɔ ruu tɔ̃ɔ ɓɔɔ Laa ɓuru pàlɛ́ zang, nwang ri ɓarɛ kaa naa zang yaa ri gbalang dũndũng palɛnang, a ri bɛ̃ɛ Yeesɔ Kirisi ɓɔɔ wukɔ gbete, Kpanti nɛɛ dabang ɓuru ɓɛɛ. Labeenang Laa kɔɔ ruu ɓi tɔ ka yuu ruu kɔ zang dɔ̀ng ri ɓee.

Vuu ɓɔɔ zang nwangsɛ Yɔhana 13:14

Tuu vuu ɓɔɔ zang a wu naa palɛnang ka tĩng yɔpɔ jĩngti ɓɔɔ tĩng shɔɔnang kaɓa, a nwãarɛ zang piti, ɓɔɔ ri nwalɛ ka koo nandon nɛɛ mani. Kɔɔ ri nɛɛ, ri pálɛ́ vuu ɓɔɔ nwang yɔpɔ jĩngti ɓɔɔ tĩng shɔɔnang, ɓɔɔ bɛ̀ɛ́ zang shing wu nyaa vuu waa ka bii nɛɛ yere bang a nwang doo ningkãari ɓɛɛ, ri a wu bannang nɛɛ mani.

Vuu ɓɔɔ zang nwangsɛ Yɔhana 16:14

Ri ɓarɛ, suru shi kpang ɓɔ̀ɔ́ Sheetang. Naa vuu palɛnang ɓarɛ kagn ɓɔɔ ri palɛ vuu ɓɔɔ zang zirɛ zang mã naa ka danggn ɓɛɛ. Ri daarɛ ka bii rɛɛ kpanti ɓɔɔ ka koo nandon, nɛɛ ri kpálɛ́ ri, ri ta sĩiri ka diki bang kaɓa, ɓɔɔ Laa ɓɔɔ ɓa zang piti katɔ, naa tusu zang yuu ɓiɓɛ kagn ɓɛɛ.

Vuu ɓɔɔ zang nwangsɛ Yɔhana 18:2

Mɛɛ nyaa nɛɛ kaka nabm, kɔɔyi nɛɛ, “Shàarɛ̀ tɔ, Babila gari bang kaɓa, shaarɛ tɔ. Raa nɔng nwannang rɛɛ raanang, nɛɛ nɔng ɓɔɔ rɛɛ suru shi kpang, ɓɔɔ yeti ɓarɛ la dɔɔli, ri kpalɛ zɔɔ kagn ɓɛɛ tɔ. Zɔ̃ng rɛɛ jaaning ɓɔɔ ri baabii dɔɔli, ɓɔɔ zang kasɛ ri kpang ɓɛɛ piti, ri nwang kaa nɔngkɔ.

Vuu ɓɔɔ zang nwangsɛ Yɔhana 18:23

Waa zàáng sɔɔ ti yakɛ yeti ɓiɓɛ takpang, zang ti paasɛ yèé zang ɓɔɔ gee soro, nɛɛ ɓɔ̀ɔ́ sinyɛ tãanang takpang, ka yeti ɓiɓɛ kpang. Ɓeleng zang ɓɔɔ mɔɔ hooro vuu ɓarɛ rikɔ zang bang ka koo zang ti nwãarɛ zɔ̃ng zang ɓɔɔ ka koo, nɛɛ nvaa ɓaaɓɛ kɔ.

Vuu ɓɔɔ zang nwangsɛ Yɔhana 19:20

A zang yi yɔpɔ jĩngti kaɓa ka nyaa sĩiri, nɛɛ yɔɔ ɓɔɔ suu sèé nɛɛ wu kɔ̀ɔ́ zang Ruu Laa ɓɛɛ. Ɓɔɔ palɛ vuu ɓɔɔ zang zirɛ zang mã naa ka danggn ka tĩng yɔpɔ jĩngti bìí ɓɛɛ. (Nɔɔ nwãarɛ zang nɛɛ mani, a zang ɓang zang vuu yɔpɔ jĩngti ka nyaating. A zang ɓɔɔ ri bang vuu ɓɔɔ zang palɛ nwang wu ɓɛɛ). Zang ziti keɓe zang tasɛ ri ningkãari ka too waa kaɓa ɓɔɔ shaayi, tari ɓɔɔ shaa waa katɔ ti kagn ɓɛɛ.

Vuu ɓɔɔ zang nwangsɛ Yɔhana 2:11

Zang ɓɔɔ shoo ɓiɓɛ nɛɛ kagn wu ɓaayi wu tãa vuu ɓɔɔ Suru Laa kɔɔ rɛɛ zang ɓɔɔ dũng Laa ɓɛɛ. Zang ɓɔɔ shii gbãng gbãng nɛɛ ɓa vuu gãsɛnang yuu, vɔrɔ ɓɔɔ zang naa vɔ tɔkn, daa kaa doo ziti, naa palɛ wu vuu ɓɔɔ kpang tingkiring.”

Vuu ɓɔɔ zang nwangsɛ Yɔhana 2:17

Zang ɓɔɔ shoo ɓiɓɛ nɛɛ kagn, wu ɓaayi, wu tãa vuu ɓɔɔ Suru Laa kɔɔ rɛɛ zang ɓɔɔ ri dũng Laa ɓɛɛ. Zang piti ɓɔɔ nɛɛ ɓa vuu gãsɛnang yuu, n á wu vuu shaanang ɓɔɔ zang ɓaa nɛɛ maanaa ɓɔɔ zang waasɛ katɔ ɓɛɛ. N ti á wu tari ɓɔɔ kagn puru nɛɛ nung shɔɔ ɓɔɔ zang bee ka yuu tari bìí. Zang ɓɔɔ zi nung bìí kpang ɓi zang ɓɔɔ tarɛ kɔ zi shɛ̃ɛning.”

Vuu ɓɔɔ zang nwangsɛ Yɔhana 2:29

Zang ɓɔɔ shoo ɓiɓɛ nɛɛ kagn, wu ɓaayi wu tãa ruu kɔ Suru kɔɔrɔ rɛɛ zang Laa ɓee.”

Vuu ɓɔɔ zang nwangsɛ Yɔhana 2:7

Zang ɓɔɔ shoo ɓiɓɛ nɛɛ kagn, wu ɓaayi wu tãa vuu kɔ Suru Laa kɔɔ rɛɛ zang ɓɔɔ ri dũng Laa ɓee. Zang ɓɔɔ nɛɛ mã danggn nɛɛ ɓa vuu gãsɛnang yuu, n naa yaa wukɔ, wu shaa jĩng laa ɓɔɔ ra ka laa ɓɔɔ a zang suru bii ɓɔɔ waa nyaa kpang, ɓɔɔ ta ka yeti jaa ɓɔɔ Laa shĩili ɓɛɛ.”

Vuu ɓɔɔ zang nwangsɛ Yɔhana 20:10

A kpanti suru shi kpang ɓɔɔ nwãarɛ ri ɓɛɛ, zang tasɛ wu ka too waa kaɓa ɓɔɔ tari ɓɔɔ shaa waa katɔ kagn ɓɛɛ. Nɔng ɓɔɔ bɛ̀ɛ́ zang tásɛ́ rɛɛ yɔpɔ jĩngti kagn, nɛɛ zang ɓɔɔ suu sèé nɛɛ wu zang nyaa shonang Laa ɓɛɛ. Ri nwang ka nɔngkɔ, ri dang jĩng nɛɛ zĩi nɛɛ laagɛ̃ gbinggbing.

Vuu ɓɔɔ zang nwangsɛ Yɔhana 20:8

Naa daarɛ ka rɛɛ tipi ɓɔɔ ka koo keɓe, ka nɔng ɓɔɔ koo di nyaa ɓɛɛ nandon, nwãarɛ zang. Rɛɛ tipi ɓɔɔ zang ɓaa ri nɛɛ Gog nɛɛ Maagɔng ɓɛɛ. Naa kpalɛ ri ka nɔng gbete nɛɛ ri ta sĩiri. Zang ɓɔɔ ri naa kpalɛ ɓɛɛ, ri shang dɔɔli naa seseele ka nyaa waapo.

Vuu ɓɔɔ zang nwangsɛ Yɔhana 3:13

Zang ɓɔɔ shoo ɓiɓɛ nɛɛ kagn wu ɓaayi wu tãa vuu ɓɔɔ Suru Laa kɔɔ zang ɓɔɔ ri dũng Laa ɓɛɛ.”

Vuu ɓɔɔ zang nwangsɛ Yɔhana 3:22

Zang ɓɔɔ shoo ɓiɓɛ nɛɛ kagn, wu ɓaayi wu tãa vuu ɓɔɔ Suru Laa kɔɔ rɛɛ zang ɓɔɔ ri dũng Laa ɓɛɛ.”

Vuu ɓɔɔ zang nwangsɛ Yɔhana 3:6

Zang ɓɔɔ shoo ɓiɓɛ kagn wu ɓaayi wu tãa vuu ɓɔɔ Suru Laa kɔɔ zang ɓɔɔ ri dũng Laa ɓɛɛ.”

Vuu ɓɔɔ zang nwangsɛ Yɔhana 9:20

A zang ɓɔɔ kɔnang kaɓa nyɔkɔ ri vɔrɔ kpang, ri kɔ̃sɔ yeti ɓarɛ kpang. Ri yi tĩng, ri bang ɓarɛ doo rɛɛ suru shi kpang nɛɛ rɛɛ vaka ɓɔɔ ri palɛ nɛɛ naa ɓarɛ ɓɛɛ. Ri palɛ vaka ɓɔɔ nɛɛ zinariya, ɓɔɔ nɛɛ azurufa, a ɓɔɔ nɛɛ saka nwɛ̃ɛri ɓɛɛ. Ri palɛ ɓɔɔ nɛɛ tari, a zang sèe ɓɔɔ nɛɛ laa. Vuu keɓe ri rang yee kpang, ri ti tãa nɔng kpang, a ri ti ra kpang.