1 Timoti 3:4 - Nyaa Shɔɔ Ɓɔɔ Laa a Ɓɛɛ

⁴ Wu yiti zang ɓɔɔ ri ka gãa ɓiɓɛ waasɛ̃, wu shing wujɛ ɓiɓɛ, ri ɓaa shoo ka nyaa ɓiɓɛ, ri ti seng wu katɔ.

1 Timoti 3:4 ပူးပေါင်းရင်းမြစ်များ

Zang Shonang Yeesɔ 10:2

Koneliyu ɓi zang ɓɔɔ dũng Laa ɓɛɛ. Bang Laa nɛɛ zang gãa ɓiɓɛ piti. Yi rɛɛ zang Yahudi ɓɔɔ vuu ka naa ɓarɛ kpang naa ka bii, ti gaa Laa diki diki.

Afisa 5:24

Ka ruu nɔngkɔ, zang soro ɓɔɔ zang gee nɔɔ katɔ ɓɛɛ, nɔɔ ɓáa shoo ka nyaa varɛ manɛ ka vuu piti, naa ɓɔɔ zang ɓɔɔ ri dũng Yeesɔ Kirisi ri ɓaa shoo ka nyaa ɓiɓɛ ɓɛɛ.

Filipi 4:8

Rɛɛ manzung, ruu ɓɔɔ n gɔɔ nyaa nɛɛ mani keɓe. Nɔɔ rɛ̃rɛ ka yuu rɛɛ vuu ɓɔɔ niizang ɓɛɛ, ɓɔɔ daa naa ɓɔɔ zang seng katɔ ɓɛɛ. Rɛɛ vuu ɓɔɔ teetee ɓɛɛ, vuu ɓɔɔ shi kpang kagn kpang ɓɛɛ, vuu ɓɔɔ shi dɔɔli ɓɛɛ, vuu ɓɔɔ zang kasɛ, a zang ti a wu bannang katɔ ɓɛɛ, vuu nandon ɓɔɔ daa naa dɔɔnang katɔ ɓɛɛ.

1 Timoti 3:12

Zang ɓɔɔ ri yi zang naa ka shonang ka Gãa Laa, zang ɓu wu gee soro gbete. Ri yiti wujɛ ɓarɛ nɛɛ zang ɓɔɔ ka gãa ɓarɛ ɓɛɛ waasɛ̃.

Titu 1:6

Zang bang zang ɓɔɔ ri dũng Laa, wu nwang ɓi zang ɓɔɔ shi kpang ka bii ɓiɓɛ kpang ɓɛɛ. Soro ɓiɓɛ gbete kɔ nwani. Wujɛ ɓiɓɛ nandon, ri shing danggn tɔ ka bii Laa. Ri wu wujɛ ɓɔɔ palɛ vuu shi kpang, kpang, a ri ti tá shoo pɛɛrɛ kpang ɓɛɛ.

Titu 2:2

Kɔɔ zang ɓɔɔ ri kpɛ̃ɛ tɔ, ri nwàng wu zang ɓɔɔ yeti ɓarɛ lasɛ pati kpang, ri nwáng zang ɓɔɔ zang a ri bannang katɔ, ri yiti yuu ɓarɛ waasɛ̃. Ri nwang zang ɓɔɔ ri shing danggn tɔ gbãng gbãng ɓɛɛ, ri kasɛ zang gbãng gbãng, a ri ti mã danggn gbãng gbãng.

Titu 2:7

Ka vuu ɓɔɔ mɔɔ palɛ piti, tusu yuu ɓaaɓɛ, mɔɔ nwang zang ɓɔɔ zang kpɛ̃ɛrɛ vuu ka bii ɓiɓɛ ɓɛɛ. Tusu zang vuu nɛɛ yeti gbete, mɔɔ ti pĩiri nɛɛ vuu ɓɔɔ mɔɔ tusu zang ɓɛɛ kpang.