1 Timoti 3:2 - Nyaa Shɔɔ Ɓɔɔ Laa a Ɓɛɛ

² Zang bang zang ɓɔɔ ri dũng Laa, wu nwang ɓi zang ɓɔɔ shi kpang kagn bii ɓiɓɛ kpang ɓɛɛ, wu gee soro gbete kɔ nwani. Wu zang ɓɔɔ yeti ɓiɓɛ lasɛ pati kpang, zang ɓɔɔ yiti yuu ɓiɓɛ waasɛ̃ ɓɛɛ. Zang ɓɔɔ zang seng wu katɔ ɓɛɛ. Zang ɓɔɔ ta zang zanti ka gãa ɓiɓɛ waasɛ̃ ɓɛɛ, ti zunung naa ɓɔɔ wu tusu zang vuu katɔ.

1 Timoti 3:2 ပူးပေါင်းရင်းမြစ်များ

Luka 1:6

Zakariya nɛɛ Alisabatu ri zang tɔ̃ɔ kɔ nandon, ka ruu ɓɔɔ, ri ɓaa shoo ka nyaa ɓɔɔ Laa dang ɓɛɛ nandon.

Luka 2:36

Zang nyaa shonang Laa ɓɔɔ kagn zang soro, zang ɓaa wu nɛɛ Ana. Ana jaa Fanuwel ɓɔɔ ka zɔ̃ng Ashaa ɓɛɛ. Saa ɓiɓɛ ti daa laa dɛ̃ɛti tu dɛ̃ɛti. Nwáng nɛɛ ɓeevɛ saa manziti kɔ nwani, a nwang suvɔ kati. Daarɛ Gãa Laa nɛɛ laagɛ̃ nɛɛ zĩi diki diki, wu dɔɔ Laa. Wu ti gaa Laa, wu seng nyaalaa.

Rooma 12:13

Basɛ vuu naa ɓaaɓɛ nɛɛ ɓaazung ɓɔɔ ri dũng doo Laa kɔ, ɓɔɔ vuu ka naa ɓarɛ kpang ɓɛɛ. Ta zang zanti katɔ ka yeti gãa ɓaaɓɛ.

Filipi 2:15

Tɔ̀ɔ, nɔ́ɔ nwang kaa zang ɓɔɔ zang tɔɔ kpang, nɛɛ ri palɛ vuu shi kpang tɔ kpang, a ri ti tɔ̃ɔ dɔ̃ɔ gbete ɓɛɛ. Tɔ̀ɔ, nɔ́ɔ nwang kaa wujɛ Laa, ɓɔɔ shi kpang ka bii ɓarɛ kpang ɓɛɛ. Ka wee nɔɔ nwang ka teteng zang koo keɓe, ɓɔɔ ri sɔɔ gbalang gbete jong kaara kpang, ri ti palɛ vuu shi kpang ɓee. Nɔ́ɔ nwang kaa teteng ɓarɛ ka koo keɓe naa sang ɓɔɔ yakɛ nɔng ɓɛɛ.

1 Timoti 3:12

Zang ɓɔɔ ri yi zang naa ka shonang ka Gãa Laa, zang ɓu wu gee soro gbete. Ri yiti wujɛ ɓarɛ nɛɛ zang ɓɔɔ ka gãa ɓarɛ ɓɛɛ waasɛ̃.

1 Timoti 3:8

Zang ɓɔɔ ri yi zang naa ka shonang ka Gãa Laa, ri nwang nwannang ɓɔɔ tɔ̃ɔ ɓɛɛ. Ri ti nwang zang ɓɔɔ ta nyaa ziti kpang. Ri ti ɓoo saa kpang, ri ti zang ɓɔɔ ri shing jĩng ka saka kãanang kpang.

1 Timoti 4:3

Zang ɓɔɔ ri kpɛ̃ɛrɛ zang nɛɛ, soro geenang shi kpang. Nɛɛ vuu shaanang ɓɔɔ kagn, ri ti shaa kpang. Vuu shaanang ɓɔɔ Laa mãarɛ, nɛɛ tɔɔ zang ɓɔɔ ri dũng wu, ɓɔɔ ri ti zi ruu ɓɔɔ niizang tɔ, ri tarɛ ri ti zãa wu kati ɓɛɛ.

1 Timoti 5:10

Nɛɛ ti suvɔ ɓɔɔ zang zi wu tɔ nɛɛ shonang tɔ̃ɔ palɛnang ɓɛɛ. Nɛɛ ti gãng jĩng ka wujɛ ɓiɓɛ waasɛ̃ ɓɛɛ. Nɛɛ tá zang zanti katɔ ɓɛɛ, nɛɛ ti pálɛ̀ zang ɓɔɔ ri dũng doo Laa kɔ vuu, tuu yuu ɓiɓɛ kpang ɓɛɛ. Nɛɛ ti yi zang ɓɔɔ ri dang jĩng naa ka bii ɓɛɛ, nɛɛ ti shing yuu ɓiɓɛ nɛɛ wu palɛ tɔ̃ɔ ka zɔ̃ng zɔ̃ng ɓɛɛ. Mɔɔ bee nung ɓiɓɛ.

1 Timoti 5:22

Mɔɔ làabìi ka nɔng ɓɔɔ mɔɔ shing naa ɓaaɓɛ, ka yuu zang ɓɔɔ ri tɔɔ, ri palɛ shonang Laa ɓɛɛ kpang. Mɔɔ yi naa ɓaaɓɛ ka vuu shi kpang ɓɔɔ zang ɓɔɔgn ri palɛ kpang. Nwang ɓaa nwannang tɔ̃ɔ.

1 Timoti 5:9

Suvɔ ɓɔɔ sáa ɓiɓɛ nɛɛ ɓa laa taati gn kpang nɛɛ ti gee varɛ dòo dóo gbete kɔ nwani kpang, mɔɔ bèe nung ɓiɓɛ ka yeti labeenang ɓɔɔ mɔɔ bée nung rɛɛ suvɔ kpang.

2 Timoti 2:24

Zang ɓɔɔ pálɛ̀ Laa shonang wu hàa nyaa ɓi kpang. Wu nwáng ɓi zang ɓɔɔ palɛ zang piti tɔ̃ɔ ɓɛɛ. Wu ti nwáng zang tɔ̃ɔ ɓɔɔ tusu zang vuu, mã danggn katɔ ɓɛɛ.

Titu 2:2

Kɔɔ zang ɓɔɔ ri kpɛ̃ɛ tɔ, ri nwàng wu zang ɓɔɔ yeti ɓarɛ lasɛ pati kpang, ri nwáng zang ɓɔɔ zang a ri bannang katɔ, ri yiti yuu ɓarɛ waasɛ̃. Ri nwang zang ɓɔɔ ri shing danggn tɔ gbãng gbãng ɓɛɛ, ri kasɛ zang gbãng gbãng, a ri ti mã danggn gbãng gbãng.

Yahudi 13:2

Nɔɔ yaa zang zanti tanang ka gãa manɛ kpang, Ka ruu ɓɔɔ, zang ɓɔɔ ri pálɛ́ nɔngkɔ, a ri ta zang nyaa shonang Laa ɓɔɔ ri ka lapa ɓɛɛ tɔ̃ɔ, ri zi kpang.

Yahudi 3:14

Ka ruu ɓɔɔ, ruu ɓuru kaa zang ɓɔɔ ri walɛ vuu ka bii Kirisi ɓɛɛ. Ruu nɛɛ yaa gn ɓɔɔ ruu gaayu, ruu shingnɛ kpang, diki ɓɔɔ koo waa nyaa wu a nɛɛ mani ɓɛɛ.

1 Bituru 4:7

Diki ɓɔɔ koo keɓe waa nyaa kagn, a naabm tɔ, ka ruu nɔngkɔ, nɔɔ yiti yuu manɛ waasɛ̃, nɔ́ɔ shii tɔ̃ɔ, tɔ̀ɔ, nɔ́ɔ gaa Laa kati.

1 Bituru 4:9

Nɔɔ ta zang ɓɔɔ ri a ka gãa manɛ katɔ, nɔ́ɔ gɔ̃ɔrɔ yee kagn kpang.

1 Bituru 5:8

Nɔɔ yiti yuu manɛ waasɛ̃ nɔɔ ti gãng jĩng waasɛ̃, sheetang zang ɓɔɔ shing jĩng nɛɛ nɔɔ kpang kaɓa rakɛ nɛɛ nɔng piti piti. Nwang ɓi zing ɓɔɔ shaa varɛ ɓɛɛ, kãa vuu ɓɔɔ wu shaa ɓɛɛ.