1 Timoti 3:11 - Nyaa Shɔɔ Ɓɔɔ Laa a Ɓɛɛ

¹¹ Zang soro ɓarɛ ri nwang nwannang ɓɔɔ tɔ̃ɔ ɓɛɛ. Ri ràng zang kpang. Ri nwàng wu zang ɓɔɔ yeti ɓarɛ lasɛ pati kpang. Ri nwang zang ɓɔɔ zang shing gn katɔ ka bii ɓarɛ ɓɛɛ.

1 Timoti 3:11 ပူးပေါင်းရင်းမြစ်များ

Matiyu 4:1

A Suru Laa túu Yeesɔ daa nɔng ka waala nɛɛ tɔ̀ɔ, Sheetang wu daa gãsɛ wu.

Yɔhana 6:70

Yeesɔ kasɛ ri nyaa tɔɔ, “Wu nkɔ shɛ̃ɛrɛ nɔɔ wee nɔɔ kopi tu ziti ɓee kpang ya? Zang gbete ka teteng manɛ ɓi suru shi kpang.”

Rooma 1:29

Yeti ɓarɛ ɓi gnvɔ kɔ shɛ̃ɛning, ka zɔ̃ng zɔ̃ng, nɛɛ vuu shi kpang, ri kasɛ vuu ɓɔɔ ka naa zang ɓɛɛ. Ri pàlɛ́ zɔɔ shi kpang. Ri kaa sũnyaa dɔɔli, ri nyɔ zang vɔrɔ, ri gaarɛ nyaa. A ri nwãarɛ zɔɔ. Ri rɛ̃rɛ vuu shi kpang ka yuu zang diki diki, ri rang zang.

1 Timoti 1:12

N zãa Kpanti Yeesɔ Kirisi ɓɔɔ a m kaka, n palɛ shonang mɛɛ nɛɛ mani tɔ. N ti zãa wu tɔ ka ɓɔɔ zirɛ n daa naa tɔ, zɔ̃ng m nɛɛ n shòng wu ɓɛɛ.

1 Timoti 3:2

Zang bang zang ɓɔɔ ri dũng Laa, wu nwang ɓi zang ɓɔɔ shi kpang kagn bii ɓiɓɛ kpang ɓɛɛ, wu gee soro gbete kɔ nwani. Wu zang ɓɔɔ yeti ɓiɓɛ lasɛ pati kpang, zang ɓɔɔ yiti yuu ɓiɓɛ waasɛ̃ ɓɛɛ. Zang ɓɔɔ zang seng wu katɔ ɓɛɛ. Zang ɓɔɔ ta zang zanti ka gãa ɓiɓɛ waasɛ̃ ɓɛɛ, ti zunung naa ɓɔɔ wu tusu zang vuu katɔ.

1 Timoti 6:2

Ka teteng manɛ ɓɔɔ nɔɔ jaafoo ɓɛɛ, dabang gãa zang ɓɔɔ nɛɛ dũng Laa, nɔɔ risi ri naa vĩi, ka ruu ɓɔɔ, ri dũng doo Laa kɔ ɓɛɛ kpang. Nɔ̀ɔ pàlɛ̀ ri shonang gbãng gbãng kɔ jong. Ka ruu ɓɔɔ, dabang gãa manɛ ri ɓarɛ doo zang ɓɔɔ ri dũng doo Laa kɔ, a nɔɔ ti kasɛ ri manɛ katɔ ɓɛɛ. Tusu zang vuu keɓe, mɔɔ ti kɔɔ ri nɛɛ ri palɛ nɔngkɔ.

2 Timoti 3:3

Ri naa pàlɛ̀ zang tɔ̃ɔ kpang, gn zang ti naa kɔng ri kpang, ri naa rang yee shi kpang ka yuu zang, ri naa yiti yuu ɓarɛ kpang, a gnvɔ ti ka yeti ɓarɛ dɔɔli. Ri naa kasɛ vuu ɓɔɔ tɔ̃ɔ ɓarɛ kpang.

2 Timoti 4:5

Ɓɔɔ ɓaaɓɛ, yiti yuu ɓaaɓɛ waasɛ̃ diki diki, mɔɔ nɛɛ dang jĩng, mã danggn, palɛ ɓaa shonang ɓɔɔ mɔɔ zang ɓɔɔ kɔɔrɔ zang Ruu Tɔ̃ɔ Laa mɔɔ nɛ̀ɛ́ pálɛ̀ ɓɛɛ. Pálɛ́ shonang ɓaaɓɛ nandon naa zang shonang Laa.

Titu 2:3

Kɔɔ zang soro ɓɔɔ ri kpɛ̃ɛ tɔ ri nwáng nwannang naa zang soro ɓɔɔ ri dũng Laa nɛɛ yeti gbete ri nɛ̀ɛ́ nwàng ɓɛɛ. Ri rang zang kpang, ri nwàng jaafoo sàa kpang, ri tusu naa ɓɔɔ zang soro ɓɔɔ ri dũng Laa ri nɛ̀ɛ́ nwang ɓɛɛ,

Titu 3:2

Kɔɔ ri nɛɛ ri rang yee shi kpang ka yuu zang ɓɔɔ kpang. Ri nwang ka nyaa zɔɔ nɛɛ zang, ri yi wusang nɛɛ zang piti. Ri pálɛ̀ hakaka kpang.

1 Bituru 5:8

Nɔɔ yiti yuu manɛ waasɛ̃ nɔɔ ti gãng jĩng waasɛ̃, sheetang zang ɓɔɔ shing jĩng nɛɛ nɔɔ kpang kaɓa rakɛ nɛɛ nɔng piti piti. Nwang ɓi zing ɓɔɔ shaa varɛ ɓɛɛ, kãa vuu ɓɔɔ wu shaa ɓɛɛ.