1 Timoti 2:4 - Nyaa Shɔɔ Ɓɔɔ Laa a Ɓɛɛ

⁴ Ka ruu ɓɔɔ, Laa kasɛ nɛɛ wu ta yuu zang piti, nɛɛ ri ti zi ruu ɓɔɔ niizang.

1 Timoti 2:4 ပူးပေါင်းရင်းမြစ်များ

Matiyu 28:19

Ka ruu nɔngkɔ, nɔɔ dita, nɔɔ daa kɔɔ zang tipi ɓɔɔ ka koo keɓe nandon ruu mɛɛ, tɔɔ, ri nwang zang ɓɔɔ ri dũng m kati. Nɔɔ ti palɛ ri batizima nɛɛ nung Daa mɛɛ Laa, nɛɛ ɓɔɔ mɛɛ Jaa ɓiɓɛ, nɛɛ ɓɔɔ Suru Laa.

Maraku 16:15

A kɔɔ ri tɔɔ, “Nɔɔ dita ka koo piti, nɔɔ daa rang zang piti, Ruu Tɔ̃ɔ Kpanti Laa.

Luka 1:77

Mɔkɔ naa tusu zang Laa, nɛɛ Laa naa yàá ri gbalang vuu shi kpang ɓarɛ ditɔ, tɔ̀ɔ, wu ta yuu ɓarɛ kati.

Luka 14:23

A yɔɔ gãa kɔɔ zang shonang ɓiɓɛ tɔkn tɔɔ, ‘Dita gbalang jaa, mɔɔ gɔ̃kɔ m zang, mɔɔ atɛ ri ka yeti gãa, tɔ̀ɔ, gãa mɛɛ wu yi nyaa kati.

Luka 24:47

Zang kɔɔ zang koo piti Ruu Laa, nɛɛ nung ɓiɓɛ kɔ, nɛɛ zang yaa vuu shi kpang, ri kɔ̃sɔ yeti ɓarɛ, tɔ̀ɔ, Laa wu yaa ri gbalang vuu shi kpang ɓarɛ. Zang naa gaayu nɛɛ Urushalima.

Yɔhana 14:6

Yeesɔ kɔɔ wu tɔɔ, “Nkɔ gbalang, nkɔ niizang, nkɔ suru bii. Zang ɓɔɔ nɛɛ tɔɔ wu daa bii Daa, sɔɔ nɛɛ bii mɛɛ kɔ gbete.

Yɔhana 17:17

Shing ri, ri nwáng zang ɓaaɓɛ ɓɔɔ shi kpang kagn bii ɓarɛ kpang ɓɛɛ, nɛɛ ruu ɓaaɓɛ ɓɔɔ niizang ɓɛɛ. Ruu ɓaaɓɛ ɓi niizang.

Yɔhana 6:37

Zang ɓɔɔ Laa a m, a kaa bii mɛɛ nandon. Zang ɓɔɔ nɛɛ a ka bii mɛɛ, n hing wu kpang.

Rooma 11:14

Naa n shíng zang zɔ̃̌ng mɛɛ katɔ, ri kaa sũnyaa, tɔ̀ɔ, Laa wu ta yuu zang ɓɔɔ ka teteng ɓarɛ.

1 Timoti 4:10

Ka ruu nɔngkɔ, rùu palɛ shonang, a ruu ti takɛ bii, ka ruu ɓɔɔ, ruu shing danggn ka bii Laa ɓɔɔ ningkãari, ɓɔɔ wukɔ ta yuu zang piti ɓɛɛ. Tá yuu zang ɓɔɔ ri shing danggn tɔ kɔ gbãng gbãng.

2 Timoti 2:25

Wu kɔsɔ zang ɓɔɔ ri bɛ̃ɛ wu nɛɛ gnvɔ ning kpang. Naa Laa nɛɛ kasɛ, ri naa walɛ gbalang ɓɔɔ ri kɔ̃sɔ yeti, ri árɛ̀, ri zi ruu ɓɔɔ niizang katɔ ɓɛɛ.

2 Timoti 3:7

Zang soro keɓe, diki diki ri kasɛ nɛɛ zang kpɛ̃ɛrɛ ri vuu, a ri zi vuu ɓɔɔ niizang kaa takpang doo nɛɛ mani.

Titu 1:1

Labeenang keɓe nɛɛ bii mɛɛ nkɔ Bulu, zang ɓɔɔ pàlɛ́ Laa shonang, n ti zang shonang Yeesɔ Kirisi ɓɛɛ. Laa zɔ̃ng m nɛɛ n nwang zang shonang ɓiɓɛ, a shong m nɛɛ n yi zang ɓɔɔ Laa zɔ̃ng ri katɔ naa ka bii, ri shing danggn gbãng gbãng. N ti shing ri, ri zi vuu ɓɔɔ niizang ɓɔɔ shingnɛ ri nwang nwannang ɓɔɔ Laa kasɛ ɓɛɛ.

Titu 2:11

Ka ruu ɓɔɔ, Laa túsú tɔ̃ɔ ɓiɓɛ ɓɔɔ wu ta yuu zang piti nɛɛ mani tɔ ɓɛɛ.

Yahudi 10:26

Ka ruu ɓɔɔ, naa ruu yi tĩng nɛɛ vuu shi kpang palɛnang nɛɛ gbãa, ka knti ɓɔɔ ruu zi ruu ɓɔɔ niizang tɔ, vuu ɓɔɔ zang dɔɔyi ka ruu vuu shi kpang ɓɛɛ takpang.

Yakubu 3:14

Nɔɔ nɛɛ kaa sũnyaa gbãng gbãng, nɔɔ nɛɛ ti kasɛ yuu manɛ dɔɔli ka yeti manɛ, nɔ́ɔ kɔɔrɔ ruu bang bang ka yuu manɛ kpang, nɔ́ɔ ti suu sèé ka ruu vuu ɓɔɔ niizang kpang.

2 Bituru 3:9

Zang ɓɔɔ ri kɔɔyi nɛɛ Laa sùu zang kãng dɔɔli, pálɛ̀ vuu ɓɔɔ wu kɔɔyi nɛɛ wu palɛ ɓɛɛ kpang. Ɓi nɔngkɔ kpang, Laa mã ɓi danggn kɔ jong nɛɛ nɔɔ. Laa yaa zang ɓi gbalang nɛɛ, wu yaa vuu shi kpang ɓɔɔ wu palɛ ɓɛɛ. Kasɛ kpang nɛɛ zang ɓɔɔ wu shaarɛ kpang, kasɛ nɛɛ zang piti ri kɔ̃sɔ yeti, ri yaa vuu shi kpang ɓɔɔ ri palɛ ɓɛɛ.

2 Yɔhana 1:1

Jaa soro ɓɔɔ Laa zɔ̃̀ng katɔ ɓɛɛ, nɛɛ wujɛ ɓaaɓɛ ɓɔɔ n kasɛ ruu manɛ katɔ dɔɔli ɓɛɛ. Nkɔ zang bang, nkɔ bèé nɔɔ labeenang keɓe. Wu nkɔ kasɛ ruu manɛ gbete kpang, zang ɓɔɔ ri zi ruu niizang katɔ, ri kasɛ nɔɔ dòo katɔ kɔ.

Vuu ɓɔɔ zang nwangsɛ Yɔhana 14:6

A n zi zang nyaa shonang Laa ɓɔɔ ka lapa ɓɛɛ ɓɔɔgn, tãa ka lapa. Atɛ Ruu Tɔ̃ɔ Laa ɓɔɔ di nyaa kpang ɓɛɛ, ɓɔɔ wu naa daa kɔɔrɔ zang ɓɔɔ ri nwang ka koo ɓɛɛ, nɛɛ zɔ̃ng zang piti, nɛɛ nɔng piti ka koo, a ɓɔɔ zang ɓɔɔ ri rangkɛ nyaa ka bm bm ɓɛɛ.