1 Timoti 2:2 - Nyaa Shɔɔ Ɓɔɔ Laa a Ɓɛɛ

² Mɔɔ ti gàa Laa ka ruu rɛɛ kpanti, nɛɛ zang ɓɔɔ ri zang bang ɓɛɛ nandon. Tɔ̀ɔ, rùu ɓɔɔ ruu dũng Laa rúu nwang kaa nyaa zɔɔ kikiri nɛɛ zang piti. Tɔ̀ɔ, ruu a Laa bannang kati ruu ti seng zang jong.

1 Timoti 2:2 ပူးပေါင်းရင်းမြစ်များ

Luka 1:6

Zakariya nɛɛ Alisabatu ri zang tɔ̃ɔ kɔ nandon, ka ruu ɓɔɔ, ri ɓaa shoo ka nyaa ɓɔɔ Laa dang ɓɛɛ nandon.

Luka 2:25

Ka diki kaɓa, yɔɔ ɓɔɔ kagn Urushalima, zang ɓaa wu nɛɛ Simiyon. Simiyon zang ɓɔɔ kasɛ Ruu Laa katɔ, a ti ɓaa shoo ka nyaa ɓɔɔ Laa dang ɓɛɛ tɔ̃ɔ tɔ̃ɔ. Bɛɛ Simiyon kaɓa gã ɓi diki ɓɔɔ Laa naa ta yuu zang Isirela ɓɛɛ. Suru Laa ɓi kagn bii ɓiɓɛ.

Zang Shonang Yeesɔ 10:22

Ri kasɛ wu nyaa tɔɔ, “Zang bang sɔɔja ɓɔɔ zang ɓaa wu nɛɛ Koneliyu kɔ shong ruu. Koneliyu zang tɔ̃ɔ, bang Laa, a zang Yahudi nandon, ri a wu bannang dɔɔli. Zang nyaa shonang Laa ɓɔɔ ka lapa ɓɛɛ gbete, kɔɔ wu nɛɛ wu ɓaa mɔɔ nyaa ka gãa ɓiɓɛ. Nɛɛ tɔ̀ɔ wu tãa vuu ɓɔɔ mɔɔ kɔɔ ɓɛɛ.”

Zang Shonang Yeesɔ 24:16

Ka ruu nɔngkɔ, n kasɛ nɛɛ diki diki n palɛ vuu ɓɔɔ tɔ̃ɔ ka tĩng Laa nɛɛ tĩng shɔnzang piti.

Rooma 12:18

Palɛ vuu piti ɓɔɔ mɔɔ zunung katɔ ɓɛɛ, mɔɔ nwang ka nyaa zɔɔ nɛɛ zang piti.

Filipi 4:8

Rɛɛ manzung, ruu ɓɔɔ n gɔɔ nyaa nɛɛ mani keɓe. Nɔɔ rɛ̃rɛ ka yuu rɛɛ vuu ɓɔɔ niizang ɓɛɛ, ɓɔɔ daa naa ɓɔɔ zang seng katɔ ɓɛɛ. Rɛɛ vuu ɓɔɔ teetee ɓɛɛ, vuu ɓɔɔ shi kpang kagn kpang ɓɛɛ, vuu ɓɔɔ shi dɔɔli ɓɛɛ, vuu ɓɔɔ zang kasɛ, a zang ti a wu bannang katɔ ɓɛɛ, vuu nandon ɓɔɔ daa naa dɔɔnang katɔ ɓɛɛ.

1 Tesalonika 4:11

Nɔɔ mang ka yeti manɛ nɛɛ nɔɔ nwang manɛ kikiri, nɔɔ haarɛ nyaa kpang, nɔɔ haa nyaa ka ruu zang ɓɔɔ kpang, nɔɔ pálɛ̀ shonang nɛɛ naa manɛ naa ɓɔɔ ruu kɔɔ nɔɔ ka tĩng ɓɛɛ.

Yahudi 12:14

Kãa gbalang mɔɔ nwang ka nyaa zɔɔ nɛɛ zang piti, mɔɔ ti nwang zang ɓɔɔ shi kpang, ka bii ɓaaɓɛ kpang ɓɛɛ. Naa mɔɔ nwàng zang ɓɔɔ shi kpang, ka bii ɓaaɓɛ kpang ɓɛɛ kpang, mɔɔ zi Laa kpang.