1 Timoti 2:1 - Nyaa Shɔɔ Ɓɔɔ Laa a Ɓɛɛ

¹ Vuu ɓɔɔ n kɔɔ mɔɔ shɔɔnang keɓe. Gaa Laa mɔɔ ti bakɛ wu ka ruu zang piti. Mɔɔ ti zãa Laa ka ruu ɓarɛ nandon.

1 Timoti 2:1 ပူးပေါင်းရင်းမြစ်များ

Zang Shonang Yeesɔ 17:30

Rɛɛ sáa ɓɔɔ bɛ̀ɛ́ nɔɔ zi vuu ɓɔɔ kagn kpang, Laa gã̀ ɓi takpang. Ɓɔɔ kãntang keɓe, Laa dang zang nyaa ka niya nandon, nɛɛ ri kɔ̃sɔ yeti ɓarɛ.

Rooma 1:8

N gaayu, n zãa Laa mɛɛ nɛɛ bii Yeesɔ Kirisi, ka ruu ɓɔɔ, zang koo nandon, ri rang ruu ka yuu danggn shinang manɛ ɓɛɛ.

Rooma 6:17

Ruu zãa Laa tɔ, ka ruu ɓɔɔ, bɛ̀ɛ́ nɔɔ manɛ jaafòó vuu shi kpang ɓɔɔ nɔɔ palɛ ɓɛɛ. A nɔɔ naa ɓaa shoo ka ruu ɓɔɔ niizang ka vuu ɓɔɔ zang tusu nɔɔ, a nɔɔ tarɛ nɛɛ yeti manɛ nandon.

1 Koranti 15:3

N kɔɔ nɔɔ Ruu Tɔ̃ɔ keɓe tɔ ka tĩng, ɓɔɔ Yeesɔ Kirisi kɔɔ m ka tĩng ɓɛɛ. Ruu Tɔ̃ɔ keɓe ɓa vuu piti katɔ, Ruu Tɔ̃ɔ keɓe, kɔɔ ruu nɛɛ Kirisi vɔ ka ruu vuu shi kpang ɓɔɔ ruu palɛ ɓɛɛ. Naa ɓɔɔ zang bée ka yeti labeenang Laa ka tĩng tɛ̃ɛ tɛ̃ɛ nɛɛ wu naa palɛ ɓɛɛ.

2 Koranti 8:6

Bɛɛ Titu gaayu tɔ, kpálɛ́ vuu ɓɔɔ nɔɔ alɛ waati nɛɛ yeti gbete, a ruu kɔɔ wu nɛɛ wu yaa kpang, wu hangsɛ shonang bìí katɔ.

Afisa 3:13

Ka ruu nɔngkɔ, n gaa nɔɔ, nɔ́ɔ yaa gn naa ka ruu jĩng ɓɔɔ n dang ka ruu manɛ ɓee kpang. Jĩng dannang mɛɛ keɓe kɔ, a nɔɔ bannang.

Afisa 5:20

Nɔ́ɔ zãa Daa ɓuru Laa diki diki, ka ruu vuu piti, nɛɛ nung Kpanti Yeesɔ Kirisi.

Afisa 6:18

Nɔɔ gaa Laa diki diki naa ɓɔɔ Suru Laa tusu nɔɔ ɓɛɛ. Nɔɔ gaa wu ka yuu vuu ɓɔɔ nɔɔ kasɛ ɓɛɛ nandon. Nɔɔ palɛ vuu keɓe nɔngkɔ, nɔ́ɔ lee kpang. Nɔ́ɔ ti gaa Laa diki diki ka ruu zang Laa nandon.

Filipi 1:3

Diki diki n nɛɛ rɛ̃rɛ ruu manɛ tɔ, n zãa Laa mɛɛ ka ruu manɛ.

Filipi 4:6

Nɔɔ kpãa yuu manɛ ka ruu vuu ɓɔɔ kpang, nɔɔ kɔ̀ɔrɔ̀ Laa vuu ɓɔɔ nɔɔ kasɛ ɓɛɛ kɔ jong. Nɔ́ɔ gàa Laa ka ɓɔɔ nɔɔ rang yee nɛɛ wu, nɔɔ ti zãa wu.

1 Tesalonika 3:12

Kpanti ɓuru wu shingnɛ zɔɔ kasɛnang manɛ nɛɛ naa ɓɔɔ nɔɔ kasɛ zang piti, wu daa nɛɛ ting kɔ sasak. Tɔ̀ɔ, nɔɔ naa kasɛ zang kaa naa ɓɔɔ ruu kasɛ nɔɔ ɓɛɛ.

2 Tesalonika 1:3

Rɛɛ manzung ɓuru, daa naa ɓɔɔ ruu zãa Laa diki diki ka ruu manɛ tɔ. Daa naa ɓɔɔ ruu zãa wu tɔ, ka ruu ɓɔɔ, danggn ɓɔɔ nɔɔ shing ka bii Yeesɔ daa kana nɛɛ tĩng dɔɔli, a naa ɓɔɔ zang ɓu ka teteng manɛ ri kasɛ zɔɔ ti daa nɛɛ tĩng kɔ sasak.

1 Timoti 2:4

Ka ruu ɓɔɔ, Laa kasɛ nɛɛ wu ta yuu zang piti, nɛɛ ri ti zi ruu ɓɔɔ niizang.

1 Timoti 5:5

Suvɔ ɓɔɔ ɓi ka bm, zang ɓɔɔ gãng jĩng ka wu kpang shing gn ɓi kaa bii Laa. Gaa Laa nɛɛ zĩi nɛɛ laagɛ̃, nɛɛ Laa wu yi wu naa ka bii.

2 Timoti 2:24

Zang ɓɔɔ pálɛ̀ Laa shonang wu hàa nyaa ɓi kpang. Wu nwáng ɓi zang ɓɔɔ palɛ zang piti tɔ̃ɔ ɓɛɛ. Wu ti nwáng zang tɔ̃ɔ ɓɔɔ tusu zang vuu, mã danggn katɔ ɓɛɛ.

Titu 2:11

Ka ruu ɓɔɔ, Laa túsú tɔ̃ɔ ɓiɓɛ ɓɔɔ wu ta yuu zang piti nɛɛ mani tɔ ɓɛɛ.

Titu 3:2

Kɔɔ ri nɛɛ ri rang yee shi kpang ka yuu zang ɓɔɔ kpang. Ri nwang ka nyaa zɔɔ nɛɛ zang, ri yi wusang nɛɛ zang piti. Ri pálɛ̀ hakaka kpang.

Yahudi 6:11

Rùu kasɛ zang ɓu ka teteng manɛ wu shing yuu kagn, diki ɓɔɔ koo waa nyaa wu a nɛɛ mani. Tɔ̀ɔ, wu wàlɛ̀ vuu ɓɔɔ wu shing gn kagn ɓɛɛ kati.

Yakubu 5:16

Ka ruu nɔngkɔ, nɔɔ kɔɔ zɔɔ vuu shi kpang manɛ katɔ, nɔ́ɔ gaa zɔɔ Laa, tɔɔ nɔ́ɔ valɛ. Laa gaanang zang ɓɔɔ ɓi zang tɔ̃ɔ ka tĩng Laa palɛ vuu bang bang dɔɔli.