1 Timoti 1:9 - Nyaa Shɔɔ Ɓɔɔ Laa a Ɓɛɛ

⁹ Zang dang nyaa wu ka ruu zang tɔ̃ɔ kpang. Ɓi ka ruu zang ɓɔɔ ri takɛ nyaa ɓɔɔ zang dang ɓɛɛ, nɛɛ zang ɓɔɔ ri ɓaa shoo ka nyaa zang kpang ɓɛɛ. A bɔɔ ka ruu zang ɓɔɔ ri shing gn ka bii Laa kpang, nɛɛ zang ɓɔɔ ri palɛ vuu shi kpang ɓɛɛ. Ka ruu zang ɓɔɔ ri seng Laa kpang, ri ti seng vuu tɔ̃ɔ kpang ɓɛɛ. Nɛɛ ɓɔɔ ka ruu zang ɓɔɔ ri nyɔ daa ɓarɛ nɛɛ nàá ɓarɛ vɔrɔ ɓɛɛ, nɛɛ zang ɓɔɔ ri nyɔkɔ zang vɔrɔ ɓɛɛ.

1 Timoti 1:9 ပူးပေါင်းရင်းမြစ်များ

Matiyu 10:21

“Shɔnzang ti naa a zang ɓeezung ditɔ, zang nyɔ vɔrɔ. Daa jaa ti naa a zang jaa ɓiɓɛ ditɔ zang nyɔ vɔrɔ. Wujɛ ri ti naa shíi varɛ ditɔ nɛɛ daa ɓarɛ, ri ti a zang daa ɓarɛ, zang nyɔ vɔrɔ.

Rooma 1:30

Ri rang yee shi kpang ka yuu zɔɔ, ri kasɛ Laa kpang, ri tuu yuu ɓarɛ dɔɔli, ri ti kɔɔrɔ ruu bang bang ka yuu ɓarɛ. Ri nwangsɛ vuu shi kpang ka zɔ̃ng zɔ̃ng, ri ɓaa shoo ka nyaa zang ɓɔɔ ri yi ri ɓɛɛ kpang.

Rooma 4:13

Laa a Ibirayi nɛɛ zɔ̃ng ɓiɓɛ nyaa, nɛɛ koo keɓe naa nwang ɓɔɔ ɓarɛ. Laa a nyaa keɓe wu ka ruu ɓɔɔ Ibirayi dũng nyaa ɓɔɔ Laa dang ɓɛɛ kpang. Ɓi ka ruu ɓɔɔ shing danggn ka bii Laa, a Laa ta wu kati nɛɛ wu zang tɔ̃ɔ ɓɛɛ.

Rooma 5:20

Laa átɛ̀ nyaa dannang ɓiɓɛ nɛɛ tɔɔ, vuu shi kpang palɛnang wu shangnɛ. A ka nɔng ɓɔɔ vuu shi kpang shang dɔɔli, Laa palɛ tɔ̃ɔ ka nɔngkɔ gbãng gbãng.

Rooma 6:14

Nɔ́ɔ yaa vuu shi kpang, wu roo kpanti ka nwannang manɛ kpang, ka ruu ɓɔɔ, nɔɔ manɛ tɔ̀ɔ́ jaafoo nyaa dannang Laa kpang ɓɛɛ, nɔɔ manɛ kaa zang ɓɔɔ Laa pàlɛ́ ri tɔ̃ɔ ɓɛɛ.

Galati 3:19

Zang dang nyaa ɓu ka ruu viya? Nɛɛ zang zi vuu ɓɔɔ zang ɓaa nɛɛ vuu shi kpang palɛnang kati. Zɔ̃ng Ibirayi keɓe, ɓɔɔ Laa a nyaa ka yuu ɓiɓɛ nɛɛ a tɔ, nyaa dannang ti di nyaa ɓi kaa tɔ. Zang nyaa shonang Laa ɓɔɔ ka lapa ɓɛɛ rikɔ atɛ nyaa dannang keɓe, a á shɔnzang gbete ɓɔɔ nwang ɓi kaa naa zang ɓɔɔ shii ka teteng Laa nɛɛ zang piti ɓɛɛ.

Galati 5:18

Naa Suru Laa kɔ sɔ̀ɔ́ mɔɔ tĩng mɔɔ ɓaa tɔ̀ɔ́ jaafoo vuu ɓɔɔ nyaa dannang kasɛ ɓɛɛ kpang.

Galati 5:21

Ri shing jĩng ka vuu zɔɔ, ri ɓoo sàa, sàa palɛ ri, a ri gaarɛ zɔɔ ri shaa vuu shaanang dɔɔli nɛɛ rɛɛ zɔ̃ng vuu ɓɔɔ naa weɓe dɔɔli. N shaarɛ nɔɔ nyaa kãntang keɓe naa ɓɔɔ n shaarɛ nɔɔ tɔ ka tĩng ɓɛɛ, zang ɓɔɔ ri palɛ zɔ̃ng vuu keɓe, ri daa nɔng ɓɔɔ Laa roo kpanti kpang.

Galati 5:23

Zang wu tuu yuu ɓiɓɛ kpang, wu ti yiti yuu ɓiɓɛ waasɛ̃. Nyaa dannang ɓɔɔ zãa vuu ɓɔɔ naa weɓe palɛnang, ɓi kagn kpang.

2 Tesalonika 2:8

Tɔ̀ɔ, Laa wu nwangsɛ zang ɓɔɔ dũ̀ng nyaa dannang ɓi kpang kati. Kpanti Yeesɔ Kirisi nɛɛ a tɔ naa nyɔ wu vɔrɔ, wu ti ningsi wu nɛɛ ɔ̃kɔnang nyaa ɓiɓɛ.

1 Timoti 4:7

Yaa gbalang ruu gbãagbãa ɓɔɔ daa naa kɔɔrɔnang kpang kaɓa katɔ. Mɔɔ kãa ɓaa gbalang ɓɔɔ mɔɔ nwang zang ɓɔɔ dũng Laa niizang.

1 Timoti 6:20

Timoti, gãng jĩng ka vuu ɓɔɔ Laa a mɔɔ ka naa ɓɛɛ waasɛ̃. Mɔɔ ɓaa shoo ka yee sãnsãnrãng ɓɔɔ zang rangkɛ kpang. Mɔɔ ti laa nyaa ka yuu vuu ɓɔɔ zang suu sèé nɛɛ wukɔ “zũnang” ɓɛɛ kpang.

2 Timoti 2:16

Mɔɔ ɓaa shoo ɓaa ka yee sãnsãnrãng ɓɔɔ zang rangkɛ ɓɛɛ kpang. Ruu ɓɔɔ naa weɓe, shing zang, zang yaa gbalang Laa kaa beebang.

2 Timoti 3:2

Ka diki keɓe, zang ri naa kàsɛ́ yuu ɓarɛ kɔ shɛ̃ɛning, ri naa kɔng jĩng nɛɛ vuu ɓarɛ, ri kɔ̀ɔrɔ́ ruu bang bang ka yuu ɓarɛ, ri naa tuu bii dɔɔli, ri naa dãlɛ zang, ri naa ɓaa shoo ka nyaa zang ɓɔɔ yiki ri kpang, ri naa zã̀a zang kpàng, ri ti naa dũng Laa kpang, ri pálɛ̀ vuu ɓɔɔ Laa kasɛ ɓɛɛ kpang.

Titu 1:10

Ka ruu ɓɔɔ, zang dɔɔli nɛɛ zang ɓɔɔ ri yaa gbalang zang Yahudi dũnnang ri dũng kaa Laa, ri ta ruu niizang ɓɔɔ zang ɓɔɔ ri dũng Laa ri tusu ɓɛɛ kpang. Ri nwãarɛ zang ɓarɛ nɛɛ yee shoko ɓɔɔ ri rangkɛ ɓɛɛ.

Titu 1:16

Ri kɔ̀ɔ́ ɓarɛ nɛɛ ri zi Laa tɔ, a vuu ɓɔɔ ri palɛ tusu kaa nɛɛ ri zi Laa nung kpang. Ri ɓarɛ vuu ɓɔɔ zang bɛ̃ɛ katɔ ɓɛɛ, ri ɓaa shoo ka nyaa zang kpang, ri daa naa vuu tɔ̃ɔ palɛnang ɓarɛ kpang tingkiring.

Titu 1:6

Zang bang zang ɓɔɔ ri dũng Laa, wu nwang ɓi zang ɓɔɔ shi kpang ka bii ɓiɓɛ kpang ɓɛɛ. Soro ɓiɓɛ gbete kɔ nwani. Wujɛ ɓiɓɛ nandon, ri shing danggn tɔ ka bii Laa. Ri wu wujɛ ɓɔɔ palɛ vuu shi kpang, kpang, a ri ti tá shoo pɛɛrɛ kpang ɓɛɛ.

Titu 3:3

Ka ruu ɓɔɔ, ɓeleng ruu nɛɛ yuu ɓuru bɛ̀ɛ́ ruu palɛ vuu shoko, ruu ɓaa shoo ka nyaa Laa kpang, zang nwãarɛ ruu. Ruu nwang ɓuru jaafoo, vuu ɓɔɔ bii ɓuru kasɛ ɓɛɛ, nɛɛ vuu ɓɔɔ shingnɛ zang tãa tĩnang ɓɛɛ ka zɔ̃ng zɔ̃ng. Ruu sùúkãng ka nɔng vuu shi kpang palɛnang nɛɛ sũnyaa kaanang. Zang piti bɛ̃ɛ ruu katɔ, a ruu ti bɛ̃ɛ zang piti.

Yahudi 11:31

Danggn shinnang Rahab, jaa soro ɓɔɔ rakɛ wàázaa ɓɛɛ, shingnɛ, zang nyɔ wu vɔrɔ, ɓi nɛɛ zang ɓɔɔ ri dũng nyaa Laa kpang ɓɛɛ kpang. Ka ruu ɓɔɔ, ta zang Isirela waasɛ̃ ka gãa ɓiɓɛ, ka ɓɔɔ ri daayi nɛɛ ri daa zili nwannang zang gari Jeriko ɓɛɛ.

Yahudi 12:16

Nɔɔ gãng jĩng kagn, zang ɓɔɔ ka teteng manɛ nɛ̀ɛ́ nwáng zang dũndũng, kɔ wu nwang zang ɓɔɔ yee laa ka vuu Laa kpang naa Isuwa, ɓɔɔ ka ruu vuu shaanang laa gbete, mã̀lɛ̀ bannang ɓiɓɛ, ɓɔɔ wukɔ zang bang, ka naa jaa nàá ɓiɓɛ.

1 Bituru 2:7

Ɓɔɔ nɔɔ shing danggn tɔ, Yeesɔ kɔ ɓa vuu piti ka jĩng manɛ. Zang ɓɔɔ ri shing danggn ka bii ɓiɓɛ kpang ri naa zirɛ, “Tari ɓɔɔ zang ɓɔɔ ri mãa gãa ri bɛ̃ɛyi, wukɔ naa ràa tari ɓɔɔ yiti gãa kati.”

1 Bituru 3:20

Suru shi kpang keɓe, ɓi ɓɔ̀ɔ́ zang ɓɔɔ ri bɛ̃ɛ Ruu Laa dũnnang doo tɛ̃ɛ tɛ̃ɛ, ka ɓɔɔ Laa mã danggn, gã ri ka diki ɓɔɔ Nuhu pálɛ̀ laana ɓɛɛ. Ka diki kaɓa, zang mantaati ɓɔɔ ri vang laana, ri wɔrɛ.

1 Bituru 4:18

Zang bee ka yeti labeenang Laa nɛɛ, “Ɓɔɔ zang tɔ̃ɔ, ri wɔ́rɛ, zang dɔng ri ruu kpang, kpãa nyaa dɔɔli. Nɛɛ nɔngkɔ, zang ɓɔɔ ri palɛ vuu shi kpang, ri dũng Laa kpang, ri palɛ ɓarɛ kaa biya?”

Yahuza 1:15

Wu naa jɛ̃ɛ zang nandon ruu, wu dɔ̀ng zang ɓɔɔ ri palɛ vuu shi kpang, ɓɔɔ ri dũng Laa kpang ɓɛɛ ruu, ka ruu vuu shi kpang ɓɔɔ ri palɛ ka gbalang ɓarɛ ɓɛɛ. A ɓɔɔ ti ka vuu shi kpang ɓɔɔ zang ɓɔɔ ri dũ̀ng Laa kpang keɓe ri kɔɔrɔ ka yuu Laa ɓɛɛ.”

Vuu ɓɔɔ zang nwangsɛ Yɔhana 21:8

A ɓɔɔ zang ɓɔɔ ri kaa vɔrɔ, nɛɛ zang ɓɔɔ ri shing danggn ka bii Laa kpang ɓɛɛ, nɛɛ zang ɓɔɔ shi kpang kagn bii ɓarɛ ɓɛɛ, nɛɛ zang ɓɔɔ ri nyɔ zang vɔrɔ ɓɛɛ, nɛɛ zang ɓɔɔ ri palɛ dũndũng, nɛɛ zang ɓɔɔ ri shaa nvaa, nɛɛ zang ɓɔɔ ri bang vaka, nɛɛ zang sèé nandon, zang naa tasɛ ri ɓarɛ ka too waa, ɓɔɔ tari ɓɔɔ ri shaa waa katɔ kagn ɓɛɛ. Wee kɔ vɔrɔ ɓɔɔ zang vɔrɛ daa kaa doo ziti ɓɛɛ kɔ.”

Vuu ɓɔɔ zang nwangsɛ Yɔhana 22:15

Zang ɓɔɔ ri palɛ vuu shi kpang, nɛɛ rɛɛ nvaa, nɛɛ zang ɓɔɔ ri palɛ dũndũng, nɛɛ zang ɓɔɔ ri nyɔkɔ zang vɔrɔ, nɛɛ zang ɓɔɔ ri bang vaka, a zang piti ɓɔɔ ri suru sèé, ɓɔɔ ri ti tãa tĩnnang sèé suunang katɔ ɓɛɛ, ri naa nwang ɓarɛ ka yuu knti gari bìí, ri daa yeti ɓiɓɛ kpang.