1 Timoti 1:5 - Nyaa Shɔɔ Ɓɔɔ Laa a Ɓɛɛ

⁵ N kɔɔ mɔɔ nɔngkɔ, tɔ̀ɔ, ruu kasɛ ruu zɔɔ nɛɛ zɔɔ kasɛnang ɓɔɔ nwang nɛɛ yeti ɓɔɔ vuu shi kpang kagn kpang ɓɛɛ. Ruu ti kasɛ ruu zɔɔ nɛɛ rɛ̃rɛnang ɓɔɔ shi kpang kagn kpang ɓɛɛ. A ɓɔɔ nɛɛ danggn ɓɔɔ niizang keɓe ɓɔɔ ruu shing ka bii Yeesɔ Kirisi ɓɛɛ.

1 Timoti 1:5 ပူးပေါင်းရင်းမြစ်များ

Matiyu 12:35

Zang tɔ̃ɔ ti nwangsɛ ɓi doo vuu tɔ̃ɔ ɓɔɔ ka yeti ɓiɓɛ kɔ. Zang shi kpang ti nwangsɛ ɓi doo vuu shi kpang ɓɔɔ ka yeti ɓiɓɛ kɔ.

Matiyu 5:8

Tĩnang Tãanang ɓi ɓɔɔ zang ɓɔɔ ri dũng Laa nɛɛ yeti gbete ɓɛɛ. Rikɔ naa zi Kpanti Laa.

Zang Shonang Yeesɔ 15:9

Basɛ teteng ɓarɛ nɛɛ ruu kpang. Yàa ri gbalang vuu shi kpang ɓarɛ, ka ruu ɓɔɔ, ri shing danggn ka bii ɓiɓɛ ɓɛɛ.

Zang Shonang Yeesɔ 23:1

Bulu shù zang ɓɔɔ ri jɛ̃ɛ zang ruu jĩng ka bii, a kɔɔyi tɔɔ, “Rɛɛ manzung, n palɛ shonang ka tĩng Laa nɛɛ rɛ̃rɛnang mɛɛ kalang kalang, a nɛɛ mani lɛɛkɔ keɓe.”

Zang Shonang Yeesɔ 24:16

Ka ruu nɔngkɔ, n kasɛ nɛɛ diki diki n palɛ vuu ɓɔɔ tɔ̃ɔ ka tĩng Laa nɛɛ tĩng shɔnzang piti.

Rooma 10:4

Ka ruu ɓɔɔ, Kirisi shing tɔ naa vuu palɛnang nyaa dannang Laa di nyaa tɔ ɓɛɛ. Zang ɓɔɔ nɛɛ shing danggn ka bii Laa, Laa risi wu kaa tɔ wu nwang zang tɔ̃ɔ ka tĩng ɓiɓɛ.

Rooma 12:9

Mɔ́ɔ kasɛ ruu zang nɛɛ sèé kpang. Vuu ɓɔɔ nɛɛ shi kpang, bɛ̃ɛ katɔ, mɔ́ɔ yiti ɓaa vuu ɓɔɔ tɔ̃ɔ gbãng gbãng ka yeti ɓaaɓɛ.

Rooma 14:15

Naa mɔɔ lasɛ ɓaazung ɓɔɔ dũng doo Laa kɔ yeti, ka ruu vuu ɓɔɔ mɔɔ shaa ɓɛɛ. Mɔɔ palɛ vuu keɓe ɓi tɔ̀ɔ́ ka ruu ɓɔɔ mɔɔ kasɛ ruu ɓiɓɛ katɔ kpang. Mɔɔ yaa vuu shaanang ɓɔɔ mɔɔ shaayi, wu ningsi zang ɓɔɔ Kirisi vɔ ka ruu ɓiɓɛ kpang.

Rooma 9:1

Vuu kɔ n kɔ̀ɔ́ ɓee, niizang kɔ nwani. N suu sèé kpang, kaa ruu ɓɔɔ, n m zang Kirisi ɓɛɛ. Rɛ̃rɛnang mɛɛ ɓɔɔ Suru Laa roo kpanti kagn, ti kɔɔyi nɛɛ niizang, n suu sèé kpang.

1 Koranti 13:1

Naa n zunung yee rannang doo katɔ nɛɛ nyaa shɔnzang ɓɔɔ ka koo, a ɓɔɔ nɛɛ nyaa zang nyaa shonang Laa ɓɔɔ ri ka lapa ɓɛɛ. A n kasɛ zang kaa takpang, n nwang naa gbongshɛng ɓɔɔ kaa nyaa ɓɛɛ. N ti nwang naa gbongbolong ɓɔɔ ri goo nyaa ɓɛɛ.

2 Koranti 1:12

Vuu ɓɔɔ shingnɛ ruu tuu yuu ɓuru kagn gbete, rɛ̃rɛnang ɓuru kɔɔ ruu nɛɛ, nwannang ɓuru ka koo keɓe, nɛɛ vuu ɓɔɔ rùu palɛ nɛɛ nɔɔ, rùu palɛ niizang nɛɛ yeti gbete, naa ɓɔɔ Laa kasɛ ɓɛɛ. Ruu palɛ wu ka doo zũnang yuu ɓuru kpang, ruu palɛ nɛɛ naa vuu palɛnang tɔ̃ɔ ɓɔɔ Laa pàlɛ́ ruu ɓɛɛ.

Galati 5:22

A Suru Laa shing zang ɓiri, zang wu kasɛ zang, zang wu tãa tĩnang, yeti zang wu valɛ katɔ, zang wu mã danggn, zang wu palɛ zang tɔ̃ɔ, zang wu pàlɛ̀ vuu ɓɔɔ tɔ̃ɔ ɓɛɛ, zang wu nwang zang ɓɔɔ zang shing danggn katɔ bii ɓiɓɛ.

Galati 5:6

Ruu nɛɛ ɓakɛ yuu tɔ nɛɛ Yeesɔ Kirisi, naa ruu yee shaa katɔ, naa ruu yee doo kpang, palɛ vuu ɓɔɔ ɓi kpang tingkiring. Vuu ɓɔɔ zang kasɛ ɓi danggn shinnang ɓɔɔ shing mɔɔ, mɔɔ kasɛ zang ɓɛɛ.

1 Timoti 1:18

Jaa mɛɛ Timoti, ruu kɔ n kɔɔ mɔɔ ɓee, ɓi kaa doo ruu ɓɔɔ rɛɛ zang nyaa shonang Laa ri kɔɔ tɔ kagn ka yuu ɓaaɓɛ ɓɛɛ. Naa mɔɔ dũng nyaa keɓe, mɔɔ ta sĩiri bii ditɔ tɔ̃ɔ tɔ̃ɔ.

1 Timoti 1:19

Mɔɔ ti yiti danggn ɓɔɔ mɔɔ shing ɓɛɛ, rɛ̃rɛnang ɓaaɓɛ, wu ti nwang tɔ̃ɔ. Zang ɓɔɔ ri yáa danggn ɓɔɔ ri shing ka bii Yeesɔ ɓɛɛ tɔ, ka ruu ɓɔɔ, ri ɓaa shoo ka vuu ɓɔɔ rɛ̃rɛnang ɓarɛ kɔɔ ri kpang ɓɛɛ.

1 Timoti 3:9

Ri ti yiti ruu niizang keɓe ɓɔɔ Laa nwangsɛ ka yuu danggn ɓɔɔ zang ɓɔɔ dũng wu ri shingnɛ, ri yaa gn naa kpang.

2 Timoti 1:3

N zãa Laa ɓɔɔ n pàlɛ́ wu shonang nɛɛ yeti gbete tɔ, naa ɓɔɔ rɛɛ dabang mɛɛ ri pálɛ́ ɓɛɛ. N zãa wu ka ɓɔɔ, n gaa wu nɛɛ laagɛ̃ nɛɛ zĩi n ɓaa nung ɓaaɓɛ kagn diki diki ɓɛɛ.

2 Timoti 1:5

Danggn ɓɔɔ mɔɔ shing gbãng gbãng, ning m kpang, naa ɓɔɔ nabang ɓaaɓɛ Looyi nɛɛ naaɓɛ Yunis, ri shing ɓɛɛ. N ti zi zɔ̃ng danggn shinnang keɓe kagn yeti ɓaaɓɛ.

2 Timoti 2:22

Yaa vuu ɓɔɔ bii jasang kasɛ ɓɛɛ, mɔɔ kãa ɓaa gbalang ɓɔɔ mɔɔ nwang tɔ̃ɔ ka tĩng Laa ɓɛɛ, mɔɔ shing danggn ka bii Laa. Mɔ́ɔ kasɛ ruu zang ɓɔɔ ri dũng dòo Laa kɔ ɓɛɛ. Mɔ́ɔ nwang ka nyaa zɔɔ nɛɛ ri. Palɛ vuu keɓe nɔng gbete nɛɛ zang ɓɔɔ ri dũng Laa nɛɛ yeti gbete ɓɛɛ.

Titu 1:15

Ka jĩng zang ɓɔɔ ri dũng Laa nɛɛ yeti gbete, vuu piti ɓi tɔ̃ɔ kɔ nandon. A zang ɓɔɔ vuu shi kpang palɛnang lasɛ ri tɔ, ɓɔɔ ri shing danggn ɓarɛ ka ruu ɓɔɔ niizang kpang, vuu ɓɔɔ tɔ̃ɔ ɓi kagn kpang. Ka ruu ɓɔɔ, vuu shi kpang ɓɔɔ ri palɛ lasɛ rɛ̃rɛnang ɓarɛ tɔ ɓɛɛ.

Yahudi 10:22

Rúu a nɔɔ ta, ka bii Laa nɛɛ yeti tɔ̃ɔ. Ruu yaa gn naa kpang, ka ruu ɓɔɔ, Kirisi sɔɔ yeti ɓuru tɔ kalang kalang, rɛ̃rɛnang shi kpang kagn kpang. A zang ti sɔɔ ruu bii katɔ nɛɛ mii ɓɔɔ kalang kalang ɓɛɛ.

Yahudi 13:18

Nɔɔ gàa Ruu Laa diki diki, ka ruu ɓɔɔ, rùu zi tɔ, rɛ̃rɛnang ɓuru ɓi tɔ̃ɔ ɓɛɛ, a ruu ti kasɛ nɛɛ ruu pálɛ́ vuu ɓɔɔ daa naa katɔ ɓɛɛ diki diki.

Yahudi 9:14

Zĩi Kirisi palɛ vuu ɓɔɔ ɓa weɓe kpang ya? Kirisi ɓɔɔ shi kpang ka bii kpang, a Laa yuu ɓiɓɛ nɛɛ naa vuu palɛnang Suru Laa ɓɔɔ nwang ɓi dòndòng ɓɛɛ. Zĩi ɓiɓɛ shing katɔ rɛ̃rɛnang ɓɔɔ nɔɔ rɛ̃rɛ ka yuu vuu shi kpang palɛnang, wu nwang tɔ̃ɔ, tɔ̀ɔ, ruu pàlɛ̀ Laa ɓɔɔ ɓi ningkãari shonang kati.

Yakubu 4:8

A ka bii Laa naabm, tɔɔ wu ti a jong ka bii ɓaaɓɛ naabm. Ɓɔɔ nɔɔ zang ɓɔɔ nɔɔ pálɛ̀ vuu shi kpang, nɔɔ yaa vuu shi kpang palɛnang ta. Nɔɔ ti kɔ̃sɔ yeti manɛ nɔɔ zang ɓɔɔ nɔɔ ta yeti ziti ɓɛɛ.

1 Bituru 1:22

Nɔɔ nwangsɛ vuu shi kpang ɓɔɔ ka yeti manɛ tɔ, ka ruu ɓɔɔ, nɔɔ dũng Ruu Laa ɓɛɛ. A nɔɔ ti kàsɛ̀ ruu zang ɓɔɔ ri dũng doo Laa kɔ kana niizang. Nɔɔ kàsɛ́ ruu zɔɔ nɔngkɔ gbãng gbãng, nɛɛ yeti manɛ nɛɛ kaka manɛ piti.

1 Bituru 3:16

Ka ɓɔɔ nɔɔ kɔɔ zang Ruu Laa ɓɛɛ, nɔɔ tuu yuu manɛ katɔ kpang, nɔɔ seng zang katɔ. Nɔɔ ti pálɛ́ vuu ɓɔɔ nɔɔ zi ka yeti manɛ nɛɛ tɔ̃ɔ ɓɛɛ. Ka ruu ɓɔɔ, zang ɓɔɔ ri nɛɛ tɔɔ ri rang yee shi kpang ka yuu manɛ, yusɛ̃ɛ wu tuu ri ka ɓɔɔ ri dãlɛ nɔɔ ɓɛɛ. Ka ruu ɓɔɔ, ri naa zǐ nwannang manɛ ɓɔɔ daa naa ɓɔ̀ɔ́ zang ɓɔɔ ri dũng Kirisi ditɔ ɓɛɛ.

1 Bituru 3:21

Mii kaɓa tùsú zang ɓi kaa batizima ɓɔɔ kãntang keɓe ta yuu manɛ ɓɛɛ. Batizima ɓɔɔ zang pàlɛ́ nɔɔ, sɔɔ nɔɔ manɛ bii rĩiti manɛ kpang, ɓi vuu ɓɔɔ ruu gaa Laa nɛɛ mani, nɛɛ wu kɔsɔ ruu vuu shi kpang nɛɛ yeti ɓuru ɓɛɛ. Laa ta yuu ɓuru ka ruu ɓɔɔ Yeesɔ Kirisi yupaa nɛɛ sàa ɓɛɛ.

1 Bituru 4:8

Nɔɔ kasɛ ruu zɔɔ katɔ gbãng gbãng nɛɛ yeti manɛ nandon, wukɔ ɓa vuu piti. Ka ruu ɓɔɔ, naa nɔɔ kasɛ ruu zang, nɔɔ yaa ri gbalang vuu shi kpang ɓɔɔ ri pàlɛ̀ nɔɔ dɔɔli ɓɛɛ katɔ.

2 Bituru 1:7

Nɔɔ pàlɛ̀ zɔɔ tɔ̃ɔ, naa nɔɔ jaa nàá gbete, ka yuu nwannang keɓe. Nɔɔ ti kasɛ zang piti.

1 Yɔhana 3:10

Zang ɓɔɔ pálɛ̀ vuu tɔ̃ɔ kpang, ɓi zang Laa kpang. Zang ɓɔɔ ti kasɛ ruu ɓeezung kpang, ɓi doo zang Laa kpang kɔ. Wee naa ɓɔɔ ruu zi zang ɓɔɔ ri wujɛ Laa nɛɛ zang ɓɔɔ ri wujɛ sheetang kagn kɔ.

1 Yɔhana 3:23

Laa dang nyaa tɔ nɛɛ ruu shing danggn ka bii Jaa ɓiɓɛ Yeesɔ Kirisi. Nɛɛ ruu ti kasɛ ruu zɔɔ katɔ naa ɓɔɔ wu dang ruu nyaa ɓɛɛ.

1 Yɔhana 3:3

Zang ɓɔɔ shing gn nɛɛ wu naa nwang naa Kirisi, a ti shing gn nɛɛ vuu keɓe naa nwang ditɔ nɔngkɔ, wu nwang tɔ̃ɔ tɔ̃ɔ naa ɓɔɔ Yeesɔ nwàng ɓɛɛ.