1 Timoti 1:3 - Nyaa Shɔɔ Ɓɔɔ Laa a Ɓɛɛ

³ Ka ɓɔɔ n yupaa Makidoniya daanang, n kɔ̀ɔ mɔɔ n tɔ̀ɔ, mɔɔ nwang ka Afisa ka nɔngkɔ. Zang ɓɔɔ ri kagn ka nɔngkɔ, ɓɔɔ ri tusu vuu ɓɔɔ niizang kpang, shaarɛ ri nyaa nɛɛ ri yaa ta.

1 Timoti 1:3 ပူးပေါင်းရင်းမြစ်များ

Zang Shonang Yeesɔ 18:19

Ɓɔɔ ri naa a ka Afisa, Bulu yaa rɛɛ Pirisila nɛɛ Akpiila daa ɓi kaa gãa zɔɔ kpalɛnang, ri daa laa zɔɔ nyaa ɓi nɛɛ zang Yahudi.

Zang Shonang Yeesɔ 18:21

Ɓɔɔ wu tɔɔ wu daa kaa tɔ, kɔɔ ri katɔ kɔ jong nɛɛ, “Laa nɛɛ kasɛ tɔ, n gbãayu ditɔ ka bii manɛ.” A vang laana kaa nɛɛ Afisa.

Rooma 15:26

Ka ruu ɓɔɔ, zang ɓɔɔ ri dũng Laa ɓɔɔ ri ka Makidoniya nɛɛ Akaya ri zɔ̃ng nɛɛ yeti ɓarɛ nɛɛ ri yi zang ɓɔɔ vuu ka naa ɓarɛ kpang, ɓɔɔ ri ka teteng zang ɓɔɔ ri dũng Laa ka Urushalima ɓɛɛ naa ka bii.

Rooma 16:17

Manzung, ɓɔɔ ri dũng doo Laa kɔ ɓɛɛ, n gaa nɔɔ katɔ, nɔɔ gãng jĩng ka zang ɓɔɔ ri basɛ teteng zang, a ri ti shing zang ɓɔɔ ri shing danggn, ri yaa gbalang Laa ɓɛɛ. Ri tusu nɔɔ vuu náa ɓɔɔgn naa ɓɔɔ zang tusu nɔɔ tɔ ɓɛɛ kpang. Nɔɔ yaa gbalang ɓarɛ katɔ.

2 Koranti 11:4

N kàá nɔɔ vɔrɔ, ka ruu ɓɔɔ, n zirɛ zang ɓɔɔ nɛɛ a tɔ ka bii manɛ, nɔɔ tantɛ wu tanang ɓɛɛ. Nɔɔ tantɛ danggn shinnang ka vuu ɓɔɔ ri kɔ̀ɔ́ nɔɔ ka yuu Yeesɔ ɓɔɔ ɓɛɛ, naa dòo náabm̀ nɛɛ Yeesɔ ɓɔɔ ruu kɔɔ nɔɔ ɓɛɛ. Nɔɔ ti tá suru ɓɔɔgn naa doo Suru Laa ɓɔɔ nɔɔ ta nɛɛ bii ɓuru kpang ɓɛɛ. A nɔɔ ti ta Ruu Tɔ̃ɔ ɓɔɔgn ka yuu Laa, naa doo náabm̀ nɛɛ ɓɔɔ ruu kɔɔ nɔɔ ɓɛɛ.

Afisa 4:14

Tɔ̀ɔ ruu nwàng kaa tɔ̀ɔ́ naa wujɛ ɓɔɔ zang ráarɛ̀ ri yuu, nɛɛ vuu ɓɔɔ zang ɓɔɔ ri nwãarɛ zang, ri tusu ɓɛɛ kpang. Zang sèé keɓe, ri shing zang, zang ri palɛ vuu shi kpang nɛɛ zũnang ɓɔɔ ri nwangsɛ nɛɛ yeti ɓarɛ ɓɛɛ.

Filipi 2:24

N shing gn ka bii Laa nɛɛ n nɛɛ yuu mɛɛ n naa tantɛ anang ditɔ ka bii manɛ.

1 Timoti 4:11

Kɔɔ ri ruu keɓe, mɔɔ ti tusu ri vuu keɓe diki diki.

1 Timoti 4:6

Naa mɔɔ kɔɔ rɛɛ ɓaazung, ɓɔɔ ri dũng doo Laa kɔ ruu keɓe diki diki, mɔɔ nwang zang shonang tɔ̃ɔ ɓɔ̀ɔ́ Yeesɔ Kirisi. Mɔɔ ti alɛ ɓaa suru bii ɓaaɓɛ ruu niizang ɓɔɔ zang kɔ̀ɔ́ ka yuu danggn shinnang, nɛɛ vuu ɓɔɔ zang tùsù mɔɔ, a mɔɔ yiti gbãng gbãng ɓɛɛ.

1 Timoti 5:7

Kɔɔ ri vuu keɓe, tɔ̀ɔ, zang ɓɔɔ wu tɔɔ kaa takpang nɛɛ ri palɛ vuu shi kpang tɔ kpang.

1 Timoti 6:10

Kasɛnang saka wukɔ dĩiri vuu shi kpang nandon. Zang ɓɔɔ ri làabìi walɛnang, ri yaa gbalang danggn ɓɔɔ ri shing ka bii Laa tɔ. A ri atɛ yuu ɓarɛ yeti lasɛnang ɓɔɔ kɔ̀ng dɔɔli tɔ.

1 Timoti 6:17

Kɔɔ zang ɓɔɔ ri zang ying ka koo keɓe ri tuu yuu ɓarɛ kpang. Ri shing gn ka vuu naa ɓɔɔ nwang dòndòng kpang, ɓɔɔ naa weɓe kpang. Ri shing gn ka bii Laa ɓɔɔ a ruu vuu piti, ka diki kpang, nɛɛ tɔ̀ɔ, ruu tãa tĩnang nɛɛ mani ɓɛɛ.

1 Timoti 6:3

Zang ɓɔɔ nɛɛ tusu vuu ɓɔɔgn ɓɔɔ daa gbete nɛɛ ruu ɓɔɔ niizang ɓɔɔ Kpanti ɓuru Yeesɔ Kirisi nɛɛ vuu ɓɔɔ ruu tusu ka yuu gbalang Laa kɔ ruu dũng ɓɛɛ kpang.

2 Timoti 1:18

Kpanti Yeesɔ wu palɛ wu tɔ̃ɔ ka diki ɓɔɔ koo waa nyaa ɓɛɛ. Mɔɔ ti zì vuu ɓɔɔ wu pàlɛ̀ m ka Afisa ɓɛɛ tɔ gbayi gbayi.

2 Yɔhana 1:7

Zang ɓɔɔ ri nwãarɛ zang, ri baa koolaa tɔ dɔɔli. Ri kɔɔrɔ zang nɛɛ Yeesɔ Kirisi ɓɔɔ a ka koo keɓe, tuu ɓi bii shɔnzang kpang. Zang ɓɔɔ kɔɔrɔ zang naa weɓe, wukɔ zang ɓɔɔ nwãarɛ zang ɓɛɛ, wukɔ ti zang ɓɔɔ shing jĩng nɛɛ Yeesɔ kpang ɓɛɛ.

Vuu ɓɔɔ zang nwangsɛ Yɔhana 2:14

A vuu shi kpang ɓɔɔ nɔɔ palɛ kaa gn, ɓɔɔ n kasɛ kpang ɓɛɛ. Zang ɓɔɔ kagn ka teteng manɛ ɓɔɔ ri palɛ vuu ɓɔɔ yɔɔ ɓɔɔ zang ɓaa wu nɛɛ Balamu tusu zang ɓɛɛ. Balamu ɓɔɔ kpɛ̃ɛrɛ Balak naa ɓɔɔ wu shing zang Isirela, ri palɛ vuu shi kpang, nɛɛ ri shaa vuu shaanang ɓɔɔ zang a vaka, nɛɛ ri palɛ dũndũng.

Vuu ɓɔɔ zang nwangsɛ Yɔhana 2:20

A vuu ɓɔɔ nɔɔ palɛ kaa gn gbete ɓɔɔ n kasɛ kpang ɓɛɛ. Naa ɓɔɔ nɔɔ yaa jaa soro kaɓa, ɓɔɔ zang ɓaa wu nɛɛ Jezebel, nwàng ka teteng manɛ ɓɛɛ. A kpɛ̃ɛrɛ zang mɛɛ, nwãarɛ ri nɛɛ ri palɛ dũndũng, nɛɛ ri ti shaa vuu shaanang ɓɔɔ zang a vaka ɓɛɛ.