1 Timoti 1:14 - Nyaa Shɔɔ Ɓɔɔ Laa a Ɓɛɛ

¹⁴ a kpanti ɓuru Yeesɔ Kirisi pàlɛ̀ m tɔ̃ɔ ɓiɓɛ ɓɔɔ bang dɔɔli ɓɛɛ. A tɔ̃ɔ ɓiɓɛ shingnɛ, n shing danggn ka bii ɓiɓɛ, a n ti kàsɛ́ zang ɓɔɔ ri dũng doo Laa kɔ ɓɛɛ. Vuu keɓe ɓi ɓɔɔ ɓuru piti, ɓɔɔ ruu ɓakɛ zɔɔ tɔ nɛɛ Yeesɔ Kirisi ɓɛɛ.

1 Timoti 1:14 ပူးပေါင်းရင်းမြစ်များ

Matiyu 20:9

A zang shonang ɓɔɔ ri gaayu jaa lannang nɛɛ laarang naa arɛ, zang shu ri saka ɓɔɔ zang shu zang ka ruu shonang diki gbete ɓɛɛ.

Zang Shonang Yeesɔ 15:11

Wu nɔngkɔ kpang. Rùu shing danggn tɔ, a Laa yi ruu naa kagn nɛɛ bìí Kpanti Yeesɔ, wu ta yuu ɓuru kati naa ɓɔɔ wu ta yuu ɓarɛ ɓɛɛ.”

Rooma 16:20

Laa ɓɔɔ shing ruu, ruu nwang ka nyaa zɔɔ naa lasɛ naa vuu palɛnang Sheetang ditɔ, wu shingnɛ nɔ́ɔ náa Sheetang kaa nɛɛ doo. N gaayi Kpanti ɓuru Yeesɔ Kirisi wu palɛ nɔɔ tɔ̃ɔ.

1 Koranti 15:10

A gn mɛɛ naa kɔng Laa. Ka ruu tɔ̃ɔ ɓɔɔ wu palɛ zang, palɛ m tɔ̃ɔ, a shing m n raa zang ɓɔɔ nɔɔ zi m kãntang keɓe. Tɔ̃ɔ ɓɔɔ wu palɛ m, wu waati kpang. Nwáng vuu tɔ̃ɔ tɔ, ka ruu ɓɔɔ, n palɛ shonang nɛɛ kaka mɛɛ, n ɓa zang shonang ɓɔɔ nimbang nandon ɓɛɛ. N palɛ vuu keɓe wu nɛɛ yuu mɛɛ kpang, ɓi tɔ̃ɔ ɓiɓɛ ɓɔɔ ka bii mɛɛ palɛ.

1 Koranti 3:10

Laa pàlɛ̀ m tɔ̃ɔ ka tĩng, yáa m nɛɛ nkɔ n gaayu shonang kaɓa. N loo doo gãa kaɓa waasɛ̃, naa zang ɓɔɔ zunung gãa mãanang katɔ ɓɛɛ. N loo doo gãa tɔ a zang ɓɔɔ mãa ɓi ka gãa. Zang ɓu wu palɛ waasɛ̃ naa ɓɔɔ wu mãa gãa bìí ɓɛɛ.

2 Koranti 13:14

Tɔ̃ɔ Kpanti Yeesɔ Kirisi, nɛɛ kasɛnang ɓɔɔ Laa kasɛ zang nɛɛ mani, nɛɛ nwannang ɓɔɔ zang nwang ka nyaa zɔɔ nɛɛ Suru Laa, wu nwang nɛɛ nɔɔ nandon.

2 Koranti 4:15

Vuu keɓe nandon, zang palɛ ka ruu manɛ kɔ. Tɔ̀ɔ, Laa nɛɛ pàlɛ̀ zang dɔɔli tɔ̃ɔ tɔ, nɛɛ ta yuu ɓarɛ tɔ, ri a Laa bannang kati, ri ti zãa wu.

2 Koranti 8:9

Nɔɔ zi tɔ̃ɔ ɓɔɔ Kpanti ɓuru Yeesɔ Kirisi pàlɛ̀ ruu ɓɛɛ tɔ. Yeesɔ ɓi jaa ying ka vuu suru, a risi yuu ɓiɓɛ nwang zang ɓɔɔ vuu ka naa ɓiɓɛ kpang ka ruu manɛ, nɛɛ tɔ̀ɔ, nɔɔ nwang wujɛ ying kati.

Galati 1:13

Zang kɔɔ nɔɔ naa ɓɔɔ n nwáng ka tĩng bɛ̀ɛ́ n dũng doo gbalang zang Yahudi nɛɛ yeti gbete ɓɛɛ tɔ. Naa ɓɔɔ n dang zang ɓɔɔ ri dũng gbalang Kirisi jĩng, gn ɓarɛ kɔng m kpang ɓɛɛ tɔ. N pálɛ́ vuu ɓɔɔ n zũnung katɔ nandon, n tɔɔ n ningsi ri dɔ̃ɔ gbete.

1 Tesalonika 1:3

Diki ɓɔɔ ruu gaa Laa ɓuru ɓɔɔ wukɔ ti Daa ɓuru ɓɛɛ, danggn manɛ ning ruu kpang. Ruu ɓaa nung manɛ ka naa ɓɔɔ nɔɔ túsù danggn ɓɔɔ nɔɔ shing ɓɛɛ ka vuu ɓɔɔ nɔɔ palɛ ɓɛɛ. Naa ɓɔɔ nɔɔ palɛ shonang gbãng gbãng, ka ruu ɓɔɔ nɔɔ kasɛ Kpanti Yeesɔ Kirisi katɔ ɓɛɛ. A ɓɔɔ ti naa ɓɔɔ gn ɓɔɔ nɔɔ shing ka bii Kpanti ɓuru Yeesɔ Kirisi ruutu kpang tingkiring ɓɛɛ.

1 Tesalonika 5:8

A ruu ɓuru zang nɔng laagɛ̃, rúu yiti yuu ɓuru waasɛ̃. Danggn ɓɔɔ ruu shing ka bii Laa nɛɛ kasɛnang ɓɔɔ ruu kasɛ zɔɔ, wu nwàng ruu naa kãati. Gn ɓɔɔ ruu shingnɛ nɛɛ Laa naa ta yuu ɓuru ditɔ dɔ̃ɔ gbete, wu nwang ruu naa wàálaa ka yuu ɓuru.

1 Timoti 2:15

A zang soro naa ta yuu ɓiɓɛ ɓi kaa jaa ɓɔɔ wu yi ɓɛɛ. Nɛɛ yaa danggn ɓɔɔ wu shing ka bii Yeesɔ kpang, nɛɛ ti kasɛ ruu zang katɔ, nɛɛ ti palɛ shi kpang, kpang, nɛɛ ti yiti yuu ɓiɓɛ waasɛ̃ ɓɛɛ.

1 Timoti 4:12

Mɔ́ɔ yaa zang ɓɔɔ wu risi mɔɔ naa vĩi, ka ruu ɓɔɔ, mɔɔ doo jasang ɓɛɛ kpang. Nwang ɓaa zang ɓɔɔ, zang ɓɔɔ ri dũng Laa ri kpɛ̃ɛrɛ́ vuu ka bii ɓaaɓɛ ɓɛɛ. Ri kpɛ̃ɛrɛ vuu ka yee ɓɔɔ mɔɔ rang ɓɛɛ, nɛɛ vuu ɓɔɔ mɔɔ palɛ, nɛɛ naa ɓɔɔ mɔɔ kasɛ zang ɓɛɛ, ka danggn ɓɔɔ mɔɔ shing ɓɛɛ, a ɓɔɔ kaa nwannang tɔ̃ɔ ɓaaɓɛ.

1 Timoti 6:11

A ɓɔɔ ɓaaɓɛ Timoti, ɓɔɔ mɔɔ ɓaa zang Laa ɓɛɛ, yaa vuu keɓe ɓaa nandon. Kãa ɓaa gbalang ɓɔɔ mɔɔ nwang zang tɔ̃ɔ ka tĩng Laa ɓɛɛ diki diki, zang ɓɔɔ dũng Laa niizang ɓɛɛ, zang ɓɔɔ shing danggn ka bii Laa ɓɛɛ, zang ɓɔɔ kasɛ zang katɔ ɓɛɛ, zang ɓɔɔ mã danggn dɔɔli ɓɛɛ, a ɓɔɔ zang ɓɔɔ pàlɛ́ zang tɔ̃ɔ ɓɛɛ.

2 Timoti 1:13

Yiti rúu ɓɔɔ niizang ɓɔɔ n tusu mɔɔ ɓɛɛ gbãng gbãng. Mɔɔ ti yaa danggn shinnang nɛɛ zang kasɛnang ɓɔɔ ɓi ɓɔɔ ɓuru, ɓɔɔ ruu ɓakɛ bii tɔ nɛɛ Yeesɔ Kirisi ɓɛɛ kpang.

2 Timoti 2:22

Yaa vuu ɓɔɔ bii jasang kasɛ ɓɛɛ, mɔɔ kãa ɓaa gbalang ɓɔɔ mɔɔ nwang tɔ̃ɔ ka tĩng Laa ɓɛɛ, mɔɔ shing danggn ka bii Laa. Mɔ́ɔ kasɛ ruu zang ɓɔɔ ri dũng dòo Laa kɔ ɓɛɛ. Mɔ́ɔ nwang ka nyaa zɔɔ nɛɛ ri. Palɛ vuu keɓe nɔng gbete nɛɛ zang ɓɔɔ ri dũng Laa nɛɛ yeti gbete ɓɛɛ.

Titu 2:2

Kɔɔ zang ɓɔɔ ri kpɛ̃ɛ tɔ, ri nwàng wu zang ɓɔɔ yeti ɓarɛ lasɛ pati kpang, ri nwáng zang ɓɔɔ zang a ri bannang katɔ, ri yiti yuu ɓarɛ waasɛ̃. Ri nwang zang ɓɔɔ ri shing danggn tɔ gbãng gbãng ɓɛɛ, ri kasɛ zang gbãng gbãng, a ri ti mã danggn gbãng gbãng.

1 Bituru 1:3

Ruu dɔɔ Laa ɓɔɔ wukɔ Laa nɛɛ Daa Kpanti ɓuru Yeesɔ Kirisi ɓɛɛ. Pàlɛ̀ ruu tɔ̃ɔ gbãng gbãng, ka ruu nɔngkɔ, shingnɛ ruu nwàng zang ɓɔɔ zang yi ruu shɔɔ tɔkn ɓɛɛ, nɛɛ tɔ̀ɔ, gn shinnang ɓuru wu shàarɛ̀ kaa takpang. Ruu walɛ vuu keɓe ka ɓɔɔ zang wisi Yeesɔ paa nɛɛ sàa ɓɛɛ.

1 Yɔhana 4:10

Zang kasɛnang nwàng ɓi hn. Wu rukɔ gaayu Laa kasɛnang kpang, Laa kɔ kasɛ ruu ɓuru jong, a shong Jaa ɓiɓɛ nɛɛ wu naa nwang kaa naa vuu vàa ɓɔɔ zang dɔ̀ɔ́ Laa, tɔ̀ɔ, Laa wu yaa ruu gbalang vuu shi kpang ɓuru kati ɓɛɛ.

Vuu ɓɔɔ zang nwangsɛ Yɔhana 22:21

N gaayi, Kpanti Yeesɔ wu pàlɛ̀ zang Laa piti tɔ̃ɔ. Nɔngkɔ.