1 Timoti 1:13 - Nyaa Shɔɔ Ɓɔɔ Laa a Ɓɛɛ

¹³ Ka tĩng, n rang yee shi kpang ka yuu ɓiɓɛ, n dang zang ɓiɓɛ jĩng, a n ti palɛ ri nɛɛ ɓangge, a zɔ̃ng m doo nɛɛ mani. A gn mɛɛ kɔng Laa, ka ruu ɓɔɔ bɛ̀ɛ́ n zi vuu ɓɔɔ n palɛ ɓɛɛ kpang. Bɛ̀ɛ́ n ti shing danggn gn kpang ɓɛɛ,

1 Timoti 1:13 ပူးပေါင်းရင်းမြစ်များ

Luka 12:47

“Zang ɓɔɔ nɛɛ zi vuu ɓɔɔ dabang gãa ɓiɓɛ kasɛ nɛɛ wu palɛ a palɛ kpang, zang naa nyɔ wu ditɔ zɛ̃ɛzɛ̃ɛ.

Luka 23:34

A Yeesɔ kɔɔyi nɛɛ, “Daa mɛɛ, yaa ri gbalang vuu keɓe katɔ, ka ruu ɓɔɔ, ri zi vuu ɓɔɔ ri palɛ kpang ɓee.” Ri sháa laa ka naa ɓɔɔ ri basɛ rɛɛ fɔ̃ɔrɔ ɓiɓɛ ɓɛɛ.

Zang Shonang Yeesɔ 22:4

N dang zang ɓɔɔ ri dũng gbalang keɓe jĩng, n nyɔ̀kɔ̀ ri ɓɔɔ vɔrɔ. N yiki zang varɛ nɛɛ zang soro n mã ri, n looro ri ka sãa.

Zang Shonang Yeesɔ 3:17

“Rɛɛ manzung, n zi tɔ, vuu ɓɔɔ nɔɔ nɛɛ rɛɛ zang bang manɛ, nɔɔ pálɛ́ Yeesɔ, wu nɛɛ gbã́a kpang.

Zang Shonang Yeesɔ 8:3

Shaawulu kãa ɓi gbalang ɓɔɔ nɛɛ wu ningsi zang ɓɔɔ ri dũng Laa ɓɛɛ, dɔ̃ɔ gbete. Dàarɛ́ ka gãa gãa, yiki zang varɛ nɛɛ zang soro, wu daa looro ri ka sãa.

Zang Shonang Yeesɔ 9:1

Bɛɛ gnvɔ yeti Shaawulu kà gň kpang, ka ɓɔɔ wu kasɛ nɛɛ wu nyɔkɔ rɛɛ zang ɓɔɔ ri mantɛ vuu ka bii Kpanti Yeesɔ vɔrɔ ɓɛɛ. Dàa ka bii kpanti zang ɓɔɔ ri dɔɔ vuu ka Gãa Laa ɓɛɛ,

Zang Shonang Yeesɔ 9:13

A Hananiya kasɛ nyaa tɔɔ, “Kpanti, zang dɔɔli ri kɔɔ m ruu tɔ ka yuu yɔɔ keɓe, ka ruu vuu shi kpang ɓɔɔ wu palɛ zang ɓaaɓɛ ka Urushalima ɓɛɛ.

Zang Shonang Yeesɔ 9:5

A Shaawulu hɛ̃ɛyi nɛɛ, “Mɔkɔ ɓu wiya, Kpanti?” A yee keɓe kɔɔ wu tɔɔ, “Nkɔ Yeesɔ, ɓɔɔ mɔɔ dang wu jĩng ɓɛɛ.”

1 Koranti 15:9

Ka teteng zang shonang Yeesɔ nandon, nkɔ waa nyaa knti tingkiring. N daa naa ɓɔɔ zang ɓaa m nɛɛ zang shonang Yeesɔ kpang, ka ruu ɓɔɔ, ka ting, n dang zang ɓɔɔ ri dũng Laa jĩng ɓɛɛ.

1 Koranti 7:25

N kɔɔ nɔɔ ruu, ka yuu zang ɓɔɔ ri gee soro gn kpang ɓɛɛ. Ɓi Laa a m nyaa dannang ka yuu ruu keɓe kpang. N kɔ̀ɔ́ nɔɔ m ɓɔɔ yeti mɛɛ. Nɔɔ ɓaa shoo waasɛ̃, ka ruu ɓɔɔ, Kpanti Yeesɔ Kirisi pàlɛ̀ m tɔ̃ɔ, tɔ̀ɔ, n nwang zang ɓɔɔ daa naa ɓɔɔ zang shing gn ka wu katɔ ɓɛɛ.

Galati 1:13

Zang kɔɔ nɔɔ naa ɓɔɔ n nwáng ka tĩng bɛ̀ɛ́ n dũng doo gbalang zang Yahudi nɛɛ yeti gbete ɓɛɛ tɔ. Naa ɓɔɔ n dang zang ɓɔɔ ri dũng gbalang Kirisi jĩng, gn ɓarɛ kɔng m kpang ɓɛɛ tɔ. N pálɛ́ vuu ɓɔɔ n zũnung katɔ nandon, n tɔɔ n ningsi ri dɔ̃ɔ gbete.

Filipi 3:6

Ɓeleng n tusu zang naa ɓɔɔ n palɛ vuu zang Yahudi nɛɛ kaka bii mɛɛ nandon ɓɛɛ. Ka ɓɔɔ n dang zang ɓɔɔ ri dũng Yeesɔ Kirisi jĩng. N ta nyaa dannang zang Yahudi ɓɔɔ shing zang, zang nwang zang tɔ̃ɔ ka tĩng Laa wu gbete kpang. Ka ruu nɔngkɔ, zang ɓɔɔ tɔɔ kpang nɛɛ n palɛ vuu shi kpang tɔ kpang.

1 Timoti 1:16

Ka ruu ruu keɓe kɔ, gn mɛɛ kɔng Laa, nɛɛ tɔ̀ɔ, Yeesɔ Kirisi wu túsú naa ɓɔɔ wu mã danggn nɛɛ n gbãng gbãng, wu tà yuu mɛɛ ɓɛɛ. Ɓɔɔ nkɔ pálɛ̀ vuu shi kpang n ɓa zang piti ɓɛɛ. Tɔ̀ɔ, zang piti ɓɔɔ ri naa shing danggn ka bii ɓiɓɛ, ri zi kati, ri walɛ suru bii ɓɔɔ waa nyaa kpang kati.

Yahudi 4:16

Ka ruu nɔngkɔ, rúu a ka bii Laa, ruu yaa gn naa kpang. Laa ɓɔɔ palɛ zang tɔ̃ɔ waati ɓɛɛ. Tɔ̀ɔ, gn ɓuru wu kɔng wu, wu ti palɛ ruu tɔ̃ɔ ɓɔɔ yi ruu naa ka bii, ka diki ɓɔɔ ruu kasɛ nɛɛ wu yi ruu naa ka bii ɓɛɛ.

1 Bituru 2:10

Ɓeleng nɔɔ manɛ zang Laa kpang. Kãntang keɓe nɔɔ raa zang Laa tɔ. Ɓeleng nɔɔ zi gn zang ɓɔɔ kɔng Laa ɓɛɛ kpang, kãntang keɓe gn manɛ kɔng wu kaa tɔ.