1 Tesalonika 5:6 - Nyaa Shɔɔ Ɓɔɔ Laa a Ɓɛɛ

⁶ Ka ruu nɔngkɔ, ruu gãng nɔɔ jĩng, rúu nwàng naa zang ɓɔɔ kpang. Ruu nwang nɔɔ ningkãari, ruu yiti yuu ɓuru waasɛ̃.

1 Tesalonika 5:6 ပူးပေါင်းရင်းမြစ်များ

Matiyu 13:25

A zang ɓɔɔ shing jĩng nɛɛ wu kpang, naa arɛ ɓaa zee lɔɔwɔ ka yeti jaa ɓiɓɛ, bɛ̀ɛ́ zang rooro katɔ, a daa kati.

Matiyu 24:42

“Ka ruu nɔngkɔ, nɔɔ gãng jĩng kagn, ka ruu ɓɔɔ, nɔɔ zi diki ɓɔɔ Kpanti manɛ a kagn kpang ɓɛɛ.

Matiyu 25:13

A Yeesɔ hangsɛ nyaa tɔɔ, “Nɔɔ shing danggn kagn, ka ruu ɓɔɔ nɔɔ zi diki nɛɛ laa ɓɔɔ n gbãayu kpang ɓɛɛ.”

Matiyu 25:5

“Ri daa nwang tɔ, a sinyɛ ɓeevɛ a pati kpang, a hingro naa yiki ri.

Matiyu 26:38

Yeesɔ kɔɔ ri tɔɔ, “Bii soo m tɔ nung vɔrɔ gbete. Nɔɔ nwang ka nihn, nɔ́ɔ gãng jĩng nɛɛ n ning.”

Maraku 13:37

Vuu kɔ n kɔɔ ɓee, n kɔɔ zang piti. Nɔɔ shing jĩng kagn tɔ̃ɔ.”

Luka 12:37

Tĩnang tãanang ɓi ɓɔɔ zang shonang ɓɔɔ dabang ɓarɛ arɛ naa ĩi ri ningkãari ɓɛɛ. N kɔ̀ɔ́ nɔɔ ruu ɓɔɔ niizang kɔ nwani, wukɔ naa tu fɔ̃ɔrɔ ɓiɓɛ jong, wu shing ri, ri nwang ka nɔng vuu shaanang, wu a ri vuu shaanang ri shaayi.

Luka 12:39

Zi karɛ, naa zang gãa nɛ̀ɛ́ zi laa ɓɔɔ shɔngɓɔ a ɓɛɛ katɔ, nɛ̀ɛ́ yaa gãa ɓiɓɛ shɔngɓɔ wu shɛ̃ɛ kpang.

Luka 21:36

Nɔɔ gãng jĩng kagn, nɔɔ gaa Laa diki diki, tɔ̀ɔ, nɔɔ walɛ kaka ɓɔɔ nɔɔ mã danggn jĩng dannang ɓɔɔ a ɓɛɛ. Tɔ̀ɔ, nɔɔ naa shii ka tĩng mɛɛ, ɓɔɔ n Jaa Shɔnzang ɓɛɛ.”

Luka 22:46

Hɛ̃ɛ ri nɛɛ, ‘Nɔɔ roo ka ruu viya? Nɔɔ yupaa, nɔɔ gàa Laa, ka ruu ɓɔɔ, zang nɛɛ gãsɛ nɔɔ ɓɛɛ.’ ”

Zang Shonang Yeesɔ 20:31

Nɔɔ gãng jĩng kagn, danggn wu ning nɔɔ naa ɓɔɔ ka saa taati, n yaa ɓɔɔ n mangkɛ zang ɓu kpang. N mangkɛ nɔɔ nɛɛ zĩi nɛɛ laagɛ̃ piti, nɛɛ miiri ka jĩng mɛɛ ɓɛɛ.

1 Koranti 15:34

Nɔɔ yaa vuu shoko manɛ ta, a nɔɔ ti yaa vuu shi kpang ɓɔɔ nɔɔ palɛ ɓɛɛ. N kɔɔ nɔngkɔ, tɔ̀ɔ, yusɛ̃ɛ wu tuu nɔɔ. Ka ruu ɓɔɔ, zang ɓɔɔ ka teteng manɛ ri zi Laa kpang ɓɛɛ.

1 Koranti 16:13

Nɔɔ gãng jĩng waasɛ̃. Nɔɔ shii nɛɛ kaka ka danggn ɓɔɔ nɔɔ shing ɓɛɛ. Nɔ́ɔ yaa gn naa kpang, nɔɔ lakɛ yuu kagn.

Afisa 2:3

Niizang bɛ̀ɛ́ ɓeleng ruu nandon naa rikɔ, ruu nwáng nwannang ɓuru ka doo vuu ɓɔɔ bii shɔnzang ɓuru kasɛ ɓɛɛ. A ruu palɛ vuu piti dàa naa vuu ɓɔɔ bii ɓuru kasɛ, a rɛ̃rɛnang ɓuru ti kasɛ ɓɛɛ. A gnvɔ ti shaa Laa dɔɔli, ka ruu ɓuru nɛɛ zang piti ɓɔɔ ri palɛ rɛɛ vuu keɓe ɓɛɛ.

Afisa 5:14

Ka ruu ɓɔɔ, vuu ɓɔɔ zang zi katɔ piti, nwang ɓi naa nɔng yakɛnang ɓɛɛ. Ka ruu nɔngkɔ, zang kɔɔyi nɛɛ, “Hingsi jĩng, zang ɓɔɔ roo katɔ ɓɛɛ, a mɔɔ yupaa ka vɔrɔ, Kirisi wu yakɛ nɔng ka yuu ɓaaɓɛ.”

Afisa 6:18

Nɔɔ gaa Laa diki diki naa ɓɔɔ Suru Laa tusu nɔɔ ɓɛɛ. Nɔɔ gaa wu ka yuu vuu ɓɔɔ nɔɔ kasɛ ɓɛɛ nandon. Nɔɔ palɛ vuu keɓe nɔngkɔ, nɔ́ɔ lee kpang. Nɔ́ɔ ti gaa Laa diki diki ka ruu zang Laa nandon.

Filipi 4:5

Nɔɔ yaa nwannang manɛ ɓɔɔ nɔɔ yi tĩng ka vuu ɓɔɔ ɓi ɓɔɔ manɛ ɓɛɛ kpang, wu nwang vuu ɓɔɔ zang piti ri zi ɓɛɛ kati. Kpanti Kirisi yaa kaa tɔkɔlɔng a kaa tɔ.

Kolosi 4:2

Nɔɔ gaa Laa diki diki, nɔɔ gãng jĩng waasɛ̃, nɔɔ ti zãa wu.

1 Tesalonika 4:13

Rɛɛ manzung ɓuru, ruu kasɛ nɛɛ nɔɔ zi vuu ɓɔɔ niizang ka yuu zang ɓɔɔ ri vɔlɔ tɔ ɓɛɛ. Tɔ̀ɔ, nɔɔ lasɛ yeti kaa tɔ̀ɔ́ sasak naa zang ɓɔɔ ri shing gn ka bii Laa kpang ɓɛɛ, ri lasɛ yeti ɓɛɛ kpang.

1 Tesalonika 5:10

Yeesɔ vɔ ka ruu ɓuru nɛɛ tɔ̀ɔ, ruu nwang kaa nɔng gbete nɛɛ wu, naa ruu doo ningkãari, kɔ́ ruu vɔlɔ katɔ, ka diki ɓɔɔ wu a kagn ɓɛɛ.

1 Tesalonika 5:8

A ruu ɓuru zang nɔng laagɛ̃, rúu yiti yuu ɓuru waasɛ̃. Danggn ɓɔɔ ruu shing ka bii Laa nɛɛ kasɛnang ɓɔɔ ruu kasɛ zɔɔ, wu nwàng ruu naa kãati. Gn ɓɔɔ ruu shingnɛ nɛɛ Laa naa ta yuu ɓuru ditɔ dɔ̃ɔ gbete, wu nwang ruu naa wàálaa ka yuu ɓuru.

1 Timoti 2:15

A zang soro naa ta yuu ɓiɓɛ ɓi kaa jaa ɓɔɔ wu yi ɓɛɛ. Nɛɛ yaa danggn ɓɔɔ wu shing ka bii Yeesɔ kpang, nɛɛ ti kasɛ ruu zang katɔ, nɛɛ ti palɛ shi kpang, kpang, nɛɛ ti yiti yuu ɓiɓɛ waasɛ̃ ɓɛɛ.

1 Timoti 2:9

N kasɛ zang soro ri hãa fɔ̃ɔrɔ ɓɔɔ waasɛ̃ ɓɛɛ, ka ruu yusɛ̃ɛ, tɔ̀ɔ, ri yiti yuu ɓarɛ kaa tɔ̃ɔ. Ri gbárɛ̀ bii wu nɛɛ yuu ɓɔɔ ri ti ka zɔ̃ng zɔ̃ng ɓɛɛ kpang. Wu ti nɛɛ laa shoo, nɛɛ vuu turu ɓɔɔ zang palɛ nɛɛ zinariya ɓɛɛ kpang. Wu ti nɛɛ fɔ̃ɔrɔ ɓɔɔ shaa nyaa dɔɔli ɓɛɛ kpang.

1 Timoti 3:11

Zang soro ɓarɛ ri nwang nwannang ɓɔɔ tɔ̃ɔ ɓɛɛ. Ri ràng zang kpang. Ri nwàng wu zang ɓɔɔ yeti ɓarɛ lasɛ pati kpang. Ri nwang zang ɓɔɔ zang shing gn katɔ ka bii ɓarɛ ɓɛɛ.

1 Timoti 3:2

Zang bang zang ɓɔɔ ri dũng Laa, wu nwang ɓi zang ɓɔɔ shi kpang kagn bii ɓiɓɛ kpang ɓɛɛ, wu gee soro gbete kɔ nwani. Wu zang ɓɔɔ yeti ɓiɓɛ lasɛ pati kpang, zang ɓɔɔ yiti yuu ɓiɓɛ waasɛ̃ ɓɛɛ. Zang ɓɔɔ zang seng wu katɔ ɓɛɛ. Zang ɓɔɔ ta zang zanti ka gãa ɓiɓɛ waasɛ̃ ɓɛɛ, ti zunung naa ɓɔɔ wu tusu zang vuu katɔ.

2 Timoti 4:5

Ɓɔɔ ɓaaɓɛ, yiti yuu ɓaaɓɛ waasɛ̃ diki diki, mɔɔ nɛɛ dang jĩng, mã danggn, palɛ ɓaa shonang ɓɔɔ mɔɔ zang ɓɔɔ kɔɔrɔ zang Ruu Tɔ̃ɔ Laa mɔɔ nɛ̀ɛ́ pálɛ̀ ɓɛɛ. Pálɛ́ shonang ɓaaɓɛ nandon naa zang shonang Laa.

Titu 2:12

Tɔ̃ɔ ɓiɓɛ keɓe, kɔ tusu ruu, ruu yaa nwannang ta naa zang ɓɔɔ ri zi Laa kpang ɓɛɛ, nɛɛ naa zang ɓɔɔ ri kasɛ ruu vuu koo ɓɛɛ. Ruu nwangnɛ, ruu yiti yuu ɓuru katɔ, ruu nwang nwannang ɓɔɔ tɔ̃ɔ ɓɛɛ, ruu dũng Laa ka nwannang ɓuru ka koo keɓe.

Titu 2:6

Kɔɔ jasang doo nɔngkɔ, nɛɛ ri yiti yuu ɓarɛ katɔ.

1 Bituru 1:13

Ka ruu nɔngkɔ, nɔɔ yiti yuu manɛ waasɛ̃ nɔɔ kpalɛ bii tɔ̃ɔ. Nɔɔ ti shing manɛ gn dɔ̃ɔ gbete ka vuu ɓɔɔ Laa naa a nɔɔ ɓɛɛ, ka diki ɓɔɔ Yeesɔ Kirisi naa nwang nyaa ɓɛɛ.

1 Bituru 4:7

Diki ɓɔɔ koo keɓe waa nyaa kagn, a naabm tɔ, ka ruu nɔngkɔ, nɔɔ yiti yuu manɛ waasɛ̃, nɔ́ɔ shii tɔ̃ɔ, tɔ̀ɔ, nɔ́ɔ gaa Laa kati.

1 Bituru 5:8

Nɔɔ yiti yuu manɛ waasɛ̃ nɔɔ ti gãng jĩng waasɛ̃, sheetang zang ɓɔɔ shing jĩng nɛɛ nɔɔ kpang kaɓa rakɛ nɛɛ nɔng piti piti. Nwang ɓi zing ɓɔɔ shaa varɛ ɓɛɛ, kãa vuu ɓɔɔ wu shaa ɓɛɛ.

Vuu ɓɔɔ zang nwangsɛ Yɔhana 16:15

A Yeesɔ kɔɔyi tɔɔ, “N naa a naa shɔngɓɔ. Tĩnang tãanang ɓi zang ɓɔɔ nwang doo paa, gãng jĩng, hãa fɔ̃ɔrɔ ɓiɓɛ ka bii ɓɛɛ. Ka ruu ɓɔɔ nɛɛ yaa bii bɔ̃bɔ̃rɔ, yusɛ̃ɛ nɛɛ tuu wu ɓɛɛ.”

Vuu ɓɔɔ zang nwangsɛ Yɔhana 3:2

Nɔɔ yupaa, nɔɔ tá bii kagn, nɔɔ yì suru bii ɓɔɔ yaa doogn tɔkɔlɔng ɓɛɛ naa kagn, tɔ̀ɔ, nɔɔ vɔ kaa tɔ̀ɔ́ dɔ̃ɔ gbete kpang. N zirɛ shonang manɛ daa gň teetee ka tĩng Laa mɛɛ kpang.