1 Tesalonika 5:5 - Nyaa Shɔɔ Ɓɔɔ Laa a Ɓɛɛ

⁵ Nɔɔ nandon, nɔɔ manɛ zang nɔng ɓɔɔ yakɛ katɔ ɓɛɛ, nɔɔ manɛ zang nɔng laagɛ̃. Ruu nandon, ruu nwang ɓuru naa zang nɔng zĩi nɛɛ nɔng ɓɔɔ tɔ̀ɔ katɔ ɓɛɛ kpang.

1 Tesalonika 5:5 ပူးပေါင်းရင်းမြစ်များ

Luka 16:8

“A yɔɔ gãa dɔɔ zang shonang ɓiɓɛ ɓɔɔ palɛ vuu tɔ̃ɔ kpang keɓe, ka ruu zũnang ɓiɓɛ. Zũnang zang ɓɔɔ ri shing danggn ka vuu koo keɓe, ɓa ɓɔ̀ɔ́ zang ɓɔɔ ri shing danggn ka vuu Laa katɔ. Ka ruu ɓɔɔ, ri zunung naa ɓɔɔ ri sɔɔ nɛɛ zang ɓɔɔ doo naa rikɔ katɔ ɓɛɛ.”

Yɔhana 12:36

Wee nɔng yakɛnang doo nɛɛ nɔɔ ɓee, nɔɔ shing danggn ka wu, tɔɔ nɔɔ yakɛ zang nɔng kati.” Yeesɔ kɔɔ vuu keɓe tɔ, a daayi. Waasɛ yuu ɓiɓɛ, zang ri zi wu kaa takpang.

Zang Shonang Yeesɔ 26:18

Mɔ́ɔ pùu ri jĩng, ri yaa nɔng ɓɔɔ tɔ̀ɔ katɔ, ri a ka nɔng ɓɔɔ yakɛ katɔ ɓɛɛ. Ri ti yaa nɔng ɓɔɔ sheetang roo kpanti kagn, ri a ka bii Laa. Tɔ̀ɔ, ka ruu danggn ɓɔɔ ri shing ka bii mɛɛ, Laa wu kɔsɔ ri vuu shi kpang ɓarɛ kati. Wu ti a ri nɔng nwannang jong ka teteng zang ɓɔɔ wu zɔ̃ngkɔ ri katɔ ɓɛɛ.’

Afisa 5:8

Ɓeleng bɛ̀ɛ́ nɔɔ nwang ka nɔng ɓɔɔ tɔ̀ɔ katɔ ɓɛɛ, a wee nɔɔ raa zang Kpanti Yeesɔ tɔ ɓee, nɔɔ manɛ kaa nɔng ɓɔɔ yakɛ katɔ ɓɛɛ. Ka ruu nɔngkɔ, nɔɔ nwang nwannang manɛ kaa naa zang ɓɔɔ ri ɓarɛ kaa zang nɔng ɓɔɔ yakɛ katɔ ɓɛɛ.

1 Tesalonika 5:8

A ruu ɓuru zang nɔng laagɛ̃, rúu yiti yuu ɓuru waasɛ̃. Danggn ɓɔɔ ruu shing ka bii Laa nɛɛ kasɛnang ɓɔɔ ruu kasɛ zɔɔ, wu nwàng ruu naa kãati. Gn ɓɔɔ ruu shingnɛ nɛɛ Laa naa ta yuu ɓuru ditɔ dɔ̃ɔ gbete, wu nwang ruu naa wàálaa ka yuu ɓuru.

1 Yɔhana 2:8

Nyaa dannang kɔ n bèé nɔɔ ɓee, ɓi kaa shɔɔ, ka ruu ɓɔɔ nwannang Yeesɔ Kirisi nɛɛ ɓɔɔ manɛ kɔ tùsù ruu nɛɛ vuu ɓɔɔ Laa kɔɔyi ɓi niizang kɔ nwani ɓɛɛ. Nɔng tɔɔnang koo keɓe ɓa kana, kaa nɔng yakɛnang ɓɔɔ niizang yakɛ nɔng.