1 Tesalonika 5:23 - Nyaa Shɔɔ Ɓɔɔ Laa a Ɓɛɛ

²³ Laa ɓɔɔ shing zang, zang ri nwang ka nyaa zɔɔ, wu palɛ nɔɔ, nɔɔ nwang zang tɔ̃ɔ dɔ̃ɔ gbete. Wu shingnɛ zang ɓɔɔ wu tɔɔ kpang nɛɛ nɔɔ palɛ vuu shi kpang tɔ kpang, ka diki ɓɔɔ Kpanti Yeesɔ Kirisi a kagn ɓɛɛ.

1 Tesalonika 5:23 ပူးပေါင်းရင်းမြစ်များ

Luka 1:46

A Marayamu kɔɔyi tɔɔ, “N dɔɔ Kpanti Laa kana yeti mɛɛ.

Yɔhana 17:19

N a mɔɔ yuu mɛɛ, ka ruu ɓarɛ kɔ, tɔɔ ri a mɔɔ yuu ɓarɛ kaa jong niizang.”

Zang Shonang Yeesɔ 20:32

“N yaa nɔɔ tɔ, ka naa Laa nɛɛ yee ɓiɓɛ. Yee ɓiɓɛ ɓɔɔ zunung ɓɔɔ wu yiti nɔɔ, nɔ́ɔ bangnɛ wu ti a nɔɔ tĩnang tãanang ɓɔɔ wu shing zang ɓɔɔ wu shɛ̃ɛrɛ ri katɔ ɓɛɛ.

Zang Shonang Yeesɔ 26:18

Mɔ́ɔ pùu ri jĩng, ri yaa nɔng ɓɔɔ tɔ̀ɔ katɔ, ri a ka nɔng ɓɔɔ yakɛ katɔ ɓɛɛ. Ri ti yaa nɔng ɓɔɔ sheetang roo kpanti kagn, ri a ka bii Laa. Tɔ̀ɔ, ka ruu danggn ɓɔɔ ri shing ka bii mɛɛ, Laa wu kɔsɔ ri vuu shi kpang ɓarɛ kati. Wu ti a ri nɔng nwannang jong ka teteng zang ɓɔɔ wu zɔ̃ngkɔ ri katɔ ɓɛɛ.’

Rooma 15:13

Laa ɓɔɔ wukɔ shingnɛ nɔɔ shing gn ɓɛɛ, wu shingnɛ nɔɔ tãa tĩnang gbãng gbãng ka yeti manɛ, yeti manɛ wu ti valɛ. Tɔ̀ɔ, Suru Laa wu a nɔɔ naa, nɔɔ shing gn kaa gbãng gbãng.

Rooma 15:33

Laa ɓɔɔ wukɔ shingnɛ ruu nwàng ka nyaa zɔɔ, wu nwang nɛɛ nɔɔ nandon. Nɔngkɔ.

Rooma 15:5

Laa ɓɔɔ wukɔ shing nɔɔ, nɔɔ mã danggn, nɔɔ ti yi tĩng ka vuu ɓɔɔ nɔɔ shing gn palɛnang ɓɛɛ, wu shingnɛ nɔ́ɔ nwang ka nyaa zɔɔ. Nɔ́ɔ pálɛ́ shonang ɓɔɔ Yeesɔ Kirisi pálɛ́ ɓɛɛ.

Rooma 16:20

Laa ɓɔɔ shing ruu, ruu nwang ka nyaa zɔɔ naa lasɛ naa vuu palɛnang Sheetang ditɔ, wu shingnɛ nɔ́ɔ náa Sheetang kaa nɛɛ doo. N gaayi Kpanti ɓuru Yeesɔ Kirisi wu palɛ nɔɔ tɔ̃ɔ.

1 Koranti 1:2

Ruu bèé zang ɓɔɔ ri dũng Laa, ɓɔɔ ri ka Koranti ɓɔɔ nɔɔ shing danggn tɔ ka bii Yeesɔ Kirisi ɓɛɛ. Laa zɔ̃ngkɔ nɔɔ nɛɛ nɔ́ɔ nwang zang ɓiɓɛ nɛɛ tɔɔ, nɔ́ɔ arɛ nɔ́ɔ nwang naa zang piti ɓɔɔ ri a nɛɛ dalɛ koo piti ɓɔɔ ri ɓaarɛ nung Kpanti ɓuru Yeesɔ Kirisi, ɓɔɔ wukɔ Kpanti ɓuru nɛɛ ri ɓɛɛ.

1 Koranti 1:30

Nɔɔ ɓákɛ̀ zɔɔ nɛɛ Yeesɔ Kirisi, ka Ruu Laa kɔ gbete. Ti doo Laa kɔ shingnɛ Yeesɔ Kirisi a ruu zũnang ɓɔɔ niizang ɓɛɛ. Ti ka ruu Yeesɔ Kirisi kɔ, Laa zí ruu naa zang ɓiɓɛ ɓɔɔ ri tɔ̃ɔ ɓɛɛ. A ti tá yuu ɓuru tɔ ka vuu shi kpang nandon, risi ruu, ruu nwang zang ɓiɓɛ.

1 Koranti 14:33

Ka ruu ɓɔɔ, Laa tã̀a tĩnang nyaa ɓɔɔ ruu haa kpang ɓɛɛ. Naa ruu nwang ka nyaa zɔɔ, Laa tãa tĩnang wukɔ jong. Ka Gãa Laa ɓɔɔ zang ɓɔɔ ri dũng Laa kagn nandon.

2 Koranti 5:19

Vuu ɓɔɔ n kɔɔ keɓe, Laa kãa gbalang ɓɔɔ wu rìsí zang koo piti, ri nwang rɛɛ wusang ɓiɓɛ nɛɛ bii Yeesɔ Kirisi. Yaa ri gbalang vuu shi kpang ɓɔɔ ri palɛ ɓɛɛ, yiti ka yeti ɓiɓɛ kpang. A ti a ruu shonang keɓe tɔ nɛɛ, ruu kɔɔ zang, nɛɛ wu kasɛ wu rìsí zang piti, ri nwang wusang ɓiɓɛ.

Filipi 1:10

Tɔ̀ɔ, nɔ́ɔ zunung ɓɔɔ nɔɔ zɔ̃ng vuu ɓɔɔ wukɔ tɔ̃ɔ ɓa Vuu piti ɓɛɛ kati. Vuu keɓe kɔ ri shingnɛ ka diki ɓɔɔ Yeesɔ Kirisi naa jɛ̃ɛ zang ruu kagn, nɔɔ nwáng manɛ zang ɓɔɔ yeti ɓarɛ tɔ̃ɔ ɓɛɛ. Zang ɓɔɔ zang naa tɔɔ kpang nɛɛ ri palɛ vuu shi kpang tɔ kpang ɓɛɛ.

Filipi 1:6

N yaa gn naa kpang, Laa ɓɔɔ gaayu shonang tɔ̃ɔ kaɓa ka yeti manɛ, naa hangsɛ shonang keɓe ditɔ ka diki ɓɔɔ Yeesɔ Kirisi naa jɛ̃ɛ zang ruu ɓɛɛ.

Filipi 4:9

Vuu ɓɔɔ nɔɔ kpɛ̃ɛrɛ, kɔ́ nɔɔ tarɛ ka bii mɛɛ, kɔ́ nɔɔ nɛɛ tãa ka nyaa mɛɛ, kɔ́ ɓɔɔ nɔɔ zi ka nwannang mɛɛ ɓɛɛ, nɔɔ palɛ wukɔ. Laa ɓɔɔ shingnɛ yeti zang wu valɛ ɓɛɛ, naa nwang ditɔ nɛɛ nɔɔ.

Kolosi 1:22

A kãntang keɓe, ka ruu vɔrɔ Jaa ɓiɓɛ, nɔɔ raa wusang Laa tɔ, nɛɛ tɔ̀ɔ, wu atɛ nɔɔ kaa tĩng ɓiɓɛ, nɔɔ kaa zang ɓiɓɛ ɓɔɔ shi kpang ka bii manɛ kpang ɓɛɛ.

1 Tesalonika 2:19

Ruu kasɛ nɛɛ ruu naa leng nɔɔ, ka ruu ɓɔɔ, nɔkɔ zang ɓɔɔ ruu shing gn ka bii ɓarɛ ɓɛɛ. Ka ruu ɓɔɔ, ka diki ɓɔɔ kpanti ɓuru Yeesɔ Kirisi a tɔkn, nɔkɔ shing ruu, rùu rangkɛ yee bang bang ka yuu ɓuru, ruu ti tãa tĩnang ka tĩng ɓiɓɛ ɓɛɛ.

1 Tesalonika 3:11

Laa ɓɔɔ wukɔ daa ɓuru nɛɛ Kpanti ɓuru Yeesɔ ri shĩili ruu gbalang ɓɔɔ ruu a ka bii manɛ ɓɛɛ.

1 Tesalonika 3:13

Laa wu shingnɛ nɔɔ shii gbãng gbãng, tɔ̀ɔ, zang ɓɔɔ wu tɔɔ kaa takpang nɛɛ nɔɔ palɛ vuu shi kpang tɔ kpang, ka tĩng Laa ɓɔɔ wukɔ Daa ɓuru ɓɛɛ, ka diki ɓɔɔ Kpanti ɓuru Yeesɔ naa a nɛɛ zang ɓiɓɛ ɓɛɛ.

1 Tesalonika 4:3

Laa kasɛ nɛɛ nɔɔ nwang zang ɓɔɔ shi kpang ka bii ɓarɛ kpang. Nɛɛ nɔɔ ti yaa dũndũng palɛnang dɔ̃ɔ gbete.

1 Tesalonika 5:22

Ruu manɛ wu hãa kagn nɛɛ vuu shi kpang palɛnang kpang tingkiring.

2 Tesalonika 3:16

Ruu gaa Laa ɓɔɔ wukɔ shing yeti ɓuru wu valɛ ɓɛɛ, wu shingnɛ yeti manɛ wu valɛ katɔ diki diki, naa ka gbalang kiya piti. Kpanti ɓuru wu nwang nɛɛ nɔɔ nandon.

Yahudi 13:20

N gaa Laa ɓɔɔ shingnɛ, zang nwáng ka nyaa zɔɔ, ɓɔɔ wisi Kpanti ɓuru Yeesɔ paa tɔkn nɛɛ sàa ɓɛɛ. Yeesɔ ɓɔɔ wukɔ kpanti jagãng mɛ̀ɛrɛ́ ɓɛɛ, ka ruu zĩi ɓiɓɛ ɓɔɔ Laa mã nyaa ɓɔɔ gbinggbing nɛɛ mani ɓɛɛ.

Yahudi 2:11

Zang ɓɔɔ shingnɛ zang nwang zang tɔ̃ɔ, nɛɛ zang ɓɔɔ zang shing ri, ri nwàng zang tɔ̃ɔ piti, Daa ɓarɛ gbete. Ka ruu nɔngkɔ, yusɛ̃ɛ tuu Yeesɔ ka ɓɔɔ wu ɓaa ri nɛɛ rɛɛ ɓeezung ɓɛɛ kpang.

Yahudi 4:12

Ruu Laa palɛ shonang katɔ. Wɔng nyaa ɓa yere bang ɓɔɔ nyaa ziti katɔ. Basɛ suru bii katɔ nɛɛ suru. Wu ti basɛ rɛɛ gboko nɛɛ sɛ̃ɛting kaka. Ti dɔng ruu katɔ ka yuu vuu ɓɔɔ zang rɛ̃rɛ nɛɛ vuu ɓɔɔ zang mang ka yeti ɓɛɛ.

Yakubu 1:4

Nɔɔ mã danggn nɔngkɔ sasak. Tɔ̀ɔ, nɔ́ɔ nwang kaa naa ɓɔɔ Laa kasɛ nɛɛ nɔɔ nwang ɓɛɛ, vuu tɔ̃ɔ ɓɔɔ yaa kagn ka nwannang manɛ kpang.

1 Bituru 1:2

Nɔɔ manɛ zang ɓɔɔ Daa ɓuru Laa zi vuu ɓɔɔ nɛɛ wu palɛ nɛɛ nɔɔ tɔ, doo ka tĩng tɛ̃ɛ tɛ̃ɛ ɓɛɛ. Laa shɛ̃ɛrɛ nɔɔ nɛɛ naa vuu palɛnang Suru ɓiɓɛ, nɛɛ nɔ́ɔ nwang zang ɓiɓɛ, nɔ́ɔ ɓaa shoo ka nyaa Yeesɔ Kirisi. Zĩi Yeesɔ keɓe wu sɔ̀ɔ nɔɔ, nɔ́ɔ nwang zang tɔ̃ɔ ka tĩng Laa. Laa wu gisi nɔɔ tĩnang tãanang, wu ti shingnɛ yeti manɛ wu valɛ katɔ diki diki.

1 Bituru 5:10

Nɔɔ nɛɛ dang jĩng tɔ nɔngkɔ tɔkɔlɔng, Laa ɓɔɔ tɔ̃ɔ piti a nɛɛ bii ɓiɓɛ kɔ, ɓɔɔ wukɔ ɓaa nɔɔ nyaa nɛɛ nɔ́ɔ naa nwang nɛɛ Yeesɔ, ka nɔng bannang ɓiɓɛ dòndòng ɓɛɛ. Laa kɔ nɛɛ yuu ɓiɓɛ naa gbarɛ nɔɔ tɔkn, wu ti naa shingnɛ nɔɔ shii nɛɛ kaka ka yeti vuu piti.

2 Bituru 3:14

Ka ruu nɔngkɔ, masang ɓɔɔ n kasɛ ruu manɛ dɔɔli ɓɛɛ, n kɔɔ nɔɔ ka wee nɔɔ gã diki ɓɔɔ Yeesɔ a tɔkn ɓee, nɔɔ shing yuu manɛ, nɔ́ɔ nwang nwannang tɔ̃ɔ, tɔ̀ɔ Laa wu kɔɔ kpang nɛɛ, nɔɔ palɛ vuu shi kpang, kpang. Nɔɔ nwang kaa nyaa zɔɔ nɛɛ wu.

Yahuza 1:1

Labeenang keɓe nɛɛ bii mɛɛ Yahuza, zang shonang Yeesɔ Kirisi, ɓɔɔ ti jaa nàá Yakub ɓɛɛ. N bèé zang ɓɔɔ Laa ɓaa ri nyaa ɓɛɛ. Ɓɔɔ Laa ɓɔɔ wukɔ Daa, kasɛ ri katɔ, a Yeesɔ Kirisi ti gãng jĩng ka ri ɓɛɛ.

Yahuza 1:24

Zang wu a Laa bannang. Laa ɓɔɔ zunung ɓɔɔ wu yiti nɔɔ, nɔɔ yaa gbalang ɓiɓɛ kpang ɓɛɛ. Wu atɛ nɔɔ ka tĩng ɓiɓɛ, shi kpang kagn ka bii manɛ kpang, a nɔɔ ti tãa tĩnang ɓɛɛ.